Morgunblaðið - 18.01.2003, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 18. JANÚAR 2003 VERÐ Í LAUSASÖLU 190 KR. MEÐ VSK.
– leiðandi í lausnum
Skeifunni 17AcoTæknival Sími 550 4000 Fax 550 4001
LISTASÖFN þurfa að skapa sér starfsvett-
vang í samkeppni við aðra afþreyingu í dag,
að sögn Lars Nittve, safnstjóra Moderna-
safnsins í Stokkhólmi. Í samtali við Morg-
unblaðið segir hann jafnframt mikilvægt að
marka starfsemi safna farveg án þess að
sjálf umgjörð safnsins sé látin ráða ferðinni.
„Safn er ekki bara hús,“ segir Nittve, „inni-
haldið er það sem skiptir máli. Starfsemin
sem heild er mikilvæg en hún snýst í raun-
inni fyrst og fremst um framleiðslu á merk-
ingu“.
Breytt safnaumhverfi samtímans hefur
verið töluvert til umræðu hér á landi á und-
anförnum misserum, en langt er síðan
breytt safnastefna fór að hafa áhrif erlend-
is. Lars Nittve var forstöðumaður Tate
Modern í London þegar það var opnað árið
2000, og vakti mikla athygli í myndlistar-
heiminum fyrir þá stefnu sem hann markaði
í sýningarstjórn hússins, enda skilaði hún
safninu um helmingi fleiri gestum en bjart-
sýnustu spár höfðu gert ráð fyrir.
Sænski safnstjórinn
Lars Nittve
„Safn er ekki
bara hús“

Safn er/Lesbók 16
HRIKALEGIR ölduskaflar brotnuðu á Bakka-
fjöru við Kvíá í Öræfum í vikunni. Norðanáttin
feykti ölduföldunum og brimgnýrinn buldi óaf-
látanlega. Rétt ofan við í sandinum snýr stefnið
af botnvörpungnum Clyne Castle að jökli. Skip-
ið strandaði á Bakkafjöru í apríl 1919.
Mörg skip hefur borið upp á fjörur Suður-
lands. Flest eru þau nú horfin í sandinn og sér
þeirra engan stað. Ströndin hefur færst fram
og flakið af Clyne Castle komið langt frá fjöru-
borðinu. Bræðurnir á Kvískerjum hafa bent á
að úreltum skipum mætti hugsanlega farga
með því að hleypa þeim í brimgarðinn á þessum
slóðum. Á nokkrum árum kynnu þau að hverfa í
sandinn.
Þegar Clyne Castle strandaði var veður ágætt
og skipið laskaðist ekki mjög. Jóhann Hansson,
járnsmiður á Seyðisfirði, keypti skipið og hugð-
ist bjarga því. Nokkur næstu sumur var unnið að
því að ná skipinu af strandstað. Ekkert var þó
gert sumarið 1922 en svo horfði vel sumarið
1923.
Dráttarskip var komið á staðinn. Allt var
klárt, bara eftir að kippa síðasta spölinn og þá
myndi Clyne Castle aftur kljúfa öldur Atlants-
hafsins. Skipverjar voru búnir að kveðja björg-
unarmenn og veifa Öræfingum í síðasta sinn,
um stund að minnsta kosti að því er þeir héldu.
Búið var að koma út akkeri og setja spilvír í
það til að hjálpa við dráttinn.
Vélar skipsins voru gangsettar og skrúfan
fór að snúast. Dráttarskipið fór að toga, en á
örlagastundu slitnaði spilvírinn, flæktist í
skrúfu togarans og allt var unnið fyrir gýg.
Clyne Castle bar aftur upp í fjöru og hefur ver-
ið þar síðan.
Morgunblaðið/RAX
Brimskaflarnir buldu á skipsflakinu
BÚNAÐARBANKI Íslands hf.
þarf að greiða 4,5 milljónir króna
í févíti fyrir að hafa brotið flögg-
unarreglur í tengslum við gerð
samnings um meðferð hlutabréfa
í Fjárfestingarfélaginu Straumi
hf. hinn 19. júní 2002. Kauphöll
Íslands tók ákvörðun um þetta í
gær.
Búnaðarbankinn mótmælir því
að umræddur samningur hafi
verið flöggunarskyldur og gagn-
rýnir einnig að Kauphöllin hafi
ákveðið að beita bankann févíti
án þess að gefa honum kost á að
neyta andmælaréttar með eðli-
legum hætti.
Þórður Friðjónsson, forstjóri
Kauphallar Íslands, segir að
Kauphöllin sé ósammála þeim
skilningi Búnaðarbankans að
samningurinn hafi ekki verið
flöggunarskyldur. Þá segir hann
að andmælaréttur bankans hafi
verið með eðlilegum hætti.
Flöggunarskylda
Fram kemur í tilkynningu frá
Kauphöll Íslands í gær að með
samningnum um Straum hafi
Búnaðarbankinn meðal annars
gert samkomulag við aðra hlut-
hafa í Fjárfestingarfélaginu
Straumi um að taka upp var-
anlega, sameiginlega stefnu um
stjórnun félagsins. Segir í til-
kynningunni að slíkt samkomu-
lag stofni ásamt öðrum atriðum
til flöggunarskyldu samkvæmt
lögum. Einnig kemur fram að
ákvörðun um beitingu févítis sé
tekin á grundvelli samnings Bún-
aðarbankans um aðild að Kaup-
höllinni og ákvæðis í aðildar-
reglum NOREX.
Fjallað var um samninginn um
Straum í greinaflokki Agnesar
Bragadóttur blaðamanns í Morg-
unblaðinu í síðustu viku. Í kjölfar
þess óskaði Kauphöllin eftir upp-
lýsingum frá Búnaðarbankanum
um málið.
Plastprent einnig
beitt févíti
Kauphöll Íslands tilkynnti
einnig í gær að ákveðið hefði
verið að beita Plastprent hf. fé-
víti, að fjárhæð rúmar 1,2 millj-
ónir króna, fyrir brot á ákvæði
reglna Kauphallarinnar um
skráningu. Í tilkynningunni kem-
ur fram að Plastprent hafi ekki
birt skráningarlýsingu vegna
hlutafjárhækkunar þrátt fyrir
ítrekuð tilmæli.
Sigurður Bragi Guðmundsson,
framkvæmdastjóri Plastprents,
segir að sektin komi þeim mjög á
óvart, viðbrögð Kauphallarinnar
séu bæði klaufaleg og allt of
harkaleg.
Kauphöllin beitir
Búnaðarbanka févíti

