Morgunblaðið - 04.02.2004, Page 42
ÍÞRÓTTIR
42 MIÐVIKUDAGUR 4. FEBRÚAR 2004 MORGUNBLAÐIÐ
JAKOB Jóhann Sveinsson, sundmaður úr
Ægi og Íslandsmethafi í bringusundi, fer til
Lúxemborgar á sunnudaginn og hyggst
dvelja þar við æfingar fram yfir Ólympíu-
leikana sem fram fara í Aþenu seinni hluta
ágústmánaðar nk. Í Lúxemborg æfir Jakob
Jóhann undir stjórn síns gamla læriföður,
Þjóðverjans Bodo Wermelsckirchen, sem
þjálfaði Jakob hjá Sundfélaginu Ægi um
fjögurra ára skeið, meðal annars í und-
anfara síðustu Ólympíuleika sem fram fóru
í Sydney fyrir nærri fjórum árum. Werm-
elsckirchen er nú yfirþjálfari hjá félagi í
Lúxemborg og fær Jakob aðstöðu til æfinga
hjá félaginu.
„Ég var búinn að velta ýmsum kostum
fyrir mér um tíma en komst síðan að þeirri
niðurstöðu að best væri að fara til Bodos í
Lúxemborg. Hann þekki ég vel og treysti
honum fullkomlega í stað þess að renna
blint í sjóinn hjá þjálfara sem ég þekki
ekki,“ sagði Jakob í samtali við Morg-
unblaðið í gær.
Jakob, sem náði lágmarki til þátttöku á
Ólympíuleikunum á síðasta ári, tók miklum
framförum sem sundmaður undir stjórn
Wermelsckirchen þau ár sem hann þjálfaði
hér á landi og því ákvað hann að leita á ný í
smiðju Wermelsckirchen nú þegar hann býr
sig undir átökin á Ólympíuleikunum.
Auk þátttöku á Ólympíuleikunum í
Aþenu reiknar Jakob Jóhann með að taka
þátt í Evrópumeistaramótinu í 50 m laug
sem haldið verður í Madríd í maí.
Jakob dvaldi við æfingar með finnska
landsliðinu á Flórída í þrjár vikur í síðasta
mánuði og gekk vel. „Það var mjög góður
tími og ég lærði margt nýtt á honum sem á
án eftir eftir að nýtast mér á næstunni,“
sagði Jakob Jóhann Sveinsson, sundmaður.
Jakob Jóhann æfir í
Lúxemborg fram yfir ÓL
Jakob Jóhann Sveinsson
ÁRNI Gautur Arason landsliðsmark-
vörður í knattspyrnu leikur að öllu
óbreyttu fyrsta leik sinn fyrir Manchest-
er City í kvöld þegar liðið sækir Totten-
ham heim í endurteknum leik liðanna í
4. umferð ensku bikarkeppninnar. Dav-
id James aðalmarkvörður City er ekki
gjaldgengur í bikarkeppnina þar sem
hann hefur leikið með West Ham í
keppninni í ár og því stendur valið hjá
Kevin Keegan, stjóra Manchester-
liðsins, á milli Árna Gauts og Danans
Kevins Stuhr Ellegård. Kevin Stuhr lék
í markinu í fyrri leiknum sem endaði
með 1:1 jafntefli og var mark Tottenham að nokkru leyti
skrifað á reikning hans. Árni Gautur var varamarkvörður
City í leiknum við Arsenal um síðustu helgi og því er líklegt að
hann fái tækifærið á milli stanganna í kvöld.
Sigurliðið í rimmunni í kvöld mætir Manchester United á
Old Trafford í 16-liða úrslitum keppninnar.
Árni Gautur í marki
City gegn Tottenham
Árni Gautur
KNATTSPYRNUSAMBAND Evr-
ópu, UEFA, hefur vísað frá kæru
knattspyrnusambands Wales þess
efnis að Wales taki sæti Rússa í
úrslitum Evrópumóts landsliða í
knattspyrnu í Portúgal. Wales
tapaði fyrir Rússum í umspili um
laust sæti á mótinu en á dögunum
kom í ljós að varnarmaður Rússa,
Jegor Titov, hafði fallið á lyfja-
prófi sem tekið var af honum að
loknum fyrri leik liðanna í Rúss-
landi sem var markalaus. Hann
lék í 59 mínútur í síðari leiknum
sem fram fór í Cardiff í Wales og
þar höfðu Rússar betur, 1:0.
