Morgunblaðið - 18.01.2003, Blaðsíða 28

MENNTUN
28 LAUGARDAGUR 18. JANÚAR 2003 MORGUNBLAÐIÐ
STARFS-, endur- og símenntunskilar margvíslegum ávinningifyrir atvinnulífið í heild, ekki
aðeins með því að auka þekkingu og
færni heldur birtist það einnig í
ánægju og sjálfstrausti starfsfólks.
Mikilvægt er að fræðslan sé sett fram
á aðgengilegan hátt fyrir þá sem hún
er ætluð og taki mið af lífs- og starfs-
reynslu þeirra. Það er a.m.k. stefna
fræðslu- og ráðgjafardeildar Iðn-
tæknistofnunar Íslands, sem er eitt
elsta starfsfræðslusetur landsins.
Á síðustu misserum hefur farið
fram þróunarvinna á vegum deildar-
innar í þeim tilgangi að bjóða starf-
andi fólki hagnýtt starfsnám undir
fyrirsögninni „Stutt starfsnám – Viltu
bæta við þig? Viltu breyta til?“
Martha Árnadóttir hjá fræðslu- og
ráðgjafadeild Iðntæknistofnunar seg-
ir að með stuttu starfsnámi sé komið
til móts við þá, sem ekki hafa áhuga
eða aðstæður til að hella sér út í fullt
nám í lengri tíma. „Þetta er nýr val-
kostur fyrir þá sem vilja breyta til og
hasla sér völl á nýjum starfsvettvangi,
eða efla sig í gamla góða starfinu
sínu,“ segir hún. „Námið hefur reynst
eftirsóknarvert og hefur gert mörg-
um kleift að skipta um starf og takast
á við ný viðfangsefni, sem jafnvel hafa
skilað sér í hærri launum, nýjum
tækifærum og betra starfsumhverfi.“
Stutt starfsnám
Áherslan hjá Iðntæknistofnun er á
að bjóða starfshópum til náms, sem
hingað til hafa ekki átt kost á að
mennta sig sérstaklega í sínu fagi.
Martha gefur hér dæmi um þetta sem
skýra betur markmiðin með stuttu
starfsnámi.
 Umsjónarmenn fasteigna – 100
stunda nám til að skapa færni í um-
sjón fasteigna og samskiptum við
notendur þeirra.
 Þjónustustjórar – 100 stunda
nám til að geta greint þjónustu-
kröfur, sett markmið og stjórnað
ferlum.
 Stjórnun og rekstur mötuneyta
– 100 stunda nám til að efla færni
og þekkingu til að stjórna mötu-
neyti.
 Útgáfu- og kynningarstjórar –
70 stunda nám til að geta annast
kynningarstarf á ýmsum vettvangi.
 Starfsmenn listasafna – 100
stunda nám til að öðlast færni og
þekkingu til að starfa á listasöfnum
og þjónusta listunnendur.
 Rekstur lítilla gististaða/heimila
– 60 stunda nám til að efla þekk-
ingu þátttakenda á grundvallarat-
riðum gistiþjónustu.
 Umhverfisfulltrúar – 100 stunda
nám til að búa starfsmenn undir
umsjón með umhverfismálum.
 Rannsóknarmenn – 150 stunda
nám til að þátttakendur geti starf-
að sem rannsóknarmenn.
 Ræstingastjórar – 70 stunda
nám til að skipuleggja og stjórna
öllu sem lýtur að ræstingum.
 Verkstjórn – 100 stunda nám til
að þátttakendur læri hagnýtar að-
ferðir í stjórnun.
 Verkstjórn fyrir konur – 100
stunda nám, m.a. til að koma sér-
staklega til móts stjórnunarstíl og
hugmyndir kvenna.
 Vinnuvélastjórar – 100 stunda
nám til að búa nemendur undir
bóklegt próf til að öðlast réttindi til
að stjórna vinnuvélum.
Nokkuð er mismunandi hvernig og
hvenær námið fer fram. Leitast er við
að tímasetja námið þannig að mögu-
legt sé að stunda það með fullri vinnu.
Kennslan fer að mestu fram seinni
part dags frá kl. 16 til 20, og fá nem-
endur kvöldverð á staðnum, sem oft á
tíðum skapar skemmtilega stemmn-
ingu að sögn Mörthu. Sum námskeið-
anna fara fram á hefðbundnum vinnu-
tíma og hafa þá nemendur samið við
vinnuveitanda sinn, eða hafa jafnvel
verið sendir á vegum hans, um að
stunda námið í vinnutímanum. Nám-
skeið sem kennd eru á hefðbundnum
vinnutíma eru yfirleitt kennd sam-
fleytt í sjö til níu daga frá kl. 8.30 til
17, en önnur námskeið eru oftast
kennd tvisvar í viku.
