Morgunblaðið - 17.10.2003, Blaðsíða 56

FÓLK Í FRÉTTUM
56 FÖSTUDAGUR 17. OKTÓBER 2003 MORGUNBLAÐIÐ
Allir velkomnir
leikur fyrir dansi
föstudaginn 17. október
frá kl. 22.00–02.00
í Húnabúð, Skeifunni 11.
Hljómsveit
Hjördísar Geirs
NÝJA platan á sér langa sögu og má
rekja sumt af efninu allt aftur til árs-
ins 1978. Valgeir tók nefnilega af ein-
skærri tilviljun með sér ljóðabækur
Jóhannesar úr Kötlum þegar hann
fór til náms í Þrándheimi í Noregi
fyrir 25 árum. „Kveðskapur Jóhann-
esar varð mér mikil uppspretta
ánægjulegra næðisstunda á kvöldin,“
segir Valgeir og bætir við að líf sitt
sem námsmaður í Þrándheimi hafi
einkennst af rólegheitum. Hann seg-
ist hafa haft fyrir reglu að þegar lag
varð til við ljóðið sem hann las tók
hann það upp á kassettutæki svo
hann myndi ekki gleyma því. Hluta af
þessu 25 ára gamla efni má svo finna
á plötunni sem er að koma út. „Þetta
geta menn gert ef þeir fara til náms í
Noregi,“ segir hann spekingslega.
Á plötunni er að finna 12 lög við
kvæði Jóhannesar og er umfjöllunar-
efni þeirra fyrst og fremst fólk, að
sögn Valgeirs. „Margt af þessu eru
kvæði allt frá 1930. Heimurinn var þá
allt annar en fólkið er nákvæmlega
eins. Eins fólk á ólíkum tímum - ég
myndi segja að það væri nokkurs
konar þráður plötunnar,“ segir Val-
geir og spyr svo Diddú glottandi
hvort þetta hafi ekki örugglega
hljómað gáfulega.
Átján ár frá síðustu plötu
Valgeir og Diddú eru nú að vinna
saman í fyrsta skipti síðan árið 1985
þegar þau gerðu plötuna Fugl dags-
ins en nýja platan er nokkurs konar
framhald hennar. Vinskapur þeirra
nær þó allt aftur til sjöunda áratug-
arins þegar Diddú söng með Spil-
verki þjóðanna, hinni fornfrægu
sveit, sem Valgeir var í.
Hvernig kom til að þið fóruð að
vinna saman aftur?
„Ég orðaði þetta einhvern tímann
við Diddú, sem reyndar er önnum
kafnari en Björgólfsfeðgar til sam-
ans,“ segir Valgeir og Diddú brosir
breitt. „Þetta verkefni krefst allt
annarrar nálgunar og raddbeitingar
en óperusöngurinn sem hún vinnur
við flesta daga. Við urðum að finna
tíma þar sem hún var ekki í slíku
verkefni og svo vildi til að hún átti
nokkrar vikur lausar í vor.“
Diddú segist ekki geta sagt til um
hvort skemmtilegra sé að syngja óp-
erusöng eða dægurlög. „Aðkoman er
gerólík, en hvort tveggja er jafn
skemmtilegt. Ég er ánægð með að fá
tækifæri til að gera þessa tónlist
líka.“
Þau segjast vera afar ánægð með
plötuna. „Ég get meira að segja
hlustað á hana sjálfur en það tel ég
einhvern besta mælikvarða á tónlist-
ina mína sem til er,“ segir Valgeir og
Diddú samsinnir.
Blaðamaður hváir, hlusta tónlist-
armenn ekki á eigin verk?
„Já, mjög oft getur maður ekki
hlustað á plötur með sjálfum sér í
mörg ár eftir að þær koma út og það
er mjög algengt hjá tónlist-
armönnum,“ útskýrir Diddú.
Platan var hljóðrituð á þann hátt
að söngur og undirleikur voru tekin
upp saman en það er víst nokkuð
sjaldgæft nú til dags að sögn Diddúar
og Valgeirs. Þau benda á að oft sjái
söngvararnir aldrei þá sem spila und-
ir og oft sjái tvær manneskjur sem
syngja dúett ekki nokkurn tímann
hvor aðra. „Stundum eru samsöngv-
ararnir jafnvel látnir, eins og við
þekkjum,“ bætir Valgeir við.
Hann segir að rödd Diddúar sé að-
alhljóðfæri plötunnar, allt annað
verði til í kringum hana. Tónlistin
bjóði ekki upp á mikið skraut heldur
sé fallegust í einfaldleika sínum. Þau
benda á að Salurinn í Kópavogi hafi
orðið fyrir valinu fyrir útgáfutónleika
þar sem hann henti tónlistinni vel.
„Þar er nálægð við áhorfendur en
tónlistin er þess eðlis að maður verð-
ur að vera umvafinn áhorfendum.
Svo er líka góður andi þar,“ bætir
Diddú brosandi við áður en þau
kveðja og halda á braut.
Morgunblaðið/Júlíus
Diddú og Valgeir Guðjónsson vinna nú saman aftur eftir 18 ára hlé.
Heimurinn annar
en fólkið eins
Ljóð Jóhannesar úr
Kötlum heilluðu Valgeir
Guðjónsson upp úr
skónum er hann var
ungur námsmaður í
Þrándheimi. Nú, 25 ár-
um síðar, er hann ásamt
Sigrúnu Hjálmtýsdótt-
ur að gefa út plötuna
Fuglar tímans með lög-
um við kvæði skáldsins.
Útgáfutónleikarnir verða haldnir
laugardaginn 18. október í Saln-
um í Kópavogi og hefjast þeir
klukkan níu. Miðar eru seldir í
Salnum og kosta þeir 2.000
krónur.
bryndis@mbl.is
Fuglar tímans fljúga úr hreiðrinu í næstu viku
MIRRORBALL er verk-
efni sem fyrst var farið af
stað með á kvikmyndahá-
tíðinni í Edinborg árið 1996.
Stjórnendurnir, þeir David
Drummond, David Smith og
Dave Ladd velja á hverju ári
það sem þeim þykir athygl-
isverðast í myndbanda-, aug-
lýsinga-, stuttmyndagerð og
fleiri skyldum miðlum út frá
listrænum þáttum og splæsa
þessu saman í ákveðin þemu.
T.d. hafa þeir sett saman
syrpu frá Japan, Bretlandi
o.s.frv.. Svo vel hefur þetta
fallið í kramið að þeir fé-
lagar eru farnir að ferðast
um heiminn með þessa efnis-
skrá.
„Þetta byrjaði með því að
við vorum að reyna að auka
vægi stuttmynda og mynd-
banda á kvikmyndahátíðinni,
en þessar greinar, sér-
staklega myndböndin, hafa
verið afskipt sem listform
eiginlega allt fram á síðustu
ár,“ útskýrir David Drumm-
ond, sem kemur hingað til
lands sem fulltrúi Mirrorball. „Þetta
hefur þróast á þann veg að tónlistar-
myndböndin taka hvað stærstan þátt
en við sýnum líka heimildarmyndir,
auglýsingar og stuttmyndir.“ David
segir að þegar þeir hafi byrjað á
þessu hafi lítið mark verið tekið á
myndbandaleikstjórum sem lista-
mönnum. Nú hafi menn eins og Spike
Jonze, David Fincher, Michel Gondry
og Jonathan Glazer allir gert eft-
irtektarverðar kvikmyndir í fullri
lengd og það hafi kætt hann og félaga
hans að sjá þessa þróun.
Hér á landi munu þeir sýna þrjár
syrpur; eina sem tekur saman breskt
efni sem á það sammerkt að vera í
teikni- og hreyfimyndaformi, ein inn-
heldur svo almennt safn frá Bretlandi
og ein inniheldur almennt safn frá öll-
um heimshornum.
Allt er þetta efni frá síðustu 12
mánuðum.
Mirrorball á Edduhátíðinni
Myndbandagerð
er list



 











   
   

 
 
   
   
  
 
   
   

 !
"

# 

$ 
 David
Drummond
Mirrorball verður á dagskrá
Edduhátíðarinnar samhliða
Airwaveshátíðinni.