Morgunblaðið - 05.07.2003, Blaðsíða 16

ERLENT
16 LAUGARDAGUR 5. JÚLÍ 2003 MORGUNBLAÐIÐ
TVEIR Bretar, sem grunaðir eru
um aðild að hryðjuverkum og eru í
fangabúðum Bandaríkjamanna við
Guantanaomoflóa á Kúbu, eru í hópi
fyrstu sex fanganna sem kunna að
verða dregnir fyrir herrétt í Banda-
ríkjunum, að því er breska utanríkis-
ráðuneytið greindi frá í gær. Menn-
irnir heita Moazzam Begg, frá
Birmingham, og Feroz Abbasi, frá
Surrey, suður af London.
Bandarískir embættismenn hafa
neitað að nafngreina mennina sex,
en sagt að þeir séu allir grunaðir um
að vera ýmist meðlimir í hryðju-
verkasamtökum Osama bin Ladens,
al-Qaeda, eða hafa með öðrum hætti
tekið þátt í hryðjuverkastarfsemi.
Næsta skref sé að saksóknari leggi
drög að kærum á hendur einhverjum
þeirra eða þeim öllum.
Ekki sanngjörn málsmeðferð
Faðir Beggs, Azmat Begg, kvaðst
óttast að sonur sinn hljóti ekki sann-
gjarna málsmeðferð. „Þetta verður
herréttur, dómarinn verður úr hern-
um þótt sonur minn sé óbreyttur
borgari,“ sagði Azmat Begg. „Þetta
er ekki réttmætt. Það er óréttlátt að
stjórnvöld eða herinn tilnefni full-
trúa í réttinn. Það ætti óháður aðili
að gera.“ Azmat neitaði því að sonur
sinn hefði nokkurntíma verið í al-
Qaeda. „Hann er heiðvirður fjöl-
skyldumaður.“
Moazzam Begg er 35 ára og hefur
verið í haldi á Kúbu í hátt í fimm
mánuði, og þar á undan var hann í
fangelsi í Afganistan í um það bil ár,
skv. upplýsingum breska þrýsti-
hópsins Fair Trials Abroad (Sann-
gjörn réttarhöld erlendis). Segir
hópurinn ennfremur að Moazzam,
sem er fjögurra barna faðir, hafi ver-
ið handtekinn í Pakistan í febrúar
2002 og vera kunni að þeir sem hand-
tóku hann hafi farið mannavillt.
Hinn Bretinn, Abbasi, er 23 ára og
sagði lögfræðingur hans, Louise
Christian, að móðir hans væri í öng-
um sínum vegna þess að sonur henn-
ar kynni að verða dreginn fyrir her-
rétt. „Hann var einungis 19 ára
þegar hann fór að heiman og það er
óhugsandi að hann geti hafa verið
háttsettur félagi í einhverjum sam-
tökum,“ sagði Christian.
Abbasi hefur verið í haldi Banda-
ríkjamanna síðan í janúar í fyrra.
Breskur dómstóll komst að þeirri
niðurstöðu í nóvember að bresk
stjórnvöld gætu ekki skorist í leik-
inn, jafnvel þótt fangelsun Abbasis
væri „lagalega óviðunandi“. Lög-
menn hans segja að skv. mannrétt-
indaskuldbindingu Breta sé þeim
skylt að krefjast þess að Bandaríkja-
stjórn annaðhvort láti hann lausan
eða ákæri hann og leyfi honum að
hafa samband við lögfræðing.
Framkvæmdastjóri Fair Trials
Abroad, Stephen Jakobi, sagði að
væntanleg herréttarhöld í Banda-
ríkjunum yrðu þannig úr garði gerð
að öruggt væri að sakfelling fengist.
