Morgunblaðið - 06.07.2004, Blaðsíða 38

38 ÞRIÐJUDAGUR 6. JÚLÍ 2004 MORGUNBLAÐIÐ
HINGAÐ til hefur verið siður að kalla hina og
þessa tónleika í Reykjavík stórtónleika. Vissu-
lega eru tónleikar sífellt að verða umfangsmeiri,
en tónleikana í Egilshöll á sunnudagskvöldið
var sannarlega hægt að kalla stórtónleika. Alls
voru 6% þjóðarinnar saman komin í húsinu og
það alveg ótrúlegt út af fyrir sig og þessi 18 þús-
und voru allir Metallica-aðdáendur. Metallica er
búin að starfa í 23 ár og er þess eðlis að aðdá-
endur hljómsveitarinnar standa með sínum
mönnum. Annaðhvort ertu Metallica-aðdáandi
eða ekki, ekkert hálfkák.
Það sást alveg þetta kvöld því þegar hljóm-
sveitin hóf leik sinn ætlaði allt um koll að keyra.
Allar hendur voru upp í loft og ég hélt ég ætti
ekki eftir að ná að sjá á sviðið alla tónleikana.
Strákar, sem skyndilega virtust mjög hávaxnir,
voru í meirihluta á tónleikunum og byrgðu mér
sýn. Eftirvæntingin var líka orðin mikil því
Metallica var hálftíma á eftir áætlun á sviðið.
Það hægðist um í næstu tveimur lögum, „Harv-
ester of Sorrow“ af ... And Justice for All, sem
ég gladdist ótrúlega að heyra enda eitt uppá-
halds Metallica-lag mitt allra tíma, og ekki síðra
lag, „Welcome Home (Sanitarium)“ af Master
of Puppets tók við.
Greinilegt er að viðstaddir hafa hlustað vel á
nýjustu afurð Metallica, St. Anger, og næstum
allir sem ég sá í kringum mig á A-svæðinu settu
hendurnar upp þegar hinn yfirþyrmandi James
Hetfield spurði hvort tónleikagestir ættu plöt-
una. Fólkið tók rækilega við sér í lögunum
„Frantic“ og „St. Anger“ og auðsýnilegt að þótt
aldursbil aðdáendanna á staðnum hafi verði
breitt eru margir nýir enn að bætast í hópinn.
Svarta platan svokallaða, sem er reyndar
samnefnd sveitinni, kom líka sterk inn í tón-
leikana og æstust leikar verulega þegar „Sad
but True“ var spilað og fylgdu í kjölfarið
„Wherever I May Roam“ og „Nothing Else
Matters“. Tóku áhorfendur vel undir í síðast-
nefnda laginu og var magnað þegar Hetfield-
inn fékk alla í lið með sér og fjöldinn söng með í
tilfinningaríkum flutningi.
Þarna fer að nálgast hápunktur tónleikanna,
sem var áreiðanlega fyrir marga þegar Metall-
ica spilaði „Master of Puppets“ á ungæðislegan
hátt og skrúfaði kraftinn í botn í „One“ enda
frábær lög.
Áhorfendur tóku líka vel undir í „Enter
Sandman“, enda með þekktari lögum Metallica
í seinni tíð.
Inn á milli kynnti Hetfield-inn vini sína í
hljómsveitinni eins og hann kallaði þá og þeir
fengu að sýna einir hvað í þeim býr. Bassadýrið
Robert Trujillo sýndi góða takta og sannar að
hann á vel heima með hinum goðsögnunum
þremur. Maðurinn hlýtur að vera með rosalega
lærvöðva enda er stíll hans að standa eins langt
út með lappir og hægt er. Hann tók m.a.s. bass-
ann á milli fótanna eins og hann væri með
djembe-trommu og barði í. Það er eitthvað
skemmtilega „tribal“ við sviðsframkomu hans.
Gítarmúsin glaða Kirk Hammett fékk vel að
