Morgunblaðið - 10.01.2004, Page 38

DAGLEGT LÍF
38 LAUGARDAGUR 10. JANÚAR 2004 MORGUNBLAÐIÐ
Þegar nýi þjónustuskálinnvar opnaður á haustdög-um árið 2002 breyttist að-staða á Alþingi til muna,
ekki síst mötuneytisaðstaðan. Fyr-
ir daga nýja skálans var allur mat-
ur Alþingis selfluttur í hitakössum
á hið háa Alþingi eftir að hafa verið
eldaður hjá veisluþjónustu úti í bæ,
en með tilkomu nýja skálans skap-
aðist aðstaða til að elda matinn á
staðnum. Sú þróun hefur orðið til
þess að þingmenn og aðrir starfs-
menn þingsins sækja frekar í
mötuneytið en á matsölustaðina í
bænum enda hefur Morgunblaðið
það fyrir satt að mikil og almenn
ánægja ríki með veitingarnar, sem
fram eru bornar.
Í eldhúsinu ræður ríkjum Þor-
björg Sigríður Þorsteinsdóttir og
hefur hún sér til aðstoðar tvær
starfsstúlkur. Sjálf ákveður Sigga,
eins og hún er gjarnan kölluð, mat-
seðlana, sem eru sendir út til þing-
manna og starfsfólks í tölvupósti.
„Ég reyni að hafa matseðilinn sem
fjölbreyttastan. Hér er alltaf sal-
atbar, súpa og brauð og svo heitur
matur, annaðhvort fiskur eða kjöt
og grænmetisréttur. Ef ég mögu-
lega get komið því við býð ég upp á
grænmetisrétt samhliða kjöt-
réttum enda hefur grænmetisrétt-
unum vaxið fiskur um hrygg allt
frá því að ég byrjaði að kynna þá
til sögunnar og njóta þeir nú orðið
sívaxandi vinsælda, ekkert síður
hjá körlum en konum. Ég hef farið
á námskeið í gerð grænmetisrétta
og svo er þetta bara þjálfun og
hugmyndaflug. Það er um að gera
að vera nógu áræðinn í að blanda
saman grænmetistegundum.
Fjöldinn alltaf óviss
Annir voru á þingi þegar
blaðamaður ræddi við
Siggu rétt fyrir
jólahlé þingmanna.
Og þegar annir
eru á þingi eru
líka annir í eld-
húsinu. Mötu-
neytið er opið á
meðan þinghald er
og þegar þing teyg-
ist fram á kvöld þarf
auðvitað að vera kvöld-
matur á borðum. „Ég var
til dæmis með steiktan fisk í gær
og svo verð ég bæði með lamba-
kjötspottrétt og grænmetisrétt í
dag,“ segir Sigga og samþykkir að
gefa Matarkistunni uppskriftir af
hvoru tveggja ásamt súpu.
Það er aldeilis ekki svo að Sigga
sé í fríi þegar þingmenn eru í fríi
því fyrir utan 63 alþing-
ismenn, sem sitja á
þingi, starfa hátt í eitt
hundrað manns á Al-
þingi. „Ég veit hins
vegar aldrei fyrirfram
hversu margir mæta í
matinn, en reynslan
sýnir að ég geti átt von
á allt frá 50 og upp í
100 manns í mat hverju
sinni.“
Fimmtugur
Þingeyingur
Þorbjörg Sigríður er Þing-
eyingur í húð og hár, frá Blikalóni
á Melrakkasléttu. Hún flutti suður
árið 1998 eftir að hafa búið á Hól-
um í Hjaltadal í fjórtán ár þar á
undan þar sem hún starfaði við
mötuneyti Bændaskólans. „Ég hef
svo sem engar prófgráður í mat-
seld, en ég hef bara verið innan um
potta og pönnur alla mína tíð,“ seg-
ir Sigga, sem er svo til nýbú-
in að halda upp á fimm-
tugsafmæli sitt í faðmi
fjölskyldunnar.
Grænmetis-
pottur
1 laukur,
2 hvítlauksrif,
½ lítri appelsínusafi,
2 msk tómatkraftur,
1½ saxaður chilipipar,
1 tsk timían,
tsk kóríander,
1 tsk túrmerik,
1 tsk kúmmín,
1 msk hnetusmjör,
1–2 tsk salt
Grænmeti:
1 rófa,
2 gulrætur,
½ seljurót,
½–1 kúrbítur,
smávegis blómkál
Laukurinn gljáður í olíu og saf-
inn settur út í ásamt kryddi. Látið
malla smástund. Síðan er græn-
metið sett út í og látið sjóða í um
það bil 10 mínútur eða þar til það er
orðið mjúkt. Ef vill má setja örlitla
rjómaslettu út í. Það má nota hvaða
grænmeti sem er, gott er að kíkja
fyrst í ísskápinn og gá hvað er til.
