Morgunblaðið - 25.11.2003, Blaðsíða 45
ÍÞRÓTTIR
MORGUNBLAÐIÐ ÞRIÐJUDAGUR 25. NÓVEMBER 2003 45
NIKOLAJ Jacobsen, einn þekkt-
ast hornamaður heims og leikmaður
þýska handknattleiksliðsins Kiel síð-
ustu ár, hefur í hyggju að snúa heim
til Danmerkur næsta vor og leika
með sínu gamla félagsliði, GOG, í
nokkur ár áður en hann leggur skóna
á hilluna. Jacobsen hefur glímt við
meiðsli í hné sl. ár og virðist nú loks
vera að ná sér á strik. Hann vonast
til að geta gengið frá sínum málum á
næstu dögum.
ÅRHUS GF, lið Róberts Gunnars-
sonar handknattleiksmanns, hefur
ákveðið að taka tilboði rússneska
liðsins Dynamo Astrakhan um að
leika báða leiki liðanna í EHF-
keppninni í handknattleik á heima-
velli Rússanna. Forráðamenn Århus
GF höfðu hafnað í síðustu viku tilboði
frá Rússunum en þegar betra tilboð
barst gátu Danirnir ekki sagt nei.
Leikirnir sem eru í 16-liða úrslitum
keppninnar fara fram um miðjan
desember.
ARTUR Jorge, fyrrverandi lands-
liðsþjálfari Portúgals og Sviss í
knattspyrnu, hefur tekið við þjálfun
CSKA Moskvu.
GORDON Strachan, knattspyrnu-
stjóri Southampton, segist gjarnan
vilja vera áfram við stjórnvölinn hjá
félaginu en samningur hans við það
rennur út næsta vor. Strachan hefur
verið sterklega orðaður við starf
knattspyrnustjóra hjá Leeds, en
hann lék með félaginu á sínum tíma.
Talið er að fari Strachan til Leeds þá
verði að greiða Southampton
500.000 pund, um 65 millj. króna, í
skaðabætur. Ekki er víst að bágur
fjárhagur Leeds leyfi útgjöld af
þessu tagi.
SKOSKA knattspyrnuliðið Dund-
ee er komið í greiðslustöðvun, en
skuldir þess eru 20 milljónir punda,
eða jafnvirði 2,6 milljarða króna.
MICHAEL Laudrup var valinn
þjálfari ársins í danskri knattspyrnu
af samtökum þjálfara í Danmörku.
Laudrup þreytir nú frumraun sína
sem þjálfari hjá Bröndby eftir far-
sælan feril sem knattspyrnumaður
hjá mörgum fremstu knattspyrnu-
liðum Evrópu. Um tíma var Laud-
rup aðstoðarmaður Morten Olsen,
landsliðsþjálfara, áður en hann tók
við þjálfun Bröndby. Hann stýrði
Kaupmannahafnarliðinu til sigurs í
bikarkeppninni á þessu ári í annað
sæti í úrvalsdeildinni. Nú um stundir
er Bröndby í efsta sæti deildarinnar.
MARKO Babic, miðvallarleikmað-
ur Bayer Leverkusen og landsliðs
Króatíu, hefur framlengt samning
sinn við þýska liðið til 2007. Babic er
aðeins 22 ára en hefur verið í her-
búðum Leverkusen í fjögur ár. Bab-
ic var hetja Leverkusen um helgina
þegar hann tryggði liðinu jafntefli,
2:2, gegn Dortmund en þá voru liðs-
menn Leverkusen einum leikmanni
færri.
FÓLK
MALMÖ FF, sænska knattspyrnu-
félagið sem Ásthildur Helgadóttir
leikur með, er í nákvæmlega sömu
stöðu og Leiftur frá Ólafsfirði var í
sumarið 1998 þegar liðið lék gegn
Vorskla frá Úkraínu í Intertoto-
keppninni.
Leiftursmenn settu þá Sindra
Bjarnason inn á sem varamann en
eftir leikinn kom í ljós að gleymst
hafði að skrá hann á leikskýrslu.
Leiftur vann leikinn, 1:0, með
marki frá danska leikmanninum
John Nielsen, en UEFA úrskurðaði
Úkraínumönnunum 3:0-sigur og
sektaði Leiftur um 350 þúsund
krónur vegna mistakanna.
Þegar Malmö vann Kolbotn frá
Noregi, lið Katrínar Jónsdóttur,
2:0, í átta liða úrslitum UEFA-
bikars kvenna í Svíþjóð á laug-
ardaginn gleymdist að skrá Ther-
ese Jönsson á leikskýrsluna. Liðs-
stjóri Malmö beið með að skrá
síðasta nafnið þar sem einn leik-
manna liðsins var tæpur vegna
meiðsla, en síðan gleymdist það áð-
ur en leikurinn hófst. Jönsson kom
inn á sem varamaður á 64. mínútu
en eftir leikinn var það sænska
sjónvarpið sem upplýsti fyrst að
hún væri ekki skráð sem leik-
maður.
Mínútu eftir að Jönsson kom inn
á lagði hún upp síðara mark Malmö
fyrir Heidi Kackur, sem skoraði
líka fyrra mark sænska liðsins.
Það blasir því við að UEFA úr-
skurði Kolbotn 3:0-sigur í leiknum
og Katrín og félagar hennar
standa þá vel að vígi fyrir síðari
leikinn á sínum heimavelli næsta
sunnudag.
Ásthildur og Katrín léku báðar á
laugardaginn, og fóru báðar af
velli um tíu mínútum fyrir leikslok.