Iðntæknistofnun leitast við að fá
kennara sem víðast að úr atvinnulíf-
inu svo námið megi verða sem raun-
hæfast og fjölbreyttast. Leiðbeinend-
ur eru reyndir námskeiðskennarar og
þekkja mjög vel þarfir nemenda
sinna, og kennsluaðferðir sem gagn-
ast best í starfsnámi sem þessu.
Verkstjórn fyrir konur
Nýjasta stutta starfsnámið er
verkstjórnarnámskeið fyrir konur.
Martha segir að reynslan hafi sýnt að
konur kjósi oft frekar að koma saman
og læra í hópum. „Bæði er það, að oft
eru konur með aðrar áherslur en
karlar í tilteknum málefnum,“ segir
hún og einnig „að niðurstöður rann-
sókna bendi til að konur og karlar hafi
ólík viðhorf til stjórnunar.“ Á nám-
skeiðinu er þó í meginatriðum kennt
það sama og á hefðbundnu verk-
stjórnarnámskeiði, en ýmis blæbrigði
„kvenlegra“ aðferða og hugsunar
skjóta upp kollinum og setja mark sitt
á kennsluna og námið. „Menntun er
ávísun á beinharða peninga en ekki
síst andlega uppörvun og góða sjálfs-
mynd,“ segir Martha.
Starfsnám/Undanfarin ár hefur fræðslu- og ráðgjafadeild Iðntæknistofnunar þróað hagnýtt starfsnám til að
bjóða starfandi fólki. Hér er sagt frá nokkrum námsleiðum, markmiðum þeirra, og einnig rætt við nýútskrifaða
nemendur. Námið er fyrir þá sem vilja styrkja sig í starfi eða hasla sér völl á nýjum vettvangi.
Stutt en
hagnýtt
starfsnám
 „Ég fékk áhuga á að læra enn
meira og kafa dýpra í efnið“
 „Menntun er ávísun á peninga en
ekki síst góða sjálfsmynd“
Morgunblaðið/Golli
Tveir hópar sem útskrifuðust úr stuttu starfsnámi í desember 2002, annars vegar nemendur af rannsóknarmanna-
námskeiði og hins vegar námskeiði í stjórnun og rekstri mötuneytis, þ.á m. Jóhanna og Hrafnhildur.
guhe@mbl.is
TENGLAR
.....................................................
www.iti.is
HRAFNHILDUR Bergsdóttir og
Jóhanna Sigmundsdóttir sóttu
báðar stutt starfsnám í stjórnun
og rekstri mötuneytis hjá Iðn-
tæknistofnun sl. haust.
Læra meira, kafa dýpra
Jóhanna Sigmundsdóttir hefur
starfað á þessu sviði í 17 ár og
vinnur nú í mötuneyti Íslands-
banka í Kópavogi. „Ég sá nám-
skeiðið auglýst í Morgunblaðinu,
og þar sem ég er alltaf opin fyrir
nýjum tækifærum ákvað ég að
skella mér á það,“ segir hún. „Ég
hef farið á mörg matreiðslunám-
skeið í gegnum tíðina, en aldrei
áður á námskeið í stjórnun og
rekstri mötuneytis.“ Henni finnst
örverufræðin minnisstæðust frá
námskeiðinu og að hún hafi þar
öðlast nýja þekkingu. Einnig
fannst henni áhugaverð umfjöll-
unin um manneldismarkmiðin og
samsetningu matseðla á Netinu,
með tilliti til næringarinnihalds og
magns. Stjórnunarþættirnir koma
henni líka að góðum notum. „Allt
námskeiðið var afar vel sett upp
og á eftir að nýtast mér vel í fram-
tíðinni,“ segir hún og að það hafi
verið henni mikils virði að hitta
aðra kollega. „Við sem störfum í
mötuneytum fyrirtækja erum oft
að vinna einar, og því er skemmti-
legt og gagnlegt að hitta starfs-
félaga sína úr öðrum fyrirtækjum
til skrafs og ráðagerða – ég kynnt-
ist mörgum skemmtilegum konum
á námskeiðinu. Ég fékk einnig
áhuga á að læra enn meira og kafa
enn dýpra í efnið, og hver veit
nema þetta sé aðeins byrjunin á
enn frekara námi,“ sagði Jóhanna.
Góð kennsla
Hrafnhildur Bergsdóttir eldar
daglega fyrir um 60–80 manns í
mötuneyti lyfjafyrirtækisins Líf,
en hún hefur starfað í faginu í sex
ár.
Henni fannst örverufræðin,
næringarfræðin og manneld-
ismarkmiðin eftirminnileg á nám-
skeiðinu. „Örverufræðin vakti sér-
staka athygli mína – allir þessir
sýklar úti um allt sem þarf að
passa svo vel.“ Hún segir að nem-
endur hafi fengið að rækta sýkla
og fylgjast með því hvernig þeir
fjölga sér við mismunandi að-
stæður.
