Morgunblaðið - 04.02.2004, Qupperneq 2
FRÉTTIR
2 MIÐVIKUDAGUR 4. FEBRÚAR 2004 MORGUNBLAÐIÐ
FORSETI 101 DAG Í BURTU
Forseti Íslands var erlendis 101
dag á síðasta ári skv. heimildum
Morgunblaðsins og fóru handhafar
forsetavalds á meðan með vald for-
seta. Ekki var samband milli forseta
og handhafa forsetavalds um stjórn-
arathafnir meðan á utanlandsdvöl
forsetans stóð.
Stjórnarfrumvarp lagt fram
Ríkisstjórn og þingflokkar stjórn-
arflokkanna samþykktu í gær að
leggja fram frumvarp viðskiptaráð-
herra um breytingar á lögum um
fjármálastofnanir þar sem gerð eru
skil milli stofnfjáreigenda og stjórn-
ar sjálfseignarstofnunarinnar. Einar
Oddur Kristjánsson, þingmaður
Sjálfstæðisflokks, sagðist ekki
reikna með að flytja frumvarp sama
efnis og að það yrði dregið til baka.
Óvíst er hvaða áhrif frumvarpið hef-
ur á kaup KB banka á SPRON.
Styðja Sharon
Stærsti stjórnarandstöðuflokk-
urinn í Ísrael, Verkamannaflokk-
urinn, kvaðst í gær myndu styðja
Ariel Sharon forsætisráðherra í
þeim fyrirætlunum að rýma land-
nemabyggðir gyðinga á Gaza-
svæðinu, og tryggja honum þing-
meirihluta í málinu, jafnvel þótt ein-
hverjir flokkar segi sig úr stjórn
hans.
Blair vill rannsókn
Tony Blair, forsætisráðherra
Bretlands, hefur tilkynnt að fram
muni fara rannsókn á upplýsingum
sem breska leyniþjónustan aflaði um
meinta gereyðingarvopnaeign
Íraka. Þær upplýsingar voru not-
aðar til að réttlæta þátttöku Breta í
herförinni til Íraks. Danir og Spán-
verjar lýstu því yfir að í þeim lönd-
um muni engar slíkar rannsóknir
fara fram.
Ekki smituð
Þýsk yfirvöld greindu frá því í
gær að þarlend kona, sem talið var
að kynni að vera smituð af fugla-
flensu, væri að öllum líkindum með
venjulega inflúensu en ekki fugla-
flensu.
11 milljón símtöl samtímis
FARICE-sæstrengurinn, sem
tekinn var í notkun í gær, getur ann-
að allt að 11 milljón símtölum sam-
tímis. Sæstrengurinn tengir Ísland
við Færeyjar og Skotland. Hafa
samskipti Íslands við umheiminn
fram að þessu farið um sæstrenginn
CANTAT-3 og varasamband verið
um gervihnött.
Y f i r l i t
Í dag
Sigmund 8 Forystugrein 26
Viðskipti 14/15 Viðhorf 30
Erlent 16/17 Minningar 30/34
Minn staður 18 Bréf 40
Höfuðborgin 19 Dagbók 40/41
Akureyri 20 Kirkjustarf 41
Suðurnes 21 Íþróttir 42/44
Landið 22 Fólk 45/49
Daglegt líf 22/23 Bíó 46/49
Listir 24 Ljósvakamiðlar 50
Umræðan 25 Veður 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
AÐSTANDENDUR fundarins í
Austurbæ í síðustu viku um málefni
Landspítalans áttu í gær fund með
Davíð Oddssyni forsætisráðherra og
Jóni Kristjánssyni heilbrigðisráð-
herra í Stjórnarráðinu þar sem þeim
var afhent ályktun fundarins. Í álykt-
uninni var m.a. skorað á stjórnvöld að
endurskoða fjárveitingar til spítalans
en að fundi loknum sögðu ráðherrarn-
ir við fréttamenn að það stæði ekki til.
Að fundinum stóðu níu heildarsamtök
sjúklinga og starfsmanna spítalans.
Davíð sagði að stjórnvöld myndu
ekki skorast undan þeirri ábyrgð sem
þau hefðu á málefninu. Það væri
stjórnenda Landspítalans að útfæra
sparnaðaraðgerðir en ábyrgðin væri
stjórnvalda. Ákvörðun um fjárveit-
ingar til spítalans hlyti að standa,
endurskoðun stæði ekki til en ákvörð-
unina þyrfti að útfæra á sem þægileg-
astan og mildastan hátt.
„Við töldum afar mikilvægt að við
kæmum þessu á þann grundvöll núna
að menn væru ekki að fara fram úr
fjárlögum á hverju einasta ári og ráða
kannski 113 starfsmenn í heimildar-
leysi ár eftir ár. Það getur ekki geng-
ið. Við lögðum einnig áherslu á það á
fundinum að með þessum miklu fjár-
munum til málaflokksins þá værum
við áfram í fremstu röð í rekstri spít-
ala, þessa góða spítala sérstaklega.