„Bandaríska varnarmálaráðuneytið
mun tilnefna dómara og saksóknara,
stjórna vörninni og setja leikregl-
urnar í réttarhöldunum,“ sagði Jak-
obi. „Markmiðið virðist aðeins vera
eitt – að tryggja sakfellingu. Ef þeir
væru reiðubúnir til að kalla þessa
menn fyrir venjulegan, bandarískan
dómstól myndu sönnunargögnin
ekki hrökkva til.“
Áströlsk stjórnvöld segja að þar-
lendur ríkisborgari, David Hicks, sé
einnig á meðal þeirra sex sem kunni
að verða kvaddir fyrir herrétt.
Tveir Bretar meðal sex fanga er kunna að verða kvaddir fyrir herrétt
Bandaríkjamenn sagðir
vilja tryggja sakfellingu
AP
Azmat Begg, faðir Moazzams Begg,
heldur á mynd af syni sínum.
London. AP.
HUNDRUÐ manna hafa undanfarna daga lagt leið sína út á hveitiakur í grennd við Fairfield í Kali-
forníu í Bandaríkjunum til að skoða þessa dularfullu hringamynd sem uppgötvaðist fyrr í vikunni.
Hafa hveitiöxin verið troðin niður á kerfisbundinn hátt til að mynda þessa hringi. Það var eigandi
akursins sem uppgötvaði myndina, en ekki er vitað hvernig hún er til komin.
Reuters
Dularfullir hringir
SVOKALLAÐIR drápssniglar
hafa gert dönskum garðeigend-
um lífið leitt undanfarið. Snigl-
arnir sem hafa fengið þetta mið-
ur fallega nafn eru í raun stórir
skógarsniglar frá Íberíuskaga
sem bárust til Danmerkur fyrir
um áratug, að því er segir í Jyl-
landsposten. Þeir eta allt sem
fyrir þeim verður í garðinum,
róta upp beðum og skilja allstað-
ar eftir sig óskemmtilega slóð af
þykku slími.
Sjóðandi vatn, bjór, salt, eit-
ur, sníkjudýr og sniglaspaðar
eru á meðal þess sem garðeig-
endur prófa að nota í baráttunni
við sniglana. Erfitt reynist þó að
útrýma sniglunum því þeir
fjölga sér hratt, en hver snigill
verpir um 400 eggjum á ári.
Berjast við
drápssnigla
SKIPULEGGJENDUR Ólympíu-
leikanna í Aþenu lýstu því yfir í gær
að þeir kæmu hvergi nærri áformum
borgaryfirvalda um að fjölga vændis-
húsum í borginni fyrir Ólympíuleik-
ana 2004. „Málið snertir okkur ekki,“
sagði Serapheim Kotrotsos, talsmað-
ur skipulagsnefndar leikanna.
Í síðasta mánuði greindu borgaryf-
irvöld í Aþenu frá því að þau hefðu
farið þess á leit við ríkisstjórnina að
hún rýmkaði löggjöf um vændi til að
takast á við straum vændiskvenna til
landsins meðan á leikunum stendur.
Vændi er leyfilegt í landinu en með
nokkrum takmörkunum þó, þar sem
það má einungis fara fram á vændis-
húsum sem hafa opinbert leyfi til að
reka slíka starfsemi.
Íþrótta- og ólympíusamband Ís-
lands hefur sent Alþjóðaólympíu-
nefndinni bréf þar sem það segist líta
málið alvarlegum augum enda eigi Ól-
ympíuleikar ekki að vera skálkaskjól
fyrir kynlífsstarfsemi. Þá hefur ríkis-
stjórn Svíþjóðar mótmælt tillögun-
um.
Fjallað um Feministafélagið
Í breska blaðinu Guardian er
greint frá því í umfjöllun um málið að
Feministafélag Íslands hafi fordæmt
tillögur borgaryfirvalda í Aþenu. Þar
er m.a. rætt við Kristínu Ástgeirs-
dóttur, ráðskonu hjá Feministafélag-
inu, sem segir að tillögur yfirvalda í
Aþenu séu í mótsögn við anda Ólymp-
íuleikanna. „Tilgangur leikanna er að
senda skilaboð um heilbrigði, frið,
jafnrétti kynjanna og samvinnu,“ seg-
ir hún.
