Morgunblaðið - 25.11.2003, Blaðsíða 24

DAGLEGT LÍF
24 ÞRIÐJUDAGUR 25. NÓVEMBER 2003 MORGUNBLAÐIÐ
Valdadragt athafnakonunnarhefur vikið fyrir kvenleika ogmildum litum og tvíkynja flík-
ur heyra sögunni til, segir The
Sunday Times. Stærsta verslun
Levi’s á Manhattan í New York hefur
breikkað buxnaúrvalið, svo dæmi sé
tekið, og í stað einnar
buxnagerðar fyrir allar kon-
ur er nú boðið upp á mát-
unarþjónustu og aðstoð við
leit að rétta sniðinu og efn-
inu.
Kveðst tískurýnirinn
Kathryn Letson merkja aft-
urhvarf til kvenleikans í
kringum sig. „Konur vilja fallega
hönnun sem sniðin er að þeirra eigin
vexti,“ segir hún.
Útivinnandi konum finnst þær
heldur ekki lengur þurfa að klæða sig
„karlalega“.
„Nýverið sat ég á fundi með fram-
kvæmdastjóra sem var í daufbleikri
kasmírullarpeysu, en ekki blússu
sniðinni eftir karlaskyrtu. Hún hefði
getað verið á leiðinni að hitta vinkon-
ur sínar í hádegismat,“ hefur Times
eftir Silviu Hewitt, sem er að skrifa
bók um athafnakonur.
Mjúkur og kynbundinn klæða-
burður er einnig sagður merki um
heilindi, til að mynda hjá Sallie
Krawcheck, sem nýlega
var ráðin stjórnarfor-
maður og forstjóri fjár-
festingarfyrirtækisins
Smith Barney í Banda-
ríkjunum.
Haft er eftir Sallie
Krawcheck að hún bíði
þess dags að konur kom-
ist til æðstu metorða án þess að þurfa
að gera hörkuna að aðalsmerki.
Talar við mömmu
Sallie Krawcheck er í 14. sæti á
lista tímaritsins Fortune yfir valda-
mesta fólk í bandarísku viðskiptalífi
og er með vel á þriðja milljarð króna í
árslaun. Hún hikar ekki við að svara
símtölum frá mömmu sinni, þótt hún
sé á miðjum fundi með áhrifamiklum
bankamönnum.
Undantekningin í þessu tilliti er
Hillary Clinton, sem sögð er hafa fall-
ið í skuggann af fréttakonu í viðtali í
morgunþætti í bandarísku sjónvarpi
fyrir skömmu.
„Hillary Clinton reyndi að líta út
eins og skynsamur, duglegur og kyn-
laus öldungadeildarþingmaður en
Katie Couric, hæstlaunaða sjón-
varpskona Bandaríkjanna, tjaldaði
öllu sem til var. Hafði sjónvarps-
áhorfandi á orði að alvörugefinn
klæðaburður Hillary Clinton (buxna-
dragt og látlausir hversdagshæla-
skór) hefði verið í hrópandi ósam-
ræmi við gljáandi fótleggi Katie
Couric, háa hæla og sjálfbirgings-
hátt.
Spurningar fréttakonunnar voru
hins vegar hárbeittar, enda stendur
mannorð hennar og fellur með þeim,“
segir Times.
Valdadragtin víkur fyrir kvenleikanum

