Morgunblaðið - 05.04.2003, Side 2

FRÉTTIR
2 LAUGARDAGUR 5. APRÍL 2003 MORGUNBLAÐIÐ
AUKNAR BARNABÆTUR
Samfylkingin setur fram níu for-
gangsmál sem koma eiga til fram-
kvæmda á næstu fjórum árum að því
er fram kom á vorþingi Samfylk-
ingar í gær. Þannig er það stefna
flokksins að hækka skattleysismörk,
lækka virðisaukaskatt af matvælum
og verja þremur milljörðum árlega í
hækkun barnabóta.
Íbúarnir flýja Bagdad
Bandamenn hafa náð fullum yf-
irráðum yfir alþjóðaflugvellinum
fyrir sunnan Bagdad og hafa mætt
lítilli mótspyrnu í hraðri sókn sinni
til borgarinnar. Í gær voru þúsundir
íbúa hennar á flótta til héraða fyrir
norðan hana. Írakar hóta nú að beita
„óhefðbundnum“ árásum á banda-
menn en tóku fram, að ekki yrði um
gereyðingarvopn að ræða.
Breytt rekstrarform
Jóhannes Geir Sigurgeirsson,
stjórnarformaður Landsvirkjunar,
sagði á samráðfundi Landsvirkjunar
í gær að nauðsynlegt væri að færa
starfshætti og rekstrarform orku-
fyrirtækja nær því sem tíðkaðist al-
mennt í atvinnulífinu. Fyrsta skrefið
að fyrirtækjavæðingu Landsvirkj-
unar gæti verið að opna leiðir fyrir
íslenska lífeyrissjóði að fjárfesta í
fyrirtækinu.
Sameiningarviðræður
Stjórnarformaður Granda, og
starfandi framkvæmdastjóri, og
framkvæmdastjóri Þorbjörns-
Fiskaness hafa átt fundi saman um
mögulegan ávinning af samruna fé-
laganna. Fyrirtækin ráða sameig-
inlega í veiðiheimildum yfir rétt
tæpum 42 þúsund þorskígildis-
tonnum eða tæplega 10% af heild-
arkvóta.
L a u g a r d a g u r
5.
a p r í l ˜ 2 0 0 3
Yf ir l i t
Kynningar – Morgunblaðinu í dag
fylgir auglýsingablaðið „Miðborgin“
frá Þróunarfélagi miðborgar. Blaðinu
er dreift um allt land.
Í dag
Sigmund 8 Listir 40/41
Viðskipti 16/20 Minningar 42/47
Erlent 22/27 Umræðan 48/50
Höfuðborgin 28 Kirkjustarf 51/55
Akureyri 29 Myndasögur 58
Suðurnes 30 Bréf 58/59
Árborg 30/31 Dagbók 60/61
Landið 31 Staksteinar 60
Heilsa 32 Leikhús 64
Neytendur 33 Fólk 64/69
Úr Vesturheimi 34 Bíó 66/69
Forystugrein 36 Ljósvakamiðlar 70
Viðhorf 40 Veður 71
* * *
OFT hefur verið sagt að sund sé allra meina bót, en
margir segja að sund sé líka skemmtileg íþrótt fyrir
unga sem aldna. Sund er ein af skyldugreinunum í
grunnskólum landsins og þessar stúlkur skemmtu sér
vel í skólasundi í Hveragerði. Enda lék veðrið við þær
og sólin brosti sínu breiðasta.
Gaman í sundi
Morgunblaðið/RAX
ENNÞÁ er kvika að koma upp undir
Mýrdalsjökli samkvæmt GPS-mæl-
ingum, sem gerðar voru í byrjun
mars. Síðustu 10 mánuði hefur land í
miðju jökulsins risið um 10 cm.
GPS-mælingarnar eru gerðar til að
kanna breytingar á skorpunni og að
sögn Eriks Sturkell, jarðfræðings hjá
Veðurstofu Íslands, er greinilegt að
enn er að koma kvika upp undir jökl-
inum þótt hún komi ekki eins hratt og
í fyrra. Útreikningar sýni að land í
miðju jökulsins hafi risið um 10 sentí-
metra á síðustu 10 mánuðum. Þá
megi nefna að nokkur þúsund jarð-
skjálftar hafi orðið í jöklinum sl. ár.
„Það er greinilega eitthvað í gangi
en hins vegar er ekki mjög líklegt að
það verði eldgos í jöklinum alveg á
næstunni,“ segir Erik. „Það þarf
meiri kvika að hlaðast upp undir jökl-
inum til að svo verði. Hversu mikið
þarf til viðbótar vitum við ekki.“
Hann segir að á síðustu 1.100 árum
hafi gosið 20 sinnum í jöklinum, eða á
u.þ.b. 60 ára fresti. Nú sé nokkru
lengri tími liðinn frá síðasta gosi því
síðast gaus í jöklinum svo óyggjandi
sé árið 1918. Hins vegar hafi einhverj-
ar hræringar átt sér stað árið 1955
sem ollu stóru jökulárhlaupi og hugs-
anlega hafi þar verið um að ræða eld-
gos sem ekki komst upp úr jöklinum.
Að sögn Eriks verður áfram fylgst
með virkni í jöklinum en nýlega var
komið fyrir jarðskjálftamælum á
Austmannsbungu og Entukollum.
Segir hann stefnt að því að fara hið
fyrsta á jökulinn til að sækja gögn úr
þessum mælum og nýjar GPS-mæl-
ingar líklega gerðar á jöklinum í sum-
ar.
