Morgunblaðið - 03.03.2004, Qupperneq 11

FRÉTTIR
MORGUNBLAÐIÐ MIÐVIKUDAGUR 3. MARS 2004 11
Forréttur
Andalifraterrine bori› fram á salatbe›i
me› “balsamica etrusca”
Milliréttur
Ostafyllt ravioli me› tómat og chili
A›alréttur
Ofnsteikt kjúklingabringa
me› mascarpone, timjan og sítrónu
Eftirréttur
Súkkula›ijass
kr. 4.300
Í samstarfi vi› vínframlei›andann Castello Banfi b‡›ur
veitingasta›urinn La Primavera gestum sínum upp á
líflega skemmtun öll fimmtudagskvöld í mars, en flá mun
Tríó Björns Thoroddsen leika fyrir matargesti.
Í bo›i ver›ur fjögurra rétta matse›ill og ver›ur n‡r se›ill
settur saman í hverri viku. Ásamt flessu ver›a kynnt vín
frá framlei›andanum Castello Banfi í Toscana.
Jass hefur löngum hljóma› í veitingasal La Primavera.
Nú ver›ur hins vegar í fyrsta sinn bo›i› upp á lifandi
tónlist me›an matargestir njóta andrúmslofts Toscana í
gó›um mat og ilmandi víni.
JASS
Á LA PRIMAVERA
Fjögurra rétta matse›ill, fimmtudaginn 4. mars:
AUSTURSTRÆTI 9, S: 561 8555
RANNSÓKNASJÓÐUR hefur
samþykkt að úthluta 380 milljónum
króna til vísindarannsókna í ár.
Fjárveiting til nýrra verkefna og
rannsóknastöðustyrkja nema um
160 milljónum króna. Átta rann-
sóknaverkefni fá svokallaða önd-
vegisstyrki og nema þeir samtals
60 milljónum króna. Öndvegisverk-
efnin eru styrkt í þrjú ár og eru
fjögur þeirra nú styrkt í fyrsta
skipti. Hafliði P. Gíslason, formað-
ur stjórnar Rannsóknasjóðs, segir
þá hæstu styrki sem veittir séu til
rannsókna hér á landi eða sex til 12
milljónir króna á ári. Slíkir styrkir
hafa ekki verið veittir í tvö ár.
Umsóknir til Rannsóknasjóðs
um verkefnis- og rannsóknastöð-
ustyrki að þessu sinni voru alls
386. Þar af voru 96 umsóknir um
styrki til framhaldsverkefna og 290
til nýrra verkefna. Stjórn Rann-
sóknasjóðs samþykkti að styrkja
70 framhaldsverkefni og 71 nýtt
verkefni.
Hafliði segir að minna en fjórð-
ungur nýrra umsókna hafi ekki
fengið styrk að þessu sinni og
margar þeirra séu mjög góðar.
Þetta sé í fyrsta skipti sem út-
hlutað sé úr Rannsóknasjóði eftir
að hann var stofnaður með lögu
með í ársbyrjun 2003. Hann taki
við hlutverki vísindasjóðs og
tæknisjóðs og hlutverk hans sé að
styrkja vísindarannsóknir á Íslandi
samkvæmt áherslum vísinda- og
tækniráðs. Hafliði segir að þegar
búið verði að úthluta styrkjum úr
öllum sjóðum á vegum ráðsins síð-
ar á árinu verði fyrst hægt að meta
hvort úthlutunarstefnan gæti hags-
muna þeirra sem sjóðnum sé ætlað
að hlúa að. Ljóst sé að hækkun
framlaga í sjóðinn um 200 milljónir
króna á ári auki verulega svigrúm
hans til að styrkja bestu verkefnin
á hverju fagsviði.
Fagleg afgreiðsla
Þorgerður Katrín Gunnarsdóttir
menntamálaráðherra segir ríka
áherslu lagða á faglegt mat verk-
efna þegar ákvörðun um styrki er
tekin. Rannsóknasjóður sé með
fjögur fagráð sem hvert sé skipað
sjö sérfræðingum. Jafnframt séu
umsóknir sendar til tveggja óháðra
sérfræðinga á viðkomandi sviði
sem gefi skriflega umsögn. Þetta
fyrirkomulag á að tryggja eins og
kostur er sanngjarna afgreiðslu,
segir menntamálaráðherra.
