Morgunblaðið - 03.03.2004, Qupperneq 42

42 MIÐVIKUDAGUR 3. MARS 2004 MORGUNBLAÐIÐ
Lukku Láki – Hefnarinn
framhald ...
© DARGAUD
Grettir
Grettir
Smáfólk
EN ÞÚ SLEPPUR NÚNA... ÉG ÞARF
AÐ KLÁRA ÝMISLEGT ÞARNA INNI!
BERTI!
HVAÐ VILT ÞÚ
UTANBÆJARI?
ÞÚ VERÐSKULDAR EKKI AÐ VERA
LÖGREGLUSTJÓRI OG ÉG SKAL SETJA
ÞIG Á ÞINN RÉTTA STAÐ- Í ÞITT EIGIÐ
FANGELSI! EN EF ÞÚ VILT SLÁST ÞÁ
ER ÉG TILBÚINN!
GÓÐ HUGMYND! ÞAÐ ER LANGT
SÍÐAN AÐ ÉG HEF LAMIÐ NÝJAN MANN.
ÞETTA VERÐUR SKEMMTILEGT!
NÚMER 7,
... RAUTT ...
ODDATALA...
JÁ EN ÞAÐ VAR ÉG SEM ÁTTI
AÐ SKEMMTA MÉR!
EN NÚ VERÐA
VANDRÆÐI MILLI
ÞÍN OG JÓA
GAMLA!
ÞEGIÐU! INN MEÐ ÞIG! KOMIÐ
YKKUR ÚT!
BEYGÐU ÞIG!!!
BRAUÐRISTIR...
STUNDUM LENDIR
MAÐUR BARA Í
VONDRI BRAUÐRIST
GRETTIR. ÞAÐ ER ILLUR ANDI Í
BRAUÐRISTINNI OKKAR
ÞÚ HELDUR
AÐ ÉG SÉ
KLIKKAÐUR ER
ÞAÐ EKKI?
BULL OG
VITLEYSA!
ÞÚ VERÐUR AÐ HAFA MIG
AFSAKAÐAN Á MEÐAN ÉG
FÆRI MIG Í ÞAÐ SEM MÉR FINNST VERA
ÖRUGG FJARLÆGÐ FRÁ ÞÉR
Í VESTRINU ERU MÖRG GIL
OG ÞESSI GIL ERU FULL AF
GILJALJÓNUM.. GILJALJÓN
ERU MJÖG ÁRÁSARGJÖRN...
Í RAUN ER EITT ÞEKKTASTA
MÁLTÆKIÐ Í VILLTA
VESTRINU SVONA...
“ALDREI GRÁTA GILJALJÓN!”TITILLINN Á
RITGERÐINNI
ER “VILLIDÝR
Í VESTRINU”
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ hefur ekki farið framhjá nein-
um sem fylgst hefur með fréttum að
undanförnu að deila stendur yfir
milli stjórnar heimahjúkrunar á höf-
uðborgarsvæðinu og starfsmanna.
Samkvæmt fréttum snýst deilan um
að taka af starfsmönnum greiðslu
fyrir afnot af þeirra einkabílum og
þar með lækka launin. Í staðinn er
þeim gert skylt að fara í vitjanir á
rekstrarleigubílum. Hafa ber í huga
að það er enginn að biðja um hærri
laun, bara óbreytt ástand! Það sem
gerir fréttaflutninginn furðulegan er
að ekkert sparast við þessa aðgerð.
Þetta virðist flókið en svo er ekki,
kæri lesandi. Sannleikur málsins er
eftirfarandi: Stjórn heimahjúkrunar
ákvað upp á sitt eindæmi að gera
samning við bílaumboð um leigu á
ákveðnum fjölda bíla. Ekki var
minnst einu orði á þetta við starfs-
fólkið. Samningurinn er bindandi og
því ekki hægt að bakka. Þetta er
heila málið! Mannlegi þátturinn
gleymdist. Hefði ekki verið rétt að
kanna hug starfsmanna og reikna
dæmið til enda áður en gengið var til
samninga við bílaumboðið?
Frá mínum bæjardyrum séð er
stjórnin sek um afglöp í starfi og í
öllum siðmenntuðum þjóðfélögum
þyrfti hún að taka poka sinn. Ég get
ekki annað séð en að hér sé búið að
undirrita dauðadóm stjórnar heima-
hjúkrunar, hvað finnst þér? Það
sparast ekki króna og þess vegna
hljóta menn að spyrja hvers vegna
þurfti að valda skjólstæðingum, að-
standendum og starfsfólki þessum
áhyggjum, leiðindum og óöryggi.
