Morgunblaðið - 25.11.2003, Blaðsíða 49

FÓLK Í FRÉTTUM
MORGUNBLAÐIÐ ÞRIÐJUDAGUR 25. NÓVEMBER 2003 49
STÍLL 2003, hár-, förðunar- og
fatahönnunarkeppni félagsmið-
stöðvanna, fór fram í Íþróttahúsi
Digraness í Kópavogi á laugar-
daginn.
Heppnaðist keppnin vel, að
sögn Margrétar Ægisdóttur, eins
skipuleggjenda, en alls tóku um
160 unglingar frá 42 félagsmið-
stöðvum þátt í henni.
Kópavogsbúar voru sigursælir
og skipuðu sér í þrjú efstu sætin.
Í fyrsta sæti var félagsmiðstöðin
Mekka, í öðru sæti var Jemen og
Igló skipaði sér í þriðja sætið.
Jemen fékk einnig verðlaun fyrir
hönnun, en Vitinn Lækjó í Hafn-
arfirði fékk sérstök verðlaun fyr-
ir förðun og Vitinn Víðó í Hafn-
arfirði fyrir hár. Þemað að þessu
sinni var eldur.
Ein fyrirsæta sýndi hönnun frá
hverjum hópi. Fötin voru tilbúin
fyrirfram en unnið var með hár
og farðað á staðnum. Á meðan
var skemmtidagskrá á sviði, sem
lauk með sýningu á afrakstri
dagsins og verðlaunaafhendingu.
Morgunblaðið/Kristinn
Félagsmiðstöðvar úr Kópavogi skipuðu þrjú efstu sætin. Frá
vinstri, Jemen 2. sæti, Mekka 1. sæti og Igló 3. sæti.
Stíll 2003
Kópa-
vogsbú-
ar sigur-
sælir
Sýning var haldin á afrakstri dagsins í lok keppn-
innar en þemað að þessu sinni var eldur.
Félagsmiðstöðin Vitinn Lækjó fékk sérstök verðlaun fyrir förðun.
Í KVÖLD, í Tónabæ, verða sann-
arlega veglegir harðkjarnatón-
leikar. Give Up the Ghost, sem áttu
að spila hér í maí á þessu ári, munu
leiða þessa veislu, en margir nög-
uðu sig í handarbökin er tónleikum
þeirra í vor var aflýst vegna óvið-
ráðanlegra orsaka. Einnig leika
samborgarar þeirra frá Boston,
The Hope Conspiracy, en báðar
sveitir leika það sem mætti kalla
melódískt harðkjarnarokk.
G.U.T.G. hefur mikið verið hampað
undanfarin misseri og koma þeirra
hingað er ekkert minna en hvalreki.
Ásamt þessum tveimur leika fjór-
ar innlendar sveitir, allar ólíkrar
ættar. Þær eru I Adapt (tilfinn-
ingaþrungið og melódískt pön-
krokk), Dys (sígilt pönk í anda
Crass og Rudimentary Peni), And-
lát (níðþungt „metalcore“) og
Fighting Shit (óskilgreinanlegur
stuðkjarni).
G.U.T.G. leika hraðan og ofur-
melódískan harðkjarnann, þar sem
söngvarinn ber hjartað utan á
brjóstvasanum. Textarnir fjalla
þannig meira um persónulega sigra
og sorgir fremur en pólitísk deilu-
mál. Gott orðspor G.U.T.G. er til-
komið vegna stöðugrar spila-
mennsku þar sem allt er gefið. Það
er helst að sveitir eins og Earth
Crisis og Minor Threat komi upp í
hugann, þegar maður heyrir
G.U.T.G. Önnur breiðskífa sveitar-
innar, We’re Down Til We’re Und-
erground, kom út í liðnum sept-
ember.
The Hope Conspiracy er reist á
grunni tveggja sveita, Piecemeal og
Harvest. Önnur breiðskífa sveitar-
innar, Endnote, kom út í fyrra.
Tónlist sveitarinnar er ekki ósvipuð
og sú sem G.U.T.G leikur, melód-
ískur og einlægur harðkjarni og
hefur sveitin túrað mikið undan-
farna mánuði og það um allar triss-
ur.
Give Up The Ghost kom með nýja strauma í harðkjarnann á sínum tíma.
Give Up The Ghost og
Vegleg harðkjarnaveisla
Tónleikarnir hefjast kl. 18.00.
Aðgangseyrir er 1.500 kr. Ald-
urstakmark er ekkert og tónleik-
arnir fara fram í Tónabæ, eins
og áður segir.
arnart@mbl.is
The Hope Conspiracy á Íslandi
bílar
Áskrifendum Morgunbla›sins
b‡›st smáaugl‡sing í bla›inu
Bílar fyrir a›eins
995 kr.
Fólkið sem þú vilt ná til
les sama blað og þú!
Ertu a› hugsa um a› selja bílinn flinn? Far›u árangursríkustu
lei›ina og augl‡stu hann í bla›inu Bílar.
Pantanafrestur er til kl. 12 á flri›judögum. Panta›u núna í
síma 569 1111 e›a sendu tölvupóst á augl@mbl.is
-alltaf á miðvikudögum