Morgunblaðið - 17.10.2003, Blaðsíða 4

FRÉTTIR
4 FÖSTUDAGUR 17. OKTÓBER 2003 MORGUNBLAÐIÐ
„MÉR finnst ómaklegt þegar formaður menning-
armálanefndar, Stefán Jón Hafstein borgar-
fulltrúi, gerir því skóna að Steinunn Birna Ragn-
arsdóttir, fráfarandi varaborgarfulltrúi, hafi verið
óhæf til að sinna störfum sínum í raun og veru þar
sem hún hafi látið að sér kveða í stéttarbaráttu,“
sagði Björn Bjarnason, borgarfulltrúi Sjálfstæð-
isflokksins, á fundi borgarstjórnar í gær. Féllu
ummælin þegar rædd var utan dagskrár í upphafi
fundarins afsögn Steinunnar Birnu sem varaborg-
arfulltrúi R-listans og varaformaður menningar-
málanefndar Reykjavíkurborgar.
Ólafur F. Magnússon, borgarfulltrúi Frjáls-
lynda flokksins, hóf umræðuna og sagði brott-
hvarf Steinunnar verulegt pólitískt áfall fyrir R-
listann. Málið sé alvarlegt því mikilvægt sé að í
sveitarstjórnum sé fólk sem búi yfir þekkingu og
fagmennsku á sínu sviði. Kjörnir fulltrúar eigi að
fylgja sannfæringu sinni fremur en fyrirfram
ákveðnum línum.
Hagsmunir eru ólíkir
Ástæðurnar sem Steinunn Birna gaf fyrir af-
sögn sinni var vaxandi óánægja með framgöngu
borgarinnar í menningamálum, ólýðræðisleg
vinnubrögð þar sem ekki var tekið mið af fleirum
en einu sjónarmiði og túlkun á kjarasamningum
tónlistarkennara.
Stefán Jón Hafstein sagði í borgarstjórn ástæð-
urnar fyrir afsögninni að mörgu leyti skiljanlegar.
„Fulltrúinn stóð framarlega í flokki harðrar stétt-
arbaráttu fyrir Félag tónlistarkennara. Borgin
tekst nú á við mikilvægt þróunarferli á tónlistar-
kennslu í borginni þar sem margir ólíkir hags-
munir togast á,“ sagði hann. „Allir skilja að for-
ystumaður í hagsmunabaráttu getur átt erfitt með
að sætta sig við stefnu sem tekur mið af víðtækari
sjónarmiðum en eitt stéttarfélag vill.“
Birni Bjarnasyni þótti mjög einkennilegt að
Stefán Jón gæfi til kynna að eðlilegt hafi verið að
Steinunn Birna segði af sér því hún hefði haft
hagsmuni að gæta sem forystumaður tónlistar-
kennara. Þetta skjóti skökku við, ekki síst sé litið
til þess að R-listinn hafi talið sér það til tekna að
hafa frambjóðanda úr hópi tónlistarkennara í sín-
um röðum. Síðan láti formaður menningarmála-
nefndar í það skína að hún hafi ekki verið mál-
efnaleg í sínum störfum og ekki getað sinnt þeim
sem skyldi vegna þess að hún hafi starfað sem tón-
listarkennari.
Útúrsnúningur hjá Birni
„Meistari útúrsnúninganna hefur kvatt sér
hljóðs og er enn á ný gjörsamlega úti í móa með
sínar fréttaskýringar eins og við þekkjum bæði af
heimasíðu hans og annars staðar hvort sem er á
þingi eða hér í borgarstjórn,“ svaraði Stefán Jón
Hafstein. „Engin leið er að túlka mín orð hér að
Steinunn Birna Ragnarsdóttir hafi verið vanhæf í
sínu starfi.“ Henni hafi verið falin mörg trúnaðar-
störf á vegum borgarstjórnar frá því kosningar
fóru fram. „Orð mín voru skýr hér á undan. Í þeim