Framsóknarflokkurinn ber
ábyrgð á heilbrigðismálunum í land-
inu og er því tilneyddur til að höggva
á hnútinn strax áður en illa fer. Þetta
er ljótur leikur gagnvart sjúku fólki
sem er algerlega háð þjónustu „ofur-
kvennanna“ sem banka að dyrum í
hvaða veðri sem er. Ekki gleyma því
að skjólstæðingarnir eru 1100,
starfsmenn í beinni þjónustu við þá
um 80 og fjöldi aðstandenda nokkur
þúsund, mörg atkvæði þar! Hægt
var að höggva á hnútinn fimm mín-
útum fyrir kosningar s.l. vor. Ég veit
að það eru þrjú ár þangað til næst
verður kosið til alþingis og staðan
því önnur. Samt trúi ég því og treysti
að landsmenn séu ekki það vitlausir
að gleyma þessari hringavitleysu á
þremur árum. Jafnframt veit ég að
kjósendur umbuna stjórnvöldum
fyrir góð verk í kjörklefanum árið
2007, en til að það geti orðið þarf að
leysa þetta mál ekki seinna en strax.
SIGURÐUR T. JACK,
framkvæmdastjóri,
Blesugróf 19,
108 Reykjavík.
Heimahjúkrun – afglöp
stjórnenda í starfi!
Frá Sigurði T. Jack:
NÝVERIÐ hélt Náttúrulækninga-
félag Íslands málþing um erfða-
breyttar afurðir. Umræðuefnið var
fróðlegt og skemmtilegt og erindin
mjög áhugaverð. Kom fram að lítil
sem engin umræða hefur verið meðal
almennings hér á landi um þennan
málaflokk. Engin löggjöf hefur enn
verið sett um merkingar erfða-
breyttra matvæla hér á landi. Neyt-
endur eru illa upplýstir, vísa ég í
grein í Tímaritinu Birtu þ. 6. febrúar
sl. þar sem blaðamaður tók tali
nokkra vegfarendur. Þeir sem spurð-
ir voru vissu ekki hvað erfðabreytt
afurð er eða hvort þeir hafi yfir höfð-
uð neytt hennar og fleiri töldu sig
ekki vilja erfðabreyttan mat.
Um þetta snýst málið. Neytendur
hafa ekkert val og aðgangur að upp-
lýsingum um erfðabreytingar er tak-
markaður hér á landi. Hvað með þá
neytendur sem hafa ofnæmi eða óþol
af einhverju tagi og vilja vera öruggir
með hvað þeir kaupa? Það bjargast
sem betur fer með verslunum sem
hafa á boðstólum lífrænt vottaðar
vörur. Þær eru ekki erfðabreyttar,
framleiðsluaðferðir og merkingar
eru í lagi. Vísbendingar eru um að
allt að 70% matvæla í hillum verslana
í Bandaríkjunum séu erfðabreyttar
og þaðan er gríðarlegur innflutning-
ur hingað til lands. Hvernig er þessu
háttað hér á landi? Hversu hátt hlut-
fall matvöru í verslunum á Íslandi er
erfðabreytt? Við vitum það ekki, því
ekki er enn skylt að merkja erfða-
breyttar vörur hér á landi.
Margir vilja að náttúran fái að
vera hún sjálf og eru á móti því að
flytja gen (erfðaefni) úr dýrum, bakt-
eríum eða veirum yfir í plöntur.
Mörgum er alveg sama hvort þeir
sem framleiða erfðabreytt segja að
varan sé örugg, ef þeir hafna erfða-
breyttu. Vörulýsing matvöru verður
því að vera rétt.
Á málþingi NLFÍ kom fram að
niðurstöður rannsókna á afleiðingum
erfðabreytinga á umhverfið eru ekki
einhliða. Vísindamönnum ber ekki
saman.
Ræktun er hafin á erfðabreyttu
byggi í íslenskri náttúru til undirbún-
ings stórfelldri lyfjaframleiðslu.
Hvað varðar þá ræktun er hún ekki
hafin yfir gagnrýni. Velti t.d. fyrir
mér hvernig náttúran sjálf tekur
breytingum ef í ljós kemur að erfða-
breytta ræktunin hefur neikvæð
áhrif á jarðveginn og nánasta um-
hverfi, t.d. komist í matvæli eða fóð-
ur, eins hvort hægt er að hefja ann-
ars konar ræktun (óerfðabreytta) á
sama landsvæði í kjölfar erfða-
breyttrar ræktunar? Getur hefð-
bundin og erfðabreytt ræktun farið
saman? Hefur þetta verið nægilega
rannsakað á Íslandi. Er rétt að hefja
hér á landi ræktun erfðabreyttra
plantna áður en afleiðingarnar eru
ljósar?
BJÖRG STEFÁNSDÓTTIR,
Þverási 1, 110 Reykjavík.
Neytendur hafa
ekki val
Frá Björgu Stefánsdóttur: