Morgunblaðið - 04.02.2004, Blaðsíða 15
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 4. FEBRÚAR 2004 15
JÓN Snorri Snorrason og hópur
fjárfesta á hans vegum náðu ekki
samkomulagi við lánardrottna
Ingvars Helgasonar hf. og hafa því
hætt viðræðum um kaup á félag-
inu. Jón Snorri segir að bankarnir
og fjárfestarnir hafi haft ólíkar
hugmyndir um leiðir að lausn og
þess vegna geti ekki orðið af kaup-
unum. Samkomulag um skuldir
fyrirtækisins séu forsenda kaup-
anna, enda megi greiðslubyrði
þess ekki vera meiri en það þolir.
Spurður segir hann að ef forsend-
ur breytist hjá bönkunum kunni að
vera að hann og fjárfestarnir sem
hann hefur verið í samvinnu við
muni koma aftur að málinu.
Guðmundur Á. Ingvarsson, for-
stjóri Ingvars Helgasonar hf., seg-
ir að Íslandsbanki hafi séð um sölu
fyrirtækisins fyrir eigendurna.
Hann segir fyrirtækið hafa staðist
áreiðanleikakönnun sem gerð hafi
verið og salan geti því ekki strand-
að af þeim sökum. Spurður um
reksturinn segir hann að salan sé
góð og reksturinn gangi ágætlega.
Um framhaldið segir hann að
eigendurnir vilji selja fyrirtækið,
en ef of lágt verði boðið muni þeir
ef til vill halda rekstrinum áfram.
Ingvar Helgason hf. er í eigu fjöl-
skyldu Ingvars heitins Helgason-
ar.
Örn Gunnarsson, forstöðumaður
hjá fyrirtækjaþróun Íslandsbanka,
segir að margir hafi sýnt Ingvari
Helgasyni hf. áhuga. Hann segir
að enn sé unnið að sölunni og að
niðurstaða muni vonandi nást í
þessum mánuði.
Ná ekki samkomu-
lagi um kaup á
Ingvari Helgasyni
Morgunblaðið/Sverrir
STJÓRNENDUR írska lággjalda-
flugfélagsins Ryanair mótmæltu í
gær úrskurði framkvæmdastjórnar
Evrópusambandsins um að flug-
félagið þyrfti að endurgreiða
stjórnvöldum í Belgíu tæplega
þriðjung niðurgreiðslna sem það
hefur notið fyrir að halda uppi
áætlunarflugi til flugvallarins í
Charleroi, um 60 km suður af
Brussel.
Ryanair hefur nýtt Charleroi-
flugvöllinn í Vallóníu sem miðstöð
áætlunarflugs til Belgíu síðan 2001.
Yfirvöld í Vallóníu, sem eiga 95% í
flugvellinum, hafa samtals veitt
Ryanair um 15 milljónir evra, eða
um 1,3 milljarða íslenskra króna, í
niðurgreiðslur eða styrki, sem fól-
ust meðal annars í afslætti af lend-
ingargjöldum, fríu skrifstofurými
og beinum greiðslum vegna manna-
ráðninga og markaðssetningar.
Framkvæmdastjórn Evrópusam-
bandsins komst að þeirri niður-
stöðu að hluti af hlunnindunum
bryti í bága við reglur um innri
markað sambandsins. Niður-
greiðslur til Ryanair fælu í sér
óeðlilega ráðstöfun á almannafé,
sem hamlaði samkeppni milli flug-
félaga og flugvalla og kæmi niður á
neytendum.
Talið er að sektin sem flugfélagið
þurfi að greiða muni nema um 4
milljónum evra. Sérfræðingar telja
að Ryanair geti vel við unað, því
búast hefði mátt við að sektin gæti
numið allt að sjö milljónum evra.
Verð hlutabréfa í Ryanair hækkuðu
um 10% eftir að úrskurðurinn var
kveðinn upp.
Úrskurðinum áfrýjað
Michael O’Leary, forstjóri
Ryanair, sagði í gær að flugfélagið
myndi áfrýja úrskurðinum til Evr-
ópudómstólsins. Þessi niðurstaða
framkvæmdastjórnarinnar væri
áfall fyrir neytendur og lággjalda-
flugfélög í Evrópu, sem og flugvelli
í ríkiseigu, sem gætu ekki lengur
keppt við einkarekna flugvelli í álf-
unni. O’Leary fullyrti að einu að-
ilarnir sem nytu góðs af úrskurð-
inum væru eigendur flugvallarins í
Zaventem, sem þjónar flestum far-
þegum til og frá Brussel, en þeir
lögðu á síðasta ári fram kvörtun
vegna styrkjanna til Ryanair.
