Morgunblaðið - 05.07.2003, Blaðsíða 35
MINNINGAR
MORGUNBLAÐIÐ LAUGARDAGUR 5. JÚLÍ 2003 35
Hún systir mín dó á laugardaginn í
Þrándheimi í Noregi, í borginni og
landinu sem gerði henni kleift að
verða það sem í henni bjó. Hún fædd-
ist á Íslandi en Noregur varð heima-
land hennar. Leiðin frá Íslandi til
Noregs var viðburðaríkt ferðalag um
lífið og tilveruna fyrir systur og ferða-
lagið fór hún með Jóni Steinari,
manni sínum. Þau hjónin voru sam-
rýnd mjög og tókust á við viðfangs-
efni lífsins með gagnkvæmri virðingu
og ást.
Ferðin hófst stuttu eftir að þau
giftu sig, þegar þau sigldu til Bret-
lands. Þau dvöldu fyrst í Edinborg en
héldu síðan til Sussex, þar sem þau
eignuðust frumburð sinn, Guðmund
Steinar, og systir lauk BA-prófi í upp-
eldisfræði. Síðan héldu þau aftur
heim, þegar heima var ennþá Ísland.
Þau stöldruðu stutt við, aðeins nokk-
ur ár, því ferðinni var heitið til Stan-
ford í Kaliforníu. Þá voru tveir dreng-
ir með í för, því Magnús Ari fæddist á
meðan þau bjuggu á Íslandi.
Í Stanford hélt systir áfram námi í
uppeldisfræðum og fjölskyldan undi
sér vel í hinni sólríku Kaliforníu. Í
Stanford kynntist hún viðfangsefninu
sem fangaði hug hennar og hjarta,
notkun frásagnar í kennslu (the
narrative in teaching). Það varð við-
fangsefni hennar í doktorsnáminu og
síðan lífsviðfangsefni hennar sem
fræðimanns og kennara. Fjölskyldan
hélt aftur til Íslands, en eins og áður
varð viðdvölin stutt, aðeins nokkur ár,
og þau ár starfaði systir sem stunda-
kennari við Háskóla Íslands.
Þá kom kallið til Noregs, sem
reyndist fjölskyldunni farsæll farveg-
ur. Þau byggðu sér heimili við Alf-
heimsvingen í Þrándheimi og þar
festu þau rætur, drengirnir uxu úr
grasi og urðu að mönnum undir
ákveðinni og ástríkri umsjón foreldra
sinna, og systir blómstraði. Hún
starfaði við kennslu og rannsóknir við
NTNU (Norges Teknisk Naturvid-
enskaplig Universitet) og árið 1997
varð hún prófessor í uppeldisfræðum
við háskólann.
Fyrir rúmum ellefu árum greindist
systir fyrst með heilaæxli og í rúm ell-
efu ár tókst hún á við veikindi sín af
aðdáunarverðum viljastyrk og seiglu.
Síendurtekin veikindin stöðvuðu ekki
framkvæmdagleði hennar eða atorku
heldur óx hún og dafnaði sem persóna
og fagmaður þrátt fyrir þau. Það var
oftar en einu sinni eða tvisvar sem við
héldum að í þetta sinn myndu veik-
indin ná yfirhöndinni, en systir reis
upp aftur, og svo enn aftur, og tók til
við vinnu sína. Hún kenndi, hún
stundaði rannsóknir, hún birti grein-
ar í fagtímaritum og tók þátt í ráð-
stefnum víða um heim. Fyrir framlag
sitt til fagsins öðlaðist hún virðingu og
viðurkenningu kollega sinna í Noregi
og á alþjóðlegum vettvangi. Starfið
var lífskraftur hennar.
Síðast kom systir til Íslands í apríl
á þessu ári til að vinna að skólastofu-
rannsóknarverkefni í notkun frásagn-
ar við kennslu með kollega sínum.
SIGRÚN
GUÐMUNDSDÓTTIR
✝ Sigrún Guð-mundsdóttir
fæddist í Vestmanna-
eyjum 4. nóvember
1947. Hún lést á
heimili sínu í Þránd-
heimi í Noregi að-
faranótt laugardags-
ins 28. júní.
Foreldrar hennar
eru Jóhanna Guð-
jónsdóttir og Guð-
mundur Pétursson,
sem lést 18. maí
1960. Stjúpfaðir Sig-
rúnar er Guðmundur
Ingimundarson. Systkini Sigrún-
ar eru Elsa Guðmundsdóttir og
Guðjón Ingi Guðmundsson.
Sigrún gekk að eiga mann sinn,
Jón Steinar Guðmundsson, 23.
júní 1971 og eignuðust þau tvo
syni, Guðmund Steinar, f. 23. jan-
úar 1975, og Magnús Ara, f. 20.
janúar 1978.
Útför Sigrúnar fór fram í
Þrándheimi fimmtudaginn 3. júlí.
