Morgunblaðið - 05.07.2003, Blaðsíða 44

ÍÞRÓTTIR
44 LAUGARDAGUR 5. JÚLÍ 2003 MORGUNBLAÐIÐ
JACQUES Rogge, forseti Alþjóðaólympíu-
nefndarinnar, IOC, hefur óskað eftir því við
Denise Lewis, ólympíumeistara í sjöþraut
kvenna, að hún slíti samstarfi sínu við þjálf-
ara sinn, Dr. Ekkart Arbeit. Hinn breski ól-
ympíumeistari hefur æft undir stjórn Arbeits
frá því í byrjun árs en hún hefur átt í lang-
varandi meiðslum og ekki náð sér verulega á
skrið frá sigrinum í Sydney fyrir nærri þrem-
ur árum.
Margir hafa horn í síðu Arbeits þar sem
hann var helsti þjálfari austur-þýskra frjáls-
íþróttamanna og samkvæmt skjölum Stasi,
leyniþjónustu A-Þýskalands, bar hann ábyrgð
á að mörgum íþróttamönnum landsins voru
skipulega gefin ólögleg lyf á árunum 1971 til
1989. „Lewis hefur ekkert gert af sér sem
brýtur í bága við lög eða reglur, en ég held
að henni væri hollast að slíta samstarfinu.
Það er ekki til góðs fyrir orðspor íþrótta-
manna að vera í samstarfi við mann sem
tengst hefur lyfjamisnotkun,“ segir Rogge
m.a. og bætir við að sem ólympíumeistari beri
Lewis meiri ábyrgð en margur annar.
Lewis keppir í dag og á morgun í sjöþraut í
Evrópubikarkeppninni í Tallinn í Eistlandi.
Þar hyggst hún tryggja sér farseðilinn á
heimsmeistaramótið í París sem fram fer síð-
ari hluta ágústmánaðar.
Þess er skemmst að minnast að snemma árs
var spretthlaupurunum Marion Jones og Tim
Montgomery settur stóllinn fyrir dyrnar
vegna samstarfs þeirra við fyrrverandi þjálf-
ara Bens Johnsons, sem féll m.a. á lyfjaprófi
eftir að hafa komið fyrstur í mark í 100 m
hlaupi á Ólympíuleikunum í Seoul 1988.
Rogge vill að Lewis slíti
samstarfi við Arbeit
Reuters
Jacques Rogge, forseti IOC.
GUÐMUNDUR Benediktsson, leik-
maður KR, aðstoðar Willum Þór
Þórsson við þjálfun liðsins. Guð-
mundur hefur átt við erfið meiðsli
að stríða og hefur því ekkert getað
leikið með KR-liðinu það sem af er
móti. „Ég lít á þetta sem gott tæki-
færi og ég er virkilega ánægður
með að Willum skuli bera þetta
traust til mín. Ég tel mig hafa lært
ýmislegt af þeim þjálfurum sem ég
hef haft í gegnum tíðina og ég yrði
glaður ef ég gæti hjálpað til hérna
hjá KR. Ég vona að leikmenn beri
virðingu fyrir mér og í sameiningu
ætlum við að landa mörgum sigrum
það sem eftir er af mótinu,“ sagði
Guðmundur við Morgunblaðið.
Guðmundur
aðstoðar
Willum

ÞÓREY Edda Elísdóttir keppir í
stangarstökki á alþjóðlegu móti í
Grikklandi á morgun og viku síðar í
Finnlandi.

AÐ sögn Vésteins Hafseinssonar,
umboðsmanns Þóreyjar Eddu, verð-
ur hún einnig í eldlínunni á móti í
Þýskalandi 20. júlí. „Síðan stendur
henni til boða að taka þátt í að
minnsta kosti fjórum mótum í ágúst
áður en að heimsmeistaramótinu
kemur,“ sagði Vésteinn sem segir
boðunum rigna yfir sig og Þóreyju.
„Hún getur nánast keppt um allt og
við höfum því miður þruft að afþakka
boð um þátttöku í nokkrum mótum.
Áhuginn fyrir henni er mikill enda
hefur nún náð ágætum árangri í sum-
ar,“ segir Vésteinn Hafsteinsson.

TYRKNESKA knattspyrnusam-
bandið hefur verið sektað um jafn-
virði 30 milljóna króna vegna óláta
áhorfenda á viðureign Tyrklands og
Makedóníu í undankeppni EM í síð-
asta mánuði.

DARREN Anderton segir það vel
koma til greina að ganga til liðs við
Portsmouth en vangaveltur í þá átt-
ina hafa verið uppi síðustu daga eftir
að ljóst var að Glenn Hoddle, knatt-
spyrnustjóri Tottenhams, vill losna
við Anderton úr herbúðum sínum.
Harry Redknapp, knattspyrnustjóri
Portsmouths, vill gjarnan krækja í
Anderton.

