Morgunblaðið - 03.04.2004, Qupperneq 25

HÖFUÐBORGARSVÆÐIÐ
MORGUNBLAÐIÐ LAUGARDAGUR 3. APRÍL 2004 25
Garðabær | Margmiðlunarverkefni
byggt á fornleifarannsókn á Hofs-
stöðum í Garðabæ hefur verið til-
nefnt til norrænu safnaverðlaunanna
NODEM. Verðlaunin eru veitt fyrir
framúrskarandi verkefni á sviði staf-
rænnar miðlunar, og verða veitt í
Finnlandi 4. maí.
Margmiðlunardiskurinn er fullur
af upplýsingum um uppgröftinn á
einum af stærstu landnámsskálum
landsins á Hofsstöðum, og verða
settir upp snertiskjáir utandyra á
Hofsstöðum þar sem gestir geta
skoðað margmiðlunarefnið og fræðst
um staðinn.
Markmiðið með gerð þessa marg-
miðlunardisks var að hafa hann upp-
lýsandi, spennandi og fallegan, og að
hann gæti höfðað til allra sem gætu
átt leið um garðinn, ungra og gam-
alla, leikra og lærðra, segir Ragn-
heiður Traustadóttir fornleifafræð-
ingur. Stærsti hópurinn sem gæti
nýtt sér þetta verkefni eru þó skóla-
krakkar sem eru að læra um víkinga-
öldina, og vonast Ragnheiður eftir
því að hópar skólabarna eigi eftir að
koma að kynna sér staðinn.
Verkefnið lifnar við
„Á þessum margmiðlunardiski er
verið að gera grein fyrir rannsókn-
inni og setja hana í samhengi við um-
hverfið og reyna að gera hana lif-
andi. Við búum til íbúa sem hefði
getað átt heima þarna, við vitum
ekki hverjir það voru en vitum hvers
konar samsetning fólks hefur getað
verið á svona bæ,“ segir Ragnheiður.
Ragnheiður vann rannsóknina, og
hefur hún ásamt samstarfsfólki sínu
unnið efni á diskinn. Verkið var unn-
ið í samstarfi við margmiðlunarfyr-
irtækið Gagarín, en þeir áttu upp-
haflega hugmyndina um að gera
margmiðlunardiskinn. Garðabær
hefur fjármagnað verkefnið og upp-
bygginguna á staðnum.
Garðabær sendi margmiðlunar-
diskinn til NODEM-dómnefndarinn-
ar, og hún valdi diskinn sem eitt af
ellefu verkefnum sem keppa um
verðlaun í fjórum flokkum. Í flokkn-
um sem diskurinn um Hofsstaðar-
verkefnið er tilnefnt í koma einungis
tvö önnur verkefni til greina.
Í umsögn dómnefndarinnar segir
m.a. að það sé sjaldgæft að sjá marg-
miðlunarverkefni til notkunar utan-
dyra. Diskurinn er sagður fela í sér
mikla möguleika til fræðslu og hann
gefur möguleika á mjög sjónrænni
reynslu gesta á staðnum, að mati
dómnefndarinnar.
Tilnefnt til nor-
rænna verðlauna
Fartölvuvagnar | Kópavogsbær
fékk nýlega afhenta fimm fullbúna
fartölvuvagna frá Tæknivali hf. Í
hverjum vagni eru 12 fartölvur auk
þráðlauss búnaðar sem gerir hvern
vagn fyrir sig að færanlegu tölvu-
veri. Nú eru flestallir skólar í Kópa-
vogi komnir með færanleg tölvuver
og binda menn í Kópavogi miklar
vonir við þennan búnað og þá mögu-
leika sem hann gefur kennurum og
nemendum í skólastarfinu.
Grafarvogur | Börnum á leik-
skólaaldri ásamt foreldrum og
forráðamönnum er boðið í
heimsókn í níu leikskóla í Graf-
arvogi í dag, frá kl 10 til 12. Það
eru leikskólarnir Brekkuborg,
Fífuborg, Foldaborg, Folda-
kot, Funaborg, Hamrar,
Hulduheimar, Klettaborg og
Lyngheimar sem gefa fólki
tækifæri til að skoða leik-
skólana og kynna sér starfsem-
ina. Leikskólarnir Bakki,
Engjaborg, Laufskálar og
Sjónarhóll verða með opið hús
síðar í vor.
Leikskólar opnir
OD
DI
H
ÖN
N
UN
K
86
71