Titov reyndist hafa notað vaxt-
arhormónið bromantan og
byggðu forráðamenn Wales kæru
sína á því að Titov hefði ekki átt
að fá að taka þátt í síðari leikn-
um. BBC greinir frá því að Wales
muni taka sér nokkra daga til
þess að ákveða hvort málinu
verðin áfrýjað til gerðardóms
UEFA.
Rússland leikur í A-riðli á EM í
Portúgal ásamt Portúgal, Grikk-
landi og Spáni. Í B-riðli leika
Frakkland, England, Sviss og
Króatía. Í C-riðli Svíþjóð, Búlg-
aría, Danmörk og Ítalía. Í D-riðli
Tékkland, Lettland, Þýskaland og
Holland.
Ríkharður lék með Fram 1989 til1995. „Það skipti miklu máli að
félagið var búið að tryggja sér fleiri
leikmenn og sýna þannig að það ætl-
ar sér meira. Þó það sé slæmt að
missa Ágúst Gylfason, eru aðrir
komnir til að fylla hans skarð. Það er
líka mikilvægt að það komi nýir
menn með nýjar hugmyndir. Ég hef
rætt við báða þjálfarana og sýnist
þeir fagmenn. Þjálfarar að austan
hafa oft mikla þekkingu, ekki síst í
tækni og eru þolinmóðir að miðla
henni. Ég þarf á því að halda, það
þarf til dæmis að klára færin sín og
ég er opinn fyrir að læra meira,“
bætti Ríkharður við.
Meiðsli í hnéi hafa löngum hrjáð
hann og sett strik í reikninginn.
„Framan af hausti var ég að hugsa
um að vera áfram úti og fékk boð um
að koma á æfingar en það var of
seint, þegar ég var hættur að æfa og
taldi mig þá ekki eiga neina mögu-
leika á að sýna mitt besta. Ef ég hefði
tekið tilboði í Skandinavíu hefði það
orðið að smellpassa því við hefðum þá
ekki þurft að flytja frá Ósló. Ég gerði
mér grein fyrir því að með mína
meiðslasögu hefði ég orðið að sam-
þykkja styttri samning, allt að tíu
mánaða, en það var aldrei inni í
myndinni fyrir svona stuttan tíma.
Þegar svo ekki bauðst annað var auð-
veldara að taka ákvörðun. Við vorum
opin fyrir ýmsu en þegar maður er að
verða þrjátíu og tveggja ára með
meiðslasögu fær maður ekki samning
eins og nákvæmlega hentar manni,“
sagði Ríkharður og er alkominn
heim.
„Þegar við ákváðum að koma heim
er það endanlegt. Það hefur verið
skemmtilegur tími hjá mér í atvinnu-
mennsku, sumir reyndar skemmti-
legri en aðrir, og maður hefur lært
mikið sem leikmaður og persóna en
nú er því tímabili lokið. Það er langt
síðan ég hef verið svona heill heilsu
svo lengi. Ég hef rætt við þjálfarann
um að ég fari rólega af stað því ég veit
ekki hvernig ég bregst við gervigrasi
en vonandi gengur allt vel og ég tilbú-
inn þegar mótið byrjar.“
Geolgau tekinn við
Nýr þjálfari er tekinn við stjórn-
taumunum hjá Fram, Rúmeninn Ion
Geolgau. „Við munum koma mest á
óvart næsta sumar. Það er draumur
minn en ég veit að það verður ekki
auðvelt. Ég vil koma sigurhugarfari í
leikmenn, eins og þeir sýndu aðeins í
lok síðasta tímabils. Hingað til hefur
stjórnin skilað góðri vinnu, meðal
annars fjórum góðum leikmönnum
og tímabært að ég og leikmenn taki
við ábyrgðinni. Það er ekki auðvelt að
taka við nýjum leikmönnum en hluti
af starfinu og við höfum tíma til að ná
saman. Eftir nokkrar vikur ætti ég
að vita hvernig á að byggja liðið upp.
Ég var síðustu ár þjálfari í Færeyj-
um og það er skref fram á við fyrir
mig að þjálfa knattspyrnu á Íslandi,
sem er í hærri gæðaflokki,“ sagði Ion
Geolgau, sem gengur undir nafninu
Jón G. hjá Fram í Safamýrinni.
Framarar hafa fengið mikinn liðsstyrk í knattspyrnu – sex nýja menn
Morgunblaðið/Brynjar GautiIngvar Ólafsson, sem hefur tekið við fyrirliðabandinu hjá Fram, er hér ásamt fimm nýjum mönn-
um í Safamýrinni – Ríkharði Daðasyni, Þorvaldi Makan Sigbjörnssyni, Ion Geolgau, þjálfara frá
Rúmeníu, og færeysku landsliðsmönnunum Fróða Benjamínsen og Hans Fróða Hansen.