Við komum þessu á framfæri,“ sagði
Davíð.
Aðspurður hvort aðgerðir spítalans
gætu ógnað öryggi sjúklinga, líkt og
ályktað var á fundinum í Austurbæ,
sagðist Davíð ekki geta tekið undir
það. Því hefði verið lýst yfir á fund-
inum í gær að Landspítalinn yrði
áfram í fremstu röð spítala. Forsætis-
ráðherra sagði það einnig ofmælt hjá
samtökunum að þjóðarsátt væri rofin.
Hins vegar væri það eðlilegt að sam-
tök sjúklinga stæðu í ístaðinu og
fylgdu sínum málum eftir.
Verið að byggja upp
Jón Kristjánsson heilbrigðisráð-
herra tók undir með Davíð um að að-
gerðirnar á spítalanum þyrfti að út-
færa á sem mildastan máta. Huga
þyrfti sérstaklega að öryggismörkun-
um. Hann sagðist gera sér fyllilega
grein fyrir því að þetta kæmi við þjón-
ustu spítalans.
„Ég skýrði frá því að ég skipaði í
gær [mánudag] lítinn starfshóp, í
samvinnu við félagsmálaráðuneytið
og fjármálaráðuneytið, sem mun fara
yfir málefni Arnarholts [vistheimili
fyrir geðsjúka] og endurhæfingar-
deildarinnar í Kópavogi. Í samræmi
við öryggishlutverk Landspítalans
hefur verið horfið frá því að loka
bráðadeildinni við Hringbraut um
helgar, þannig að það er verið að fara
yfir ýmsa þætti þessa máls þannig að
það komi sem mildast niður. Ég fór
lítillega yfir þetta á þessum fundi,“
sagði Jón.
Hvort hann gæti ekki deilt áhyggj-
um með samtökum svo stórra þjóð-
félagshópa sagði Jón það eðlilegt að
forsvarsmenn stórra samtaka sjúk-
linga hefðu áhyggjur og töluðu fyrir
hönd sinna umbjóðenda. Það væri
hins vegar ofmælt að það væri verið
að rústa heilbrigðiskerfinu með þess-
um aðgerðum, þvert á móti þá væri
verið að byggja upp á ýmsum sviðum.
Nefndi heilbrigðisráðherra sem dæmi
um það opnun heilsugæslustöðvar og
öldrunarheimilis á höfuðborgarsvæð-
inu um síðustu helgi. Hvort tveggja
snerti rekstur Landspítalans og ætti
að létta á honum í þeim greinum. Jón
sagði forsætisráðherra hafa undir-
strikað á fundinum með talsmönnum
samtakanna að það yrði að spila úr því
sem til skiptanna væri, sem væru
engar smáfjárhæðir, eða tæpir 26
milljarðar króna. Landspítalinn væri
öflug stofnun en vissulega þyrfti að
gæta aðhalds.
Ræddu við ráðherra um sparnaðaraðgerðir á Landspítala
Fjárveitingar verða
ekki endurskoðaðar
Morgunblaðið/Þorkell
Fulltrúar samtaka sjúklinga og heilbrigðisstarfsmanna gengu á fund Davíðs Oddssonar og Jóns Kristjánssonar.
EINAR Oddsson, formaður starfs-
mannaráðs Landspítalans, fór
fyrir þeim hópi sem hitti ráð-
herrana í gær. Hann sagði við-
tökur hafa verið ágætar en hins
vegar væri ljóst að ríkisstjórnin
ætlaði að halda sig við þann fjár-
lagaramma sem þegar hefði verið
ákveðinn.
„Við ráðum ekki fjárlagaramm-
anum og getum aðeins gert at-
hugasemdir. Það er þó íhugunar-
efni að þarna voru fulltrúar
samtaka sem telja vel á annað
hundrað þúsund manns. Að með-
töldum fjölskyldum átti megin-
þorri þjóðarinnar þarna fulltrúa.
Svona samstaða myndast ekki af
engu og myndast vegna þeirra
breytinga sem eru að verða á
rekstri spítalans, sem fólki fellur
ekki í geð,“ sagði Einar og ótt-
aðist að aðhaldsaðgerðir á næsta
ári yrðu enn sársaukafyllri fyrir
starfsmenn og hætta á meiri upp-
sögnum.
Óttast aðgerð-
ir næsta árs
RÍKISSTJÓRNIN samþykkti á
fundi sínum í gær að leggja Hollend-
ingum lið við flutninga á búnaði til
Afganistans. Tvær ferðir verða farn-
ar með þyrlur og annað búnað á
næstu dögum, sem mun kosta tæp-
lega 30 milljónir króna, að sögn
Gunnars Snorra Gunnarssonar,
ráðuneytisstjóra í utanríkisráðu-
neytinu. Atlanta mun sjá um flug-
flutningana, líklega verður úkraínsk
Antonov-þota notuð til þeirra.
