Morgunblaðið - 25.05.2004, Blaðsíða 40

40 ÞRIÐJUDAGUR 25. MAÍ 2004 MORGUNBLAÐIÐ
Grettir
Smáfólk
Smáfólk
FRAMTÍÐIN ER
FRAMUNDAN
EÐA ER ÞAÐ
FORTÍÐIN?
ÞAÐ ER EKKI
AUÐVELT AÐ
SJÁ MUNIN
HVAÐ
ÆTLARÐU
AÐ GERA
VARÐANDI
MENGUN?
GERA
HVAÐ?
ÞÚ ERT YFIRHUNDURINN...
ÞÚ ÁTT AÐ GERA EITTHVAÐ Í
HLUTUM EINS OG MENGUN!
HA?
VÆL!!
GRÁTUR
HJÁLPAR
ENGUM..
ÞAÐ ERU
VANDAMÁL
ALLS STAÐAR
ÉG KREFST ÞESS AÐ FÁ AÐ
TALA VIÐ YFIRHUNDINN!
YFIRHUNDURINN VILL EKKI
HITTA NEINN Í DAG!
VARÚÐ!
GRJÓT-
HRUN
Beini
© Le Lombard
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FYRIR rúmu ári komum við und-
irritaðir ásamt Hrafni Jökulssyni á
öflugu skáksamstarfi Ungmenna-
félagsins Fjölnis í Grafarvogi við
Skákfélagið Hrókinn. Samstarfið er í
formi uppbyggingarstarfs í skák
meðal barna og unglinga í Grafar-
vogi. Skákstarfið hefur verið mjög
blómlegt ekki síst í Rimaskóla en
skólinn hefur unnið Íslandsmeist-
aratitla drengja og stúlkna undan-
farin tvö ár. Þeir Hjörvar Steinn
Grétarsson og Ingvar Ásbjörnsson,
nemendur skólans, eru án efa efni-
legustu skákmenn landsins í skák.
Ungmennafélagið Fjölnir og Hrók-
urinn hafa staðið fyrir mörgum við-
burðum í skáklífinu í Grafarvogi. Ber
þar að nefna alþjóðlega atskákmótið
í Rimaskóla á Skákhátíð Reykjavík-
ur, skákmót og fjöltefli fyrir börn og
unglinga og skákæfingar í Rima-
skóla.
Markmið Fjölnis með samvinnu
við Skákfélagið Hrókinn er að gera
Grafarvog að helsta skákvígi lands-
ins á næstu árum. Skákfélagið Hrók-
urinn hefur eins og flestum er kunn-
ugt reynst afar sigursælt á
Íslandsmótinu í skák og unnið þar til
allra verðlauna sem í boði eru. Nú
stefna Hróksmenn á önnur mið, að fá
fleiri félög inn í Skáksamband Ís-
lands og fjölga liðum í Íslandsmótinu
í skák.
Ungmennafélaginu Fjölni er ekk-
ert að vanbúnaði að stofna formlega
skákdeild innan félagsins og í fram-
haldinu taka þátt í Íslandsmótinu og
komast sem fyrst í fremstu röð skák-
félaga á Íslandi.
Skákdeild Fjölnis mun einbeita
sér að því að byggja upp skákina í
kringum okkar efnilegu skákmenn,
drengi og stúlkur. Til þess þarf
deildin á reyndum og sterkum skák-
mönnum að halda í upphafi. Alþingi
Íslendinga samþykkti við fjárlaga-
gerð fyrir árið 2004 að verja 5 millj-
ónum til uppbyggingarstarfs í skák.
Ungmennafélögin og Skákfélagið
Hrókurinn fá meirihluta þessa fjár
til umráða.
Við erum þess vissir að þessi félög
eru reiðubúin að leggja skákdeild
Fjölnis allt það liðsinni sem þarf til
að ná markmiðum Fjölnis. Við Fjöln-
ismenn viljum líka leggja okkar af
mörkum í uppbyggingarstarfi
Hróksins að gera Ísland að nýju að
stórveldi í skákheiminum.
