Morgunblaðið - 27.09.2003, Page 21

HÖFUÐBORGARSVÆÐIÐ
MORGUNBLAÐIÐ LAUGARDAGUR 27. SEPTEMBER 2003 21
Innilegar þakkir fyrir auðsýnda samúð vegna
fráfalls utanríkisráðherra okkar Önnu Lindh
Ég vil á þennan hátt þakka fyrir þá einlægu samúð sem þið hafið sýnt með blómum, bréfum, tölvu-
pósti, símhringingum og með ritun í samúðarbækur. Samhugur ykkar hefur verið ómetanlegur
stuðningur á erfiðri stundu og ber vott um hin nánu tengsl sem eru milli Íslands og Svíþjóðar
Bertil Jobeus
sendiherra Svíþjóðar.
Vesturbæ | FORSVARSMENN
Europris-verslananna stefna að
því að opna nýja verslun að Fiski-
slóð 3 í vesturbæ í mars eða apríl
á næsta ári. Verslunin verður
stærsta Europris-verslunin til
þessa, rúmir 1.500 fermetrar að
stærð og mun rísa á uppfyllingu
gegnt Húsasmiðjunni, við hlið
Sorpu. Fyrir eru tvær verslanir í
Reykjavík, á Lynghálsi 4 og í
Skútuvogi 2.
Að sögn Matthíasar Sigurðsson-
ar, framkvæmdastjóra Europris-
verslananna, er búið að ganga frá
samningi við verktaka um bygg-
ingu á einingahúsi sem Europris
leigir. Eigandi lóðar er Seglagerð-
in Ægir en við hlið Europris hefur
verslunin Ellingsen fengið úthlut-
að lóð.
Þörf fyrir nýja verslun
Matthías segir að þörf sé fyrir
lágvöruverðsverslun eins og Euro-
pris á þessum slóðum og hann ótt-
ast ekki samkeppni við verslanir á
borð við Krónuna við JL-húsið og
Bónus á Seltjarnarnesi. Europris
starfi í raun á breiðari grundvelli,
þeir selji ekki eingöngu matvörur
og bjóði upp á mun fjölbreyttara
vöruúrval.
Þess má geta að Europris
áformar einnig að opna um 1.000
fermetra verslun í skrifstofu- og
verslanamiðstöðinni í Sunnumörk
2 í Hveragerði í júní á næsta ári.
Stærsta Euro-
pris-verslunin
1.500 fermetra verslun opnuð á
Fiskislóð í mars eða apríl á næsta ári
Austurbæ | Eftir fyrstu kennslustund Þorvalds Jón-
assonar, kennara í Réttarholtsskóla, rölti hann með
nemendunum fram á gang skólans. Þetta var snemma
árs 1964 og var þá til siðs að allir nemendur færu út í frí-
mínútum. Allt í einu var rifið í öxlina á Þorvaldi og einn
samkennari hans skipaði honum að fara út ásamt öðrum
nemendum. Ekkert þýddi að útskýra að hann væri ný-
byrjaður að kenna við skólann því ýmsar afsakanir voru
notaðar til að forðast útiveruna. „Það sló þögn á krakk-
ana,“ segir Þorvaldur sem naut í fyrsta skipti stuðnings
nemenda sinna. Eftir nokkur högg á hurðina var honum
hleypt inn og hefur ekki verið hent út síðan.
Þorvaldur hefur kennt myndmennt í Réttarholtsskóla
í bráðum 40 ár. Hann var á lokaári í kennaranámi þegar
hringt var í skólastjóra Kennaraskólans og hann beðinn í
kjölfarið að stökkva inn í kennslu vegna forfalla. Hann
mætti á miðjum degi á miðju kennsluári til starfa – litlu
eldri en krakkarnir sem hann átti að kenna. Ekki hafði
gefist tóm til að kynna hann fyrir öðrum kennurum og
því fór sem fór eftir fyrstu kennslustundina.
Smáíbúðahverfið vex
Þetta var á þeim tíma sem Smáíbúðahverfið var að
byggjast upp og daglega fluttust nýjar fjölskyldur í
hverfið og nemendum fjölgaði. Samhliða óx þessi ungi
kennari í sínu starfi og vann traust og virðingu nemenda
sinna. Hann fór til Noregs í framhaldsnám í skrautritun
og leturgerð, sem hann hefur kynnt nemendum sínum
alla tíð síðan. Að auki hefur hann kennt í Mími og Náms-
flokkum Hafnarfjarðar og segir fullorðinskennslu vera
fína tilbreytingu í kennarastarfinu. Bóka-
skreytingar, auglýsingateikningar og
skrautritun fyrir stofnanir og fyrirtæki
hafa líka verið á verkefnalista hversdags-
ins.
Þorvaldur hefur lengstu starfsreynsluna
í Réttarholtsskóla og er enn áhugasamur
um starf sitt. „Það er ótrúlega gaman að
umgangast unglinga í dag. Þetta er atgerv-
isfólk og ég endurnýjast á hverjum degi,“
segir hann og að krakkarnir búi yfir mikl-
um hæfileikum enda búi þau í mjög öfl-
ugum myndrænum heimi.
Amma biður að heilsa
„Almennt finnst mér unglingarnir vera
með betra inngrip í teikningu en áður. Það
kemur vegna þess sjónræna í lífinu. Aukinn
fjöldi teiknimynda síðasta áratug hefur
þjálfað skynjun þeirra varðandi teiknun,“ segir Þorvald-
ur og er jákvæður fyrir hönd unglinga í dag. Viðfangs-
efnin séu kannski einhæfari þó að börnin hafi upplifað
nánast allt í efstu bekkjum grunnskóla.
Þorvaldur hefur gaman af ættfræði og veltir mikið fyr-
ir sér svip nemenda sinna. Langt er síðan börn fyrrum
nemenda mættu í kennslu til hans og er
hann jafnan fljótur að átta sig á ætt-
artengslunum. „Stundum eru börnin eins
og vasaútgáfa foreldra sinna,“ segir hann
áhugasamur. „Fyrst brá mér þó þegar ung
stúlka labbaði að borði mínu og sagði að
amma sín bæði að heilsa mér.“ Hann vissi
að sá tími brysti á að barnabarn gamals
nemanda kæmi í tíma til hans. Það minnir á
hve tíminn líður hratt og nú séu barnabörn
tveggja nemanda hans við skólann.
Í 8. bekk fara allir nemendur í mynd-
menntarkennslu hjá Þorvaldi. Hins vegar
er það valgrein í 9. og 10 bekk. Alla tíð hef-
ur samt nær helmingur nemenda Rétt-
arholtsskóla valið myndmenntartímana hjá
Þorvaldi í eldri bekkjunum. Hann sýnir
dæmi um hugmyndaauðgi nemenda sinna
og segist fljótur að sigta þá út sem búi yfir afgerandi
hæfileikum. Verkefni hans er hins vegar að kynna öllum
grundvallaratriðin í myndmennt svo þau verði sjóklár út
í lífið að grunnskólanámi loknu. Sá undirbúningur hefur
örugglega nýst þúsundum nemenda Þorvaldar á lífsleið-
inni.
Þorvaldur Jónasson hefur kennt við Réttarholtsskóla í 40 ár
Sjóklár út í lífið
Skopmynd Þorvalds
af Eggerti formanni
KSÍ – með KR bindi!
Morgunblaðið/Ásdís
Þorvaldur: Rétt skriðinn yfir tvítugt er hann hóf kennslu
í Réttarholtsskóla. Nú farinn að kenna þriðja ættlið.
Grafarvogi | „Þetta kerfi skapar
ánægðari og verkglaðari einstak-
linga,“ segir Yngvi Hagalínsson,
skólastjori Hamraskóla. Börnum í 2.
og 3. bekk skólans hefur það sem af
er skólaárinu verið kennt saman í
hópum. Hefðbundnar bekkjar- og
árgangsskiptingar hafa því verið af-
lagðar. Yngvi segir tvennt koma til;
annars vegar miði þetta að því að
auka einstaklingsmiðað nám og hins
vegar til að koma til móts við fækk-
un nemenda í þessum árgöngum.
Hann telur skólann vera á réttri
leið. Þessi aðferðafræði sé ný sem
kennarar, foreldrar og nemendur
séu að átta sig á. Hún bjóði upp á
fjölbreyttara námsumhverfi og
börnin taki virkari þátt í gerð vi-
kuáætlana. Þá fái þau aukið svig-
rúm til að setja sér markmið og
vinna eftir þeim. Með því að taka
aukinn þátt í skipulagningu skóla-
starfsins stuðlar að vinnuglaðari
nemendum að sögn Yngva. Þetta
þekki fullorðna fólkið sjálft úr sínu
starfi.
Hamraskóli er í Grafarvogi og að-
spurður af hverju nemendum fækki
þar segir skólastjórinn að hverfið sé
gróið og fækkunin því fyrirsjáanleg.
Hann telur að með þessu fyrir-
komulagi skapist svigrúm til þess að
nemendur í 2. og 3. bekk, sem eru
svipað staddir, geti í einhverjum til-
fellum unnið saman. Hann segir að
hugsunin sé sú að halda ekki aftur
af neinum nemanda og það sé á
margan hátt auðveldara í svona
stórum hópi.
„Svo er þetta náttúrlega líka til
þess að samþætta árganga, ekki
bara bekki innan árgangs, heldur
líka að þau kynnist hvort öðru betur
milli aldursstiga,“ bætir hann við.
Undirbúið í vor
Yngvi segir það mikla vinnu og
flókna að setja saman skólanámskrá
þar sem allir fái það sem þeir eiga
að fá. Sú vinna hafi verið unnin í vor
og í sumar og haldi áfram í haust.
Þegar hann er spurður hvernig for-
eldrum lítist á þetta nýja fyrirkomu-
lag segir hann að þetta hafi verið
kynnt fyrir þeim í vor, auk þess sem
þetta var rætt í foreldraráði.
„Það er óhætt að segja að upp til
hópa tekur fólk þessu mjög vel,
margir lýsa miklum áhuga á þessu.
Það eru líka foreldrar sem hafa
áhyggjur af því að börnin fái ekki þá
þjónustu sem þau eiga að fá og að
hóparnir séu of stórir.“
Að sögn Yngva voru fjórir bekkir
fyrir í þeim árgöngum sem samein-
ast nú. Búið er að ráða einn kennara
til viðbótar vegna þessa verkefnis.
„Við erum með fasta hópa sem
tengjast hverjum kennara og
breytilega námshópa. Draumur
okkar er að efla þessi börn til þess
að vinna sem mest sjálfstætt og taki
þátt í að búa til sínar námsáætlanir
og vinnuskrár sjálf.“
Árgöngum blandað saman í bekki í Hamraskóla
Vinnuglaðir nemendur