Gunnar Snorri segir að forsætis-
ráðherra hafi lýst því yfir á leiðtoga-
fundi Atlantshafsbandalagsins
(NATO) í Prag í nóvember 2002 að
íslensk stjónvöld gætu lagt sitt af
mörkum til bandalagsins, t.d. með
flugflutningum á búnaði eða liðsafla.
Ákveðið hafi verið að kostnaðurinn
við þetta geti numið allt að 300 millj-
ónum króna. Hollendingar hafi leit-
að til íslenskra stjórnvalda og beðið
um aðstoð við að koma búnaði á veg-
um hollenska hersins til Afganist-
ans. Gunnar Snorri segir þessa
flutninga ákveðinn stuðning við
starfsemi NATO og aðildarríki þess.
„Bandalagið hefur tekið að sér
ákveðið verkefni og allir vilja leggja
eitthvað af mörkum. Við erum ekki
undanskilin þar, við drögum okkar
hluta af hlassinu,“ segir hann.
Íslenska friðargæslan hefur farið
með stjórn flugvallarins í Pristina
frá því í mars og stendur til að í sum-
ar taki Ísland við stjórn flugvallarins
í Kabúl. Gunnar Snorri segir að
flutningarnir séu ekki hluti af Ís-
lensku friðargæslunni.
Ísland fjármagnar
flutninga fyrir hollenska
herinn til Afganistans
ATLANTSOLÍA hefur sölu á bens-
íni á ný í dag á bensínstöð sinni við
Kópavogsbraut eftir að félagið varð
uppiskroppa með birgðir um miðjan
janúar. Að sögn Huga Hreiðarsson-
ar markaðsstjóra félagsins helst
verðið óbreytt, lítrinn af 95 oktana
bensíni mun kosta 92,50 kr. og lítrinn
af dísilolíu 35 kr.
Verð á bensíni var nokkuð mis-
munandi þegar Morgunblaðið kann-
aði málið í gær. Ódýrast reyndist
bæði 95 oktana bensín og dísilolía á
Orkunni, þar sem 95 okt. bensín
kostaði 92,40 kr. lítrinn og dísil 34,80
kr. Á Esso Express kostaði 95 okt.
bensín 95,60 kr. lítrinn og dísil 40,50
kr. Hjá ÓB kostaði 95 okt. bensín
95,70 kr. lítrinn og dísil 40,60 kr., skv.
upplýsingum á heimasíðu félagsins.
Verð á bensíni hækkaði í gær kl.
10 hjá Skeljungi við Reykjavíkurveg
í Hafnarfirði, en sú stöð er nálægt af-
greiðslu Atlantsolíu í Hafnarfirði.
Þar kostaði 95 okt. bensín 93,70 kr.
lítrinn í sjálfsafgreiðslu fyrir hækk-
un, en 96,90 kr. eftir hækkun. Dísil-
olía hækkaði einnig, úr 35,90 kr. lítr-
inn í 41,80 kr. í sjálfsafgreiðslu.
Atlantsolía
komin með
bensín á ný
ALLIR starfsmenn hjá Fiskvinnsl-
unni Hlíðardal ehf. í Vestmannaeyj-
um, 11 konur og níu karlar, fengu
uppsagnarbréf í vikubyrjun og segir
Guðný Óskarsdóttir, varaformaður
Drífandi Stéttarfélags, að þar með
séu 158 á atvinnuleysisskrá í Eyjum.
Hörður Rögnvaldsson, fram-
kvæmdastjóri Hlíðardals, segir að
fyrirtækið hafi unnið um 10 til 12
tonn á viku og selt saltfisk fyrst og
fremst til Puerto Rico en lágt gengi á
bandaríkjadal hafi sett honum stól-
inn fyrir dyrnar. „Verðið á mörkuð-
unum er líka of hátt og það sjá allir
sem vilja reikna dæmið til enda þó að
sjómenn séu ekki sælir af sínu,“ seg-
ir hann. Hörður bætir við að hann
hafi rekið saltfiskverkunina í um
fimm ár og hann voni að hann geti
byrjað aftur, en það verði varla hægt
haldi þróunin áfram á sömu braut.
Guðný segir að tveir starfsmenn
fyrirtækisins hafi reyndar verið
komnir í vinnu annars staðar og einn
til viðbótar hafi fengið vilyrði um
vinnu en eftir standi 17 manns, þar
af 11 konur, flestir með tveggja mán-
aða uppsagnarfrest.
Tæplega 160
manns atvinnu-
lausir í Eyjum
♦♦♦