Rannsóknasjóður úthlutar 380 milljónum króna
Fjögur ný öndveg-
isverkefni styrkt
Morgunblaðið/Þorkell
Kristinn Andersen, rannsóknarstjóri Marel, gerir grein fyrir verkefni sem
hlaut styrk Rannsóknasjóðs í gær. Í því felst að þróa nýja gerð skynjara til
röntgenmyndgreiningar sem henta sérstaklega við matvælaeftirlit.
Einar Árnason
DNA-stofnerfðafræði og upp-
runalandafræði fiska úr Norður-
Atlantshafi. Beita á aðferð stofn-
erfðafræði byggðri á ættar- og
DNA-greiningu til að leggja grunn
að víðtækri þekkingu á sögulegri
vistfræði beinfiska. 10 milljónir kr.
á ári í þrjú ár.
Guðmundur H. Guðmundsson
Innanfrumuboðleiðir nátt-
úrulega varnarkerfisins. Mark-
miðið er að skilgreina stjórnun
tjáningar á gegnum fyrir bakt-
eríudrepandi peptíð og kortleggja
hugsanlegar glufur í kerfinu. 9
milljónir kr. á ári í þrjú ár.
Hannes Jónsson
Ný efni til geymslu á vetni: Mark-
miðið er að finna kerfi sem hægt er
að nota til geymslu og flutninga á
vetni sem orkugjafa í bílum og bát-
um. 7,5 milljónir kr. á ári í þrjú ár.
Lárus Thorlacius
Skammtarúmfræði. Eitt af mark-
miðunum er framhaldsmenntun á
háskólastigi og þjálfun ungra vís-
indamanna í aðferðum nútíma
kennilegri eðlisfræði. 7 milljónir
kr. á ári í þrjú ár.
Öndvegisstyrkirnir
GUNNÞÓRUNN Guðmundsdóttir
fékk rannsóknarstöðustyrk Rann-
sóknarsjóðs til að að kanna íslensk
æviskrif á síðari hluta 20. aldar,
með tilliti til þróunar slíkra skrifa
annars staðar í Evrópu og í Norður-
Ameríku. Hún segist ætla að kanna
ævisöguleg skrif af ýmsum toga;
sjálfsævisögur, ævisögur, dag-
bækur og endurminningar. Til-
gangurinn með þessari könnun sé
að átta sig á formeigindum og hlut-
verki slíkra verka í ljósi póstmód-
ernisma. Markmið verkefnisins er
annars vegar fræðileg úttekt á
þessum bókmenntagreinum og hins
vegar nákvæm könnun á völdum
verkum í því skyni að öðlast skiln-
ing á bókmenntalegri stöðu þeirra.
Kannar íslensk
æviskrif
EYÞÓR Ingi Guðmundsson tók þátt í að gefa hestum við bæinn Þorkelshól
í Víðidal í Vestur-Húnavatnssýslu, en hestunum á bænum er gefið úti. Það
sama á við um hesta víða um land. Ekki væsir um hestana ef þeim er gefið
reglulega og þeir hafa eitthvert skjól til að standa af sér verstu veðrin.
Morgunblaðið/Eggert
Hestarnir á Þorkelshóli
ÞRÁTT fyrir að ríkið hafi frá 1998
lagt tugi milljarða inn í Lífeyrissjóð
starfsmanna ríkisins hafa lífeyris-
skuldbindingar ríkissjóðs vaxið
hraðar á þessu tímabili en nokkru
sinni fyrr. Þetta kemur fram í sam-
antekt Gylfa Arnbjörnssonar, fram-
kvæmdastjóra ASÍ, sem hann kall-
ar „Lífeyrisskuldbindingar ríkis og
sveitarfélaga komnar úr böndun-
um“.
