Morgunblaðið - 25.11.2003, Blaðsíða 6

FRÉTTIR
6 ÞRIÐJUDAGUR 25. NÓVEMBER 2003 MORGUNBLAÐIÐ
Hugbúnaðarhús
Skeifunni 8 • 108 Reykjavík • Sími 545 1000 • Fax 545 1001
STARFSMENN við Kárahnjúkavirkjun eru ugg-
andi vegna löggæslumála við virkjunina eftir að
tveimur mönnum laust þar saman um klukkan
átta á sunnudagskvöld og telja að löggæslu sé
ábótavant á svæðinu. Í þeim átökum sló annar
maðurinn hinn með flösku og skarst sá nokkuð í
andliti. Læknir á staðnum gerði að sárum manns-
ins.
Enginn lögreglumaður er að staðaldri við Kára-
hnjúka og eftir að hafa metið ástandið ákvað lög-
reglan á Egilsstöðum að bíða með að fara á svæð-
ið. Lögreglan kom síðan að Kárahnjúkum um
miðnættið og handtók meintan árásarmann og
færði í fangageymslur lögreglunnar á Egilsstöð-
um.
Virkjunarmenn þurfi ekki að
gæta að drukknum mönnum
Oddur Friðriksson, yfirtrúnaðarmaður við
Kárahnjúkavirkjun, segir menn uggandi eftir
þessa atburði og vill að yfirvöld sjái til þess að við-
unandi ástand ríki í löggæslumálum á vinnusvæð-
inu við Kárahnjúka þar sem nú starfa um 1.000
manns.
„Það sem við förum fram á er að yfirvöld sjái til
þess að þarna sé viðunandi ástand og það sé ekki
sett á herðar virkjunarmanna að gæta að drukkn-
um mönnum og öðru. Þetta er bara hlutur sem yf-
irvöld eiga að sjá um og það er ekki hægt að ætlast
til að Impregilo eða starfsmenn séu að ganga inn í
löggæslustörf þarna.“
Að sögn Odds vilja starfsmenn að brugðist sé
fljótt og vel við. „Verkalýðshreyfingin hefur gert
kröfu um að þarna sé föst löggæsla, en yfirvöld
verða bara að grípa inn í málin. Þetta er líkt og
með sjónvarpsmálin okkar, Ríkissjónvarpið hefur
ekki enn séð sóma sinn í að koma sjónvarpssend-
ingum uppeftir og þarna eru 400 til 500 Íslend-
ingar að vinna,“ segir Oddur.
Æskilegt að hafa fastan
lögreglumann á svæðinu
Sýslumannsembættið á Seyðisfirði sér um lög-
gæslumál við Kárahnjúka. Hjá embættinu starfa
sjö lögregluþjónar; tveir hafa aðsetur á Seyðis-
firði, fjórir á Egilsstöðum og einn á Vopnafirði. Að
sögn Lárusar Bjarnasonar, sýslumanns á Seyð-
isfirði, fór í þessu tilfelli nokkur tími í að meta
hversu mikið bráðaútkall var um að ræða. Mat
manna hafi verið að áflogin væru yfirstaðin og
ekki útlit fyrir að læti yrðu í framhaldinu.
„Niðurstaðan varð síðan sú að það bæri að
senda lögregluþjóna þarna uppeftir og a.m.k.
huga að öryggismálum. Þá var þessi maður hand-
tekinn og færður á lögreglustöð. Lögreglan fór þó
ekki af stað strax, enda lá það fyrir að ekki væru
slagsmál í gangi lengur og þetta yfirstaðið. En við
töldum rétt að fara og sinna þessu samkvæmt
beiðni,“ sagði Lárus.
Hann segir það ekki hægt eins og staðan er í
dag að hafa fastan lögregluþjón á svæðinu, en það
væri hins vegar æskilegt. „Á fjárlögum er gert ráð
fyrir að embættið fái 7 milljónir til þess að mæta
þessu. Við höfum verið að reyna að skipuleggja
okkur út frá þeirri tölu og sjáum fram á það að
geta kannski sinnt þessu með um tveimur ferðum í
viku þarna uppeftir og einhverri viðdvöl líka. Hins
vegar getum við ekki haft þarna fastan lögreglu-
þjón, eins og staðan er í dag. En við sinnum öllum
málum um leið og þau koma upp og við höldum
þarna uppi löggæslu eftir bestu getu.“
Aðspurður segist Lárus telja það æskilegt að
hafa fastan lögreglumann staðsettan við Kára-
hnjúka. „Það væri ekkert verra að hafa þarna lög-
regluþjón í fullu starfi, en það þarf auðvitað líka að
ráðast nokkuð af því hvernig þetta verður. Þetta
er tilfallandi mál og við vitum ekkert hvort meira
verður um slík mál, en það má auðvitað alltaf gera
ráð fyrir því,“ sagði Lárus.
Maður skarst í andliti eftir að hafa verið sleginn með flösku við Kárahnjúka
Starfsmenn uggandi og
telja löggæslu ábótavant
Morgunblaðið/Kristinn
MEIRIHLUTI hæfisnefndar
sem fjallaði um umsóknir
vegna embættisprests í Lond-
on mælti með því að séra Sig-
urður Arnarson yrði skipaður,
en auk sr.
Sigurðar
sótti séra
Sigríður
Guðmars-
dóttir um
embættið.
Umsókn-
arfrestur
rann út 4.
júlí og átti
að veita
embættið
frá 1. september, en því var
frestað þar sem upp kom
ágreiningur um skiptingu
kostnaðar milli þeirra sem
standa að embættinu, Bisk-
upsstofu, utanríkisráðuneyt-
isins og Tryggingastofnunar
ríkisins. Samkomulag náðist
um að hver aðili greiði kostnað
við embættið í hlutfalli við þá
þjónustu sem veitt er hverri
stofnun fyrir sig.