Hún þekkti sjúkdóm
sinn vel, hafði rannsak-
að hann af jafnmikilli
fagmennsku og hún
rannsakaði fagleg við-
fangsefni sín, og hún
vissi að tími hennar var
að renna út. Þessi síð-
asta heimsókn hennar
til Íslands var okkur
fjölskyldunni ómetan-
legur tími. Við fylgd-
umst með henni leggja
síðustu krafta sína í
rannsóknarverkefnið og
á síðkvöldum sátum við
öll saman og töluðum um lífið og
dauðann. Kvöldið áður en hún fór aft-
ur heim sagði hún okkur að það væru
forréttindi að fá tækifæri til að kveðja
fólkið sitt, ekki gæfist öllum tími eða
rúm til þess.
Við systurnar bjuggum oftar en
ekki hvor í sínu landinu, lifðum hvor
sínu lífi, í ólíkum heimum, en hin
undraverðu systrabönd slitnuðu aldr-
ei, hvað sem á gekk og þrátt fyrir allt.
Systrabönd rista dýpra en orð fá lýst.
Þau eru óskiljanleg á köflum og órjúf-
anleg því að þau eru byggð á
tengslum sem eru yfir hversdagsleik-
ann hafin. Systraböndin voru mér
dýrmæt gjöf og eru enn.
Það er með sárum trega að ég kveð
systur mína, sem hjá mér hefur aldrei
gengið undir öðru nafni en systir.
Elsa Guðmundsdóttir.
Elskuleg mágkona okkar og vinur,
Sigrún Guðmundsdóttir, Þrándheimi
í Noregi, er látin eftir 11 ára hetjulega
baráttu við krabbamein.
Elsku Jón Steinar, Guðmundur
Steinar og Magnús Ari,
„Þá sagði kona ein: Talaðu við okk-
ur um gleði og sorg.
Og hann svaraði:
Sorgin er gríma gleðinnar.
Og lindin, sem er uppspretta gleð-
innar, var oft full af tárum.
Og hvernig ætti það öðruvísi að
vera?
Þeim mun dýpra sem sorgin grefur
sig í hjarta manns, þeim mun meiri
gleði getur það rúmað.
Er það ekki bikarinn, sem geymir
vín þitt, brenndur í eldi smiðjunnar?
Og var ekki hljóðpípan, sem mildar
skap þitt, holuð innan með hnífum?
Skoðaðu hug þinn vel, þegar þú ert
glaður, og þú munt sjá, að aðeins það,
sem valdið hefur hryggð þinni, gerir
þig glaðan.
Þegar þú ert sorgmæddur, skoð-
aðu þá aftur huga þinn, og þú munt
sjá, að þú grætur vegna þess, sem var
gleði þín.
Sum ykkar segja:
„Í heimi hér er meira ef gleði en
sorg, og aðrir segja:
„Nei, sorgirnar eru fleiri.“
En ég segi þér, sorgin og gleðin
ferðast saman að húsi þínu, og þegar
önnur situr við borð þitt, sefur hin í
rúmi þínu.
Þú vegur salt milli gleði og sorgar.
Jafnvægi nærð þú aðeins á þínum
dauðu stundum.
Þegar sál þín vegur gull sitt og silf-
ur á metaskálum, hlýtur gleðin og
sorgin að koma og fara.“
(Kahlil Gibran).
Við kveðjum þig með söknuð í
hjarta og varðveitum minninguna um
góða mágkonu og vin.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynnast
þér.
(Ingibj. Sig.)
Hvíl í friði.
Anna S. Guðmundsdóttir
og fjölsk., Stykkishólmi,
Gunnar Sv. Guðmundsson,
Merkjalæk,
Íris H. Sigurbjörnsd.
og fjölskylda, Stykkishólmi,
Tinna B. Sigmundsd.
og fjölskylda, Bolungarvík.
MORGUNBLAÐIÐ birtir afmælis- og minningargreinar endurgjalds-
laust alla daga vikunnar. Greinunum má skila í tölvupósti (netfangið er
minning@mbl.is - svar er sent sjálfvirkt um leið og grein hefur borist)
eða á disklingi og þarf útprentun þá að fylgja. Nauðsynlegt er að til-
greina símanúmer höfundar og/eða sendanda (vinnusíma og heima-
síma). Tekið er á móti afmælis- og minningargreinum á 1. hæð í húsi
Morgunblaðsins, Kringlunni 1 í Reykjavík, og á skrifstofu Morgun-
blaðsins Kaupvangsstræti 1 á Akureyri. Ekki er tekið við handskrif-
uðum greinum.
Minningargreinum þarf að fylgja formáli með upplýsingum um hvar
og hvenær sá sem fjallað er um er fæddur, hvar og hvenær dáinn, um
foreldra hans, systkini, maka og börn og loks hvaðan útförin verður gerð
og klukkan hvað. Ætlast er til að þetta komi aðeins fram í formálanum,
sem er feitletraður, en ekki í greinunum sjálfum. Um hvern látinn ein-
stakling birtist ein aðalgrein af hæfilegri lengd á útfarardegi, en aðrar
greinar séu um 300 orð eða 1.500 slög (með bilum) en það eru um 50 línur
í blaðinu (17 dálksentimetrar). Tilvitnanir í sálma eða ljóð takmarkast
við eitt til þrjú erindi.