Gylfi segir að landssambönd og
félög innan ASÍ hafi á undanförn-
um vikum lagt töluverða vinnu í að
skoða lífeyrisréttindi opinberra
starfsmanna. Ástæðan sé sú um-
ræða sem skapaðist um lífeyrisrétt-
indi æðstu ráðamanna þjóðarinnar í
desember sl., en í kjölfarið settu
ASÍ-félögin fram kröfu um að líf-
eyrisréttindi almenns launafólks
verði jöfn á við réttindi opinberra
starfsmanna. Gylfi segir í grein
sinni að niðurstaðan sé grafalvarleg
og gefi tilefni til að staldrað sé við.
Skuldbindingar umfram
eignir 317 milljarðar
Niðurstaða ASÍ er að skuldir um-
fram eignir lífeyrissjóða með
ábyrgð ríkisins og sveitarfélaga hafi
numið 317 milljörðum króna í árs-
lok 2002.
Það jafngildir því að hver Íslend-
ingur skuldi ríflega eina milljón
vegna þessara réttinda. Ef skuld-
bindingin yrði sett á 40 ára skulda-
bréf (líkt og húsbréf) yrði greiðslu-
byrðin hjá fjögurra manna
fjölskyldu ríflega 239 þúsund króna
á ári, eða sem svarar um 4,8% af
meðalatvinnutekjum hjóna.
Gylfi bendir á að landsframleiðsla
á Íslandi hafi numið 779 milljörðum
árið 2002 þannig að 317 milljarða
gat í lífeyrissjóðakerfi opinberra
starfsmanna jafngildi ríflega 40% af
landsframleiðslu. Stærstur hluti af
þessari skuldbindingu falli á ríkið
eða 255 milljarðar, en rúmlega 62
milljarðar falli á sveitarfélögin.
Gylfi vekur athygli á því hvað
skuldbindingarnar hafi vaxið hratt
á allra síðustu árum. Skuldbind-
ingar B-deildar Lífeyrissjóðs
starfsmanna ríkisins hafi vaxið um
18 milljarða á ári að meðaltali frá
árslokum 1997. 90% þessarar aukn-
ingar megi rekja til launahækkana
opinberra starfsmanna. Gylfi segir
að 1% launahækkun hafi engin
áhrif á áfallinn lífeyrisrétt í al-
mennu lífeyrissjóðunum, en myndi
auðvitað grunn að réttindum í
framtíðinni með því iðgjaldi sem af
hækkuninni er greitt. Þessu sé hins
vegar öðruvísu farið hjá opinberum
starfsmönnum. 1% launahækkun til
þeirra hafi bæði áhrif á áfallinn rétt
og framtíðarréttinn. 1% launahækk-
un leiði til þess að ríkissjóður þurfi
að greiða 813 milljónum meira í
laun en áður, en þessi sama launa-
hækkun auki hins vegar lífeyris-
réttindi starfsmanna og allra þeirra
sem verið hafi í starfi hjá ríkinu
ásamt mökum á síðustu öld og enn
eru á lífi um 3.796 milljónir króna.
Launakostnaðurinn aukist því ekki
um 1% heldur um 6% þegar allt sé
talið.
Frá 1998 hafa lífeyrisskuldbind-
ingar aukist um 145 milljarða. Ríkið
hefur hins vegar greitt 45,1 milljarð
inn í LSR og inngreiðslur og ávöxt-
un hafa að auki skilað 16,7 millj-
örðum. „Af þessu tvennu frádregnu
hefur ábyrgð ríkisins vaxið um 84
milljarða króna. Það er dálítið kald-
hæðnislegt, að þrátt fyrir að bróð-
urparturinn af afrakstri einkavæð-
ingarinnar sl. fimm ár hafi verið
lagður inn í Lífeyrissjóð starfs-
manna ríkisins hafa skuldbindingar
ríkissjóðs vaxið hraðar en nokkru
sinni fyrr,“ segir Gylfi að lokum í
grein sinni.
Framkvæmdastjóri ASÍ um lífeyrisskuldbindingar ríkisins
Skuldbindingarnar
aldrei vaxið hraðar
Gerist þrátt
fyrir að tugir
milljarða hafi
verið settir í LSR