Morgunblaðið - 17.10.2003, Blaðsíða 8

FRÉTTIR
8 FÖSTUDAGUR 17. OKTÓBER 2003 MORGUNBLAÐIÐ
Gullfalleg ítölsk leðursófasett3ja sæta sófi
og 2 stólar
Kr. 329.980
3ja sæta sófi
og 2 stólar
Kr. 269.800
ARCADIA
DAVID
Þetta er allt í lagi, elskurnar mínar. Ég meiddi mig ekki neitt, ég var með beltið spennt.
Málþing um list á almannafæri
Listin veitir
öryggiskennd
Á MORGUN verðurhaldið í Norrænahúsinu í Reykja-
vík málþing með yfir-
skriftinni Sigurjón Ólafs-
son og list á almannafæri.
Málþingið hefst kl. 9 og
stendur til kl. 17. Aðgang-
ur er ókeypis og öllum op-
inn.
Hvert er tilefni Mál-
þingsins?
„Tilefni málþingsins er
20 ára afmæli Listasafns
Sigurjóns Ólafssonar á
næsta ári. Ennfremur er
tilefnið að heiðra það starf
sem Sigurjón vann á sviði
listar á almannafæri.“
Hvert er markmiðið
með málþinginu?
„Það er verið að vekja
athygli á því hver staða
listar í opinberu rými er á Íslandi.
Erlendis er þessi grein listar
mjög framsækin og lifandi og það
er í raun það sem er verið að
benda á. Það sem er líka áhuga-
vert við málþingið er að þarna er
verið að leiða saman listamenn,
listfræðinga, arkitekta og aðila
frá hinu opinbera en það eru í
raun þessir fjórir aðilar sem
vinna að því að koma list inn í op-
inberar byggingar og borgar-
skipulagið.
Ég held að þetta sé mál sem
þurfi að ræða á miklu opnari
grundvelli hér á Íslandi en verið
hefur.“
Hvernig er málþingið upp-
byggt?
„Fyrri hluti málþingsins er til-
einkaður list Sigurjóns, bæði
verkum hans í Danmörku og á Ís-
landi en á fjórða og fimmta ára-
tug síðustu aldar var Sigurjón
mjög virtur listamaður þar í
landi. Þá mun Júlíanna Gott-
skálksdóttir listfræðingur fjalla
um standmyndir á almannafæri í
Reykjavík 1875-1945, Aðalsteinn
Ingólfsson listfræðingur fjallar
um útiverk Sigurjóns á Íslandi og
Pétur Ármannsson arkitekt talar
um samstarf Sigurjóns og ís-
lenskra arkitekta 1945-1982.
Eftir hádegi verður fjallað um
stöðu listar á almannafæri í dag,
sérstaklega í Evrópu. Heims-
þekkt svissnesk listakona,
Pipilotti Rist mun gera grein fyr-
ir verkum sínum. Í lokin munu
þrír íslenskir listamenn segja frá
reynslu sinni og upplýsa um
hvernig er staðið að allri umgjörð
varðandi ferlið sem snýr að upp-
setningu myndlistar á almanna-
færi.
Í lokin verða svo pallborðsum-
ræður þar sem fulltrúar frá list-
skreytingarsjóðum Noregs, Sví-
þjóðar og Íslands munu gera
grein fyrir stöðu mála í löndunum
og hver stefnan er. Í pallborðs-
umræðum munu einnig taka þátt
Anna Líndal prófessor við
Listaháskóla Íslands og Jóhannes
Þórðarson arkitekt.“
Hvernig er ákjósanlegast að
standa að því að setja upp list á
almannafæri?
„Hér á landi vill það
oft verða þannig að
listamaðurinn kemur
síðastur að verkinu
sem endar með því að
stundum er verkinu
komið fyrir á stað sem er ekki
ákjósanlegur. Sú aðferðarfræði
er löngu orðin úrelt. Best er að
listamaðurinn sé með í ferlinu frá
upphafi. Erlendis er algengt að
listamenn séu fengnir til að taka
þátt í borgarskipulagi, til að þróa
götumyndir, verk í strætóskýli og
neðanjarðarlestir svo dæmi séu
tekin. Kraftar myndlistarmanna
eru því nýttir á mjög fjölbreyti-
legan hátt og skilin á milli mynd-
listarmanna, hönnuða og arki-
tekta verða óskýrari.“
Um hvað munt þú fjalla í erindi
þínu á málþinginu?
„Ég mun tala um það hvernig
myndlist er notuð í nútímaborg-
arskipulagi, en notkunarmögu-
leikarnir eru mjög margbreyti-
legir. Fyrst má nefna að hún er
notuð í fegrunarskyni. Þá er hún
oft notuð til að tengja íbúana við
umhverfi sitt á gagnvirkan hátt
og jafnvel notuð til að endurskapa
sjálfsmynd. Hún er líka notuð í
skipulagslegum skilningi, til að
endurnýja ákveðin borgarhverfi
til dæmis. Myndlist hefur einnig
verið notuð í neðanjarðarbílaskýl-
um eða öðrum ótryggum svæðum
til að friða svæðin og gera fólk
öruggara. Listin veitir öryggis-
kennd. Listin gerir umhverfið
líka mannlegra og hefur verið
notuð t.d. í Hollandi sem þáttur í
meðferð sjúklinga og eiturlyfja-
neytenda.
Svo má nefna að listin er notuð
til að tengja saman borgarhverfi,
skapa flæði á milli borgarhluta og
jafnvel þjóðlanda. Listin er notuð
til að má út landamæri. Í Strass-
borg, á landamærum Frakklands
og Þýskalands, er t.d. í gangi
verkefni þar sem verið er að
byggja upp listaverkagarð. Til-
gangurinn er að sætta íbúa land-
anna tveggja og gera tilraun til að
búa til evrópskt umhverfi og sam-
evrópska ímynd.“
Hugsaði Sigurjón Ólafsson sín
verk alla leið inn í um-
hverfið með þessum
hætti?
„Já, tvímælalaust.
T.d. má nefna lág-
myndir við stöðvarhús
Búrfellsvirkjunar sem greyptar
voru inn í vegg hússins. Það var í
fyrsta skipti sem listamaður og
arkitektar unnu saman á svo sam-
hentan hátt hér á landi.“
Hverju áttu von á að málþingið
komi til leiðar?
„Ég vonast helst til að það
verði til þess að opna umræðuna
um þessi mál hér á landi.“
Æsa Sigurjónsdóttir
 Æsa Sigurjónsdóttir stundaði
nám í sagnfræði við Háskóla Ís-
lands, listasögu við Université de
Paris 1; Panthéon-Sorbonne og
Courtauld Institute of Art í
London. Hún er búsett í París og
stundar þar rannsóknir í ljós-
myndasögu með styrk frá Erna
och Victor Hasselblad Stiftelse;
Svíþjóð; Rannís og Þjóðminja-
safni Íslands. Hún á sæti í stjórn
Listasafns Sigurjóns Ólafssonar.
Eiginmaður Æsu er Daniel
Beaussier og eiga þau fjögur
börn.
Erlendis er
þessi grein
mjög lifandi