Morgunblaðið - 18.01.2003, Blaðsíða 21
Svona munu höfuðstöðvar Kaffitárs líta út, skv. teikningu ASK-arkitekta.
FRAMKVÆMDIR eru hafnar við
nýjar höfuðstöðvar Kaffitárs ehf.
við Stapabraut 7 í Njarðvík. Árni
Sigfússon bæjarstjóri tók fyrstu
skóflustunguna síðdegis í gær.
Í nýjum höfuðstöðvum Kaffitárs
verður sett upp sérhæfð kaffi-
miðstöð og með því hyggst fyr-
irtækið auka enn á sérstöðu sína á
íslenskum kaffimarkaði. Tekið
verður á móti gestum, jafnt veit-
ingamönnum, verðandi fram-
reiðslumönnum og almenningi,
sem vill fræðast um gott kaffi.
Fram kemur í fréttatilkynnningu
að ætlunin sé að bjóða ferðamönn-
um að kynnast starfseminni og
tengja heimsókn í Kaffitár við
aðra þjónustu við ferðamenn á
svæðinu.
Húsið verður um 1.250 fermetr-
ar að stærð, að mestu á einni hæð.
Lóðin nær að Reykjanesbrautinni,
skammt austan glugga- og hurða-
smiðju Byko.
ASK-arkitektar hönnuðu húsið
og Keflavíkurverktakar annast
smíði þess.
Byrjað að byggja sér-
hæfða kaffimiðstöð
Njarðvík
SUÐURNES
MORGUNBLAÐIÐ LAUGARDAGUR 18. JANÚAR 2003 21
HMY Airways, kanadíska flugfélag-
ið sem nýlega hóf millilendingar á
Keflavíkurflugvelli í flugi milli Kan-
ada og Englands, hefur fengið leyfi
til að flytja farþega milli Íslands og
Kanada. Næsta ferð vestur um haf
er næstkomandi miðvikudag. Far-
gjaldið er 25 þúsund, báðar leiðir
með fullri þjónustu, en hækkar upp í
30 þúsund í mars.
HMY Airways er kanadískt leigu-
flugfélag sem hefur höfuðstöðvar í
Vancouver. Það hóf flug frá Van-
couver og Calgary til Manchester í
Englandi um miðjan desember og
millilendir á Keflavíkurflugvelli. Þá
kom fram hjá aðstoðarforstjóra flug-
félagsins og Steinþóri Jónssyni hót-
elstjóra, umboðsmanni félagsins hér
á landi, að mikill áhugi væri fyrir því
að fá leyfi til að flytja farþega milli
Íslands og Kanada. Slíkt leyfi þurfi
að fá hjá samgönguyfirvöldum á Ís-
landi vegna þess að ekki er í gildi
loftferðasamningur á milli landanna.
Það leyfi er nú fengið, bæði hjá Flug-
málastjórn Íslands og samgöngu-
ráðuneytinu.
„Það kom mér á óvart hvað leyfið
fékkst fljótt. Tekið var á málinu af
fagmennsku með það fyrir augum að
koma því í kring. Það er greinilegt að
breytingar hafa orðið í afstöðu yf-
irvalda til þess að fá hingað aukin
viðskipti og mun hjálpa okkur við
frekari landvinninga á þessu sviði,“
sagði Steinþór í samtali við Morg-
unblaðið.
Flugfélagið hefur ekki leyfi til að
flytja farþega milli Íslands og Eng-
lands. Steinþór hefur áhuga á að
geta boðið upp á flug þar á milli en
segir að það sé flóknara og erfiðara
mál sem þurfi lengri tíma til að und-
irbúa.
Flogið einu sinni í viku í vetur
HMY Airways flýgur einu sinni í
viku milli Kanada og Englands og
fyrirhugað er að fjölga ferðum í sum-
ar í allt að fimm í viku og fljúga til
fleiri áfangastaða. Sumaráætlun tek-
ur gildi 1. maí og verður hún auglýst
fljótlega. Vélarnar fara héðan á mið-
vikudögum, kl. 15.45, til Kanada og
til baka á mánudögum, klukkan
21.05, miðað við Calgary.
