Morgunblaðið - 25.05.2004, Blaðsíða 33
MINNINGAR
MORGUNBLAÐIÐ ÞRIÐJUDAGUR 25. MAÍ 2004 33
bilbug á henni að finna. Hún er sterk,
baráttuglöð og ákveðin í að lifa leng-
ur fyrir dætur sínar, en þó sér inn í
kviku. Allt sem hún segir er sagt með
hjartanu. Þakklæti fyrir gott líf,
þakklæti fyrir dæturnar og móður-
ina sterku og traustu. Ekkert skiptir
máli, nema kærleikurinn. Jafnvel
sjónin sem hún er að missa er lítils
virði miðað við allt það góða sem
henni hefur verið gefið, enda hefur
hún lesið svo mikið þessi næstum
fimmtíu ár, eins og hún segir sjálf.
Hvílík hetja! Hvílíkur heimspeking-
ur! Hún er algerlega hafin yfir
hversdagslega hluti og hleypir að-
eins því jákvæða að sér. Hún er
næstum auðmjúk í þakklæti sínu fyr-
ir lífið, en um leið er hún kátust allra.
Segir svo skemmtilegar sögur og við
hinar grátum úr hlátri. Æðruleysi,
jákvæðni og glaðværð Snjólaugar
gleymist aldrei. Þessi mynd verður
geymd alla tíð.
Rúmum tveimur mánuðum síðar
var hún öll. Ég þakka þá vináttu sem
ég eignaðist í Snjólaugu og fjöl-
skyldu hennar og bið Guð og góða
vætti að varðveita dætur hennar.
Blessuð sé minning Snjólaugar.
Edda Þórarinsdóttir.
með stuttum fyrirvara. Þá gilti að
flýta sér, m.a. til að missa ekki af
stætisvagninum og/eða að ná að
kaupa miða í tíma. Oft lögðum við
bræður það til að við hlypum á
undan og bæðum bílstjórann að
bíða og/eða að miðinn væri í hendi
þegar Stefán kæmi að kvikmynda-
húsinu. Stefán samþykkti þessar
tillögur oftast og með það hlupum
við af stað. Eigi leið á löngu áður
en við heyrðum hraðan andardrátt
rétt á eftir okkur. Við litum við og
sáum Stefán hlaupandi rétt á hæla
okkar. Svo kappsamur og vel á sig
kominn var hann að hann fylgdi
okkur í hvívetna. Við vorum 18 og
19 ára gamlir og Stefán var 76 ára.
Þau kvöld sem við eyddum heima
með honum fóru oft í pólitískar um-
ræður. Stefán var vinstrisinnaður
alla tíð. Hann var ungur maður
þegar sósíalisminn ruddi sér til
rúms í Sovétríkjunum með allar
sínar hugmyndir um réttláta skipt-
ingu auðæfa þjóðfélagsins svo jöfn-
uður ríki milli stétta og þessar
grunnhugmyndir komu oft fram í
orðum hans. Enn í dag leiftra
minningar um skemmtilegar um-
ræður og hnyttin tilsvör af Stefáns
hálfu. Ein er sérstaklega minnis-
stæð: Árið var 1984 og Sjálfstæð-
isflokkurinn var í meirihluta í borg-
arstjórn Reykjavíkur. Á þessum
tíma hófust framkvæmdir á holtinu
gegnt Vesturbrún, sem hafði hing-
að til verið ósnortið umhverfi. Okk-
ur öllum þótti alveg ófært að leyfa
ekki ákveðnum svæðum innan
Reykjavíkur að vera friðuð frá
byggingarframkvæmdum. Stefán
varð snöggur til og hóf lestur um
Sjálfstæðisflokkinn og borgarstjór-
ann með þeim orðum að ekkert get-
ur nú maðurinn hann Davíð látið í
friði. Okkur fannst Stefán kannski
heldur fljótur á sér og bentum á að
ef til vill hafi ákvörðun um bygg-
ingar á holtinu verið tekin í tíð
vinstri meirihlutans. Stefán varð
hljóður við eitt andartak, en sagði
svo: „Ekki hefur hann þá vit á að
breyta þessari ákvörðun.“
Þetta er einungis eitt af mörgum
tilsvörum hans sem lýsa honum og
skoðunum hans. Hann var alla tíð
staðfastur í sinni pólitísku sann-
færingu, ódeigur að berjast fyrir
henni og hélt fast á málstað sínum í
rökræðum.
Við bræður minnumst Stefáns
með virðingu og þökk í huga, sér í
lagi fyrir þann tíma sem við feng-
um að njóta með honum á Vest-
urbrún 14. Auk þess að vera læri-
meistari okkar varð hann einn af
okkar allra bestu vinum, því það
fundum við og vissum að hann bar
hag og heill okkar fyrir brjósti.
