Morgunblaðið - 31.10.2003, Blaðsíða 55
ÍÞRÓTTIR
MORGUNBLAÐIÐ FÖSTUDAGUR 31. OKTÓBER 2003 55
EIÐUR Smári Guðjohnsen var von-
svikinn að hafa ekki skorað þrennu
í leiknum við Notts County í ensku
deildarbikarkeppninni í fyrradag
en Eiður skoraði tvö mörk og var
hársbreidd frá því að bæta því
þriðja við.
„Ég veit ekki hversu oft ég hef
skorað tvö mörk í leik en mér hefur
aldrei tekist að ná þrennunni á at-
vinnumannsferli mínum. Ég ætla
mér svo sannarlega að ná henni
einn daginn og ég hætti ekki fyrr.
Því lofa ég. Ég man eftir leik með
íslenska landsliðinu á móti Litháum
þar sem ég skoraði tvö mörk. Ég
fékk víti á lokamínútunni og gat
skorað þrennu en tókst það ekki og
ég hugsa að menn séu enn að leita
af boltanum sem ég skaut yfir
markið,“ segir Eiður á heimasíðu
Chelsea.
Eiður segist hafa samúð með
þeirri stöðu sem Notts County er í
en félagið er í miklum fjárhags-
kröggum og þarf að standa skil á 3
milljóna punda greiðslu í byrjun
desember, að öðrum kosti verður
félagið úrskurðað gjaldþrota.
„Við vorum meðvitaðir fyrir leik-
inn um það hvað væri að gerast hjá
Notts County. Okkur var tjáð að
peysurnar sem við gáfum þeim eftir
leikinn færu á uppboð til að hjálpa
upp á fjárhagsstöðu þess. Þetta er
skömm þar sem Notts County er
elsta félagið í heimi en vonandi hef-
ur leikurinn og sú góða aðsókn sem
að honum var hjálpað eitthvað upp
á hjá hinu fornfræga liði.“
Eiður Smári lofar
þrennunni fyrir Chelsea
Leikmenn slógu ekki slöku viðkörfurnar í Vesturbænum enda
fátt um varnir þegar liðin skiptust á
um forystu. Snemma
í öðrum leikhluta
tókst KR-ingum að
hemja Clifton Cook
og þegar enginn var
til að taka af skarið náði KR 47:35
forystu enda féll allt þeirra megin.
Síðan biðu þeir þar til gestirnir jafna
51:51. Í þriðja leikhluta endurtóku
þeir leikinn, náðu 66:55 forystu en
með einstaklingsframtaki tókst
Tindastólsmönnum að jafna 75:75.
Þá meiddist Clifton og var tæpar
fjórar mínútur að jafna sig. Félagar
hans tóku þá við sér og tókst að ná
naumri forystu en þegar 7 mínútur
voru eftir gekk allt á afturfótunum á
meðan allt gekk KR í haginn þar til
staðan var 99:87. Rúmri mínútu fyrir
leikslok var staðan 109:96 en í stað
þess að gera út um leikinn freistuðu
Vesturbæingar þess að halda sjó.
„Ætluðum að stöðva Clifton“
„Leikurinn gekk eins og við ætl-
uðum okkur,“ sagði Ólafur Már Æg-
isson úr KR, sem átti góðan leik.
„Við ætluðum reyndar að stöðva
Clifton betur en hann fékk stundum
að leika lausum hala en Kristinn
Friðriksson fékk ekki að gera neitt
fyrir þá. Chris var sterkur undir
körfunni hjá okkur og lék af fullum
krafti allan leikinn.“ KR-ingum tókst
ekki að halda öruggri forystu, sluppu
reyndar í þetta sinnið.
„Það var einbeitingarleysi, ekkert
annað og eitthvað sem við þurfum að
bæta úr fyrir næsta leik en þetta er
að koma hjá okkur. Við erum á réttri
leið og KR-stemmningin að koma
upp.“
Ásamt Ólafi Má var Chris Woods
mjög góður, stigahæstur og tók 8
fráköst. Baldur Ólafsson og Steinar
Kaldal áttu góða spretti.