Kvika ennþá að koma
upp undir Mýrdalsjökli
FLUGMÁLASTJÓRN Íslands bár-
ust í gær gögn frá dönskum sam-
gönguyfirvöldum varðandi fyrirhug-
að áætlunarflug Grænlandsflugs
milli Akureyrar og Kaupmannahafn-
ar. Gera má ráð fyrir að í kjölfarið
fari hjólin að snúast, en fyrsta áætl-
unarflugið milli þessara áfangastaða
er fyrirhugað 28. apríl næstkomandi.
Forsvarsmenn Atvinnuþróunar-
félags Eyjafjarðar vænta þess að ís-
lensk flugmálayfirvöld afgreiði málið
hratt nú þegar öll gögn séu til staðar.
Jesper Egede, markaðsstjóri
Grænlandsflugs, hefur verið á Akur-
eyri síðustu daga m.a. að vinna að
innlendri markaðsáætlun Fjöl-
breyttir möguleikar eru til markaðs-
setningar að sögn forráðamanna fé-
lagsins og segja þeir íbúa á Norður-
og Austurlandi verða vara við þessar
kynningar á næstu vikum.
Vonast til að bókan-
ir hefjist fyrir páska
BRÁÐABIRGÐATÖLUR um inn-
heimtu virðisaukaskatts í mars
benda til verulegrar aukningar al-
menns vöruinnflutnings í mán-
uðinum hvort sem miðað er við
febrúarmánuð eða marsmánuð árið
2002. Þetta kemur fram í vefriti
fjármálaráðuneytisins.
Skv. þessum tölum gæti innflutn-
ingur án skipa og flugvéla hafa
numið rúmlega 15½ milljarði
króna, samanborið við 13,8 millj-
arða í febrúar sl. og 14,2 milljarða í
marsmánuði í fyrra. Aukningin frá
síðasta ári mælist 21% að raungildi
en fjármálaráðuneytið bendir þó á,
að hafa verði í huga að í fyrra voru
páskarnir í mars þannig að inn-
flutningur hefur verið eitthvað
minni þess vegna.
Innflutningur rafbúnaðar og
tækja á fyrstu þremur mánuðum
þessa árs dróst saman um 1,1 millj-
arð króna og innflutningur á hús-
gögnum og húsbúnaði dróst saman
um 600 milljónir króna eða um 30%.
Aftur á móti jókst innflutningur
ökutækja og fylgihluta þeirra um
25% frá sama tímabili í fyrra.
Morgunblaðið/Árni Sæberg
Nýir bílar á hafnarbakka.
Innflutn-
ingur jókst
verulega í
mars
Bráðabirgðatölur
um innheimtu vsk.
EIGNIR lífeyrissjóða í innlendum
hlutabréfum námu um 73 milljörðum
króna um síðustu áramót og hækk-
uðu um 29% frá árinu áður. Hækk-
unina má rekja annars vegar til
hækkunar á hlutabréfaverði á síð-
asta ári, en úrvalsvísitala Kauphallar
Íslands hækkaði um 16,7% á árinu,
og til aukinna fjárfestinga í innlend-
um hlutabréfum.
Hlutfall innlendrar hlutabréfa-
eignar af heildareignum lífeyrissjóð-
anna var 10,8% á árinu 2002 og
hækkaði úr 9,3% árið áður. Sam-
bærilegt hlutfall árið 2000 var 9,8%.
Þegar eignir sjóðanna í innlendum
hlutabréfum eru skoðaðar í hlutfalli
við markaðsvirði hlutabréfa í Kaup-
höllinni í heild kemur í ljós að það
hefur verið um 14% síðustu þrjú ár.
Eignir lífeyrissjóðanna
73 milljarðar í inn-
lendum hlutabréfum
DÓMSMÁLARÁÐHERRA skip-
aði í gær Jón Birgi Jónsson, verk-
fræðing og ráðuneytisstjóra í
samgönguráðuneytinu, formann
almannavarnaráðs til eins árs.
Sem kunnugt er hefur verið
ákveðið að flytja verkefni al-
mannavarnaráðs og starfsemi Al-
mannavarna ríkisins til embættis
ríkislögreglustjóra og tók breyt-
ingin gildi í gær.
Starfar með
ríkislögreglustjóra
Í tilkynningu frá dóms- og
kirkjumálaráðuneytinu segir að
samkvæmt breytingunni skuli
sérstakt ráð, almannavarnaráð,
vera ríkisstjórninni til ráðgjafar
um almannavarnir. Ráðið skuli
jafnframt starfa með ríkislög-
reglustjóra þegar almannavarna-
ástand skapist.
Aðrir sem sæti eiga í almanna-
varnaráði eru: Hafsteinn Haf-
steinsson, forstjóri Landhelgis-
gæslunnar, Sigurður Guðmunds-
son landlæknir, Haraldur
Johannessen ríkislögreglstjóri,
Hrafnkell V. Gíslason, forstjóri
Póst- og fjarskiptastofnunar,
Brynjólfur Bjarnason, forstjóri
Landssímans, Jón Rögnvaldsson
vegamálastjóri, Magnús Jónsson
veðurstofustjóri, Þorgeir Pálsson
flugmálastjóri, Sigrún Árnadóttir,
framkvæmdastjóri Rauða kross
Íslands, Jón Gunnarsson, formað-
ur Slysavarnafélagsins Lands-
bjargar og Vilhjálmur Þ. Vil-
hjálmsson, formaður Sambands
íslenskra sveitarfélaga.
Nýtt almanna-
varnaráð skipað