Morgunblaðið - 21.12.2002, Page 69

FRÉTTIR
MORGUNBLAÐIÐ LAUGARDAGUR 21. DESEMBER 2002 69
Sólstöðuhátíð á Austurvelli. Í dag
laugardaginn 21. desember og hefst
kl. 17.00 og stendur fram eftir kvöldi.
Yfirskrift hátíðarinnar er „Fólk og
fjöll“ – óður til öræfanna. Rithöf-
undar, tónlistarmenn, fræðimenn,
leikarar, ljósmyndarar, myndlist-
armenn og fleiri leggja dagskránni
lið. Ljósmyndir af náttúruperlum
hálendisins munu lýsa upp Aust-
urvöll og sömuleiðis prýða valda
verslunarglugga við Laugaveginn.
Stutt ávörp flytja rithöfundarnir
Pétur Gunnarsson, Andri Snær
Magnason og Elísabet Jökulsdóttir
og Ásdís Thoroddsen, kvikmynda-
gerðarmaður, Guðjón Jensson leið-
sögumaður, Ólafur S. Andrésson, líf-
efnafræðingur og séra Bjarni
Karlsson.
Milli ávarpa verða hljómsveitarupp-
ákomur, söngur og rapp, stuðvekja
Hjálmars Hjálmarssonar, saxófón-
leikur Jóels Pálssonar, og frumflutn-
ingur á landslagstónverki eftir
Guðna Franzson. Blíðfinnur kemur í
heimsókn. Trúður leikur listir sínar
og hin eina og sanna grýla mun
kynna atriðin að sínum hætti. Hljóm-
sveitirnar Barduhka, 5. herdeidlin,
Hr. Muzak, Rottveilerhundar, Bæj-
arins bestu, Hafdís Bjarnadóttir og
vinir, Jólabörnin Magga Stína og
Hörður, Megas og Súkkat taka lagið.
Sýnd verða myndbönd eftir Sig-
urrós, Björk og Gjörningaklúbbinn.
Myndlistarmenn tjalda á Aust-
urvelli, elsta tjaldstæði borgarinnar
og Listaháskólanemar sýna hvað í
þeim býr.
KK og Eldbandið koma fram á lóð-
inni nr. 40 við Laugaveg í tengslum
við forvarnasýningu SHS þar síð-
degis í dag. Slökkviliðsmenn munu
auk þess selja reykskynjara á staðn-
um og ráðleggja vegfarendum um
brunavarnir. Á lóðinni stóð áður hús
sem eyðilagðist í eldsvoðanum að-
faranótt 20. október sl.
Stærsta blót ásatrúarmanna
Jólablót ásatrúarmanna verður hald-
ið í dag laugardaginn 21. desember í
húsnæði félagsins að Grandagarði 8.
Blótið hefst með ljósaathöfn sem er
ætluð börnunum og undir borðhaldi
verður skemmt með rímum, rappi og
frásögnum. Meðal þeirra sem koma
fram eru kvæðamaðurinn Steindór
Andersen, rappararnir Erpur og
Eyjólfur Eyvindarsynir, Hilmar Örn
Hilmarsson, Þorri Jóhannsson, Jó-
hanna Harðardóttir og Eyvindur
Eyþórsson.
Húsið verður opnað klukkan sjö, en
borðhald hefst klukkan átta. Að-
gangseyrir er 1.500 krónur fyrir full-
orðna, en 750 krónur fyrir börn eldri
en 12 ára.
Í DAG
Þriðji í jólamarkaði á Lækj-
artorgi. Jólamarkaðurinn á Lækj-
artorgi verður opinn á sunnudag-
inn 22. desember og á
Þorláksmessu. Á boðstólum er
handverk af ýmsu tagi bæði al-
íslenskt og frá framandi löndum,
m.a. handunnið jólaskraut, föt –
bæði á fólk og dúkkur.
Eyjólfur Kristjánsson, Hörður
Torfason, K.K., Valgeir Guð-
jónsson, Vinabandið, hljómsveitin
Santiago og fleiri koma fram.
Á Þorláksmessu kl. 20 predikar
biskup Íslands, Karl Sigur-
björnsson á Lækjartorgi. Konur í
Léttsveit Reykjavíkur syngja
jólasálmana undir stjórn Jóhönnu
V. Þorhallsdóttur. Prestarnir
Jóna Hrönn Bolladóttir og Irma
Sjöfn Óskarsdóttir flytja jóla-
guðspjallið.
Á MORGUN
Jólatrésskemmtun barna stúd-
enta. Föstudaginn 27. desember
næstkomandi munu Stúdentaráð
Háskóla Íslands, Félag háskóla-
kennara, Félag prófessora og Félag
guðfræðinema standa fyrir jólatrés-
skemmtun fyrir börn stúdenta og
starfsfólks Háskóla Íslands. Jóla-
sveinarnir mæta að sjálfsögðu á
svæðið og hljómsveit spilar hress-
andi jólalög.
Skemmtunin er frá 15:00 til 17:00 og
fer fram í hátíðarsal Aðalbyggingar
Háskóla Íslands. Aðgangur er
ókeypis.
Á NÆSTUNNI
ISAL hefur enn á ný ákveðið að
styrkja Barnaspítala Hringsins til
tækjakaupa. Á undanförnum árum
hefur ISAL stutt Barnaspítalann á
sama hátt og stuðlað að bættum
tækjabúnaði til að meðhöndla veik
börn. Í ár veitir ISAL styrk til
tækjakaupa að upphæð 1.000.000
krónur.
Skammt er nú í að nýr Barnaspít-
ali Hringsins verði tekinn í notkun.
Aðstaða til umönnunar veikra
barna batnar verulega. En betur
má ef duga skal. Tækjaþörf Barna-
spítala Hringsins er mikil og eykst
með vaxandi starfsemi. Því hefur
ISAL ákveðið að styrkja Barnaspít-
alann og þakkar Barnaspítali
Hringsins ISAL stuðninginn nú og
á undanförnum árum.
Morgunblaðið/Sverrir
Frá vinstri eru Magnús Ólafsson, sviðsstjóri hjúkrunar, Gunnlaugur Sigfússon, sviðsstjóri lækninga, Anna Ólafía
Sigurðardóttir deildarstjóri, Ásgeir Haraldsson, prófessor í barnalækningum, og síðan fulltrúar gefenda, þau
Rannveig Rist, forstjóri ISAL, og Jón Gunnar Jónsson, framkvæmdastjóri steypuskála.
Alcan á Íslandi ISAL styður Barnaspítalann