Næsta ferð vestur um haf er því
næstkomandi miðvikudag. Sam-
kvæmt upplýsingum Steinþórs mun
fargjaldið, báðar leiðir, kostar um 25
þúsund krónur út febrúarmánuð og
um 30 þúsund í mars og apríl. Verðin
eru háð gengi kanadíska dollarans.
Öll sæti eru á sama verði og án tak-
markana. Þá bendir hann á að flug-
vallarskattur sé innifalinn í þessu
verði og boðið sé upp á heitar mál-
tíðar og aðra hefðbundna þjónustu
um borð. Ljóst er að verðið mun
hækka 1. maí og áætlar Steinþór að
fargjaldið verði á bilinu 38–45 þús-
und á háannatímanum.
Vegna þess hversu brátt þetta mál
ber að hefur ekki verið komið upp
sölukerfi hér á landi. Steinþór bendir
þeim sem hafa áhuga á þessu flugi að
skoða upplýsingar á heimasíðu Hót-
els Keflavíkur, www.kef.is, og hafa
síðan samband við Hótel Keflavík en
starfsfólk þess muni eftir megni að-
stoða fólk við að kaupa sér farmiða
hjá flugfélaginu. Hann segir að fyrst
í stað muni pantanir og sala farmiða
fara í gegnum ferðaskrifstofu sem
starfar í tengslum við HMY Airways
í Kanada en hann vonast til að geta
útvegað söluaðila fljótlega til að ann-
ast farmiðasölu hér á landi.
Steinþór fer til Kanada í næstu
viku til að ganga frá þessum málum.
Hann hefur einnig áhuga á að kynna
þessa flugleið vel í báðum löndum
enda telur hann að í því felist miklir
möguleikar, ekki síst fyrir ferða-
þjónustu á Íslandi. Þá vekur hann at-
hygli á því að HMY Airways bjóði
upp á framhaldsflug til nokkurra
borga í Bandaríkjunum og Mexíkó
og með öðrum flugfélögum til ann-
arra staða í Bandaríkjunum, Asíu og
Ástralíu.
Leyfi samgönguyfirvalda felur í
sér að kanadíska flugfélagið má
einnig flytja vörur milli Íslands og
Kanada. Steinþór segir að félagið
hafi ekki ákveðið hvort það nýtir sér
þann möguleika.
Morgunblaðið/Halldór Kolbeins
Þota HMY Airways í fyrstu ferð sinni hingað til lands.
HMY Airways fær leyfi til að flytja farþega og vörur milli Íslands og Kanada
Fargjaldið kostar 25 til 30
þúsund krónur til vors
Keflavíkurflugvöllur
BÆJARSTJÓRI Reykjanesbæjar
hefur boðað verktaka á fund næst-
komandi mánudag þar sem kynntar
verða helstu framkvæmdir ársins.
Fundurinn verður á veitingastaðn-
um Ránni í Hafnargötu 18 og hefst
klukkan 17.
Að sögn Viðars Más Aðalsteins-
sonar, forstöðumanns umhverfis- og
tæknisviðs Reykjanesbæjar, verða
miklar framkvæmdir á vegum bæj-
arins á þessu ári, sérstaklega vegna
efnisflutninga af lóð fyrirhugaðrar
stálröraverksmiðju í Helguvík og
notkun efnisins í sjóvarnir og hafn-
argerð. Telur hann að í heildina verði
boðnar út framkvæmdir sem nálgast
geti einn milljarð króna.
Segir Viðar að á fundinum muni
Árni Sigfússon bæjarstjóri fara yfir
málin og sitja fyrir svörum ásamt
forstöðumanni umhverfis- og tækni-
sviðs og hafnarstjóra. Þá verði farið
yfir stöðuna í skipulagsmálum
Reykjanesbæjar.
Fundað með
verktökum
Reykjanesbær
ÁÆTLAÐ er að viðgerð á hinu sögu-
fræga Gesthúsi í sjómannagarðinum
í Grindavík geti kostað um 3,8 millj-
ónir kr. að mati byggingafulltrúans.
Gesthús er ekki í notkun.
Skemmdir urðu á því þegar hita-
vatnsleiðsla sprakk. Bæjaryfirvöld
hafa ekki tekið ákvörðun um við-
gerðir, hvernig að þeim yrði staðið,
eða notkun hússins í framtíðinni.
Viðgerð kostar
3,8 milljónir
Grindavík
♦ ♦ ♦