KLÆÐNAÐUR
AP
Margaret Thatcher : Í hefðbundinni
valdadragt sem er byggð á karl-
mannsfötum.
Reuters
Nútímaathafnakonur: Þær eru
óhræddar við að klæða sig kven-
lega.
Útivinnandi
konum finnst
þær ekki leng-
ur þurfa að
klæða sig
karlalega
N
úna á haustmánuðum
hefur starfsfólki
Landspítala verið
boðið að stunda jóga
í húsakynnum spít-
alans þrisvar í viku eftir að dagvakt
lýkur. Velflestir geta stundað þá lík-
amsrækt, sem er einnig andlega og
tilfinningalega holl. Hver tími stendur í
fimm stundarfjórðunga og eru um tutt-
ugu manns sem
sækja tímana.
Leiðbeinandi er
Anna Ingólfsdóttir.
Þegar blaðamann
ber að garði, er jóga-
tími að hefjast og það
vekur athygli að í tím-
anum eru eingöngu konur sem virðast vera á
milli fertugs og fimmtugs. Ekki einn einasti
karl. Hvers vegna?
„Meirihluti þeirra sem sækja jóganámskeið
almennt er konur,“ segir Anna. „Það hringdu
að vísu tveir karlar í haust þegar við byrjuðum
– en þegar námskeiðið hófst, var það full-
skipað konum.“
Eru konur duglegri í sjálfsrækt en karlar?
„Ég ætla ekki að fullyrða neitt um það. Það
getur vel verið að karlar leiti frekar að heilsu-
rækt þar sem eru karlkennarar.“
Hvers vegna var ákveðið að bjóða starfs-
mönnum upp á jógatíma?
„Þetta var nú eiginlega mín hugmynd. Ég
fór í miðnæturgöngu með starfsfólki Land-
spítalans sl. sumar og sá þar að það eru marg-
ir sem vinna hjá LSH sem hafa áhuga á útivist
og heilsueflingu og vilja gera eitthvað fyrir
sig. Fólk sem vinnur á spítala er daglega að
meðhöndla vandamál og veikleika annarra
inni á spítalanum en þarf auðvitað einnig að
hlúa að sjálfu sér. Mér fannst jóga vera tilvalin
hugmynd. Það var vel tekið í hugmyndina og
miklu fleiri sem vildu komast að en salurinn
rúmaði. Það var ákveðið að gera þessa tilraun
núna á haustmánuðum og ég vona að þetta sé
bara rétt byrjunin og að í framtíðinni verði
boðið upp á jóga fyrir starfsfólkið.“
Losnar um vöðvabólguna
Hvers vegna strax eftir dagvakt, en ekki
rétt á undan kvöldvakt?
„Þetta er tilraun og þessi tími varð fyrir
val- inu. Konurnar sem eru á nám-
skeiðinu eru flestar barnlausar
og þurfa því ekkert að flýta sér
heim. Ég held að það sé ekki til-
viljun að þær eru flestar á fertugs-
eða fimmtugsaldri vegna þess að
það er oft einmitt á því tímaskeiði
sem við áttum okkur á því að við
verðum að gera eitthvað fyrir okkur
ef við ætlum ekki að sitja uppi með lík-
ama sem er fullur af verkjum og hreyf-
ingarleysi, það sem eftir er ævinnar.
Og hverjir ættu að átta sig betur á
því en þeir sem vinna við að lina
þjáningar annarra?
Samt sem áður
hefði hluti
kvennanna, sem tekur þátt í nám-
skeiðinu, ekki farið á líkamsrækt-
arstöð úti í bæ og fengið sér líkams-
ræktarkort þar. Þær völdu þetta
jóganámskeið vegna þess að það er í
boði á tíma sem passar þeim og er á
þeirra vinnustað, þannig að þær
þurfa ekki að keyra langar
leiðir og svo er það á
lægra verði en á almennum mark-
aði þar sem spítalinn leggur til hús-
næði.
Ég setti námskeiðið upp þrisvar í
viku til þess að þær sem eru í vakta-
vinnu geti mætt að minnsta kosti tvisv-
ar.“
Eru mikil afföll á námskeiðinu?
„Það verða alltaf einhver afföll – en hér er
sterkur kjarni alveg frá upphafi. Svo hafa nýj-
ar konur tekið sæti þeirra sem dottið hafa út.
Og með því að mæta alltaf, í hvern einasta
tíma, votta þessar konur að jóga geri þeim
gott og þessi hópur hefur verið duglegur að
mæta. Þær finna vöðvabólguna losna í öxl-
unum, og eru allar að styrkjast og verða
sveigjanlegri.“
Hvers vegna jóga?
„Jóga er góður valkostur vegna þess að með
því að ástunda það, eykur það meðvitund um
líkamann og þegar þú kemur í jóga, dregurðu
athyglina inn á við, notar meðvitaða öndun,
meðvitaða hreyfingu. Eftir ákveðinn tíma nær
athyglin að verða tær og vakandi og þegar svo
er, verður hlé á því stöðuga hugsanareiki sem
ríkir yfir huga okkar í daglega lífinu. Þú ferð
að upplifa nýja þætti í þér og hitta sjálfa/n þig
fyrir. “

HEILSA
Morgunblaðið/Árni Sæberg
Morgunblaðið/Árni Sæberg
Anna Ingólfsdóttir:
Jóga eykur meðvit-
und um líkamann.
Starfsfólki Landspítalans
hefur í haust verið boðið upp
á jóganámskeið í húsakynn-
um spítalans. Súsanna Svav-
arsdóttir ræddi við leiðbein-
anda námskeiðsins sem
segir vel hafa tekist
til.
Eftir ákveð-
inn tíma nær
athyglin að
verða tær og
vakandi
Jóga fyrir starfsfólk
Þátttakendur: Það hringdu tveir karlar en þeg-
ar námskeiðið hófst var það fullskipað konum.