„Vantaði meiri baráttu“
„Við klikkuðum mest á að fylgja
ekki eftir góðu köflunum hjá okkur,“
sagði Axel Kárason fyrirliði Tinda-
stóls eftir leikinn. „Ég held að ástæð-
an sé sú að það vantar betri baráttu-
anda en menn voru líka of
afslappaðir í vörninni, það var eins
og menn væru frekar í að hvíla sig í
vörninni ef þeir voru þreyttir en það
vantaði líka þolinmæði í sóknina.
Þetta hefur einmitt einkennt okkar
leik í vetur.“ Clifton Cook dró vagn-
inn fyrir Tindastól og tók af skarið
þegar sóknir þeirra voru að renna út
í sandinn. Þegar hann meiddist og
hvíldi í nokkrar mínútur tóku aðrir
við sér, til dæmis Adrian Parks og
Nick Boyd, sem tók 12 fráköst.
KR er með 6 sti að loknum fimm
umferðum líkt og Tindastóll og eru
liðin í 5. og 6. sæti.
Breiðablik braut loks ísinn
Breiðablik landaði fyrsta sigrisínum í vetur þegar þeir sóttu
ÍR-inga heim í Seljaskóla. Gestirnir
náðu strax foryst-
unni og héldu henni
til leiksloka – loka-
staðan 69:71. Jón
Arnar Ingvarsson,
þjálfari Breiðabliks var ánægður í
leikslok. „Við vorum búnir að kort-
leggja þá eftir að hafa spilað gegn
þeim í bikarnum og komum vel
stemmdir í leikinn. Náðum svo
ágætu taki á þeim strax í byrjun og
gerðum það sem við ætluðum að
gera. Við misstum aðeins dampinn í
sókninni undir lokin en viljinn var
það mikill að þetta var aldrei í
hættu.“
Ljóst var frá fyrstu mínútu að
Blikar ætluðu sér sigur í leiknum,
þeir skoruðu fyrstu níu stigin og
þegar fyrsta fjórðung lauk voru þeir
tíu stigum yfir, 11:21. ÍR-ingar
spiluðu á köflum ágætlega en mestu
munaði um að Reggie Jessie, fram-
herji þeirra, komst ekki gang fyrr en
í síðasta leikhluta. Stórskytta þeirra,
Eiríkur Önundarson, fann sig aldrei
í leiknum. ÍR-ingar náðu sér loks á
strik þegar fimm mínútur voru eftir
til leiksloka. Þá breyttu þeir stöð-
unni úr 53:65 í 65:67 á þremur mín-
útum og leikurinn varð galopinn.
Heimamenn hefðu svo getað stolið
sigrinum þegar rétt rúmar 40 sek-
úndur voru eftir, þá var staðan 68:69
og bakvörðurinn, Ólafur Guðmunds-
son komst í upplagt færi en skot
hans geigaði. Jónas Ólason skoraði
svo fyrir Breiðablik í næstu sókn og
tryggði þeim fyrsta sigurinn í vetur.
Morgunblaðið/Árni Sæberg
Adrian Parks, framherji Tindastóls, brýst framhjá Chris Woods, leikmanni KR, en þeir voru at-
kvæðamestir hjá sínum liðum. KR hafði betur í ágætum leik þar sem mikið var skorað.
KR tefldi á
tæpasta vað
GESTRISNI KR-inga varð þeim næstum að falli í gærkvöldi þegar
þeir fengu Tindastól í heimsókn í Vesturbæinn. Heimamenn voru
alltaf með undirtökin en þegar munurinn varð upp undir tíu stig
slógu þeir af þar til Tindastóll jafnaði. Á síðustu tíu sekúndum fóru
síðan sex vítaskot í súginn svo að gestirnir minnkuðu muninn í 3
stig en þar við sat og KR vann 111:108. Í Breiðholtinu unnu Blikar
sinn fyrsta leik í vetur er þeir lögðu ÍR að velli, 71:69.
Stefán
Stefánsson
skrifar
Andri
Karl
skrifar