Ríkharður skrifaði
undir tveggja ára
samning við Fram
„ÉG er spenntur fyrir að fara æfa. Hef aldrei verið í svona löngu fríi,
tæpa tvo mánuði og kitlar í að komast í fótbolta og sumarið leggst vel
í mig,“ sagði Ríkharður Daðason, landsliðsmaður í knattspyrnu, sem
skrifaði í gær undir tveggja ára samning við Fram. Framherjinn, sem
er 31 árs og hefur spilað 44 landsleiki, er enn ein viðbótin hjá Safa-
mýrarliðinu, sem fyrir hafði gengið frá samningum við Þorvald Makan
Sigbjörnsson, Færeyingana Hans Fróða Hansen og Fróða Benjamín-
sen auk þjálfaranna Ions Geolgau og Jörundar Áka Sveinssonar.
Kæru
Wales
vísað frá
FÓLK
ELÍN Anna Steinarsdóttir, sem
gengin er til liðs við knattspyrnulið
ÍBV, er ekki frá Akranesi eins og
sagt var í blaðinu í gær. Hún hóf feril
sinn í meistaraflokki með ÍA en Elín
Anna er frá Borgarnesi og lék með
yngri flokkum drengja í Skallagrími
áður en hún gekk til liðs við Skaga-
liðið.
BELGÍSKI þjálfarinn Erik Ge-
rets, fyrrverandi fyrirliði landsliðs
Belgíu og félagi Ásgeirs Sigurvins-
sonar hjá Standard Liege, var látinn
taka poka sinn hjá þýska 1. deildar
liðinu Kaiserslautern í gærmorgun.
Ástæðan var tap liðsins fyrir 1860
München í fyrsta leiknum eftir vetr-
arfrí, 2:1. Kurt Jara, 53 ára, fyrrver-
andi þjálfari Hamburger, tók við
starfi Gerets strax í gær.
SPÆNSKA handknattleiksliðið
Portland San Antonio hyggst
styrkja sveit sína verulega fyrir
næstu leiktíð. Eftir því sem danskir
fjölmiðlar greina frá þá hefur liðið
gert samning við þrjá danska hand-
knattleiksmenn Lars Jörgensen,
Claus Möller Jakobsen og mark-
vörðinn sterka, Kasper Hvidt, sem
nú er í herbúðum Ademar Leon á
Spáni. Allir voru þeir í danska lands-
liðinu sem hafnaði í þriðja sæti á
Evrópumeistaramótinu sem lauk sl.
sunnudag. Portland er eitt þriggja
bestu liða Spánar. Fyrir er einn
danskur landsliðsmaður hjá liðinu –
leikstjórnandinn Lasse Boesen.
MUSTAPHA Hadji, knattspyrnu-
maður frá Marokkó og fyrrum leik-
maður ársins í Afríku, hefur verið
lánaður frá Aston Villa til spænska
félagsins Espanyol út þetta tímabil.
Hadji hefur átt erfitt uppdráttar hjá
Villa og hefur aðeins komið við sögu
í einum leik með liðinu í úrvalsdeild-
inni í vetur.
BOLTON Wanderers, sem er
komið í efri hlutann í ensku úrvals-
deildinni í knattspyrnu, hefur fengið
tvítugan bakvörð, Jon Ostemobor,
að láni frá Liverpool til vorsins. Ost-
emobor hefur leikið fjóra leiki með
Liverpool í úrvalsdeildinni í vetur.
BOLTON hætti á síðustu stundu
við að fá þýska sóknarmanninn
Carsten Jancker, sem leikur með
Udinese á Ítalíu, í sínar raðir. Samn-
ingar við hann voru komnir á loka-
stig um helgina en þá krafðist Janck-
er þess að samið yrði til 18 mánaða.
Forráðamenn Bolton vildu hins veg-
ar aðeins semja við hann til vorsins.
FREDRIK Ljungberg, sænski
landsliðsmaðurinn í knattspyrnu,
verður væntanlega ekki með Arsen-
al næstu þrjár vikur eftir að hann
brákaðist á rifbeini í viðureign Ars-
enal og Manchester City sl. sunnu-
dag. Ljungberg missir af báðum
leikjunum við Chelsea sem framund-
an eru, 15. febrúar í ensku bikar-
keppninni og sex dögum síðar í úr-
valsdeildinni.