Morgunblaðið - 25.11.2003, Blaðsíða 4

FRÉTTIR
4 ÞRIÐJUDAGUR 25. NÓVEMBER 2003 MORGUNBLAÐIÐ
DEILURNAR um kaupréttar-
samninga ráðamanna Kaupþings
Búnaðarbanka vöktu nokkra at-
hygli í erlendum fjölmiðlum um
helgina. Breska blaðið Financial
Times fjallaði um málið og einn-
ig Dagens Næringsliv í Noregi.
Bæði skýrðu þau frá þeirri
ákvörðun Davíðs Oddssonar for-
sætisráðherra á föstudag að taka
innistæðu sína út úr Kaupþingi
Búnaðarbanka. Í dálkinum Ob-
server í Financial Times er
spurt hvort líkja megi afstöðu
Davíðs gagnvart Jóni Ásgeiri Jó-
hannessyni, forstjóra Baugs, við
baráttu Vladímírs Pútíns Rúss-
landsforseta gegn auðjöfrinum
Míkhaíl Khodorkovskí.
Financial Times segir í frétt,
sem birtist í blaðinu, að Davíð
hafi þvingað þá Sigurð Einars-
son og Hreiðar Sigurðsson til að
falla frá samningunum umdeildu.
Mótmæli hafi borist úr mörgum
áttum og menn hafi farið að ótt-
ast að bankinn gæti komist í
kröggur vegna þess að fjöldi
fólks tæki út innistæður sínar.
Haft er eftir ónafngreindum
heimildarmanni í íslensku fjár-
málalífi að fjárhæðin, sem menn-
irnir tveir sömdu um, hefði verið
„algerlega án fordæma“ hér á
landi og öðrum starfsmönnum
Kaupþings Búnaðarbanka alls
ekki boðist bréf á jafn góðum
kjörum og tvímenningunum.
Minnt er á að Kaupþing Bún-
aðarbanki hafi nýlega keypt
9,5% hlut í breska bankanum
Singer & Friedlander og haft
eftir sérfræðingi við Íslands-
banka að líkur séu á að íslenski
bankinn hyggist eignast stærri
hlut í breska bankanum.
„Gullinn“ kaupréttar-
samningur
Dagens Næringsliv segir m.a.
að þeir Sigurður og Hreiðar hafi
verið búnir að tryggja sér „gull-
inn“ kaupréttarsamning vegna
þess að verðið sem þeir hafi átt
að greiða fyrir hlutabréfin í
Kaupþingi Búnaðarbanka hafi
verið langt undir markaðsvirði.
Og féð til kaupanna hafi þeir
fengið að láni hjá bankanum.
Höfundur nafnlausa dálksins
Observer í Financial Times spyr
sjálfan sig hvað hafi legið að
baki mótmælum forsætisráð-
herra, hvort hann hafi einfald-
lega viljað slá sjálfan sig til ridd-
ara í augum almennings eða að
um sé að ræða viðvörunarskot að
Jóni Ásgeiri Jóhannessyni.
Kaupþing Búnaðarbanki styðji
við bakið á Baugi sem hafi náð
yfirburðastöðu í smásöluverslun
á Íslandi og sé kominn með vax-
andi ítök í fjölmiðlun. Kalt sé á
milli ráðherrans og „smásölu-
ólígarkans“ og Davíð hafi sakað
Jón Ásgeir um að reyna að múta
sér.
„[Jón Ásgeir] Jóhannesson
hefur á hinn bóginn æ meiri
áhyggjur af rannsókn á fjár-
svikamáli sem hefur dregist
mjög á langinn. Í liðinni viku
réðust skattalögreglumenn
meira að segja inn í aðalstövar
fyrirtækisins. Er þetta svar Ís-
lendinga við baráttu Vladímírs
Pútíns gegn Míkhaíl Khodor-
kovskí, fyrrverandi stjórnanda
Yukos?“ segir í dálkinum Ob-
server.
Kaupréttardeila vek-
ur athygli erlendis
FJÖLDI reglulegra kennsludaga á
síðasta skólaári, 2002 til 2003, var á
bilinu 137 til 149 en í lögum um
framhaldsskóla er kveðið á um að
árlegur starfstími nemenda skuli
ekki vera skemmri en níu mánuðir,
þar af skuli kennsludagar ekki vera
færri en 145. Þetta kemur fram í
upplýsingum sem Hagstofa Íslands
birti í gær um starfstíma í fram-
haldsskólum.
Meðalfjöldi reglulegra kennslu-
daga var 145 og er það sami fjöldi og
skólaárið 2001 til 2002. Auk þeirra
voru aðrir kennsludagar á bilinu 0
til 6, með einni undantekningu, eða 3
að meðaltali. Að jafnaði voru reglu-
legir kennsludagar nemenda tveim-
ur fleiri á vorönn en á haustönn.
Í reglugerð um starfstíma fram-
haldsskóla er ákvæði um að
kennslu- og prófdagar skuli ekki
vera færri en 175. Í 12 skólum
reyndust kennslu- og prófdagar
vera færri en 175, samkvæmt upp-
lýsingum Hagstofunnar.