Boðað er til stofnfundar skák-
deildar Fjölnis fimmtudagskvöldið
27. maí nk. í félagsheimili Fjölnis,
Dalhúsum 2. Á fundinum verður
skákdeildinni sett lög, kosið í stjórn
og rædd helstu verkefni skák-
deildarinnar á næstu árum. Hrafn
Jökulsson, forseti Skákfélagsins
Hróksins, verður einn af gestum
stofnfundarins en morguninn eftir,
hinn 28. maí, hefst Hrafn handa við
að setja heimsmet í taflmennsku,
tefla í 30 klukkustundir samfellt til
áheita fyrir barna- og unglingastarf
Hróksins.
Við hvetjum alla Grafarvogsbúa
og aðra þá sem unna skáklistinni að
fjölmenna á stofnfund skákdeildar
Fjölnis 27. maí og taka þátt í metn-
aðarfullu átaki Grafarvogsbúa að
efla skákstarf á Íslandi.
GUÐLAUGUR ÞÓR
ÞÓRÐARSON,
alþingismaður og form.
Ungmennafélagsins Fjölnis,
HELGI ÁRNASON,
skólastjóri Rimaskóla.
Stofnum skák-
deild í Grafarvogi
Frá Helga Árnasyni og
Guðlaugi Þór Þórðarsyni:
Í FLESTUM tilvikum fara al-
mennar kosningar þannig fram að
einfaldur meirihluti ræður. Sá er
kjörinn sem fær flest atkvæði
þeirra er eftir kjöri sækjast eða
verður efstur á lista eins og við al-
þingis- og sveitarstjórnarkosning-
ar. Þetta er sem sagt regla. Eftir
henni hefur verið farið við biskups-
og forsetakosningar hérlendis. Þá
hefur það hent þegar um fleiri en
tvo hefur verið að ræða og enginn
hefur náð hreinum meirihluta að
sá sem efstur er að atkvæðatölu sé
kjörinn þótt hann hafi ekki náð
nema um 30–40% heildaratkvæða-
magns. Þegar sigurvegari kosning-
anna hefur náð yfir 50% eða hærra
atkvæðahlutfalli er þetta ótvírætt.
Erlendis er sá háttur á hafður,
þegar einn frambjóðandi af fleirum
en tveimur í forsetakosningum
nær ekki í fyrstu 50% fylgi, að kos-
ið er í annað sinn og þá um þá tvo
sem efstir eru að atkvæðafjölda. Í
síðari umferðinni nást svo fram
hrein úrslit. Þetta er reglan í
mannmörgum ríkjum eins og í
Frakklandi. Vera má að lítið ríki
eins og Ísland telji sig ekki geta
átt í því að kjósa tvívegis, til að ná
fram meirihlutakosningu. Fróðlegt
væri raunar að heyra álit lögfróðra
manna á þessu.
Í lokin vakna spurningar. Hefði
reglan um meirihlutakosningu for-
seta og biskupa gilt hérlendis fram
að þessu hefðu ef til vill önnur nöfn
birst en raun varð á með núver-
andi fyrirkomulagi. Ég er ekki að
spá í þau spil hér en býst við að
margir lesenda minna geri tilraun
til þess. Er því hér með varpað til
þeirra. Með núverandi tilhögun
eru líkur á að við fáum forseta yfir
okkur með minna en þriðjungs at-
kvæðamagn á bak við sig, jafnvel
minna. Þetta hefi ég hugleitt lengi
og nú læt ég það bara flakka. Með
fullri virðingu fyrir biskupum og
forsetum.
AUÐUNN BRAGI SVEINSSON,
Hjarðarhaga 28, 107 Reykjavík.
Þegar kosið
er af viti
Frá Auðuni Braga Sveinssyni: