Morgunblaðið - 08.02.2003, Blaðsíða 44
ÍÞRÓTTIR
44 LAUGARDAGUR 8. FEBRÚAR 2003 MORGUNBLAÐIÐ
FÓLK
STOKE City er á höttunum eftir
Luke Chadwick, leikmanni Man-
chester United. Breska blaðið In-
dependent greinir frá því að Stoke
vilji fá Chadwick að láni út leiktíð-
ina en hann hefur fá tækifæri fengið
með liði Manchester United á leik-
tíðinni.
STOKE og Leeds hafa náð sam-
komulagi um að framlengja láns-
tíma Frazers Richardsons hjá
Stoke um mánuð. Upphaflega stóð
til að Richardson yrði hjá Stoke í
einn mánuð en þar sem forráða-
menn Stoke voru mjög ánægðir með
leikmanninn fóru þeir fram á að fá
að halda honum í mánuð til viðbótar.
DOMINIC Matteo, fyrirliði Leeds
United, hefur ákveðið að gefa ekki
lengur kost á sér í skoska landsliðið
í knattspyrnu. Matteo hefur átt við
þrálát meiðsl að stríða og er nýkom-
inn aftur á ferðina eftir aðgerð sem
hann gekkst undir í október. Hann
segist ekki í formi til að leika með
landsliðinu og ætlar að einbeita sér
að liði Leeds.
GIANFRANCO Zola hefur gefið
sterklega í skyn að hann ætli að
leggja skóna á hilluna eftir tímabil-
ið. Zola, sem er 37 ára gamall, vill
hætta á toppnum en hann hefur átt
frábært tímabil með Chelsea á leik-
tíðinni og ef fram heldur sem horfir
kemur hann sterklega til greina
sem leikmaður ársins á Englandi en
hann varð þess heiðurs aðnjótandi
fyrir sex árum.
ROY Keane, fyrirliði Manchester
United, íhugar nú að gefa kost á sér
í írska landsliðið að nýju. Hann átti
fund með nýráðnum landsliðsþjálf-
ara, Brian Kerr, í vikunni en Kerr
hefur þrýst á Keane um að klæðast
grænu treyjunni á nýjan leik. Keane
ákvað eins og frægt er að segja skil-
ið við írska landsliðið eftir að sauð
upp úr milli hans og fyrrverandi
þjálfara, Micks McCarthys, rétt áð-
ur en flautað var til leiks á HM síð-
astliðið sumar.
„ÞETTA verður sannkallaður
draumaúrslitaleikur tveggja bestu
liða Skotlands,“ sagði sænski lands-
liðsmaðurinn Henrik Larsen eftir
að hafa skorað eitt mark í sigurleik
Celtic á Dundee Utd. í undanúrslit-
um skosku bikarkeppninnar. Celtic
mætir Glasgow Rangers á Hampd-
en Park 16. mars.
LOTHAR Matthäus, 42 ára, fyrr-
verandi fyrirliði Bayern München
og þýska landsliðsins, hefur ákveðið
að fara í mál við Bayern – segir að
liðið skuldi sér 41 millj. ísl. kr. vegna
kveðju- og ágóðaleiks fyrir þremur
árum – 26. maí 2000. Réttarhöld í
málinu hefjast 13. febrúar. Bæjarar
eru ekki ánægðir með Matthäus og
segir Uli Höness, framkvæmda-
stjóri Bayern, að Lothar sé að gera
sín mestu mistök í lífinu með því að
fara í mál við Bayern og segir að
hann eigi enn möguleika á að bjarga
sér með því að draga málið til baka.
RUDI Völler, landsliðsþjálfari
Þýskalands, sem leikur í riðli með
Íslandi í undankeppni Evr-
ópukeppni landsliða, hefur kallað
á tvo nýliða fyrir vináttulandsleik
gegn Spánverjum á miðvikudaginn
kemur. Það eru þeir Benjamin
Lauth, sóknarleikmaður hjá 1860
München, og varnarmaðurinn
Tobias Rau, sem leikur með Wolfs-
burg.
Fjórtán leikmenn í tuttugu
manna hópi Völlers, sem hann fer
með til Mallorka, voru í HM-liði
Þjóðverja sem varð að sætta sig við
tap fyrir Brasilíumönnum í úrslita-
leik HM í Japan í fyrra. Landsliðs-
hópurinn er þannig skipaður, en
Carsten Jancker, Jens Nowotny,
Christian Ziege og Gerald Asam-
oah eru ekki með vegna meiðsla:
Oliver Kahn (Bayern) og Jens
Lehmann (Dortmund) eru mark-
verðir. Varnarmenn eru Frank
Baumann (Werder Bremen), Arne
Friedrich (Hertha Berlín), Christ-
oph Metzelder (Dortmund), Carst-
en Ramelow (Leverkusen), Tobias
Rau (Wolfsburg), Marko Rehmer
(Hertha Berlín) og Christian
Woerns (Dortmund).
Miðjumenn eru Michael Ballack
(Bayern), Joerg Boehme (Schalke),
Torsten Frings (Dortmund), Jens
Jeremies (Bayern), Sebastian Kehl
(Dortmund) og Bernd Schneider
(Leverkusen). Sóknarmenn eru
Fredi Bobic (Hannover), Paul
Freier (Bochum), Miroslav Klose
(Kaiserslautern), Benjamin Lauth
(860 München) og Oliver Neuville
(Leverkusen).
Völler kallar á tvo nýliða
Norðurlandamótið er haldið hér ífyrsta sinn og eru keppendur
44, þar af 16 piltar og er keppt í
tveimur aldurs-
flokkum. Keppend-
ur glímdu við
skylduæfingar á
fyrri hluta mótsins –
á tæpum þremur mínútum gerðu
þeir fyrirfram ákveðnar æfingar og
fengu stig fyrir tækni og listfengi. Í
verður keppt í frjálsum æfingum.
Þá setja keppendur sjálfir saman
æfingarnar og geta látið ljós sitt
skína.
„Ég hef aldrei tekið þátt í svona
stóru móti og það tók á taugarnar,
sem voru þandar í byrjun en það
lagaðist þegar maður byrjaði að
skauta,“ sagði Audrey Freyja eftir
skylduæfingarnar á fimmtudaginn.
„Ég er ekki ánægð með árangurinn,
en ætla að gera betur á laugardag-
inn í frjálsu æfingunum. Ég ætlaði
að gera mitt besta á þessu móti.
Íþróttin er svo ung á Íslandi að ekki
er hægt að vonast eftir verðlauna-
sæti, en reynslan er mikilvæg. Við
fórum nokkur héðan í æfingabúðir í
Finnlandi og lærðum mikið hjá
mjög góðum þjálfurum, sem hafa
þjálfað heimsmeistara. Við vorum í
viku og á skautunum allan daginn,“
bætti hin 15 ára gamla skauta-
drottning frá Akureyri við, en hún
hefur undanfarin þrjár ár hampað
Íslandsmeistaratitli í greininni.
Sigurlaug Árnadóttir hefur tekið
þátt í mótinu undanfarin tvö ár en
ákvað að vera ekki með nú, svo að
Audrey Freyja sér ein um að halda
merki Íslands á lofti.
Morgunblaðið/RAX
Audrey Freyja Clark sýnir listir sínar á skautasvellinu í Laugardal.
Mikið list-
fengi hjá
Audrey
Freyju
AUDREY Freyja Clark þreytti á fimmtudag frumraun sína á Norð-
urlandamóti í listhlaupi á skautum, sem stendur nú yfir í Skauta-
höllinni í Laugardal, þegar hún keppti í skylduæfingum. Henni gekk
ekki sem best en fékk þó góða einkunn fyrir listfengi. Audrey Freyja
ætlar sér að gera betur í dag – þegar kemur að frjálsum æfingum.
Stefán
Stefánsson
skrifar
SVISSNESKA tenniskonan
Martina Hingis, sem und-
anfarin ár hefur verið í hópi
þeirra
bestu í
íþróttinni
og var til
að mynda í
toppsæti
styrkleika-
listans í
fjögur ár í
röð, hefur
neyðst til
að leggja tennisspaðann á
hilluna, aðeins 22 ára gömul.
Þrálát ökklameiðsli eru þess
valdandi að Hingis verður að
hætta en hún gekkst undir
aðgerð í ökklanum fyrir
tveimur árum og þurfti að
fara aftur undir hnífinn sjö
mánuðum síðar.
„Keppnisferlinum er lokið
og það er enginn möguleiki á
að ég snúi til baka. Lífið
heldur hins vegar áfram og
við taka önnur verkefni hjá
mér, til dæmis að mennta mig
frekar,“ sagði Hingis þegar
hún tilkynnti ákvörðun sína.
Hingis var sigursæl á ferli
sínum. Hún sigraði í þrígang
á opna ástralska meist-
aramótinu, vann opna banda-
ríska meistaramótið einu
sinni og Wimbledon-mótið
þrisvar.
Hingis legg-
ur tennis-
spaðann
á hilluna
Hingis Meistaramót Íslands í frjálsumíþróttum innanhúss fer fram í
dag og á morgun. Brotið verður blað
í sögu meistaramótsins því mótið fer
allt fram á einum og sama stað, Fíf-
unni í Kópavogi, en hingað til hefur
keppnishaldinu verið dreift á tvo til
þrjá staði, Laugardalshöll, Baldurs-
haga og Kaplakrika.
Flest besta frjálsíþróttafólk lands-
ins verður meðal keppenda að því
undanskildu að þau Vala Flosadóttir,
Silja Úlfarsdóttir og Einar Karl
Hjartarson eiga ekki heimangengt
en öll eru þau við æfingar erlendis.
,,Ég bind vonir við að okkar helsta
afreksfólk, Jón Arnar Magnússon og
Þórey Edda Elísdóttir, geri góða
hluti á mótinu og Sunna Gestsdóttir
er eins líkleg til afreka en hún bætti
langstökksmetið í síðustu viku. Að-
staðan í Fífunni er mjög góð. Núna
verður hægt að vera með fjórar
keppnisgreinar í gangi í einu svo ég
held að fólk verði ekki svikið af því
mæta og fylgjast með okkar besta
frjálsíþróttafólki,“ sagði Egill Eiðs-
son, framkvæmdastjóri FRÍ, í sam-
tali við Morgunblaðið. Aðspurður
hvort hann reiknaði með að einhver
met féllu sagði Egill; „Já, ég er
bjartsýnn á það. Þórey Edda er í
mjög góðum gír, Jón Arnar hefur
alltaf verið seigur í metabætingum
og Sunna er í góðu formi. Þá er unga
fólkið okkar á stöðugri uppleið svo
ég á von á skemmtilegu móti.
Þórey Edda Elísdóttir bætti Ís-
landsmetið innanhúss á dögunum
þegar hún vippaði sér yfir 4,51 metra
en lofar hún því að bæta met sitt í
Fífunni um helgina?
„Ég lofa engu en ég held að ég geti
alveg bætt metið. Ég er fínu formi og
löngunin er vissulega til staðar að
fara hærra en 4,51 metra. Ég er bú-
inn að keppa á tveimur mótum í vet-
ur og mér hefur gengið ágætlega,“
sagði Þórey Edda. Þórey stefnir á að
taka þátt í mótum erlendis í vetur til
undirbúnings fyrir HM innanhúss
sem fram fer í Birmingham.
Jón Arnar kom heim í vikunni frá
Svíþjóð gagngert til að keppa á
Meistaramótinu en hann er búsettur
í Gautaborg.
„Ég er búinn að æfa vel í vetur en
hef ekkert keppt svo Meistaramótið
er svolítill prófsteinn á hvar ég
stend. Það er aldrei að vita nema ein-
hver met falli hjá manni. Ég er alla
vega í góðu líkamlegu formi. Ég er
að æfa með mönnum sem eru betri
en ég í einstökum greinum þannig að
það hefur verið barningur á æfing-
unum og það er spurning hvort það
komi mér til góða. Meiðslin heyra
sögunni til sem betur fer og vonandi
er ég búinn með þann skammt,“
sagði Jón Arnar við Morgunblaðið.
Jón keppir í sjöþraut á móti í Tall-
in um næstu helgi en á því móti
keppa allir helstu keppinautar Jóns í
gegnum árin og þeir sömu munu
keppa á heimsmeistaramótinu sem
fram fer í Birmingham í mars en Jón
Arnar freistar þess um helgina að ná
lágmarkinu fyrir HM.
Sögulegt mót í Fífunni