Morgunblaðið - 08.02.2003, Blaðsíða 51

MORGUNBLAÐIÐ LAUGARDAGUR 8. FEBRÚAR 2003 51
Nýr og betri
Sýnd kl. 4, 6.10, 8.30 og 10.40. B.i 12 ára.
Sýnd kl. 4, 6, 8 og 10. B.i 14 ára.
Sýnd kl.5.30, 8 og 10.30. B. i. 12.

kvikmyndir.com
Á bakvið rómantíkina,
glæsileikann og ástríðurnar var
átakanleg og ögrandi saga
einstakrar konu. Ein allra besta
myndin sem þú sérð í ár! Salma
Hayek er stórkostleg sem
listakonan Frida.
Sýnd kl. 4, 6, 8 og10.
GRÚPPÍURNAR
Njósnarinn Alex Scott er að fara í sitt hættulegasta
verkefni til þessa...með ennþá hættulegri félaga!
Geggjuð gamanmynd með léttgeggjuðum félögum!
Frumsýning
Búðu þig undir D-daginn 28. febrúar
Hverfisgötu
551 9000
í kvöld, laugardaginn 8. febrúar.
Hljómsveit Vilhelms
Guðmundssonar
og Þorvaldar Björnssonar
spilar gömlu og nýju dansana
í Ásgarði, Glæsibæ
Húsið opnað kl. 22 • Miðaverð kr. 1.200.
Dansleikur
Sýnd kl. 5.30, 8 og 10.30. Sýnd kl. 2, 4 og 6.
Sýnd kl. 2, 5.30 og 9. B.i. 12.Sýnd kl. 3, 8 og 10.15. B.i. 14.
YFIR 87.000 GESTIR
Magnað meistaraverk í anda Moulin Rouge.
Hlaut þrenn Golden Globe verðlaun á dögunum
sem besta myndin ásamt bestu aðalleikurum.
Missið ekki af þessari.
i í li .
l l l l
i ll i .
i i i i.
Frumsýning

