Morgunblaðið - 18.01.2003, Blaðsíða 20
AKUREYRI
20 LAUGARDAGUR 18. JANÚAR 2003 MORGUNBLAÐIÐ
UM 890 umsóknir bárust um fjarnám við Verk-
menntaskólann á Akureyri, en umsóknarfrestur
rann út nú í vikunni. Þetta er aðsóknarmet, að sögn
Ingimars Árnasonar, kennslustjóra fjarnáms, en
frá því fjarkennsla hófs við skólann vorið 1994 hafa
aldrei borist jafnmargar umsóknir og nú.
Ingimar sagði að síðasta haust hefðu borist um
760 umsóknir en um hundrað nemendum færra haf-
ið nám.
Ingimar tók við starfi kennslustjóra fjarnáms nú
á liðnu hausti, þegar Haukur Ágústsson lét af störf-
um, en segja má að hann sé brautryðjandi fjar-
kennslu hér á landi; fór af stað með nokkra áfanga í
ensku vorið ’94 en nú á 9. starfsári fjarkennslunnar
við VMA eru í boði um tæplega 200 áfangar.
Margir nemendur 25–30 ára
Algent er að sögn Ingimars að nemendur séu á
aldrinum 25–30 ára, gjarnan fólk sem lokið hefur
rúmlega helmingi þess náms sem krafist er til stúd-
entsprófs, þetta 80 til 100 einingum, en hefur horfið
frá námi um tíma. „Þetta fólk vill klára sitt nám og
skilar sér inn í fjarnámið í töluverðu mæli og lýkur
stúdentsprófi með þeim hætti.“
Nemendur koma víða að af landinu og einnig eru
þeir dreifðir um heiminn. Þannig nefndi Ingimar að
nemandi væri í Brasilíu, töluvert er um fólk í Evr-
ópu, m.a. Danmörku og Spáni og eins í Bandaríkj-
unum. Af um 800 prófum sem tekin voru að lokinni
haustönn voru 200 tekin í VMA, þannig að töluvert
er um að bæjarbúar og nærsveitungar stundi fjar-
nám við skólann. Sá sem næst er býr handan göt-
unnar sem skólinn stendur við.
Um 80 kennarar sjá um fjarkennsluna, m.a.
kennarar við Verkmenntaskólann á Akureyri, þá
eru nokkrir kennarar búsettir á höfuðborgarsvæð-
inu, einn kennari er búsettur í Danmörku og annar í
Skotlandi svo dæmi séu tekin. „Nemendur og kenn-
arar í fjarnámi geta verið nánast hvar sem er í
heiminum,“ sagði Ingimar. Nemendur taka próf í
sinni heimabyggð og sagði Ingimar að hvarvetna
nytu menn velvilja, en einkum væri áberandi
hversu vel væri á málum tekið á hinum smærri
stöðum á landsbyggðinni, „þar vilja menn allt gera
til að greiða götu síns fólks“.
Ingimar sagði að spænska væri mikið í tísku um
þessar mundir en nú á vorönn hefðu 34 nemendur
sótt um byrjunaráfanga í tungumálinu.
Spænska í tísku og aukning
í raungreinum
„Spænska er tískufag um þessar mundir og það
hefur gerst svona hægt og bítandi.“ Einnig sagði
hann að ásókn í raungreinaáfanga hefði aukist að
undanförnu. Þar væru menn m.a. töluvert um að
nemendur brautskráðir af mála- og félagsfræði-
brautum væru að bæta við sig raungreinum til að
standa betur að vígi í því námi sem þeir hefðu kosið
sér að loknu stúdentsprófi. Tæplega tugur nem-
enda sem stundar nám í 10. bekk grunnskóla er
skráður í einstaka byrjunaráfanga í framhaldsskól-
um, m.a. þeir sem lokið hefðu samræmdu prófi í ein-
staka grein í 9. bekk. Þannig er aldursbil nemenda
allt frá 15–16 ára og upp í um sextugt að sögn Ingi-
mars.
Sú nýbreytni hefur verið tekin upp í fjarnámi að
þeir nemendur sem eru í fullu námi, þ.e. 9 einingum
eða fleirum fá kennslugjaldið endurgreitt skili þeir
sér til prófs í þeim og þykir til mikilla bóta fyrir
marga nemendur.
Fjarnámið við Verkmenntaskólann á Akureyri
hefst næstkomandi mánudag.
Aðsóknarmet í fjarkennslu við Verkmenntaskólann á Akureyri
Tæplega 900 umsóknir bárust
FÉLAGIÐ Ós keypti nýlega veit-
ingahúsið Pollinn við Strandgötu á
Akureyri og er Aðalsteinn Sigurðs-
son rekstrarstjóri staðarins. Ós rek-
ur einnig skemmtistaðinn Oddvitann
sem er örlítið neðar í sömu götu.
Boðið er upp á lifandi tónlist á
báðum veitingastöðum, en þeir eru
opnir á föstudags- og laugardags-
kvöldum. Þegar líður á vorið verður
skoðað hvort grundvöllur er fyrir
rýmri afgreiðslutíma á Pollinum.
Reksturinn hefur að sögn eigenda
gengið vel, en Oddvitinn var opn-
aður í september árið 1995. Ým-
islegt er fram undan hvað rekstur
Pollsins varðar að sögn Aðalsteins,
m.a. veislur ýmiss konar, árshátíðir
og þorrablót. Þá eru eigendur í sam-
starfi við veitingamenn á Akureyri
en fyrirtæki, starfsmannahópar og
aðrir geta haldið veislur á báðum
stöðunum.
