Morgunblaðið - 17.10.2003, Blaðsíða 51
ÍÞRÓTTIR
MORGUNBLAÐIÐ FÖSTUDAGUR 17. OKTÓBER 2003 51
NORÐMENN eiga í fyrsta skipti
þrjú félagslið í 2. umferð UEFA-
kepppninnar í knattspyrnu en frá því
norsku liðin byrjuðu að keppa á Evr-
ópumótunum árið 1960 hefur það
ekki gerst áður. Rosenborg, Molde
og Vålerenga verða öll í hattinum
þegar dregið verður til 2. umferðar í
dag.
FRANKIE Fredericks, fremsti
spretthlaupari Afríku, hefur ákveðið
að leggja skóna á hilluna, 36 ára
gamall. Fredericks á fern silfurverð-
laun frá Ólympíuleikum í 100 og 200
m hlaupi, m.a. varð hann í öðru sæti á
19,68 sekúndum þegar Michael
Johnson setti heimsmet sitt, 19,32, á
Ólympíuleikunum í Atlanta fyrir sjö
árum. Fredericks á auk þess ein
gullverðlaun og þrenn silfurverðlaun
frá heimsmeistaramótum utanhúss.
JERMAINE Pennant, leikmaður
Arsenal, sem liðið lánaði til Leeds í
tvo mánuði, hefur kunnað vel við sig
á Elland Road. Pennant vonar að
Leeds nái að semja við Arsenal um
að hann verði lengur hjá liðinu. „Ég
er ánægður. Þegar maður er ánægð-
ur leikur maður vel. Ég vil verða
lengur hjá Leeds,“ segir Pennant,
sem fékk fá tækifæri á miðjunni hjá
Arsenal. Pennant er einn af mörgum
ungum leikmönnum í Englandi, sem
hefur ekki náð að höndla frægðina –
utan vallar.
ERIC Djemba-Djemba hefur við-
urkennt að það sé erfiðara að leika í
ensku úrvalsdeildinni en hann hafi
reiknað með. Djemba-Djemba kom
til Manchester United í sumar frá
Nantes í Frakklandi.
LOKS hefur náðst samkomulag á
milli Manchester United og Sunder-
land um vistaskipti Frakkans unga
Davids Bellions, en hann gekk til liðs
við ensku meistarana í sumar. Sam-
komulagið felur í sér að Manchester
United greiði 2 millj. punda, um 250
millj. króna, fyrir pilt auk þess sem
verðið getur hækkað um eina millj.
punda þegar ákveðnum leikjafjölda
er náð, verði hann valinn í landslið
Frakka og að fleiri atriðum uppfyllt-
um.
OLIVER Kahn, markvörður
Bayern München og þýska landsliðs-
ins, meiddist á hné á æfingu í gær og
leikur ekki með Bayern um helgina
gegn Borussia Mönchengladbach í
þýsku 1. deildarkeppninni. Þá er
óvíst að hann geti leikið með Bayern
gegn franska liðinu Lyon í Meistara-
deild Evrópu í næstu viku.
DAN Petrescu, fyrrverandi leik-
maður Chelsea og rúmenska lands-
liðsins í knattspyrnu, segir að landi
hans Adrian Mutu, 24 ára leikmaður
Chelsea, eigi eftir að verða nýr Gian-
franco Zola. Mutu var keyptur frá
Parma á dögunum fyrir ellefu millj.
punda og hefur hann staðið sig vel.
„Það er erfitt fyrir unga leikmenn að
vera líkt við Zola, en Adrian getur
það,“ sagði Petrescu.
FÓLK
MIKILL áhugi er í Noregi fyrir leik Norð-
manna gegn Spánverjum í umspili um
laust sæti í úrslitakeppni EM í Portúgal. Í
gær hófst miðasala á leik liðanna í Noregi
og seldust 9 þúsund miðar á fjórum
klukkustundum. Þetta var fyrsti áfangi
sölunnar. Ekki hefur verið meiri áhugi á
forsölu aðgöngumiða á landsleik Norð-
manna í heimalandinu síðan Englend-
ingar komu í heimsókn fyrir tíu árum.