Ira Valsamaki, talsmaður borgar-
yfirvalda í Aþenu, segir í viðtali við
AFP-fréttastofuna að tilgangur til-
lögunnar hafi ekki verið að rýmka
reglur um vændi heldur þvert á móti
að tryggja að farið verði eftir þeim á
meðan á Ólympíuleikunum stendur.
Styður ekki rýmri
löggjöf um vændi
Aþenu. AFP.
HWANG Jang-Yop, sem áður
var í æðsta valdahring stjórn-
valda í Norður-Kóreu, sagði í
gær, að Kim Jong-Il, leiðtogi
landsins, hefði sagt sér, að
stjórnin hefði þá þegar verið
komin með kjarnorkuvopn.
Gerðist þetta rétt áður en
Hwang flýði til Suður-Kóreu.
Sagði hann einnig, að N-Kóreu-
stjórn hefði samið við Pakistan-
stjórn 1996 um aðstoð við að
auðga úran í kjarnasprengjur.
Hwang var á sínum tíma aðalrit-
ari Verkamannaflokks N-Kóreu
og helsti höfundur sjálfsþurfta-
búskaparins, sem er megininn-
takið í n-kóreskum kommún-
isma. Fram hefur komið að
bandaríska leyniþjónustan teldi,
að N-Kóreumenn væru að smíða
litla kjarnaodda, sem unnt væri
að skjóta með eldflaugum.
Barry White
látinn
BANDARÍSKI söngvarinn
Barry White lést af völdum
nýrnasjúkdóms í gærmorgun,
58 ára að aldri.
White, sem
fékk gælu-
nafnið „ástar-
rostungurinn“ í
poppheimin-
um, hafði beðið
eftir því að
komast í
nýrnaskiptaaðgerð. Á meðal
þekktustu laga hans voru „Can’t
Get Enough of Your Love“ og
„You’re The First, The Last, My
Everything“.
Átökum lokið á
Fílabeins-
ströndinni
STRÍÐANDI fylkingar á Fíla-
beinsströndinni lýstu því form-
lega yfir í gær að borgarastíðinu
í landinu væri lokið. Lýstu deil-
endur yfir stuðningi sinum við
Laurent Gbagbo forseta, næst-
um tíu mánuðum eftir að átök
brutust fyrst út sem miðuðu að
því að velta Gbagbo úr sessi.
Endalokum stríðsins var lýst yf-
ir við hátíðlega athöfn sem leið-
togar þriggja hreyfinga upp-
reisnarmanna sóttu, sem og
hersveitir sem styðja Gbagbo.
Þá var forsetinn sjálfur við-
staddur.
Súdeta-
Þjóðverjar
vilja bætur
LEIÐTOGAR tékknesku
stjórnmálaflokkanna komu
saman í gær til að ræða viðbrögð
við vaxandi kröfum um, að fólk
af þýsku bergi brotið, sem var
rekið frá Tékkóslóvakíu eftir
stríð, fengi bætur. Að lokinni
Flauelsbyltingunni 1989 voru
sett lög um bætur til þeirra, sem
kommúnistar höfðu svipt eigum
sínum, en ekkert hróflað við
Benes-tilskipuninni frá 1945.
Með henni voru þrjár milljónir
Súdeta-Þjóðverja reknar burt
og eigur þeirra gerðar upptæk-
ar. Tékkar vísa kröfum um bæt-
ur á bug og vísa til þess, að Súd-
eta-Þjóðverjar studdu margir
nasista, en óttast, að þetta mál
geti haft slæm áhrif á væntan-
lega aðild þeirra að Evrópusam-
bandinu.
STUTT
Norður-
Kórea með
kjarnavopn
fyrir 1997?
Barry White