Loyola de Palacio, sem fer með
samgöngumál í framkvæmdastjórn
ESB, sagði hins vegar að með úr-
skurðinum væri samkeppni á mark-
aðnum tryggð, sem kæmi neytend-
um tvímælalaust til góða. Sagði hún
að niðurstaðan ætti ekki að leiða til
umtalsverðrar hækkunar á miða-
verði.
Þá vísuðu forsvarsmenn Virgin-
flugfélagsins á bug þeirri fullyrð-
ingu stjórnenda Ryanair að úr-
skurðurinn stefndi rekstri lág-
gjaldaflugfélaga í Evrópu almennt í
voða. Sérfræðingar hafa bent á að
önnur lággjaldaflugfélög noti rík-
isrekna flugvelli í minna mæli en
Ryanair og því ætti úrskurðurinn
ekki að hafa veruleg áhrif á rekstur
þeirra.
Ferðum til Charleroi
ef til vill fækkað
Michael O’Leary sagði á frétta-
mannafundi í gær að Ryanair
myndi ekki leggja af áætlunarflug
til Charleroi í kjölfar úrskurðar
framkvæmdastjórnarinnar. Það
gæti hins vegar komið til þess að
ferðum þangað yrði fækkað, félli
úrskurður Evrópudómstólsins flug-
félaginu ekki í hag.
Áætlunarflug lággjaldaflugfélaga
hefur á undanförnum árum styrkt
rekstrargrundvöll margra smærri
flugvalla í Evrópu. Ráðherrar í
svæðisstjórn Vallóníu áréttuðu í
gær mikilvægi starfsemi Ryanair í
Charleroi og létu að því liggja að
svæðisstjórnin kynni fyrir sitt leyti
að áfrýja úrskurðinum.
Ryanair mótmælir
úrskurði ESB
Reuters
Michael O’Leary, forstjóri Ryanair,
var ekki sáttur við niðurstöðu
framkvæmdastjórnar Evrópusam-
bandsins um að flugfélagið þyrfti
að endurgreiða stjórnvöldum í
Belgíu hluta niðurgreiðslna.
HAGNAÐUR Lýsingar, dótturfyr-
irtækis KB banka, nam 382,3 millj-
ónum króna á síðasta ári. Árið 2002
nam hagnaður félagsins 356,4 millj-
ónum króna.
Hagnaður fyrir skatta var 449,8
milljónir króna en árið 2002 var
hann 429,5 milljónir króna. Arðsemi
eigin fjár nam 17,5%.
Lýsing var stofnuð 1. október
2001 á grunni félags með sama
nafni. Félagið býður eignarleigu-
samninga um atvinnutæki og hús-
næði, auk lána til tækjakaupa og
verkábyrgðir. Einnig býður félagið
fjármögnun einkabíla fyrir einstak-
linga með bílasamningum og bíla-
lánum.
Útlán Lýsingar jukust um rúm
30% á síðasta ári og voru 25.545
milljónir króna í lok ársins.
Lýsing hf. á dótturfélag, EIK
fasteignafélag hf. Félaginu er ætlað
að starfa á fasteignamarkaði með
því að kaupa og leigja fasteignir
með venjulegum húsaleigusamning-
um. Lýsing hf. á 99,99% hlutafjár í
félaginu, en áformað er að minnka
eignarhlutann.
Hagnaður EIKAR var 72,1millj-
ón króna á árinu 2003.
Eigið fé Lýsingar hf. var í árslok
2.464 milljónir og víkjandi skuldir
317,6 milljónir króna. Eiginfjárhlut-
fall, CAD-hlutfall, var í árslok 2003
11,58%.
Hagnaður Lýsingar
382 milljónir
PHARMACO hefur fest kaup á sölu-
og markaðshluta lyfjafyrirtækisins
Pliva Pharma Nordic, dótturfélags
lyfjafyrirtækisins Pliva dd., sem er
staðsett í Króatíu. Kaupin fóru fram í
gegnum dótturfyrirtæki Pharmaco,
United Nordic Pharma í Danmörku.
Í tilkynningu frá Pharmaco segir
að með kaupunum fái félagið aðgang
að finnska og norska markaðinum og
hafi því nú beinan aðgang að öllum
norrænum markaði, þ.e. Danmörku,
Finnlandi, Noregi, Svíþjóð og Íslandi.
Þá segir í tilkynningunni að kaupin
muni hafa óveruleg fjárhagsleg áhrif
á Pharmaco, en ekki séu veittar frek-
ari fjárhagsupplýsingar um þau.
Markaðs-
svæði
Pharmaco
stækkar