láta ljós sitt skína milli laga og svo auðvitað í öll-
um óteljandi gítarsólóum kvöldsins og eru hæfi-
leikar ekki af skornum skammti í hljómsveit-
inni. Krafturinn er mikill í trommutrúðnum
Lars Ulrich, sem er eins og áttfætla á bakvið
trommurnar. Meistari Hetfield stjórnaði síðan
öllu saman eins og herforingi og einhvern veg-
inn var ekki annað hægt að gera en að hlýða
honum enda hafði hann áhorfendur algjörlega á
valdi sér.
Eftir tvö uppklöpp (annað var nú meira fyrir
hljómsveitina til að anda og skipta um föt) lauk
tónleikunum með hinum ótrúlega smelli „Seek
& Destroy“ af Kill ’Em All. Fyrir lagið var Het-
field-inn búinn að biðja tónleikagesti um að gefa
síðustu bensíndropana í lagið og gerði fólk það.
Eftir tónleikana gáfu Metallica-menn sér
góðan tíma til að sinna áhorfendum og gefa
ógrynni af gítarnöglum. Hetfield sagði að
Reykjavík hefði gert Metallica glaða og var því
líka öfugt farið og Ulrich lofaði að Metallica
myndi heimsækja landann fljótt aftur.
Vonbrigði kvöldsins var hins vegar hljóm-
urinn í húsinu og óskandi að hann hefði verið
betri. Hljóðið rann saman á köflum og heyrðust
bassadrunur. Veit ég ekki hvort annars staðar í
húsinu hafi hljómurinn verið betri en það dugar
heldur ekki til því ekki geta allir staðið á sama
stað.
Umkvörtunarefni kvöldsins voru samt fleiri.
Það var alltof loftlaust í húsinu. Ég hef farið á
marga tónleika og oft verið heitt en þetta var
meira en það. Svitinn lak af hverjum manni og
hafði Trujillo orð á því snemma á tónleikunum
að þetta væri meira eins og Flórída en Ísland.
Það dró af fólki fljótar en ella vegna þessa og
var farið fljótlega að tæmast að hluta úr A-
svæðinu, fólk hreinlega gat ekki meir. Til við-
bótar var fólk að reykja, sem var alveg hræði-
legt í svona loftleysi og troðningi og mætti al-
veg banna slíkt með öllu á svona tónleikum.
Athygli vakti að stóru blásararnir í loftinu voru
ekki nýttir allan tímann en lögreglan hefur
áreiðanlega bætt líðan margra með því að opna
út þótt það hafi ekki dugað til.
Bannað var að taka töskur með sér inn á tón-
leikana, sem er allt í lagi í sjálfu sér, en betra að
vita það fyrirfram. Ég var með litla tösku á
stærð við vasa en þurfti að hlaupa með hana í
bílinn nokkra vegalengd (þar sem maður hafði
tekið til sín tilmæli tónleikahaldara um að fjöl-
menna í bíla og leggja ekkert endilega við Eg-
ilshöll). Þeir sem bjuggu ekki svo vel gátu sett
tösku sína gegn 200 króna gjaldi í gám fyrir
utan. Í heildina fóru tónleikarnir vel fram og
voru gestir fegnir að komast út í hreina sveita-
loftið í Grafarvoginum eftir tónleikana. Tónleik-
arnir voru tvímælalaust tveir fingur upp, ekki
þumlar heldur vísifingur og litli putti. Áfram
með rokkið!
Morgunblaðið/ÞÖK
Gítarmúsin glaða Kirk Hammett kann margar slaufurnar. Hápunkturinn á tónleikunum var
áreiðanlega fyrir marga þegar Metallica spilaði „Master of Puppets“.
Tveir fingur upp
TÓNLEIKAR
Egilshöll
METALLICA