Henni þótti einnig brunavarna-
þátturinn athyglisverður. „Við
lærðum ýmsar aðferðir til að
slökkva eld í verklegri kennslu;
farið var út á bílaplanið fyrir
framan húsið, eldur kveiktur í
mismunandi efnum og hann síðan
slökktur á viðeigandi hátt,“ segir
hún.
Kennslan í rekstri og fjármálum
var mjög góð að hennar mati og
dæmin sérsniðin að mötuneytum.
„Ég er með húsmæðraskólapróf,
en hef ekki áður farið á sérstakt
námskeið um það að reka og
stjórna mötuneyti,“ segir hún,
„það gaf mér hins vegar aukið
sjálfstraust og öryggi.“
Morgunblaðið/GolliJóhanna og Hrafnhildur töldu námskeiðið gagnlegt.
Örveru-
fræðin
áhuga-
verð
Í VORNÁMSKRÁ Endurmenntunar
Háskóla Íslands er í boði fjöldi nýrra
námskeiða sem ná yfir mörg fræða-
svið. Námskeiðin verða til í samvinnu
við fjölda fagaðila og félaga, og eru
hugsuð fyrir jafnt fyrir háskólafólk
sem almenning.
Gróska er flokknum „námi með
starfi“ og má þar nefna námskeiðið
Verkefnastjórnun – Leiðtogaþjálfun,
sem byrjaði núna í janúar. Þá eru
einnig í burðarliðnum þrjár náms-
brautir sem hefjast næsta haust;
Stjórnun og forysta í skólaumhverfi;
Stjórnunarnám fyrir lögregluemb-
ættin og Rekstur og stefnumótun fyr-
ir „einyrkja“.
Starfstengd
tungumál
Aukin áhersla er lögð á starfstengt
tungumálanám og er að þessu sinni
boðið upp á fjögur starfstengd ensku-
námskeið og tvö starfstengd dönsku-
námskeið. Roberto Tartaglione kem-
ur til landsins og kennir ítölsku en
hann hefur komið hingað síðustu 14
árin og eru námskeið hans vel sótt.
Endurmenntun leitast við að fá
nokkra erlenda sérfræðinga til
kennslu á hverri önn og verður svo
einnig á þessari önn. Nils Ulrik Ped-
ersen kennir á námskeiðunum Að
skrifa fyrir Netið I og II en hann
kenndi á einu slíku námskeiði í haust
við góðar undirtektir. Einnig koma
nokkrir erlendir sérfræðingar til
kennslu á heilbrigðissviði og má þar
t.d. nefna dr. Lorianne Wright og dr.
Janice Bell sem kenna hjúkrunar-
meðferðir fyrir langveika.
Menningarnámskeið
Úrval námskeiða er á menningar-
sviði. Jón Böðvarsson mun kenna á
síðari hluta námskeiðs um Brennu-
Njáls sögu. Áframhald er á samstarfi
Endurmenntunar við Salinn í Kópa-
vogi, Þjóðleikhúsið og Vinafélag ís-
lensku óperunnar. Hvað ertu tónlist?
verður haldið í þriðja skiptið í Salnum
í Kópavogi en þar veitir Jónas Ingi-
mundarson þátttakendum innsýn í
undraheim tónlistarinnar. Fjallað
verður um gamanleikinn í sínum ólíku
myndum í námskeiðinu Gamanleikur
er dauðans alvara! sem haldið er í
samstarfi við Þjóðleikhúsið. Drama-
tíkin verður svo á námskeiði um upp-
færslu Íslensku óperunnar á Mac-
beth. Þórir S. Guðbergsson mun
halda námskeið um Lífsorku, létta
lund og framtíðina en hann hefur
haldið fjölda námskeiða fyrir þá sem
vilja undirbúa efri árin.
Árið 2003 er ár fatlaðra og mun
Endurmenntun gera þeim málaflokki
góð skil á árinu. Nú þegar hafa nokk-
ur námskeið verið sett upp í þeim til-
gangi: Aðgengi utanhúss og að hús-
um; Hinir gleymdu þolendur –
aðstandendur fatlaðra og langveikra;
Hjúkrunarmeðferðir – í samvinnu við
fjölskyldur einstaklinga með langvinn
veikindi; Kynlífsvandamál langveikra
og fatlaðra og Fötlun, langvarandi
veikindi og meðvirkar fjölskyldur.
Vænta má fleiri námskeiða á þessu
sviði eftir því sem líður á árið.
Endurmenntun
á vorönn 2003
TENGLAR
.....................................................
www.endurmenntun.is