Morgunblaðið - 06.07.2004, Blaðsíða 5

FRÉTTIR
MORGUNBLAÐIÐ ÞRIÐJUDAGUR 6. JÚLÍ 2004 5
SVISSNESKT fyrirtæki hefur tekið
sig til og búið til myntpeninga eins
og það telur að íslenska evran líti
út, verði hún tekin upp hér á landi í
náinni framtíð. Hefur fyrirtækið
gert hið sama um nokkur önnur
lönd í Evrópu sem ekki hafa tekið
upp þennan gjaldmiðil. Er hægt að
kaupa þessa myntpeninga á vefsíðu
fyrirtækisins.
Á myntpeningunum eru ýmsar
myndir, sem eiga væntanlega að
vera táknrænar fyrir Ísland. Ein-
hverjar þeirra eru það óumdeil-
anlega, eins og íslenski hesturinn,
Geysir og styttan af Ingólfi Arn-
arsyni, en einnig bregður fyrir álf-
um, trölli, Óðni, ref, lundum og sel.
Á þremur peninganna eru hins veg-
ar myndir af villtum sveppum, sem
til þessa hafa ekki verið taldir tákn-
rænir fyrir íslenska náttúru.
Að sögn Magna R. Magnússonar,
kaupmanns og myntsafnara, eru
þessir myntpeningar gefnir út í sér-
stökum albúmum og í takmörkuðu
upplagi. Einnig hafa verið gefnar
út evrur að hætti Norðmanna, Fær-
eyinga, Grænlendinga, Svisslend-
inga og Liechtenstein-búa.
Svona líta íslensk-
ar evrur út!
Framhlið evrupeninga eins og svissneskt fyrirtæki sér fyrir sér að verði.
Jákvæð
tillaga en
afstaða
ekki tekin
MIÐLUNARTILLÖGUR átaks-
hóps Höfuðborgarsamtakanna að
endurbótum á framkvæmdaáætlun
vegna færslu Hringbrautarinnar
hafa ekki í för með sér verulegar
breytingar varðandi þarfir Land-
spítala – háskólasjúkrahúss, að sögn
Pálma Ragnars Pálmasonar, for-
manns stjórnarnefndar LSH. Tillög-
ur átakshópsins voru ræddar á auka-
fundi stjórnarnefndar LSH í gær og
sátu forsvarsmenn átakshópsins
fundinn og kynntu tillögurnar fyrir
nefndarmönnum.
Pálmi segir að tillaga hópsins er
lýtur að byggingu skilvirkra hring-
torgsgatnamóta við gatnamót
Hringbrautar og Snorrrabrautar/
Bústaðavegar sé jákvæð og fylgst
verði með framvindu málsins hjá
borginni. Nefndin tók hins vegar
enga afstöðu til tillagna átakshóps-
ins.
HAFRANNSÓKNASTOFNUNIN
hefur lokið veiðum á þeim 25
hrefnum sem ákveðið var að veiða
árið 2004 í samræmi við áætlun
um átak í hrefnurannsóknum. Alls
hafa því verið tekin sýni úr 61
hrefnu og margvíslegar mælingar
gerðar frá því rannsóknirnar hóf-
ust í ágúst 2003.
Gervitunglasendar
notaðir við rannsóknir
Úrvinnsla gagna er hafin og
verður greint frá gangi rannsókn-
anna á ársfundi vísindanefndar Al-
þjóðahvalveiðiráðsins sem nú
stendur yfir í Sorrento á Ítalíu. Að
sögn Gísla A. Víkingssonar, verk-
efnisstjóra, gekk sýnasöfnun og
önnur gagnaöflun vel, þótt óhag-
stætt tíðarfar hafi tafið veiðarnar
á tímabili.
Í ágúst og september verða
gerðar tilraunir til að fylgjast með
ferðum hrefna með aðstoð
gervitunglasenda.
Morgunblaðið/Alfons Finsson
ÞRÍR bátar fóru til hrefnuveiða í
júní, samkvæmt rannsóknaáætlun
Hafrannsóknastofnunar. Alls voru
veidd 25 dýr í sumar.
Hrefnu-
veiðum
lokið
♦♦♦