Tónleikar með Metallica í Egilshöll sunnudaginn 4.
júlí. Um upphitun sáu Mínus og Brain Police.
Inga Rún Sigurðardóttir
Sýnd kl. 6.
Sýnd kl. 10. B.I. 16.

SV Mbl
www .borgarb io. is
SKEMMTILEGASTA
GAMANMYND
SUMARSINS!
Jenna fékk ósk sína
uppfyllta...og er allt í
einu þrítug!
Missið ekki af
svölustu mynd
sumarsins!
Sýnd kl. 6, 8 og 10. B. i. 16 ára.
ÞEGAR KRAFTAVERK
VERÐUR AÐ MARTRÖÐ
ER EKKI AFTUR SNÚIÐI I
Frábær hasarmynd með
ofurtöffaranum The Rock
HUGSAÐU STÓRTMiðasala opnar kl. 15 .00
EINI THX LÚXUSSALUR LANDSINS
Sýnd kl. 8 og 10.40. B.i. 16.
Sýnd kl. 3.40, 5.50, 8 og 10.15.Sýnd kl. 4, 6, 8 og 10. B. i. 16 ára.
kl. 4, 6, 8 og 10.
Sýnd kl. 5.40. Sýnd kl. 5.20 og 10.40.
SKEMMTILEGASTA
GAMANMYND SUMARSINS!
Missið ekki af
svölustu mynd
sumarsins!
Frábær hasarmynd með
ofurtöffaranum The Rock
Jenna fékk ósk sína uppfyllta...
og er allt í einu þrítug!




ÓHT Rás 2

SV Mbl
ETERNAL
SUNSHINE

SV Mbl
Forsa la ha f in – Frumsýnd 9. jú l í
 http://kaninka.net/raskat/
„Frá því ég sá Utangarðsmenn í Laugardalshöll hef ég borið
aðra tónleika saman við þá og aldrei hefur neitt staðist sam-
anburð. Pixies komust nálægt því og Deep Purple jafnvel
ennþá nær. Mínus komust mjög nálægt því í gær líka. Metallica
gerði hins vegar gott betur en það og var betri en allt ofantalið
samanlagt. Miklu, miklu betri. Nú get ég drepist sáttur.“
 http://www.frjalshyggja.is/orri/
„Þar sem ég eyddi nú ófáum klukkustundunum í æsku minni
við að hlusta á Metallica, Guns and Roses og fleiri hljómsveitir
á vínilplötum í plötuspilaranum sem ég fékk ungur til afnota
þá lét ég mig ekki vanta á tónleika sveitarinnar í gær. Ég fór í
góðra vina hópi á tónleikana eftir að úrslitaleik EM lauk. Mjög
vel gekk að finna stæði og komast inn í höllina. Við vorum á
svæði A svo nánast engin röð var fyrir utan og auðvelt að kom-
ast um inn í höllinni, sem er ótrúlegt miðað við 18.000 gesti
sem þarna voru saman komnir. Heimleiðin gekk einnig mjög
vel.
Er það ekki met að 6% þjóðarinnar skuli mæta á tónleika hjá
einni hljómsveit? Miðinn kostaði að meðaltali um 7000 krónur
og voru heildartekjur af miðasölu því um 126.000.000 kr sem
er í raun ekki mikið ef horft er til kostnaðar við tónleika sem
þessa. Búnaður, starfsmenn, húsnæði, undirbúningsvinna, lög-
gæsla og svo greiðslur til hljómsveitarinnar. En ef þetta skilaði
hagnaði er það frábært og vonandi að framhald verði á komu
slíkra hljómsveita hingað til lands.“
 http://dvergur.blogspot.com/
„Metallica ... voru góðir.“
 http://malefnin.com (The Newborn Sailor)
„Hverjum hefði annars dottið þetta í hug? Metallica spila á
Íslandi (og ég fæ að sjá það gerast) og Grikkland verður Evr-
ópumeistari í fótbolta. Hvað næst – fæ ég kærustu?“
Viðbrögð af vefnum