Morgunblaðið - 05.07.2003, Blaðsíða 8
FRÉTTIR
8 LAUGARDAGUR 5. JÚLÍ 2003 MORGUNBLAÐIÐ
Fornbílaklúbbur Íslands
Glæsikerrur við
Árbæjarsafn
GESTIR Árbæjar-safns á morgun,sunnudag, geta
skoðað fornbíla á staðn-
um. Fornbílaklúbbur Ís-
lands ætlar að sýna úrval
bíla í eigu félagsmanna
frá klukkan 13–17. Elsti
bíllinn verður að líkindum
Ford, árgerð 1930, en bú-
ast má við að kaggar frá
sjötta og sjöunda ára-
tugnum prýði einnig sýn-
inguna.
Sævar Pétursson er
formaður Fornbílaklúbbs
Íslands. „Við höfum mætt
með bílana okkar að Ár-
bæjarsafni í mörg sumur
og ætlum að halda þeim
sið áfram.“
– Hvað verða margir
bílar við Árbæjarsafn á
sunnudag?
„Þeir verða líklega á bilinu 20–
30. Þeir félagsmenn Fornbíla-
klúbbsins sem sjá sér fært að
mæta koma þarna með bílana
sína. Við höfum alltaf lagt tölu-
verða áherslu á þennan fornbíla-
dag, því þarna eru bílarnir í sínu
rétta umhverfi.“
– Hvaða bílar eru þetta?
„Bílaeign félagsmanna er hin
fjölbreytilegasta. Félagar Forn-
bílaklúbbsins eru 5–600 talsins
og töluverð breidd í bílaeigninni.
Gestir Árbæjarsafns geta meðal
annars skoðað Ford frá 1930, lík-
lega verður þarna líka Overland
frá 1924 og svo bílar frá því í
kringum 1950 og 1960 og allt
fram til 1974.“
–– Þetta er að líkindum ekki
eina sýning klúbbsins á bílaeign-
inni í sumar?
„Nei, núna í júní vorum við
með landsmót okkar á Selfossi og
þar voru um 100 bílar. Bílarnir
vekja áhuga fólks á öllum aldri
og sá áhugi er fremur að aukast
en hitt. Stóru drekarnir frá
sjötta og sjöunda áratugnum eru
vinsælastir hjá yngra fólki, en
eldra fólki finnst oft gaman að
sjá bíla sem það man eftir, til
dæmis bíla eins og foreldrar
þeirra eða afar og ömmur áttu.“
–– Og Fornbílaklúbburinn
varðveitir minjar um sögu þess-
ara bíla?
„Já, klúbburinn á til dæmis
ágætt safn ljósmynda af gömlum
bílum. Við höfum safnað þessum
myndum saman í gegnum árin og
margar þeirra koma að góðum
notum nú, því verið er að rita bók
um 100 ára afmæli bílsins á Ís-
landi. Fyrsti bíllinn kom hingað
til lands í júní 1904 og þessi bók
mun koma út á næsta ári.“
– Hvað þarf bíll að vera gamall
til að teljast fornbíll?
„Hann þarf að vera orðinn 25
ára. Samsetning bíla, sem eru í
eigu félagsmanna, hefur breyst
dálítið í gegnum tíðina. Einu
sinni voru amerískir bílar alls-
ráðandi, ásamt evrópskum, en
núna eru japanskir bílar að bæt-
ast í hópinn. Langflestir eru hins
vegar amerískir.“
– Er auðvelt að
verða sér úti um forn-
bíl?
„Reglum um inn-
flutning á fornbílum
hefur verið breytt, á
þann veg að tollar voru lækkaðir
á bílum sem eru 40 ára eða eldri.
Þessi breyting hefur orðið til
þess, að núna flytja menn inn
bíla sem eru í betra ástandi en
áður var. Menn neyddust til að
flytja inn druslur, nánast í pört-
um, til að halda kostnaðinum
niðri. Með breyttri tollalöggjöf
er þeim núna kleift að flytja inn
betri bíla fyrir sama pening.“
– Eru einhverjir spennandi
bílar á leið til landsins?