„Við byrjuðum um síðustu helgi
og hún gekk mjög vel,“ sagði Að-
alsteinn, en hann sagði að rekst-
urinn yrði með svipuðu sniði og ver-
ið hefur.
Hann sagði Akureyringa og nær-
sveitamenn þeirra duglega að fara
út að skemmta sér og nauðsynlegt
væri að bjóða breiðum aldurshópum
upp á stað við þeirra hæfi, en gestir
staðanna eru allt frá tvítugu og upp í
sjötugt. Þá er alltaf eitthvað um
ferðafólk í bænum sem grípur tæki-
færið og kemur við á veitinga- og
skemmtistöðum bæjarins. Nú megi
búast við að skíðafólk þyrpist til bæj-
arins og yfir sumartímann sé æv-
inlega mikið um ferðafólk. „Þannig
að það er bjart fram undan,“ sagði
Aðalsteinn.
Oddvitinn tekur á bilinu 6–700
gesti og Pollurinn 2–300 manns.
Ós tekur við
rekstri Pollsins
Bjartsýni
ríkjandi hjá
nýjum eig-
endum
SKÍÐASVÆÐIÐ í Hlíðarfjalli
verður opið um helgina, í dag,
laugardag og á morgun,
sunnudag, frá kl. 11–16. Eins
og fram kom í Morgunblaðinu
í gær stóð ekki til opna skíða-
svæðið fyrr en í fyrsta lagi í
næstu viku. „Það kom okkur
mjög á óvart hversu mikið
hafði snjóað í fjallinu, þegar
við mættum til vinnu í morgun
(gærmorgun),“ sagði Guð-
mundur Karl Jónsson for-
stöðumaður Skíðastaða í sam-
tali við Morgunblaðið.
„Þetta getur verið ágætis
byrjun fyrir þá allra hörðustu,
svona rétt til að ná ryðinu af
skíðaköntunum en hins vegar
er óvíst með framhaldið eftir
helgina.“ Það verður nýja
stólalyftan, Fjarkinn, sem
verður ræst í fyrramálið, svo
framarlega sem veður leyfir.
Hlíðarfjall
Skíða-
svæðið
opið um
helgina
VINSTRIHREYFINGIN – grænt
framboð opnaði kosningaskrifstofu að
Hafnarstræti 94, Hamborg, þar sem
Sporthúsið var eitt sinn til húsa, á
fimmtudagskvöld. Þetta er fyrsta
kosningaskrifstofa flokksins í Norð-
austurkjördæmi. Af þessu tilefni var
opnuð ljósmyndasýningin „Landið
sem hverfur“ eftir þá Jóhann Ísberg
og Friðþjóf Helgason, en þeir hafa
tekið fjölda ljósmynda af því land-
svæði sem fer undir vatn vegna fyr-
irhugaðrar virkjunar við Kárahnjúka.
Sýningin stendur í þrjár vikur og
verður opin virka daga kl. 16–18 og
um helgar kl. 11 til 14. Fyrirhugað er
að halda fundi á kosningaskrifstof-
unni á laugardögum og verður sá
fyrsti í dag, kl. 11. Sigurbjörg Árna-
dóttir ráðgjafi og leiðsögumaður hef-
ur framsögu á fundinum og kynnir
græna ferðaþjónustu.
VG opnar kosn-
ingaskrifstofu
Morgunblaðið/Kristján
Huginn Þorsteinsson, kosningastjóri Vinstrihreyfingarinnar – græns fram-
boðs, blæs mönnum baráttuanda í brjóst við opnun kosningaskrifstofunnar.
Fræðslufundur skólaþróunarsviðs
kennaradeildar HA verður haldinn
á þriðjudag, 21. janúar, kl. 16.15.
Að þessu sinni verður fjallað um:
Samvirkt nám (Cooperative
learning).
Dóroþea Reimarsdóttir, Ásta Ein-
arsdóttir og Ágústa Kristjáns-
dóttir, kennarar á Dalvík og Ólafs-
firði hafa framsögu á fundinum.
Samvirkt nám hefur það að mark-
miði að allir nemendur séu virkir
námsmenn, meðvitaðir um eigið
nám og að hópurinn taki ábyrgð á
að allir nái árangri.
Í fyrirlestrinum verða kynntir
grunnþættir samvirks náms,
nokkrar námsleiðir og mats-
aðferðir.
Fræðslufundurinn verður haldinn
í stofu 25 í Þingvallastræti 23
og eru skólastjórar beðnir um að
vekja athygli kennara á fræðslu-
fundinum.
Á NÆSTUNNI
BANDALAG ÍSLENSKRA LEIKFÉLAGA
Vantar þig gervi
fyrir grímuballið?
Hárkollur • Trúðanef • Gervinef • Tannlakk
Gerviskegg • Gerviaugnhár • Lithársprey
Leikhúsfarði • Gervitennur • Gervieyru
Gerviskallar • Gerviblóð • Gervihor
Sendum í póstkröfu!
Laugavegi 96 • www.leiklist.is • 551 6974
Moggabúðin
Músarmotta, aðeins 450 kr.
AUGLÝSINGADEILD
netfang: augl@mbl.is eða sími 569 1111