Þær eru fyrstu íslensku knatt-
spyrnukonurnar sem leika með er-
lendum félögum í þessari keppni
og ljóst er að önnur þeirra fer með
liði sínu í fjögurra liða úrslitin.
Umeå frá Svíþjóð, sem varð
UEFA-meistari í fyrra, er komið í
undanúrslit, Bröndby er öruggt
áfram, og fjórða liðið verður
Frankfurt eða Fulham. Frankfurt
vann fyrri leikinn á heimavelli, 3:1.
Malmö FF er í sömu stöðu og Leiftur
frá Ólafsfirði var árið 1998
GERHARD Aigner, framkvæmda-
stjóri UEFA, Knattspyrnusambands
Evrópu, segir að skylda ætti alla
knattspyrnumenn til að taka dóm-
arapróf og dæma í yngri flokkum
áður en þeir fái að gera atvinnu-
samninga. Aigner sest í helgan stein
í árslok eftir að hafa starfað í 34 ár
hjá UEFA og sá þáttur knattspyrn-
unnar sem hann vill helst sjá breyt-
ingar á er framkoma leikmanna
gagnvart dómurum. Hann segir að
knattspyrnuíþróttin eigi að taka
ruðninginn (rugby) sér til fyr-
irmyndar. Þar eru mótmæli í garð
dómara nánast óþekkt þrátt fyrir
mikil líkamleg átök.
„Ég myndi vilja sjá meiri aga,
svipað og í ruðningnum. Þá gæfu
leikmennirnir ungu kynslóðinni ekki
slæmt fordæmi, dómararnir stæðu
sig betur og þar með yrði meiri end-
urnýjun í þeirra röðum. Það er ekki
uppörvandi að sjá leikmenn ráðast
að dómara, við verðum að koma í
veg fyrir það og láta þá taka ábyrgð
á gerðum sínum. Í knattspyrnunni
eru leikmenn teknir með silkihönsk-
um.
Áður en knattspyrnumenn skrifa
undir samninga ættu þeir að taka
dómarapróf og dæma að minnsta
kosti 2–3 leiki í yngri flokkum svo
þeir skilji hlutverk dómarans og átti
sig á þeirri stöðu sem hann er í þeg-
ar leikmenn hegða sér illa. Það yrði
mjög lærdómsríkt og myndi skila
góðum árangri,“ sagði Aigner.
Aigner vill skylda leik-
menn í dómarapróf
Rúmlega 40 krakkar æfa þrisvar íviku hjá Fylki og eykst þátt-
takan jafnt og þétt. Mikið er lagt upp
úr aga og að sögn
þjálfarans, Jóns Há-
kons Bjarnasonar,
eru krakkarnir til í
að gangast undir
hann en það er alls ekki svo að þau
séu eins og vélmenni alla æfinguna.
Jón Hákon segir að það komist eng-
inn upp með annað en sýna öðrum
virðingu og það skilar sér líka í því að
krakkarnir læra góða sjálfstjórn,
þau sem koma óróleg og eiga erfitt
með að einbeita sér, ná góðum tök-
um á því innan nokkurra mánaða.
Æfingarnar eru samt ekki bara puð
og gerðar eftir nákvæmri fyrirsögn
um hverja hreyfingu. Þær eru fjöl-
breyttar og fyrir þennan aldur þarf
að leyfa svolítinn hamagang, af hon-
um var nóg í lokin og fjörið mikið en í
lok æfingarinnar stilltu krakkarnir
sér í þráðbeina röð og kölluðu hátt
og snjallt „shomen ni rei“ og „sensei
ni re“" sem þýðir að karatemenn
hneigi sig fyrir þjálfaranum og félag-
inu. Það borgar sig líka að einbeita
sér því framundan er próf í „kata“
sem er fyrirfram ákveðnar varnir og
sóknir. Þá dugar ekkert hálfkák, ein-
beitingin verður að vera í lagi því í
húfi er hærra stig með nýjum lit á
beltinu, frá hvítu upp í brúnt – enn er
spölur í það svarta.
Í dag æfa hátt í þúsund krakkar í
níu karatefélögum á landinu, sem
eru öll á suðvesturhorninu – Karate-
félag Reykjavíkur, Fylkir, Þórsham-
ar og Víkingur í Reykjavík, Akranes,
Haukar í Hafnarfirði, Breiðablik í
Kópavogi, Stjarnan í Garðabæ og
Afturelding í Mosfellssveit. Um þau
má lesa á heimasíðu Karatesam-
bandsins – www.karate.is. Hægt og
bítandi hefur þátttaka aukist og
gömlu jaxlarnir bíða þolinmóðir.
Morgunblaðið/Stefán Stefánsson
Óla Karló Steinssyni, 12 ára, tókst með harðfylgi og kænsku að vinna hanaslag-
inn í lok æfingar – og fékk þann vafasama heiður að vera kallaður aðalhaninn.
Aginn er
undirstaðan
EINS og gera mátti ráð fyrir var mikið fjör á æfingu hjá karatedeild
Fylkis þegar rúmlega 40 krakkar á aldrinum 6 til 12 ára tuskuðust,
æfðu spörk og högg eða léku sér en þegar þjálfarinn kallaði
„Yame“, sem þýðir að hætta, stökk allur hópurinnn til, raðaði sér
upp og beið eftir fyrirmælum. Það þótti sjálfsagt því agi er undir-
staðan í karate.
Jóhanna Sverrisdóttir býr sig undir að
sparka að vinkonu sinni og nöfnu Jó-
hönnu Brynjarsdóttur, allt í mesta bróð-
erni eða öllu frekar systraþeli.
Armbeygjur!… kallaði þjálfarinn og með það sama skellti
hópurinn sér á gólfið.
Stefán
Stefánsson
skrifar