„Já, ég veit um nokkra
skemmtilega sem eru nýkomnir
eða á leiðinni. Ég get nefnt sem
dæmi Lincoln árgerð 1930, en
eftir því sem ég best veit hefur
slíkur bíll aldrei komið hingað til
lands áður. Þennan bíl þarf að
gera töluvert við, en hann er
mjög góður efniviður og verður
án efa glæsilegur.“
– Hvað er næst á döfinni hjá
Fornbílaklúbbnum?
„Næst á dagskrá er árleg lang-
ferð klúbbsins, 12. til 19. júlí. Við
ætlum að aka frá Reykjavík, um
Austfirði og norðurleiðina heim.
Í þessari ferð verða líklega um
20–30 bílar og þeir vekja alltaf
athygli þegar þeir aka um þjóð-
vegina.“
– Hvað er að frétta af fyrir-
huguðu bílasafni?
„Allar líkur eru á að bílasafn
muni rísa við hlið gömlu raf-
stöðvarinnar við Elliðaár og
fyrirhugað er að byrja fram-
kvæmdir í haust. Þar verður
hægt að sýna bíla, bæði inni í
húsinu og á sýningarsvæði fyrir
utan. Við viljum gjarnan gera vel
við fornbílana okkar, því í þeim
felast töluverð menningarverð-
mæti. Okkur ber í raun skylda til
að varðveita þessar merku minj-
ar. Eitt slíkt dæmi er gamli for-
setabíllinn, Packard árgerð 1942,
sem er í eigu Þjóðminjasafnsins
og verður notaður sem viðhafn-
arbíll á vegum embættis forseta
Íslands þegar lokið
verður við að færa
hann í upprunalegt
horf. Það er mjög sér-
stakt að við Íslending-
ar skulum enn eiga
fyrsta bíl forsetaembættisins og
ánægjulegt að varðveita eigi
hann með þessum hætti. Mér
finnst greinilegt að landsmenn
séu að átta sig æ betur á þeim
sögulegu verðmætum sem felast
í fornbílum. Ég vil því hvetja alla
til að leggja leið sína í Árbæj-
arsafn á morgun og skoða bílana,
sem félagar í Fornbílaklúbbnum
verða með til sýnis.“
Sævar Pétursson
Sævar Pétursson fæddist í
Hafnarfirði 6. júní 1948, ólst upp
vestur í Miðdölum til tíu ára ald-
urs og fluttist þá til Reykjavíkur.
Hann rekur Bílaréttingar – bíla-
sprautun Sævars við Bíldshöfða í
Reykjavík. Sævar var kjörinn
formaður Fornbílaklúbbs Íslands
í maí sl. Hann á þrjá fornbíla,
Ford ’30 módel, Mercury 1954 og
Ford Galaxy 1959, en ekur dag-
lega á Ford pallbíl frá 1978, sem
reyndar er líka kominn á forn-
bílaaldur. Kona hans er Ragn-
heiður Sigurðardóttir. Þau eiga
tvo syni.
Fornbílar eru
merk söguleg
verðmæti
QAQORTOQ er mjög heillandi staður að sækja heim.
Bæði er bærinn afar fallegur og sérstæður og íbúarnir
einstaklega hjartahlýtt og elskulegt fólk sem tekur vel
á móti gestum sem sækja bæinn heim. Þessa skemmti-
legu gutta hitti ljósmyndari blaðsins á leið sinni um
miðbæ Qaqortoq.
Morgunblaðið/Ómar
Kátir strákar í Qaqortoq
399 kr.
Birkikvistur
999 kr.
20 Fjólur
599 kr.
10 Flauelsblóm
Gar›styttur
30% afsláttur
Steyptar garðstyttur, pottar
veggmyndir, fuglaböð o.fl.
frá Bretlandi
frá föstudegi til sunnudags
Garðplöntuútsala
Ný sen
ding
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
B
LO
2
16
52
07
/2
00
3