Morgunblaðið - 05.03.2003, Blaðsíða 22
SUÐURNES
22 MIÐVIKUDAGUR 5. MARS 2003 MORGUNBLAÐIÐ
HALDIÐ var fjöltefli í Grunnskóla
Grindavíkur nú í byrjun vikunnar.
Tilefnið var kynning á Taflfélagi
Grindavíkur sem var stofnað nú á
dögunum í samvinnu við Taflfélag
Garðabæjar.
Það voru þær Anna Björg Þor-
grímsdóttir og Sylvia Johansen
sem tefldu við krakkana en alls
tóku um 60 nemendur þátt í fjöl-
teflinu. Sylvia er margreynd norsk
landsliðskona sem hefur keppt á
átta Ólympíumótum en Anna er í
landsliði Íslands og keppti í haust
á sínu fyrsta Ólympíumóti. Ein ell-
efu ára gömul stúlka, Helga Dís
Jakobsdóttir, náði að sigra þessa
sterku skákmenn en aðrar skákir
unnu þær Anna og Sylvia.
„Næstkomandi miðvikudag
verður haldið fyrsta alþjóðlega
kvennamótið hér á landi og stað-
urinn ekki af lakara taginu, Salt-
fisksetur Íslands. Þarna keppa ís-
lenska landsliðið, það norska og
Evrópumeistarar Frakka. Sam-
hliða er síðan Þorbjarnar Fiska-
nes-mótið þar sem bætast við lið,“
sagði Jóhann H. Ragnarsson,
skákfrömuður. Þess má einnig
geta að verðlaunaafhending fer
fram næstkomandi sunnudag í Blá
lóninu og í tengslum við afhend-
inguna verður teflt ofan í Bláa
lóninu. Mótið í Saltfisksetrinu á
miðvikudag hefst kl.19.30.
Morgunblaðið/Garðar Páll Vignisson
Anna Björg Þorgrímsdóttir teflir fjöltefli við áhugasama nemendur grunn-
skólans í Grindavík. Stelpur og strákar tefldu við gestinn.
Fyrsta
alþjóðlega
kvenna-
skákmótið
Grindavík
Taflfélag Grindavíkur stofnað og teflt í Saltfisksetrinu
BÆJARSTJÓRN Reykjanesbæjar
samþykkti í gærkvöldi að fela bæj-
arstjóra að undirbúa breytingar á
lögreglusamþykkt sem miða að því
að banna einkadans á næturklúbb-
um. Átta af ellefu bæjarfulltrúum
stóðu að samþykktinni.
Nektardans hefur ekki verið
bannaður í Reykjanesbæ og er nú
stundaður á næturklúbbnum Cas-
ino í Keflavík. Í greinargerð með
tillögu bæjarfulltrúanna er vakin
athygli á niðurstöðum dóms Hæsta-
réttar vegna banns við einkadansi á
næturklúbbum í Reykjavík, þá er
vakin athygli á skýrslum og upplýs-
ingum um mansal og vændi. Fram
kemur að það sé skylda stjórnmála-
manna að taka þátt í upplýstri um-
ræðu um þessi málefni og bregðast
við ef nýjar upplýsingar koma
fram. Það hafi þrjú af þeim fjórum
bæjarfélögum, sem leyfa starfsemi
næturklúbba, gert með því að
banna einkadans.
„Í ljósi alls framangreinds teljum
við það skyldu okkar að bregðast
við með sama hætti og önnur bæj-
arfélög hafa gert. Með því er ekki
verið að fella neinn dóm yfir þeirri
starfsemi sem hér er í Reykja-
nesbæ, heldur viljum við senda
ákveðin siðferðisskilaboð, ekki síst
til æsku Reykjanesbæjar, en um
leið að túlka allan vafa þeim í hag
sem telja að ólögleg starfsemi teng-
ist þessum stöðum,“ segir í lok
greinargerðarinnar.
Átta bæjarfulltrúar stóðu að til-
lögunni, það er að segja allir nema
Böðvar Jónsson, formaður bæjar-
ráðs, og Guðbrandur Einarsson og
Ólafur Thordersen, fulltrúar Sam-
fylkingarinnar.
Hyggjast banna
einkadans
Reykjanesbær
Kjöri íþróttamanns Sandgerðis
2002 verður lýst á hátíðlegri sam-
komu í kvöld. Samkoman fer fram í
golfskála Golfklúbbs Sandgerðis og
hefst klukkan 20.30. Hátíð-
arsamkoman er opin almenningi og
er áhugafólk um íþróttir hvatt til að
mæta og samgleðjast með afreks-
fólkinu, segir í frétt frá Sandgerð-
isbæ.
Í DAG