Kvikmyndir.com



HJ. MBL



Radio X
Kvikmyndir.is
Frábær ævintýra
og spennumynd fyrir alla
fjölskylduna.
Kvikmyndir.com
Búðu þig undir D-daginn 28. febrúar
EFTIR að hafa fengið óhikaða
fjögurra stjörnu dóma frá barnabörn-
unum var ég þess fullviss að handrits-
höfundurinn Kristlaug María Sigurð-
ardóttir, Kikka, og leikstjórinn Helgi
Sverrisson, hefðu hitt nokkurn veg-
inn í mark með frumrauninni, Didda
og dauði kötturinn. Lítilli, kíminni
fjölskyldumynd sem fellur vel í kram-
ið hjá yngri meðlimunum. Hún virkar
einnig það vel á afann að upp rifjast
löngu liðin bernskuár þegar maður
var að vona að í hversdagsleikanum
miðjum væri að finna ótínda skálka,
erlenda flugumenn og óendanlega
leyndardóma. Hugurinn fór á flug-
ferð inn í dýrðarljóma draumaheims-
ins, umhverfið breyttist í sögusvið
(undir sterkum áhrifum frá Enid
Blyton, Ármanni Kr., o.fl. slíku sóma-
fólki) og maður hét Karl Blómkvist,
starfsgrein: Leynilögreglumaður.
Því miður reyndust nágrannarnir
allajafna meinleysisgrey og veröldin
hvarf óðar í grámyglu tilverunnar –
uns maður rakst á eitthvað skugga-
legt rannsóknarefni á nýjan leik.
Aðalsögupersóna og burðarás
myndarinnar, hún Didda litla (Kristín
Ósk Gísladóttir), níu ára, lífleg og
hugmyndarík Keflavíkurmær, er öllu
lánsamari. Hún verður vör við ósvikn-
ar, grunsamlegar mannaferðir í auðu
húsi og tekur að fylgjast grannt með
því úr herbergisglugganum sínum.
Það er eitthvað gruggugt um að vera í
Reykjanesbæ; stolið úr sjoppunni
hennar Vöndu (Helga Braga Jóns-
dóttir), börn að hverfa, framið stórrán
í Reykjavík o.s.frv.
Enginn hlustar á Diddu, enda er
hún eina manneskjan með viti í bæn-
um! Leikurinn tekur að æsast, hún
uppgötvar leynigöng sem tengja hús-
in í gamla bænum, grannarnir verða
hinir grunsamlegustu og erfitt að
greina vin frá óvini. Pabbi og mamma
hlusta ekki á neitt, enda er hann í
löggunni og hún blaðakona!
Vegna hagsmuna væntanlegra bíó-
gesta verður ekki nánar farið í sögu-
þráðinn, sem lumar á kunnuglegri
noju bernskuáranna. Dularfull hús
með óþekktum undirgöngum,
ískyggilegar persónur á hverju strái,
hættur við hvert fótmál. Framvindan
er vissulega hæg á köflum og atburðir
og persónur í lausu lofti, en það háði
ekki smáfólkinu. Það var heldur ekki
að fjargviðrast yfir truflunum í mynd-
gæðunum né dálítið vafasömum
uppátækjum mömmunnar (Sjöfn
Evertsdóttir). Það leið aldrei á löngu
uns eitthvað broslegt gerðist á tjald-
inu og húmorinn læddist oft notalega
að manni. Gert góðlátlegt grín að al-
mennu afskipta- og áhugaleysi full-
orðinna gagnvart smáfólkinu, sem
kristallast í tilgangsleysi lögregluað-
gerða sem nefnast steikát í Bítlabæn-
um. Didda litla stundar á hinn bóginn
sínar rannsóknir með fullkomnum ár-
angri!
Þrátt fyrir hnökra og byrjenda-
brag, sem að talsverðu leyti má kenna
takmörkuðu framleiðslufé, tekst
Diddu og dauða kettinum í aðalatrið-
um það sem af henni er ætlast. Er lip-
ur og heilsusamleg barnaskemmtun
og afar þurfa ekki að láta sér leiðast
heldur. Lífleg tónlist að hætti hússins
og góður leikhópur bæta ævintýrið.
Einkum þau Helga Braga og Steinn
Ármann Magnússon, sem fer á kost-
um sem uppgjafarkennari, núverandi
rithöfundur og taugahrúga. Ekki má
gleyma burgmeister Árna Sigfússyni,
sem er hinn mynduglegasti í litlu
gestahlutverki. Senuþjófurinn er hins
vegar Kristín litla Ósk í titilhlutverk-
inu, sæt og sjarmerandi og upprenn-
andi stórleikkona því hún stendur sig
best þegar myndin hvílir gjörsamlega
á herðum hennar.
Undirheimar Keflavíkur
KVIKMYNDIR
Hákólabíó, Sambíóin Reykjavík,
Keflavík og Akureyri
Leikstjóri: Helgi Sverrisson. Handrit:
Kristlaug María Sigurðardóttir / Kikka.
Kvikmyndatökustjóri: Helgi Sverrisson.
Tónlist: Ludvig Kári Forberg. Hljóð: Sig-
urður Guðmundsson. Leikmynd: Jón Mar-
inó Sigurðsson.
Aðalleikendur: Kristín Ósk Gísladóttir,
Kjartan Guðjónsson, Sjöfn Evertsdóttir,
Helga Braga Jónsdóttir, Steinn Ármann
Magnússon, Einar Orri Einarsson, Davíð
Már Gunnarsson, Árni Sigfússon, Linda
Sif Þorláksdóttir, Ómar Ólafsson, Sig-
urður Svavar Erlingsson og Gunnar Eyj-
ólfsson sem Stjáni á Eyrinni. Fram-
kvæmdastjórn: Kristján Kristjánsson. 90
mín. ÍsMedia ehf. Ísland 2003.
Didda og dauði kötturinn

½
Sæbjörn Valdimarsson
Atriði úr myndinni Didda og dauði kötturinn.
FAÐMLÖG Demi Moore og Pat-
rick Swayze við leirkeragerð í
myndinni Vofunni (Ghost) frá
árinu 1990 hefur verið valið róm-
antískasta atriði kvikmyndar, í
könnun meðal breskra bíógesta.
Alls tóku 3.010 manns þátt í
könnuninni og var fyrrnefnt at-
riði á toppnum hjá 22% þátttak-
enda. Vofan bar því sigurorð af
sígildum myndum á borð við
Casablanca frá árinu 1942.
Kveðjuatriði Ingrid Bergman og
Humphrey Bogart lenti þó í
fimmta sætinu.
Atriðið úr Ástarsögu (Love
Story) þegar Ali McGraw deyr í
örmum Ryan O’Neal lenti í öðru
sæti.
Tvær senur úr Fjórum brúð-
kaupum og jarðarför (Four
Weddings and a Funeral) höfn-
uðu síðan í þriðja og fjórða sæti.
Sæti sjö til tíu skipuðu atriði úr
Ástarævintýrinu (Brief Encounter),
Á hverfanda hveli (Gone With The
Wind), Allt til eilífðarnóns (From
Here To Eternity) og Titanic.
„Atriðin sem voru í uppáhaldi hjá
þátttakendum voru áhugavert sam-
bland af grátlegum senum, ástríðu-
fullum yfirlýsingum og atriðum er
ylja fólki um hjartaræturnar,“ sagði
talsmaður kvikmyndahúsakeðj-
unnar UCI, sem stóð fyrir könn-
uninni.
Rómantískustu atriði bíómynda valin
Leir á toppnum
Rómantískasta atriðið: Demi Moore og
Patrick Swayze í andlegum faðmlögum
við leirkeragerð.