Morgunblaðið - 05.04.2003, Qupperneq 19

FLUTNINGSKOSTNAÐUR er
vandamál í fiskeldi og leita þarf
leiða til að ná verulega niður flug-
fragtinni til Bandaríkjanna, en
með flutningi innanlands kostar nú
um 150 krónur að koma hverju
kílógrammi af laxi frá Norðfirði til
Bandaríkjanna. Þetta kom fram í
máli Finnboga Jónssonar for-
manns stjórnar Samherja á aðal-
fundi félagsins á Akureyri, en
hann gerði flutningamál m.a. að
umtalsefni í ræðu sinni á fund-
inum.
Finnbogi sagði að gengju áætl-
anir eftir mætti gera ráð fyrir að
cif verðmæti laxeldis hjá Samherja
gæti orðið yfir 3 milljarðar eftir
2–3 ár miðað við 10 þúsund tonna
framleiðslu af slægðum laxi.
„Hvort verðið er 10% hærra eða
lægra svarar til fjárhæðar upp á
hvorki meira né minna en 300
milljónir króna á ári,“ sagði Finn-
bogi og benti á að fjárfesting í
markaðsmálum á þessu sviði gæti
verið einhver arðbærasta fjárfest-
ing sem hægt væri að ráðast í og
skilað miklum ávinningi til fram-
tíðar.
Finnbogi sagði að félagið myndi
væntanlega flytja lax bæði vestur
um haf og austur í framtíðinni.
Kosturinn við Evrópu væri sá að
hægt væri að flytja hann með
skipum og kostnaður sambæri-
legur við flutning frá Noregi til
Mið-Evrópu. Gallinn væri hins
vegar sá að það væri nánast aðeins
ein ferð í viku og á meðan svo er
væri útilokað að byggja upp við-
unandi tíðni og öryggi við afhend-
ingu.
Hvað Bandaríkin varðar sagði
Finnbogi að vísbendingar væru
um að með fragtflugi í stórum vél-
um beint frá Egilsstöðum væri
hægt að lækka kostnað um þriðj-
ung.
Miðað við 10 þúsund tonna
framleiðslu á ári nemur kostnaður
við að koma vörunni á markað um
einum og hálfum milljarði króna.
Þriðjungslækkun nemur því um
500 milljónum króna sem unnt
væri að lækka flutningskostnað á
ári.
Beint fragtflug gæti
lækkað kostnað
Morgunblaðið/Kristján
Finnbogi Jónsson, stjórnarformað-
ur Samherja, flytur skýrslu sína á
aðalfundi félagsins.
VIÐSKIPTI/ATHAFNALÍF
MORGUNBLAÐIÐ LAUGARDAGUR 5. APRÍL 2003 19