Morgunblaðið - 07.12.2003, Page 25

FRÉTTIR
MORGUNBLAÐIÐ SUNNUDAGUR 7. DESEMBER 2003 25
NORRÆNUDEILD Kaup-
mannahafnarháskóla og Háskóli
Íslands hafa undirritað samning
um greiðari aðgang íslenskra
nemenda að dönskunámi í Kaup-
mannahöfn.
Samningurinn felur meðal ann-
ars í sér að nemendur sem útskrif-
ast með fyrstu einkunn úr B.A.-
námi í dönsku frá Háskóla Íslands
öðlast rétt til að stunda kandídats-
nám í dönsku við Kaupmannahafn-
arháskóla.
Niels Finn Christiansen, for-
stöðumaður Norrænudeildarinnar,
og Palle Schantz Lauridsen, náms-
stjóri í dönsku, undirrituðu samn-
inginn á föstudag fyrir hönd
Kaupmannahafnarháskóla. Vigdís
Finnbogadóttir, fyrrverandi for-
seti Íslands, og Auður Hauks-
dóttir, dósent í dönsku við Há-
skóla Íslands og forstöðumaður
Stofnunar Vigdísar Finn-
bogadóttur í erlendum tungu-
málum, og Þorsteinn Pálsson
sendiherra voru viðstödd undirrit-
unina fyrir Íslands hönd.
Samningurinn felur einnig í sér
möguleika á að fá námskeið á
M.A.-stigi í dönsku við Háskóla Ís-
lands metin til eininga við Kaup-
mannahafnarháskóla. Nemendum
á öllum stigum dönskunáms við
Háskóla Íslands verður boðið upp
á að taka hluta náms síns í Kaup-
mannahöfn, og jafnframt geta
nemendur á Íslandi fengið kenn-
ara við Kaupmannahafnarháskóla
til að gerast leiðbeinendur við rit-
un lokaritgerða.
Aukið rannsóknarsamstarf
Háskólarnir tveir hyggjast enn-
fremur auka samstarf sitt í rann-
sóknum á dönskukennslu fyrir út-
lendinga og þýðingum milli
íslensku og dönsku, auka kenn-
araskipti og gera námsmönnum
kleift að fara milli skólanna til
rannsóknardvalar.
Auður Hauksdóttir segir að
samstarf hafi áður verið milli
kennara við Kaupmannahafnarhá-
skóla og Háskóla Íslands um
dönskunám, en að með samn-
ingnum komist samstarfið í traust-
ari og öruggari farveg. Hún bend-
ir á að það sé mjög sérstakt og
líklega einstakt að Kaup-
mannahafnarháskóli leyfi útlend-
um nemendum sem stundað hafi
nám í dönsku í öðru landi að kom-
ast að í dönskunám á sama grund-
velli og þarlendir nemendur.
Afla stuðnings við Stofnun
Vigdísar Finnbogadóttur
Auður og Vigdís Finnbogadóttir
hafa að undanförnu dvalist í Dan-
mörku til að kynna og afla stuðn-
ings við Stofnun Vigdísar Finn-
bogadóttur í erlendum
tungumálum.
Meðal annars stóð stofnunin fyr-
ir fjölsóttum ráðstefnum um nor-
rænan málskilning og vest-
urnorrænar bókmenntir á
Norðurbryggju, sameiginlegri
menningar- og rannsóknarmiðstöð
Íslendinga, Færeyinga og Græn-
lendinga, um síðustu helgi.
Einnig stóð stofnunin fyrir mál-
stefnu um danskar, íslenskar og
norskar bókmenntir og gildi nor-
rænnar mála- og menningar-
samvinnu á Schæffergården í Gen-
tofte, sem er ráðstefnu- og
menningarmiðstöð í eigu Dansk-
norska samstarfssjóðsins
Greiðari
aðgangur
að dönsku-
námi
Kaupmannahöfn. Morgunblaðið.
Morgunblaðið/Helgi Þorsteinsson
Fulltrúar Norrænudeildar Kaupmannahafnarháskóla undirrituðu samn-
inginn í gær að viðstöddum fulltrúum Íslands, Auði Hauksdóttur dósent,
Vigdísi Finnbogadóttur, fyrrverandi forseta, og Þorsteini Pálssyni .
www.thjodmenning.is