Lambakjöts-
pottréttur
1 kg smátt skor-
ið lambakjöt,
2 laukar,
salt og pipar,
paprikuduft,
lítill biti fersk engiferrót,
3 msk tómatkraftur,
½–1 lítri vökvi,
5–6 gulrætur,
200 g spergilkál,
200 g blómkál,
1 kúrbítur
Kjötið er steikt ásamt grófsöx-
uðum lauknum. Sett í pott ásamt
kryddi og vökva og látið sjóða við
vægan hita í um það bil 40–50 mín-
útur. Að síðustu er grænmetið sett
út í og soðið í um það bil 10 mín-
útur. Þykkt er með sósujafnara og
ekki skaðar rjómaslettan.
Þessir pottréttir eru báðir góðir
með hrísgrjónum og nýbökuðu
brauði.
Heimasúpa
½ lítri vatn,
2 dl mjólk,
½ laukur,
2 meðalstórar kartöflur,
1 gulrót,
½ stöngull sellerí,
½ rauð paprika,
3 hringir ananas + safi,
smávegis af blómkáli,
2 msk tómatkraftur,
1 tsk karrí,
1 vel full tsk chilipiparduft,
1 tsk salt,
2 grænmetisteningar,
50 g kókósmjólk,
maísenamjöl
Vatn er sett í pott ásamt lauk og
kryddi. Grænmetið er hreinsað og
skorið í teninga og bætt út í ásamt
ananassafa. Látið sjóða smástund
við vægan hita. Þykkt með maí-
senamjöli og bragðbætt með kók-
osmjólk. Bæta má við vökva á móti
öllu þessu grænmeti, en þá þurfa
menn að muna eftir aukakryddi.
 MATARKISTAN
Grænmetisréttir
vinsælir á Alþingi
Þingmenn og aðrir
starfsmenn Alþingis
gera góðan róm að
matnum, sem fram er
borinn í nýlegu mötu-
neyti nýja þjónustuskál-
ans. Jóhanna Ingvars-
dóttir spurði Þorbjörgu
Sigríði Þorsteinsdóttur
út í matseðilinn.
join@mbl.is
Morgunblaðið/Eggert
Þorbjörg Sigríður Þorsteinsdóttir
Ágústa Johnson
í Hreyfingu
Berjabomba
1 lítil dós bláberjaskyr
1 lítil dós vanilluskyr
1 væn lúka af berjum
(bláber, jarðarber, bróm-
ber – fersk eða frosin)
1 pera
1 biti weetabix
1 msk hörfræ
4–6 ísmolar
Öllu blandað saman og
hrært vel í blandara.
Heilsubomba
1 lítil dós peruskyr
1 lítil dós vanilluskyr
1 banani
1 pera
1 biti weetabix
1 msk hörfræ
2 msk hnetur (t.d. kashew)
4–6 ísmolar
Öllu blandað saman og hrært vel í blandara.
Sævar Pétursson
í Baðhúsinu
Sporthúsdrykkurinn
2 msk leppin protein
recovery formula
1⁄4 lítri trópí-appels-
ínusafi
1 dós skyr.is með mel-
ónum og ástaraldinum
1 banani
klaki að vild
Allt sett í blandara.
Mjög gott strax eftir
æfingu.
Léttur hristingur
1 dós vanilluskyr.is
½ banani
½ pera
nokkur jarðarber
2 msk léttur leppin
klaki að vild
Allt sett í blandara. Fínn hristingur til að fá
sér yfir daginn eða í staðinn fyrir máltíð.
Linda Hilmarsdóttir
í Hress
Hress hristingur
1 lítil dós jarðarberjaskyr
½ avókadó
1 gulrót
½ pera
1–2 dl sódavatn eða 2 ísmolar
1 dl hreinn appelsínusafi
Allt sett í blandara og blandað vel á góðum
hraða í 45 sekúndur.
Hressandi orkudrykkur
1 lítil dós vanilluskyr
½ þroskaður banani
½ hálfur bolli bitaður ananas
4 jarðarber
3 ísmolar
Allt hráefnið sett í blandara og blandað vel
saman á miklum hraða í 45 sekúndur.
Heilsubombur
 HOLLUSTA
NÚ ER að ganga í garð hin árlega vetrarvertíð líkamsræktarstöðvanna, sem keppast nú um að ná
athygli þeirra, sem á þurfa að halda og hafa kannski bætt á sig aukakílóum um jólin. Ófá svitatár
falla í átakstímum stöðvanna vilji menn ná árangri og minnka ummál sitt hér og þar eða styrkja lúna
vöðva. Þorstinn er hins vegar fljótur að segja til sín eftir púl, lyftingar og hlaup. Í stað þess að hverfa
á vit óhollustunnar eftir allt stritið er farsælla að líta til hollustunnar vilji menn hafa erindi sem erf-
iði. Þrír líkamsræktarfrömuðir voru beðnir að gefa uppáhaldsuppskriftir að kjarngóðum heilsu-
drykkjum, sem ljúft er að gæða sér á eftir sturtuna.
Morgunblaðið/Eggert