Samkvæmt upplýsingum frá skól-
um var fjöldi daga sem einungis var
varið til prófa og námsmats frá 4 til
36 og og að meðaltali 26 dagar.
Kjarasamningar kennara gera
ráð fyrir samtals 175 kennslu- og
prófdögum á níu mánaða starfstíma
skóla og að auki fjórum vinnudögum
kennara utan árlegs starfstíma.
Heildarfjöldi vinnudaga kennara á
skólaárinu 2002 til 2003 reyndist
vera á bilinu 172 til 193. Meðalfjöldi
allra vinnudaga kennara var 181 og
hafði fjölgað um einn dag frá sl.
skólaári. Þar af voru að meðaltali
177 á árlegum starfstíma skóla.
Of fáir kennslu-
og prófdagar
SONET, hljómplötu-
útgáfa, hefur gert
leyfissamning um end-
urútgáfurétt á lögum
sungnum af Robertos
Loreti eða Robertino
eins og hann vanalega
er kallaður. Robertino
var ítölsk barna-
stjarna og kom til Ís-
lands árið 1961, þá
þrettán ára að aldri,
og hélt tónleika í
Austurbæjarbíói.
Að sögn Óttars Fel-
ix Haukssonar, útgef-
anda, hafa lög með
honum frá bernskuár-
um hans ekki verið fáanleg á
geisladiski áður.
„Robertino var frægasti
drengjasópran heimsins og söng
lög eins og Mamma, O Sole Mio,
Ave Maria og Santa Lucia. Hann
var sannkallað undrabarn.“
Óttar segir að einskær áhugi og
elja hafi rekið hann áfram í að
leita uppi upptökur með Robertino
en það eru tæp þrjú ár síðan hann
hóf leitina. „Það er alltaf verið að
endurútgefa efni með
frægum hljómsveitum
og fleiru. En ein-
hverra hluta vegna
hefur Robertino al-
veg gleymst og
örugglega margir
sem sakna þess að
eiga lög hans ekki á
geisladiskum.“
Óttar fór til Ítalíu
árið 2001 til þess að
leita að upptökum
með Robertino en
tveggja mánaða leit
bar lítinn árangur.
Síðastliðið sumar
uppgötvaði hann að
það var danskt fyrirtæki sem fékk
réttindin á efni Robertinos á sjö-
unda áratugnum. „Þá setti ég allt
á fullt aftur og hélt áfram með
verkefnið. Ég náði samningum við
rétthafa og safnaði saman því sem
til þurfti til að gera veglega, vand-
aða og metnaðarfulla útgáfu,“ seg-
ir Óttar og bætir við að það hljóti
að teljast sérstakt að Íslendingar
gefi út efni með útlendingum en
ekki öfugt eins og oftast er.
Sonet fær endur-
útgáfurétt á lögum
Robertinos
Robertino
BISKUP Íslands hefur auglýst laust
til umsóknar embætti sóknarprests í
Nesprestakalli í Reykjavík. Um-
sóknarfrestur er til 15. desember.
Séra Frank M. Halldórsson lætur
senn af embætti fyrir aldurs sakir og
verður staðan veitt frá 1. mars 2004.
Valnefnd velur sóknarprest sam-
kvæmt starfsreglum um presta en
biskup ákveður með hvaða umsækj-
anda hann mælir náist ekki sam-
staða í nefndinni. Í auglýsingu bisk-
ups er bent á að óski þriðjungur
atkvæðisbærra sóknarbarna eftir
því að fram fari almenn prestskosn-
ing skuli sú ósk hafa borist biskupi
eigi síðar en hálfum mánuði eftir að
kallið var auglýst. Auglýsing bisk-
ups er dagsett 7. nóvember en birt-
ist í Lögbirtingablaðinu 19. nóvem-
ber
Embætti
sóknar-
prests
Neskirkju
auglýst
laust
ÓVANALEGA stór hópur gráhegra sást á flugi við
Núpa í Ölfusi á dögunum en hegrar koma til landsins
yfir vetrartímann.
Hegrar eru fiskætur og frekar stórir fuglar en hér á
landi sjást þeir helst við hverasvæði eða við fjöru. Að
sögn Jóhanns Óla Hilmarssonar, fuglaljósmyndara,
eru hegrarnir vanalega einir á ferð en í þetta skiptið
voru þeir nítján saman. „Þetta er örugglega stærsti
hópur sem hefur sést hér á landi. Hegrarnir koma allt-
af hingað frá Noregi á haustin og fara á vorin. Þeir
verpa í vörpum en fyrir utan varptíma eru þeir frekar
miklir einfarar. Yfirleitt eru þetta stakir fuglar á
sveimi,“ segir Jóhann Óli og bætir við að ekki sé vitað
til þess að hegrar hafi orpið hér á landi. Ljósmynd/Jóhann Óli Hilmarsson
Stór hópur hegra á flugi í Ölfusinu