Bankinn þarf/12
KANADÍSKA leiguflugfélagið HMY
Airways hefur fengið leyfi samgöngu-
yfirvalda hér á landi til að flytja far-
þega milli Íslands og Kanada. Þegar
þetta spurðist út í gær fékk umboðs-
maður flugfélagsins margar fyrir-
spurnir og pantanir á flugsætum.
HMY Airways hóf í desember að
fljúga vikulega milli Vancouver og
Calgary í Kanada og Manchester í
Englandi með viðkomu á Keflavíkur-
flugvelli. Nú hefur leyfi fengist til að
flytja farþega milli Íslands og Kanada
og verður fyrsta ferðin vestur um haf
farin næstkomandi miðvikudag.
Flugfarið, báðar leiðir, kostar í upp-
hafi um 25 þúsund krónur með flug-
vallarskatti og fer í um 30 þúsund í
mars og apríl. Sumaráætlun tekur
gildi 1. maí og þá er gert ráð fyrir að
fljúga allt að fimm sinnum í viku og til
fleiri viðkomustaða.
Steinþór Jónsson, hótelstjóri og um-
boðsmaður HMY Airways, segir að
starfsfólk Hótels Keflavíkur hafi feng-
ið fjölda fyrirspurna og beinna pant-
ana um flugfar til Kanada en starfs-
fólkið svarar fyrirspurnum og
aðstoðar fólk við að panta sér sæti
fyrst um sinn.
Beint flug
milli Íslands
og Kanada

Flugfarið kostar/21
TVEIR heimsþekktir slagverks-
leikarar, Evelyn Glennie frá Skot-
landi og Daninn Gert Mortensen,
frumflytja
Crossings, nýj-
an slagverks-
konsert fyrir
tvo slagverks-
leikara og sin-
fóníuhljómsveit
eftir Áskel Más-
son, í Vejle í
Danmörku
næsta laug-
ardag. „Jú,
þetta er meiriháttar,“ segir Áskell
í samtali við Lesbók í dag. „Ég hef
unnið mikið fyrir þau bæði í mörg
ár hvort í sínu lagi, og samið mörg
af mínum mest fluttu verkum fyrir
þau. En það er sérlega gaman að
það skuli ganga upp að fá þau bæði
í flutning á einu verki eftir mig.“
Búist er við gestum á þriðja þús-
und. Aðstandendur tónleikanna
pöntuðu verkið hjá Áskeli og var
strax gert ráð fyrir því að Glennie
og Mortensen lékju. Í niðurlagi
verksins tvinnar Áskell saman
danskt, skoskt og íslenskt þjóðlag í
tilefni af samvinnunni. Það verður
pólsk sinfóníuhljómsveit, Zielona
Góra, undir stjórn Czeslaw Grab-
owski sem leikur með einleik-
urunum.
„Þetta
er meiri-
háttar“
Áskell Másson
tónskáld.

Meiriháttar/Lesbók 13
VEÐURSTOFAN spáir kólnandi veðri um
allt land um helgina. Spáð er norðaustanátt
í dag, allt að 13 metrum á sekúndu. Víða er
gert ráð fyrir björtu veðri en dálitlum éljum
með ströndinni. Á morgun er spáð allt að
níu stiga frosti þar sem kaldast verður norð-
anlands.
Norðaustanáttin er í kortum Veðurstof-
unnar alveg fram á miðvikudag, með snjó-
komu eða éljum norðan- og austanlands en
léttskýjuðu með köflum sunnan- og vest-
antil á landinu. Talsvert frost verður á
mánudag og þriðjudag, samkvæmt spá Veð-
urstofunnar frá því í gær.
Á miðvikudag og fimmtudag er spáð
austlægri átt með snjókomu og éljum, eink-
um vestantil, og heldur hlýnandi veðri.
Kólnandi veður
en víða bjart
ÁRNI Tómasson, bankastjóri
Búnaðarbankans, segir að hann
hafi talið sig hafa fylgt reglum í
þessu máli. Hann hafi byggt það á
lögfræðiáliti. Að öðru leyti vill
hann ekki tjá sig um þetta mál og
vísar til yfirlýsingar bankans til
Kauphallarinnar, þar sem nið-
urstöðunni er mótmælt.
Í tilkynningu frá Búnaðarbank-
anum segir að bankinn byggi af-
stöðu sína, að honum hefði ekki
borið að tilkynna samkomulagið,
á því að Straumur, sem hluta-
bréfasjóður, sé fyrirtæki um sam-
eiginlega fjárfestingu. Þá segir að
í Evróputilskipun, sem lög og
reglur um flöggun byggist á,
komi fram að flöggunarreglur
gildi ekki um slík fyrirtæki.
Straumur hafi verið og sé flokkað
og skráð í Kauphöllinni sem
hlutabréfasjóður.
Morgunblaðið/Jim Smart
Telur sig hafa
fylgt reglum