Stefán var einstakur maður og fyr-
irmynd. Í skaphöfn hans tengdust
annars vegar hugsjónir sem mót-
uðu lífsstefnu hans, hins vegar
bjartsýni, þor og þrek til að sinna
hugðarefnum sínum og leggja þeim
lið af alefli. Blessuð sé minning
hans. Dætrum hans, tengdasyni og
fjölskyldu sendum við okkar sam-
úðarkveðjur. Mætur maður er
genginn.
Hróðmar og Sigurjón
Bjarnasynir.
Vesturbrún 14.
Stofuklukkan tifar taktfast og
gefur púlsinn í tilveruna.
Ástríksbók á ókunnu tungumáli
sem afi kallar esperanto, skiptir
engu máli, ég skoða bara mynd-
irnar – herir Rómverja áttu aldrei
„séns“.
Gamla gufan ómar um stofuna,
fyllir loftið tali og tónum sem renna
hjá eins og niður stórborgarinnar
fyrir utan.
Maturinn tilbúinn, pylsur og
kartöflumús, besti matur í heimi.
Afi ósýnilegur en samt allt um
kring.
Hveramörk 4.
Stofuklukkan tifar taktfast og
gefur púlsinn í tilveruna.
Gamli maðurinn situr við eldhús-
borðið og leysir krossgátu Morg-
unblaðsins, ég sest niður og dreypi
á viskubrunni hans um leið og ég
helli í mig mjólkurglasi.
Sjónvarpsfréttirnar óma um
stofuna, fréttaþulir og -þulur horfa
í myndavélina og þvæla um eitt-
hvað sem einhverjum þykir merki-
legt þennan daginn.
Ástkæra ylhýra, kann enginn
orðið að tala rétt mál …
Afi allt um kring, ósýnilegur.
Stefán Ingimar Þórhallsson.
Stefán Sigurðsson, kennari og
heiðursfélagi Íslenska esperanto-
sambandsins, er látinn á hundr-
aðasta og fjórða aldursári. Félagar
hans í Íslensku esperantohreyfing-
unni sjá þar á bak merkum hug-
sjónamanni sem vann alþjóðamáls-
hreyfingunni ómælt gagn um nær
sjö áratugi.
Stefán lærði esperanto upp úr
miðjum fjórða áratug síðustu aldar
undir leiðsögn Þórbergs Þórðar-
sonar. Hóf hann fljótlega bréfa-
skriftir við erlenda esperantista
sem hann hélt áfram um áratugi.
Hann gerðist félagi í Auroro,
Esperantofélaginu í Reykjavík og
var í stjórn þess í nokkur ár. Hann
var félagi í Alþjóðlega esperanto-
sambandinu, sótti mörg þing þess
og var í undirbúningsnefnd 62. al-
þjóðaþingsins sem haldið var í
Reykjavík 1977.
Stefán fékkst nokkuð við kennslu
alþjóðamálsins. Hann sá um esper-
antonámskeið í barnablaðinu Æsk-
unni ásamt Hallgrími Sæmunds-
syni, kenndi málið í níu ára bekk í
Melaskóla einn vetur og þá einnig
nokkrum kennurum við þann skóla.
Hann birti pistla um esperanto í
Tímanum einn vetur (1960–61).
Stefán var ötull kynnir og þýð-
andi íslenskra bókmennta á esper-
anto, einkum ljóð og smásögur. Þar
má nefna Gamla heyið eftir Guð-
mund Friðjónsson, Vonir eftir Ein-
ar H. Kvaran og Ströndin á Horni
eftir Þórberg Þórðarson. Var hin
síðastnefnda þýdd á frönsku og
vakti þar mikla eftirtekt. Þá þýddi
Stefán texta leikritsins Inuk sem
sýnt var í Þjóðleikhúsinu á alþjóða-
þinginu 1977. Á níræðisafmæli
Stefáns (1991) gaf Íslenska esper-
antosambandið út bók með ljóða-
þýðingum hans og tónsmíðum und-
ir heitinu Agorde, Hljómstilling.
Ásamt Árna Böðvarssyni sá Stefán
einnig um upptöku íslensks menn-
ingarefnis á segulband til alþjóð-
legrar dreifingar. Stefán frum-
samdi á esperanto stutt yfirlit um
íslenska menningu sem birtist í
Norda Prismo, alþjóðlegu bók-
menntatímariti, einnig yfirlit um
sögu Íslands í þingbók 62. alþjóða-
þingsins.
Stefán fékkst einnig töluvert við
þýðingar úr frumsömdum esper-
antobókmenntum á íslensku. Þar
má einkum nefna þrjár bækur sem
hann las allar í útvarp, ein þeirra,
Boðhlaupið í Alaska, kom einnig út
í bókarformi.