var ekkert um það að Steinunn Birna Ragnars-
dóttir væri vanhæf vegna þess að hún væri í for-
ystu í stéttarfélagi. Það er gjörsamlega út í hött að
halda því fram.“
Vilhjálmur Þ. Vilhjálmsson, oddviti Sjálfstæð-
isflokksins, segir vinnubrögð innan Reykjavíkur-
listans hafa leitt til þess að Steinunn Birna telji sér
ekki lengur fært að starfa á þeim vettvangi. Það
lesi hann úr hennar eigin orðum og segir afsögn
hennar endurspegla stirt samstarf innan R-
listans. Borgarfulltrúar séu ekki þeir einu sem
orðið hafi vitni að slíku heldur allir Reykvíkingar
það sem af er árinu. Vilhjálmur vitnaði í orð Stein-
unnar þar sem hún sagði það ekki æskilega fram-
vindu að umræða fari fram eftir að ákvarðanir hafi
verið teknar.
Afsögn varaborgarfulltrúa Reykjavíkurlistans rædd í borgarstjórn
Brotthvarf Steinunnar sagt
pólitískt áfall fyrir R-listann
Morgunblaðið/Sverrir
Stefán Jón Hafstein ræðir við Alfreð Þor-
steinsson og Gunnar Eydal á fundinum í gær.
MIKIÐ hefur verið um mýs á Suður-
landi að sögn Jóhannesar Þórs Ólafs-
sonar, meindýraeyðis. „Það er rosa-
legur músafaraldur hérna. Íbúðar-
eigendur, sumarbústaðaeigendur og
fleiri hafa orðið varir við að þær leiti
inn.“
Jóhannes bendir á að síðasti vetur
hafi verið sérlega mildur og því hafi
orðið lítil afföll í músastofninum. „Svo
hafa mýsnar haft nóg að éta í sumar
og því hefur þeim fjölgað gífurlega.
Þegar það fer að harðna á dalnum og
lítið er um æti fara þær að sækja inn
til okkar.“
Þær upplýsingar fengust hjá Mein-
dýravörnum Reykjavíkur að ekki hef-
ur orðið mikið vart við mýs í borginni
en að gæti breyst með kólnandi veðri.
Músafaraldur
á Suðurlandi
HITI fór víða yfir 12 stig á
landinu í gær. Hlýjast var á
Hallormsstað, en þar var hitinn
16°C klukkan tvö í gær. Á Eg-
ilsstöðum var 14 stiga hiti og 13
stig í Ásbyrgi. Í Húsafelli fór
hitinn í 13,5 stig og í Reykjavík
var hitinn 12 stig. Svalara var
vestan- og norðanlands. Á Ak-
ureyri var 10 stiga hiti og 7
stiga hiti í Bolungarvík.
16 stiga hiti á
Hallormsstað
ÚRVALSVÍSITALAN er nú 9,5
stigum, 1⁄2%, frá hæsta gildi sínu
þann 17. febrúar árið 2000. Þann dag
náði hún 1.888,7 stigum, en lokagild-
ið í gær var 1.879,3 stig eftir 1⁄2%
hækkun frá fyrra degi.
Vísitalan hefur hækkað um 39%
frá áramótum og munar þar mest
um 44% hækkun vísitölu fjármála og
trygginga og 101% hækkun vísitölu
lyfjagreinar.
Í Hálffimm fréttum greiningar-
deildar Kaupþings Búnaðarbanka
segir að úrvalsvísitalan hafi hækkað
um 42% á síðustu 12 mánuðum, en
þegar hún náði hæsta gildi sínu í
febrúar árið 2000 hafi hún hækkað
um 63% næstu 12 mánuði á undan.
Því hafi hins vegar fylgt 37% lækkun
á næstu 12 mánuðum á eftir.
Greiningardeild Kaupþings Bún-
aðarbanka telur þó að aðstæður á
hlutabréfamarkaði séu ekki að fullu
sambærilegar nú og þá, því þá hafi
lítið fjármagn verið í umferð hér á
landi ólíkt því sem nú sé.




 



 

 

Úrvalsvísi-
talan 1⁄2% frá
hæsta gildi
FRESSINN Áki, sem sagt var frá í
Morgunblaðinu í gær, er nú allur að
hressast. Eigandi Áka, Angantýr
Ernir Guðmundsson, var afar glað-
ur að fá Áka heim og var búinn að
sakna hans mikið. „Á meðan Áki
var týndur skiptumst við Kristófer,
bróðir minn, á að klappa Láka,
bróður Áka, en Kristófer á Láka.“
Angantýr sagðist þó ekki hafa
haft miklar áhyggjur af Áka.
„Hann fer oft út, en við erum að
fara að hætta að leyfa þeim að fara
út, nema út í garð.“ Áki fór í gær-
morgun til dýralæknis, sem gaf
honum vítamín- og sterasprautur
og sýklalyf.
Íris Björg Guðbjartsdóttir, móðir
drengjanna, segir dýralækninn
hafa sagt að hann væri líklega með
kalbletti á eyrunum. „En það merk-
ir hann bara sem töffara fyrir lífs-
tíð. Að öðru leyti var hann í ágætis
ásigkomulagi. Láki bróðir hans
lenti í bílslysi fyrir mánuði og hefur
ekki verið mjög félagslyndur síðan,
svo þeir eru dálitlir hrakfallabálkar
bræðurnir.“
Íris Björg segist afar þakklát
mönnunum sem tóku af skarið og
björguðu Áka með vinnuvélum og
ýmsum ráðum á miðvikudagskvöld.
„Það er ekkert sjálfsagt að gera
svona. Mér fannst þetta aðdáunar-
vert hjá þeim að gera þetta. Þetta
eru kraftaverkamenn og þeir gerðu
sjálfum sér mjög gott.“
Morgunblaðið/Árni Sæberg
Angantýr Ernir og Kristófer Birnir með félaga sínum, kettinum Áka.
Fressinn
Áki hressist
ATLI Gíslason, lögmaður Lífeyris-
sjóðsins Framsýnar, segir að sá tími
sem kjúklingabúið Móar var í
greiðslustöðvun og nauðasamning-
um teljist ekki með þegar kemur að
því að verja lífeyrisiðgjöld fyrningu.
Samkvæmt lögum fyrnast lífeyr-
isiðgjöld á 18 mánuðum, en það þýð-
ir að ef viðkomandi lífeyrissjóður
hefur ekki sinnt því að innheimta
ógreidd iðgjöld geta iðgjöld launa-
manna glatast. Til að lífeyrisiðgjöld
launþega glatist ekki þarf viðkom-
andi lífeyrissjóður að innheimta ið-
gjöld í vanskilum og mega inn-
heimtuaðgerðir ekki taka meiri tíma
en þessa 18 mánuði. Ef allar inn-
heimtuaðgerðir reynast árangurs-
lausar verða lífeyrissjóðir að krefj-
ast gjaldþrots. Aðeins með þeim
hætti geta þeir tryggt að Ábyrgða-
sjóður launa greiði þessi ógreiddu
iðgjöld.
Framsýn hefur ásamt þremur
öðrum lífeyrissjóðum krafist þess að
Móar verði teknir til gjaldþrota-
skipta. Móar hafa verið í greiðslu-
stöðvun og nauðasamningum frá því
í desember á síðasta ári. Fyrirtækið
hefur getað varist kröfum lánar-
drottna á þessu 10 mánaða tímabili.
Atli sagðist að þetta tímabil væri
ekki talið með þegar kæmi að fyrn-
ingu lífeyrisiðgjalda sem Móar
skulda.
Atli sagði að lífeyrissjóðir yrðu
hins vegar að vera mjög vakandi og
fylgja ógreiddum kröfum fast eftir
svo ekki kæmi til þess að þær fyrn-
ist.
Lífeyrisiðgjöld eru forgangskröf-
ur, en það þýðir að ekki er heimilt að
semja um þær í nauðasamningum.
Lífeyrissjóðir verða því að fylgja
kröfum sínum eftir óháð því hvort
fyrirtæki í fjárhagserfiðleikum geri
nauðasamninga við lánardrottna
sína.
Kröfur lífeyrissjóða um gjaldþrot kjúklingabúsins Móa
Reynt að koma í veg
fyrir að iðgjöld fyrnist
ÍSLANDSMET hefur verið slegið í
fiskimjölsverksmiðju Síldarvinnsl-
unnar í Neskaupstað. Þar hafa nú
ríflega 180 þúsund tonn af hráefni
komið á land það sem af er þessu ári.
Íslensk fiskimjölsverksmiðja hefur
aldrei tekið á móti svo miklu hráefni
á svo skömmum tíma og reyndar
ekki á heilu ári. Útflutningsverð-
mæti afurða er komið í um tvo millj-
arða frá þessari einu verksmiðju.
Síldarvinnslan hefur rekið sex
fiskimjölsverksmiðjur á þessu ári, en
einni þeirra, á Reyðarfirði, hefur
verið lokað. Samtals hafa þessar
verksmiðjur tekið á móti 435.000
tonnum af síld, loðnu og kolmunna til
bræðslu, en heildarútflutningsverð-
mæti þess magns er um 4,7 millj-
arðar króna. Mest hefur borizt til
Neskaupstaðar, 180.000 tonn, á
Seyðisfirði hefur verið tekið á móti
138.000 tonnum, 40.400 tonn hafa
borizt til Siglufjarðar, 28.800 til
Raufarhafnar, 26.500 til Reyðar-
fjarðar og 20.600 til Helguvíkur. Af
því sem verksmiðjur Síldarvinnsl-
unnar hafa tekið á móti eru 68.000
tonn af erlendum skipum, en það eru
um 38% af löndunum erlendra skipa
á uppsjávarfiski í íslenzkum höfnum.
Tvenn tímamót
í Neskaupstað
En það eru tvenn tímamót hjá
þeim í Neskaupstað, því þar er nú
búið að taka á móti ríflega 100 þús-
und tonnum af kolmunna á árinu.
Gunnþór Ingvason, aðstoðarfram-
kvæmdastjóri Síldarvinnslunnar,
segir ljóst að kolmunninn ráði úrslit-
um um þennan góða árangur. Hann
vill þó ekki fullyrða hvort það sé
einnig Íslandsmet að verksmiðjan í
Neskaupstað hafi tekið á móti
100.000 tonnum af kolmunna. Það
hafi ekki verið staðfest. Það er ljóst
að enn á eftir að landa töluverðu hjá
Síldarvinnslunni í Neskaupstað, því
ríflega tveir mánuðir eru enn eftir af
árinu.

 

 





 



 
   

 
 

 !"
"


 


 

 #$!%
&
'# ( !
%


Mjöl og
lýsi fyrir
um tvo
milljarða
♦ ♦ ♦