LIVERPOOL þykir nú liða líkleg-
ast til þess að klófesta Harry Kewell,
leikmann Leeds. Talið er að félagið
sé reiðubúið að greiða 7 millj. punda,
jafnvirði nærri 900 milljóna króna
fyrir leikmanninn. Fleiri félög hafa
rennt hýru auga til Kewells.

BAYERN München hefur ákveðið
að hækka tilboð sitt í sóknarmann
Deportivo LaCorunas og hollenska
landsliðsins Roy Makaay. Uppruna-
legt tilboð Bæjara hljómaði upp á
rúman milljarð ísl. króna en talið er
að nýtt tilboð þeirra nemi einum og
hálfum milljarði.

STIG Tøfting, fyrrverandi lands-
liðsmaður Dana í knattspyrnu sem
lék um tíma með Bolton, ætlar að
spreyta sig í knattspyrnu í Kína. Eft-
ir því sem danskir miðlar greina frá í
gær hefur Tøfting í hyggju að reyna
sig hjá Tianjin Taida sem er í fjórða
neðsta sæti kínversku úrvalsdeildar-
innar. Tøfting hefur ekkert leikið
knattspyrnu á þessu ári eftir að hann
var leystur undan samningi hjá Bolt-
on í framhaldi af dómi sem hann fékk
fyrir barsmíðar á veitingastað í
Kaupmannahöfn.

TIGER Woods fór á kostum í gær á
golfmóti í Illinois í Bandaríkjunum
þegar hann lék 9 holur á 63 höggum,
níu höggum undir pari, og setti
vallarmet. Þetta er besti árangur
Woods á árinu. Vance Veazey lék
einnig vel, eða á 64 höggum.
FÓLK
Veigur stundar íþróttir sjálfur oglék m.a. með 1. deildarliði
Hauka í knattspyrnu á vordögum en
hann er nú einnig í
hópi þeirra sem slitið
hafa fremra kross-
band í hné og bíður
Veigur þess að kom-
ast í aðgerð til þess að laga skaðann.
Þessi tegund íþróttameiðsla er alvar-
leg þar sem flókna aðgerð þarf að
gera til þess að setja „nýtt“ kross-
band í stað þess sem rifið er eða slit-
ið. Í slíkri aðgerð er hluti af sinafest-
ingu framanverðra lærvöðva sett í
stað krossbandsins og ef allt gengur
að óskum geta íþróttamenn farið að
æfa hálfu ári eftir aðgerðina en oft-
ast tekur endurhæfingin allt að níu
mánuði, stundum lengri tíma.
Spurður um hvort einhverjar
kenningar séu á helst á lofti hvað
varðar þann fjölda knattspyrnu-
manna sem slitið hafa fremra kross-
band á yfirstandandi leiktíð sagði
Veigur að margir þættir spili þar
inní. „Það eru bæði innri og ytri
þættir sem orsaka slík meiðsli, rang-
ur snúningur á hnjáliðinn án þess að
nokkur komi við leikmann er t.d. ein
orsökin og einnig getur verið um
áverka er að ræða þar sem t.d. snert-
ing við annan leikmann verður þess
valdandi að krossbandið gefur sig.
Meiðslin skiptast nánast jafnt, 50%
slíta krossbandið „alveg sjálfir“ eins
og sagt er en hinn helmingurinn fær
áverka, högg eða ytri „aðstoð“ þegar
meiðslin eiga sér stað,“ sagði Veigur
en hann var sammála því að á undan-
förnum vikum hefðu óvenjumargir
orðið fyrir þessum meiðslum.
Kemur í bylgjum af og til
„Það er ekki hægt að draga neinar
ályktanir af því sem gerst hefur und-
anfarnar vikur, en tíðni krossbands-
slita meðal knattspyrnumanna hefur
verið að meðaltali 6 fyrir hverjar 100
þúsund klukkustundir við æfingar og
keppni. Ef við fáum fleiri slík meiðsli
á næstu vikum og mánuðum er óhætt
að fara að rýna enn betur í hvað
íþróttamennirnir eru að gera á und-
irbúningstímabilinu, en það virðist
samt sem áður vera þannig að þessi
tegund meiðsla kemur í bylgjum af
og til,“ sagði Veigur. Aðstaða knatt-
spyrnumanna til æfinga er mun betri
nú á dögum með tilkomu knatt-
spyrnuhúsa í Reykjanesbæ, Reykja-
vík, Kópavogi og á Akureyri en Veig-
ur lagði áherslu á að undanfarna
áratugi hefðu íslenskir knattspyrnu-
menn æft á mismunandi undirlagi og
tilkoma gerviefna í knattspyrnuhús-
unum væri líkast til ekki orsakavald-
ur í krossbandsmeiðslum. „Menn og
konur hafa hlaupið á malbiki, æft á
parketi, gólfdúk, möl, gervigrasi og
grasi undanfarin ár og það er því
ekkert nýtt að undirlagið sé marg-
breytilegt. Undirlag hefur verið
tengt við aukin meiðsli en ætti ekki
að vera meira nú en áður. Hinsvegar
mætti athuga hvort við sem stundum
knattspyrnu séum farin að gleyma
okkur í því að spila knattspyrnu við
bestu aðstæður yfir vetrartímann,
þ.e. of mikil áhersla á leiklíkar æfing-
ar. Við gleymum kannski að leggja
rækt við grunnæfingar sem styrkja
vöðva í kringum hné og áreitið á hné
er kannski of einhæft,“ segir Veigur
og bendir á rannsóknir sem gerðar
hafa verið í Noregi á handknattleiks-
konum en forvarnaræfingar þeirra
skiluðu miklum árangri í fækkun
krossbandsslita. „Konur eru í meiri
áhættu á að slíta krossband og það
má skýra með þeim hætti að vöðva-
styrkur er ekki nægur við hnén, en
þar spila fleiri þættir inní.“
Áreitið þarf að vera fjölbreytt
„Það er nauðsynlegt að gera æf-
ingar þar sem hné fá annað áreiti en í
þeirri íþrótt sem stunduð er, t.d. með
fjölbreyttum stökkæfingum sem ég
hef séð notaða á handknattleiksæf-
ingum, jafnvægisbretti og öðrum
slíkum hjálpartækjum.“ Eins og
fram kemur hér á undan er Veigur í
hópi þeirra sem slitið hafa krossband
á þessari leiktíð og sagði hann að oft
væru íþróttamenn hreinlega illa upp-
lagðir þegar meiðslin eiga sér stað.
„Ég tel að þreyta hafi verið stór þátt-
ur í því að ég sleit krossbandið og það
er margt sem bendir til þess að þessi
þáttur hafi mikil áhrif.“ Sjúkraþjálf-
arinn vildi hinsvegar ekki taka undir
það að ástandið væri „svart“ hjá ís-
lenskum knattspyrnumönnum og
-konum. „Ég tel ekki að þjálfarar séu
að gera eitthvað rangt á sínum æf-
ingum. Það er mikil þekking sem býr
í íslenskum þjálfurum og menn eru
mjög vakandi yfir öllu sem getur
hjálpað til við að koma í veg fyrir
meiðsli. Mín stétt hefur unnið mark-
visst með þjálfurum við að fækka
meiðslum og við finnum að það er
meiri skilningur á forvörnum hvað
meiðsli varða en áður – við erum ekki
alltaf að slökkva elda,“ sagði Veigur.
Rangt fæðuval
hefur mikil áhrif
Eins og gefur að skilja geta marg-
ir þættir haft áhrif á íþróttafólk og
sumir þeirra geta leitt til alvarlegra
Veigur Sveinsson sjúkraþjálfari segir að margar ástæður liggi að
Fjölbreyttar grunnæf-
ingar sitja á hakanum
Morgunblaðið/Sverrir
Veigur Sveinsson sjúkraþjálfari segir að e.t.v. þurfi að huga að
fjölbreyttari æfingum til þess að fækka megi í þeim hópi
íþróttamanna sem slíta krossband í hné.
ÓLAFUR Stefánsson, Patrekur Jóhannesson, Bjarki Sigurðsson,
Ruud van Nistelroy , Roy Keane, Guðmundur Benediktsson, Hilmar
Björnsson, Erna Erlendsdóttir, Katrín Ómarsdóttir og Elín Jóna
Þorsteinsdóttir eru afreksíþróttafólk í handknattleik og knatt-
spyrnu og eiga það öll sameiginlegt að hafa slitið krossband í hné.
Þau fjögur síðastnefndu slitu krossband á yfirstandandi leiktíð og í
frétt Morgunblaðsins á dögunum sagði Vanda Sigurgeirsdóttir
þjálfari kvennaliðs KR að óvenju margir knattspyrnumenn og -kon-
ur hefðu slitið krossband það sem af er árinu. Morgunblaðið fékk
Veig Sveinsson sjúkraþjálfara til þess að rýna í þessi alvarlegu
meiðsli og velta því fyrir sér hvort breyttar áherslur í þjálfun
íþróttafólks hefðu mikil áhrif.
Eftir
Sigurð Elvar
Þórólfsson