Morgunblaðið - 05.07.2003, Blaðsíða 23

NEYTENDUR
MORGUNBLAÐIÐ LAUGARDAGUR 5. JÚLÍ 2003 23
Um 24 þúsund manns komu á
fyrsta dag útsölunnar í Kringl-
unni á fimmtudag og er um met-
fjölda að ræða. Þegar Neyt-
endasíðan leit við minnti örtröðin
helst á jólaösina enda eru varla
dæmi um að jafn margir hafi
komið í Kringluna á einum degi
nema síðustu daga fyrir jól. Flest-
ir sem rætt var við voru sammála
um að afslátturinn væri yfirleitt
mjög góður og auðvelt að gera
góð kaup.
Hjalti Auðunn Jóhannesson var
að leita sér að skyrtu í Hag-
kaupum. Hann sagðist hafa heyrt
útsöluna auglýsta í útvarpinu og
þar sem hann vantaði bæði skyrtu
og úlpu hafi hann ákveðið að
skella sér. Hann sagðist annars
yfirleitt ekki fara á útsölur. „Ég
er aldrei heppinn á útsölum. Mað-
ur heldur alltaf að maður geri
góð kaup en þau eru ekki góð
nema maður noti flíkina að ein-
hverju ráði,“ sagði Hjalti.
Mættu alveg vera lengur
Sylvía Sigurðardóttir, Karólína
Jónsdóttir og Louisa Marteinsdóttir
voru að róta í tilboðskössum eftir
hinu og þessu. Þær sögðust ánægðar
með að útsölurnar væru loksins byrj-
aðar en Sylvía og Louisa voru ný-
búnar að fá útborgað og bjuggust
við að einhver hluti launanna færi í
fatakaup. Þær sögðust hreint ekki
bíða eftir því að nýjar vörur kæmu í
búðirnar. „Útsölurnar mættu alveg
vera lengur mín vegna,“ sagði Lo-
uisa.
Andra Björk Jónsdóttir og Her-
dís Friðriksdóttir sem voru á út-
sölurölti með Guðnýju Helgu
sögðust ekki vera á höttunum eft-
ir neinu sérstöku, ætluðu bara að
kíkja á hitt og þetta. Þær sögðust
yfirleitt bíða eftir útsölum með
fatainnkaup enda mun hagstæð-
ara að versla á þeim.
Nýjar vörur um mánaðamótin
Þeir kaupmenn í Kringlunni
sem rætt var við virtust ekki vera
á því að útsölur væru of snemma
á ferðinni, enda væri von á nýjum
vörum strax í lok júlí eða byrjun
ágúst. Það var mál manna að
verslun dytti nánast alveg niður
eftir 17. júní og greinilegt að fólk
færi þá að bíða eftir útsölunum.
Flestir voru sammála um að út-
söluvertíðin væri mjög skemmti-
leg og minnti dálítið á Þorláks-
messuatið þegar búðirnar eru
yfirleitt fullar af fólki og mikið að
gera.
Morgunblaðið/Sverrir
Andra Björg, Herdís og Guðný Helga voru að kíkja á hitt og þetta.
Morgunblaðið/Sverrir
Hjalti Auðunn Jóhannesson var að
leita sér að góðri skyrtu og úlpu.
Metfjöldi á útsölu
Morgunblaðið/Sverrir
Karólína, Louisa og Sylvía ætluðu að eyða hluta af fyrstu laununum í fatakaup á útsölunum.
NÝJAR reglur Evrópusambandsins
um merkingar á erfðabreyttum mat-
vælum verða teknar upp á Íslandi og
má því búast við að innan skamms
verði matvæli í íslenskum verslunum,
sem innihalda erfðabreytt erfðaefni
eða prótein, merkt sérstaklega. Einn-
ig verða matvæli sem eru framleidd
með tilstyrk erfðabreyttra lífvera
merkt.
Geir Arnar Marelsson, lögfræðing-
ur hjá Neytendasamtökunum, segir
að þessar reglur tryggi neytendum
sjálfsagðan rétt til þess að velja eða
hafna slíkri vöru en slíkt valfrelsi
neytenda sé ein grundvallarkrafa Al-
þjóðasamtaka neytenda. Hann segir
að Neytendasamtökin gagnrýni að-
gerðaleysi íslenskra stjórnvalda í
þessum efnum. Þau hafi setið með
hangandi haus og beðið eftir að reglur
ESB væru teknar inn í EES samn-
inginn en Normenn hafi nú þegar
tryggt neytendum rétt sinn í þessum
efnum með setningu reglna sem séu
strangari en evrópsku reglurnar.
Erfðabreytt
matvæli merkt
SÝKLALYFJANOTKUN í banda-
rískri búfjárrækt hefur um langa hríð
verið mikil en stór hluti af notkuninni
er í formi svokallaðra vaxtarörvandi
sýklalyfja sem flýta fyrir vexti slát-
urdýra. Samkvæmt grein sem birtist í
blaðinu Washington Post í júní hefur
McDonald’s-skyndibitakeðjan, einn
stærsti kjötkaupandi í Bandaríkjun-
um, nú sett fram nýja stefnu í kjöt-
innkaupum sínum og vonast banda-
rísk heilbrigðisyfirvöld til þess að í
kjölfarið muni bændur draga veru-
lega úr notkun lyfjanna. Hin nýja inn-
kaupastefna McDonald’s felst meðal
annars í því að viðskiptum verður
beint að nautgripaframleiðendum
sem forðast notkun lyfjanna, auk þess
sem þeir framleiðendur kjúklinga-
kjöts og svínakjöts sem fyrirtækið
skiptir við munu ekki nota lyfin í
framleiðslunni.
Dregur úr lækningamætti
Það sem veldur hvað mestum
áhyggjum varðandi notkun vaxtarör-
vandi sýklalyfja er að þau draga úr
lækningamætti hefðbundinna sýkla-
lyfja gegn ýmsum sýkingum og sjúk-
dómum í mönnum og dýrum. Það ger-
ist vegna þess að vaxtarörvandi lyf
eru gefin í smáum skömmtum í lang-
an tíma og geta bakteríur í dýrunum
því orðið ónæmar fyrir sýklalyfjum
og erfitt getur verið að meðhöndla
valdi þær sýkingum.Hættan liggur
ekki síst í því að þessar bakteríur geta
borist í menn.
Á Íslandi er notkun vaxtarörvandi
sýklalyfja bönnuð með öllu og það á
einnig við um lönd Evrópusambands-
ins.
McDonald’s gegn
sýklalyfjanotkun
McDonald’s á Íslandi kaupir ein-
göngu kjöt af íslenskum kjöt-
framleiðendum.