Alls rúmast 25.200 þúsund áhorfendur
á Ullevål-leikvanginn í Ósló. Það er síðari
leikur þjóðanna sem fer fram í Noregi
miðvikudaginn 19. nóvember, en fyrri
leikurinn verður í Valencia 15. nóvember.
Reiknað er með að það sem eftir stend-
ur af miðum, og Norðmenn eiga rétt á,
verði sett í sölu á þriðjudaginn í næstu
viku. Ekki er ljóst ennþá hversu margir
miðar það verða því nú hafa styrktarað-
ilar norska knattspyrnusambandsins
nokkra daga til að tryggja sér miða, áður
en restin fer í sölu.
Spánverjar eiga rétt á 10% miðanna
eða rúmlega 2.500. Norðmenn gera sér
hins vegar vonir um að Spánverjar nýti
sér aðeins 1.500 þannig að um eitt þúsund
miðum fleira verði fyrir Norðmenn.
Samkvæmt reglum FIFA og UEFA á
gestalið rétt á 10% aðgöngumiða á leikj-
um á útivelli. Þannig hefði KSÍ átt rétt á
5.000 miðum á leik Íslands og Þýskalands
sem fram fór í Hamborg um síðustu helgi.
Skilaréttur er á þeim miðum sem ekki
seljast – er fimm dögum áður en viðkom-
andi leikur er háður.
Norðmenn seldu 9 þúsund
miða á fjórum tímum
SIGFÚS Sigurðsson verður með
Magdeburg í leiknum við Hauka í
Meistaradeild Evrópu í handknatt-
leik á morgun en stórskyttan Nen-
and Perunicic getur ekki leikið sök-
um meiðsla.
Sigfús lék ekki á móti Skopje um
síðustu helgi og heldur ekki gegn
Stralsunder í fyrrakvöld en meiðsli
í hné hafa verið að angra ,,rússaj-
eppann“ síðustu vikurnar.
„Fúsi kemur til með að taka ein-
hvern þátt í leiknum þrátt fyrir að
hann sé ekki búinn að ná sér að
fullu. Hins vegar getur Perunicic
ekki spilað. Meiðsli hafa tekið sig
upp í öxlinni á honum og við höfum
tekið þá ákvörðun að senda hann í
meðferð til Austurríkis. Ef hann
lagast ekki eftir þá meðferð fer
hann í uppskurð og leikur ekki
meira með okkur á tímabilinu,“
sagði Alfreð Gíslason við Morg-
unblaðið.
Sigfús með en ekki Perunicic
Magdeburg sigraði Stralsundermeð átta marka mun í þýsku
1. deildinni í fyrrakvöld og er í öðru
sæti deildarinnar,
tveimur stigum á eft-
ir Flensborg, en á
leik til góða. Alfreð
segist hafa spilað á
varaliðinu í þessum leik enda að búa
sína menn undir leikinn við Hauk-
ana. Spurður hvort ekki mætti búast
við öruggum sigri Magdeburg á
Haukunum sagði Alfreð: „Það fer
allt eftir því hvernig lið mitt spilar og
við verðum að spila vel til að leggja
Haukana að velli. Ef við gerum það
hins vegar ekki þá er ekki spurning
að við getum lent í vandræðum. Ég
er búinn að sjá flesta deildarleiki
Haukanna á myndbandi og á góðum
degi eru þeir með mjög gott lið. Ég
hef því lagt áherslu á það við leik-
menn mína að þeir mæti mjög vel
einbeittir og taki Haukana af fullri
alvöru,“ segir Alfreð.
Viggó Sigurðsson, þjálfari Hauka,
og Alfreð hafa átt góða samvinnu og
útvegað hvor öðrum myndbands-
spólur frá leikjum sinna liða. Hauk-
arnir komu til Magdeburgar síðdeg-
is í gær og Viggó hafði meðferðis
upptöku frá leik Hauka og Barcelona
sem Alfreð og hans menn geta skoð-
að fyrir leikinn og á móti fékk Viggó
spólu frá leik Magdeburg og Skopje
þar sem lærisveinar Alfreðs unnu
tveggja marka sigur í Makedóníu.
Alfreð segir stefnuna að fara langt
í Meistaradeildinni og að minnsta
kosti í undanúrslitin. „Meistara-
deildin er afar sterk og það þarf ekki
bara gott lið til að komast langt held-
ur líka heppni. Spænsku liðin eru
feikilega sterk eins og Barcelona og
Ciudad Real en við erum með mjög
góða blöndu af reyndum spilurum og
svo ungum og efnilegum. Í 16 manna
hópnum eru til að mynda átta leik-
menn yngri en 22 ára.“
Leika hraðan og
skemmtilegan handknattleik
Magdeburg hefur byrjað leiktíð-
ina vel heima fyrir en í átta leikjum
hefur liðið unnið sjö og tapað aðeins
einum. Alfreð segir að frammistaða
liðsins hafi komið á óvart ef tillit er
tekið til að liðið þurfti að sjá á eftir
sínum besta leikmanni – Ólafi Stef-
ánssyni. „Þetta hefur bara gengið
býsna vel. Við spilum hraðan og
skemmtilegan handbolta, markverð-
irnir hafa staðið sig frábærlega og
vörnin hefur verið betri en í fyrra. Í
heild erum við betri en í fyrra þó svo
að við höfum misst Óla, sem var okk-
ar langbesti maður.“
Frakkinn Joel Abati hefur leyst
Ólaf af hólmi en Alfreð segir að
ábyrgðin hafi dreifst yfir á allan
mannskapinn í liðinu í staðinn fyrir
að þegar vandræði sköpuðust þá
horfðu allir á Óla og báðu hann að
gera eitthvað.
Alfreð reiknar með að um 5.000
manns mæti á leikinn við Hauka sem
hefst klukkan 15 að staðartíma, 13 að
íslenskum, en þess má geta að leik-
urinn verður sýndur í beinni útsend-
ingu á Sýn.
Alfreð Gíslason, þjálfari Magdeburg, um leikinn gegn Haukum í Meistaradeildinni
Morgunblaðið/Kristinn
Alfreð Gíslason, þjálfari þýska handknattleiksliðsins Magde-
burg. Sigfús Sigurðsson situr á varamannabekknum.
„KRAFAN er sigur og ekkert annað,“ sagði Alfreð Gíslason, þjálfari
Magdeburg, í samtali við Morgunblaðið í gær en hans menn taka á
móti Íslandsmeisturum Hauka í Meistaradeild Evrópu á morgun og
hefst leikurinn klukkan 13 að íslenskum tíma. Á sama tíma og
Haukar töpuðu með tíu marka mun fyrir Barcelona um síðustu helgi
vann Magdeburg góðan útisigur á Skopje í Makedóníu.
Guðmundur
Hilmarsson
skrifar
Tökum
Haukana
alvarlega
RUDI Völler, landsliðsþjálfari Þýskalands, er ekki
ánægður með að lið hans sé ekki sett í fyrsta styrk-
leikaflokk af fjórum, þegar dregið verður í riðla á
Evrópumótinu í Portúgal næsta sumar. Landsliðin
fjögur sem eru í fyrsta styrkleikaflokki eru Portú-
gal, Evrópumeistarar Frakklands, Svíþjóð og
Tékkland.
„Það er skammarlegt að við séum ekki í fyrsta
styrkleikaflokknum. Við náðum bestum árangri
Evrópuþjóða á síðasta heimsmeistaramóti, er við
lékum til úrslita gegn Brasilíumönnum,“ sagði
Völler við þýska blaðið Bild í gær.
Völler sagði að Þýskaland gæti hæglega lent í
„dauðariðli“ í EM í Portúgal, með Frökkum, Hol-
lendingum og Grikkjum.
„Hollendingar leggja Skota að velli í leikjunum
um sæti í Portúgal. Að leika í riðli með Hollend-
ingum er alltaf erfitt,“ sagði Völler.
Knattspyrnusamband Evrópu, UEFA, fer ekki
eftir árangri liða á lista alþjóðaknattspyrnu-
sambandsins, FIFA, aða árangri í heimsmeist-
arakeppni, þegar raðað er niður í styrkleika-
flokka. Það er farið eftir árangri á Evrópulista.
Rudi Völler
Völler óhress
með styrkleika-
flokka á EM