Íslenskir esperantistar vilja
votta Stefáni Sigurðssyni virðingu
sína með þessum línum.
Baldur Ragnarsson,
Hallgrímur Sæmundsson.
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
Kársnesbraut 98 • Kópavogi
564 4566 • www.solsteinar.is
Elskuleg föðursystir okkar,
GUÐRÚN J. GUÐMANNSDÓTTIR
frá Snæringsstöðum,
Mánagötu 22,
Reykjavík,
andaðist á hjúkrunarheimilinu Skjóli fimmtu-
daginn 20. maí.
Útför hennar fer fram frá Fossvogskirkju fimmtu-
daginn 27. maí kl. 13.30.
Guðrún Jónsdóttir,
Margrét Lovísa Jónsdóttir,
Guðrún Steingrímsdóttir,
Benedikt S. Steingrímsson,
Guðmann Steingrímssson,
Þorbjörn Steingrímsson.
Ástkær faðir okkar, tengdafaðir, sonur, bróðir,
mágur og frændi,
ÞÓRIR JÓNSSON,
Fagrahvammi 14,
Hafnarfirði,
sem lést af slysförum miðvikudaginn 19. maí,
verður jarðsunginn frá Víðistaðakirkju fimmtu-
daginn 27. maí kl. 13.30.
Erla Björg Þórisdóttir, Davíð R. Martinsson,
Auður Dögg Bjarnadóttir,
Björk Þórisdóttir,
Hjörtur Þórisson,
Jón Helgi Pálmason, Sigríður Erla Magnúsdóttir,
Magnús Jónsson, Ásthildur Kristjánsdóttir,
Unnur Jónsdóttir, Karl Albert Manuelsson,
Pálmi Jónsson, Margrét Jóhannsdóttir
og fjölskyldur.
Elskulegur eiginmaður minn, faðir okkar,
tengdafaðir, afi, sonur og bróðir,
KRISTINN ÁRMANNSSON,
Holtsgötu 41,
Sandgerði,
lést á krabbameinsdeild Landspítalans föstu-
daginn 21. maí.
Jarðarförin fer fram frá safnaðarheimilinu í
Sandgerði föstudaginn 28. maí kl. 13.30.
Sæunn Sigurbjörnsdóttir,
Birgir Þór Kristinsson, Linda Ósk Jónsdóttir,
Eygló Elísabet Kristinsdóttir, Ásbjörn Árni Árnason,
Ragnheiður Kristinsdóttir,
Hannes Kristinn Kristinsson
og barnabörn,
Sigurbjörg Stefánsdóttir
og systkini.
Elskulegur eiginmaður minn,
SIGURÐUR ELÍAS EYJÓLFSSON
prentari,
Skólabraut 3,
Seltjarnarnesi,
er látinn.
Ragnhildur Sigurjónsdóttir,
Okkar ástkæra,
HJÖRDÍS ÓSKARSDÓTTIR WALKERS,
lést á heimili sínu í Sacramento í Banda-
ríkjunum sunnudaginn 23. maí.
Ron Walkers, Tinna J. Walkers,
Sigmar Óskarsson, Ingimunda Þorvaldsdóttir,
Soffía Óskarsdóttir, Árni Heiðar Óskarsson,
Sigríður Friðþjófsdóttir,
Ragnar Óskarsson, Sigríður Stefánsdóttir,
Gunnlaugur Óskarsson, Lovísa Hermannsdóttir,
Guðrún K. Gunnarsdóttir, Sigríður Gunnsteinsdóttir.
AFMÆLIS- og minningar-
greinum má skila í tölvupósti
(netfangið er minning@mbl.is,
svar er sent sjálfvirkt um leið
og grein hefur borist) eða á
disklingi. Ef greinin er á disk-
lingi þarf útprentun að fylgja.
Nauðsynlegt er að tilgreina
símanúmer höfundar og/eða
sendanda (vinnusíma og heima-
síma). Ekki er tekið við hand-
skrifuðum greinum.
Um hvern látinn einstakling
birtist ein aðalgrein af hæfi-
legri lengd á útfarardegi, en
aðrar greinar séu um 300 orð
eða 1.500 slög (með bilum) en
það eru um 50 línur í blaðinu
(17 dálksentimetrar). Tilvitn-
anir í sálma eða ljóð takmark-
ast við eitt til þrjú erindi. Einn-
ig er hægt að senda örstutta
kveðju, HINSTU KVEÐJU, 5–
15 línur, og votta virðingu án
þess að það sé gert með langri
grein. Greinarhöfundar eru
beðnir að hafa skírnarnöfn sín
en ekki stuttnefni undir grein-
unum.
Frágangur
afmælis-
og minning-
argreina