Ef birta á minningargrein á útfarardegi verður hún að berast fyrir
hádegi tveimur virkum dögum fyrr. Ef útför er á sunnudegi, mánudegi
eða þriðjudegi þurfa greinarnar að berast fyrir hádegi á föstudegi. Ber-
ist greinar hins vegar ekki innan hins tiltekna skilafrests er ekki unnt að
lofa ákveðnum birtingardegi. Þar sem pláss er takmarkað getur þurft að
fresta birtingu greina, enda þótt þær berist á réttum tíma.
Birting minningargreina
Innilegar þakkir til allra sem sýndu okkur
samúð, hlýhug og virðingu við andlát og útför
elskulegs eiginmanns míns, föður, stjúpföður,
tengdaföður, afa, bróður og frænda,
GUÐMUNDAR ÞÓRÐARSONAR
frá Kílhrauni,
Blásölum 24,
Kópavogi.
Kristjana Kjartansdóttir,
Þórður Jóhann Guðmundsson,
Fanney Sigurðardóttir, Birgir Einarsson,
Kjartan Sigurðsson, Ragnheiður Sigurðardóttir,
Dröfn Sigurðardóttir, Guðmundur Þorsteinsson,
Kolbrún Sigurðardóttir, Jón Þór Guðmundsson,
Arnbjörg Þórðardóttir, Guðmundur Jóhannsson,
Árni Valdimarsson,
Erlendur Valdimarsson,
barnabörn og aðrir aðstandendur.
Hjartkær eiginmaður minn, faðir okkar,
tengdafaðir og afi,
GRJETAR ANDRÉSSON,
Forsölum 1,
áður Hléskógum 4,
er látinn.
Útför hans hefur þegar farið fram.
Þeim, sem vilja minnast Grjetars, er bent á
Hjartavernd.
Guð veri með ykkur.
Halldóra Ragnarsdóttir,
Friðbjörg Sif Grjetarsdóttir, Ríkarður R. Ríkarðsson,
Margrét Grjetarsdóttir, Hrafn Óttarsson,
Gestur Andrés Grjetarsson, Guðbjörg Guðmundsdóttir,
Svanur Karl Grjetarsson, Sigríður Geirsdóttir
og afabörn.
Elskulegur eiginmaður minn, faðir okkar,
stjúpfaðir, tengdafaðir, afi og langafi,
BERGÞÓR FINNBOGASON
kennari
frá Hítardal,
Sólvöllum 13,
Selfossi,
lést á sjúkrahúsinu á Selfossi fimmtudaginn
3. júlí.
Jarðarförin verður auglýst síðar.
María Friðriksdóttir,
Teitur Bergþórsson, Guðný María Hauksdóttir,
Kristín Fjóla Bergþórsdóttir, Guðmundur Örn Böðvarsson,
Friðrik Hafþór Magnússon, Sólveig Höskuldsdóttir,
Einar Baldvin Sveinsson, Jóna Sólmundsdóttir,
barnabörn og barnabarnabörn.
Ástkær móðir okkar,
ÁSDÍS BJARNADÓTTIR,
Kirkjubóli
í Dýrafirði,
andaðist á sjúkrahúsinu á Ísafirði fimmtu-
daginn 3. júlí sl.
Börnin.
Elskuleg móðir okkar, tengdamóðir, amma
og langamma,
HALLDÓRA GUÐMUNDSDÓTTIR,
Sóltúni 2,
áður til heimilis
á Bergstaðastræti 43a,
Reykjavík,
lést á hjúkrunarheimilinu Sóltúni þriðjudaginn
1. júlí.
Jarðarförin verður auglýst síðar.
Anna María Baldvinsdóttir, Hrafn Karlsson,
Garðar Baldvinsson,
Baldvin Baldvinsson, Bjarney L. Ingvarsdóttir,
Hafþór Baldvinsson,
Sigurður Stefán Baldvinsson,
Arnór Baldvinsson, Susan Pichotta,
barnabörn og barnabarnabörn.
Ástkær móðir okkar, tengdamóðir, amma
og langamma,
SIGRÚN STEFÁNSDÓTTIR
frá Gautsstöðum,
Svalbarðsströnd,
áður til heimilis í Tjarnarlundi 6d,
lést á dvalarheimilinu Hlíð, Akureyri, fimmtu-
daginn 3. júlí.
Jarðarförin verður auglýst síðar.
Kristinn Sigurðsson, Sigríður Kristinsdóttir,
Stefán Sigurðsson, Guðrún Gísladóttir,
Hólmfríður Sigurðardóttir, Karl Rúnar Guðbjartsson,
Atli Brynjar Sigurðsson,
Sigríður Rósa Sigurðardóttir, Magnús Jón Antonsson,
Jóhannes Sigurðsson
barnabörn og barnabarnabarn.