Áliti hæfisnefndar, sem skip-
uð var einum fulltrúa þeirra
þriggja aðila sem standa að
embættinu, hefur verið afhent
sr. Sigurði Sigurðarsyni vígslu-
biskup sem skipar í stöðuna.
Samkvæmt heimildum Morg-
unblaðsins greiddu tveir nefnd-
armenn sr. Sigurði atkvæði sitt
en einn sat hjá. Niðurstaðan er
bindandi. Biskup Íslands sagði
sig frá málinu vegna tengsla
við annan umsækjandann, sr.
Sigurð Arnarson, sem er
tengdasonur hans.
Embætti prests
í London
Mælt með
sr. Sigurði
Arnarsyni
Séra Sigurður
Arnarson.
HEIMSMEISTARARNIR í 10 dönsum, Karen Björk Björgvinsdóttir og Adam
Reeve, unnu til silfurverðlauna í „standard“ dönsum í Osaka Universal Open,
keppni atvinnumanna sem fram fór sunnudaginn 23. nóvember. Keppnin var
haldin í borginni Oska í Japan og tóku um 90 pör hvaðanæva úr heiminum
þátt.
Keppnin var hörð en dansaðar voru fimm umferðir og munaði örfáum stig-
um á þeim og pari frá Japan sem hafnaði í 1. sæti. Það par hefur eingöngu
keppt í „standard“-dönsum og hefur verið í úrslitum og undanúrslitum í mörg
ár í sinni grein en þess má geta að flest þeirra para sem þátt tóku, æfa ein-
göngu þessa dansa, segir í frétatilkynningu.
Hampa heimsmeistaratitli í tíu dönsum árið 2003
Karen og Adam hafa verið að keppa í báðum greinum og náð góðum ár-
angri og hampa þau heimsmeistaratitlinum í 10 dönsum árið 2003. Einnig hafa
þau náð mjög góðum árangri þar sem keppt er í hvorri grein fyrir sig. Karen
og Adam hafa m.a. undanfarið verið í Japan þar sem þau hafa verið með þrjár
stórar sýningar og auk þess hafa þau verið að kenna dans í stærstu borgunum,
Tokyo, Osaka og Kyoto. Þau halda frá Japan til Ástralíu eftir fyrstu vikuna í
desember, til undirbúnings fyrir opna ástralska meistaramótið í dansi, sem
haldið verður í Melbourne um miðjan desember. Þar mun þau Karen og Adam
keppa bæði í latin og standard en þau unnu til gullverðlauna í báðum greinum
í þeirri keppni á síðasta ári.
Hlutu silfur-
verðlaun í Japan
Karen Björk Björgvinsdóttir og Adam Reeve.
HRAÐAKSTURSBROTUM í Hval-
fjarðargöngum fækkaði umtalsvert
á tímabilinu 1. september 2002 til 31.
ágúst 2003 miðað við sama tímabil á
árunum 2001 og 2002.
Þetta kemur fram í greinargerð
forvarna- og fræðsludeildar lögregl-
unnar. Samkvæmt henni voru hrað-
akstursbrot 2.510 á nýliðnu tímabili
en 4.538 á sama tímabili 2001/2002.
Í janúar 2003 voru 1,6% bifreiða á
ólöglegum hraða í göngunum en
2,5% í janúar 2002. Flest brotin eða
43% voru framin klukkan 12 til 18.
Minni hraði
í Hvalfjarð-
argöngum
SKELJUNGUR, ESSO og OLÍS
lækkuðu verðið á bensíni í gær en
töluverðar hræringar hafa verið á
bensínmarkaðinum á seinustu dög-
um.Um miðja síðustu viku hækk-
uðu Skeljungur, ESSO og Olís verð
á bensíni, á föstudag lækkaði
ESSO bensínverðið aftur og Skelj-
ungur lækkaði síðan verð á bensíni
í gær. Lækkaði ESSO þá verð enn
á ný hjá sér til samræmis við verðið
hjá Skeljungi. OLÍS fylgdi svo á
eftir og lækkaði bensínverðið. Eft-
ir breytinguna kostar lítrinn af 95
oktana bensíni 92 kr.
Gunnar Kvaran, upplýsinga-
fulltrúi Skeljungs, segist ekki telja
að ytri forsendur hafi breyst frá
því félagið hækkaði verðið í síðustu
viku. „Samkeppnisaðilarnir fóru
niður með verðið og við erum fyrst
og fremst að bregðast við því. Í
þetta skipti lækkuðum við verðið
meira en þeir.“ Gunnar segir að
það hafi ekki verið að ástæðulausu
sem menn ákváðu að hækka verð á
bensíni í síðustu viku og menn séu
því væntanlega að teygja sig eins
og langt og þeir telja sig geta.
Magnús Ásgeirsson hjá ESSO
segist lítið vilja tjá sig um verð-
breytingarnar undanfarna daga.
Menn séu vissulega búnir að teygja
sig mjög langt og þeir verði því að
gera sér væntingar um að það
verði frekari lækkun á heimsmark-
aðsverði á bensíni í desember.
Þróun gefur fullt tilefni
til hækkunar
Á heimasíðu OLÍS segir að þrátt
fyrir lækkunina hafi þróun á gengi
og heimsmarkaðsverði gefið fullt
tilefni til hækkunar. Félagið hafi
þá stefnu að bjóða viðskiptavinum
sínum samkeppnishæft verð á
hverjum tíma og því hafi verðið
lækkað.
Talsverðar hræringar á bensínmarkaði seinusta daga
Menn teygja sig eins
langt og þeir geta