Morgunblaðið - 06.07.2004, Blaðsíða 33

DAGBÓK
MORGUNBLAÐIÐ ÞRIÐJUDAGUR 6. JÚLÍ 2004 33
ÚTIMÁLNING
OG
VIÐARVÖRN
Fyrirtæki
Glæsileg atvinnutækifæri
Tvær frábærar sólbaðsstofur, mikil aðsókn.
Föndurverslun á frábæru verði. Skemmtileg vinna.
Kvenfataverslun í Kringlunni, þekkt fyrirtæki.
Fyrirtæki með sælgætissjálfsala. Góð afkoma.
Sérverslun við Laugaveginn. Frábærar vörur.
Fyrirtæki til að hafa heima. Fatamerkingar.
Góð, rótgróin myndbandaleiga.
Bónstöð með góða aðstöðu og öll tæki.
Blómabúð í íbúðahverfi.
Gott dæmi fyrir förðunardömu. Góð umboð.
Hársnyrtistofur, litlar og stórar.
Mikið úrval af fyrirtækjum. Sjá netið.
Upplýsingar aðeins á skrifstofunni.
www.fyrirtaeki.is
Einar Örn Reynisson, lögg. fasteignasali.
Bandalag íslenskra farfugla hefur tekiðupp sérstaka umhverfisviðurkenningufyrir farfuglaheimili. Sjö heimili hafaþegar uppfyllt skilyrði fyrir viðurkenn-
ingunni og kallast því „græn heimili.“ Þau eru
sérmerkt á heimasíðu Bandalags íslenskra far-
fugla www.hostel.is.
Markús Einarsson, framkvæmdastjóri Banda-
lags íslenskra farfugla, segir að markvisst hafi
verið unnið að því að hvetja til umhverfisvæns
rekstrar á farfuglaheimilum frá árinu 1999. „Sú
hugmynd kom upp að taka upp einhvers konar
opinbera vottun. Bandalagið gerði könnun á
kostnaðinum við slíka vottun og komst að því að
hann væri of hár fyrir ekki stærri rekstrarein-
ingu. Við vorum þó ekki af baki dottin og
ákváðum að koma upp okkar eigin kerfi, þ.e. mið-
að við umhverfisstefnu og gæðastaðla bandalags-
ins. Kostnaðurinn er í algjöru lágmarki, ekki hvað
síst af því að yfirferð vegna viðurkenningarinnar
er hluti af reglubundnu eftirliti með farfuglaheim-
ilunum.“
Hvenær fóruð þið að veita viðurkenningarnar?
„Við kynntum verkefnið síðastliðið haust.
Áhugasamir rekstraraðilar höfðu því veturinn til
að laga sig að kröfunum. Átta farfuglaheimili
sóttu um að fá að kalla sig „græn heimili“ í vor.
Sjö uppfylltu skilyrðin og eru því orðin „græn
heimili“ (green hostels). Við vonum svo auðvitað
að þessi heimili verði öðrum farfuglaheimilum
hvatning til að gera enn betur og afla sér við-
urkenningarinnar.“
Hversu mörg farfuglaheimili starfa á vegum
bandalagsins?
„Bandalagið á Farfuglaheimilið í Laug-
ardalnum og er með samstarfssamninga við 27
rekstraraðila farfuglaheimila um allt land.“
Hvaða skilyrði þurfa heimilin að uppfylla?
„Kerfið byggist upp á 7 meginstoðum, þ.e.
neyslu, endurnýtingu- og endurvinnslu, mengun,
orkunotkun, samgöngum, ytra umhverfi og um-
hverfisfræðslu, og undir hverju atriði eru nokkrir
punktar. Hver punktur gefur ákveðinn stigafjölda
og 25 stig gefa viðurkenninguna „grænt heimili.“
Getur þú nefnt mér dæmi um fyrir hvað heimili
geta fengið stig?
„Já, farfuglaheimili getur fengið stig fyrir að
velja íslenskar vörur og versla í heimahéraði.
Heimili getur fengið stig fyrir að veita upplýs-
ingar um vatn og hvetja fólk til vatnsdrykkju.
Heimili getur fengið stig fyrir að banna algjörlega
reykingar innanhúss. Heimili getur fengið stig
fyrir að bjóða reiðhjól til leigu. Heimili getur
fengið stig fyrir landgræðslu í nágrenninu
o.s.frv.“
Eru farfuglaheimili góður kostur fyrir íslensk-
ar fjölskyldur í sumarfríi innanlands?
„Já, mikil lifandis ósköp.“
Ferðalög | Bandalag íslenskra farfugla veitir umhverfisviðurkenningar
„Grænu heimilin“ orðin sjö

Markús Einarsson er
fæddur hinn 31. ágúst
árið 1955 í Reykjavík.
Markús lauk íþrótta-
kennaraprófi frá
Íþróttakennaraskól-
anum á Laugarvatni ár-
ið 1978 og tveggja ára
framhaldsnámi frá
Norska íþróttaháskól-
ann. Hann lauk BS-
gráðu í markaðsfræði
frá Norges markedshøyskole árið 1994.
Markús hefur verið framkvæmdastjóri Banda-
lags íslenskra farfugla frá árinu 1997.
Hann á eina dóttur.
Óréttlátir reikningar
ÉG, sem er orðin 78 ára, var að fá
reikning frá RÚV vegna afnota-
gjalda.
Ég kæri mig ekki um þennan
fjölmiðil og þá kvöð að borga af
honum. Þeir sem ráða RÚV, t.d.
menntamálaráðherra, verða að fella
þessa óréttlátu og óvinsælu
greiðslu niður. En þeir bara hækka
hana.
Í apríl 2004 kom reikningur fyrir
2 mánuði upp á 6.067 og nú í byrj-
un júní var upphæðin orðin 6.775.
Mér finnst þetta of hátt fyrir ör-
yrkja og eldri borgara.
Eldri borgari.
Þýskumælandi óskast
ÉG hef áhuga á að komast í sam-
band við einhvern þýskumælandi
sem gæti hjálpað mér að æfa mig í
þýsku í stuttan tíma vegna vænt-
anlegrar heimsóknar Þjóðverja.
Þeir sem gætu liðsinnt mér hafi
samband við Guðrúnu í síma
696 2193 og 564 2554.
Vantar dekk á kassabíl
NOKKRA krakka, sem eru að
smíða sér kassabíl, vantar hentug
dekk undir hann. Þeim sem gætu
liðsinnt þeim er bent á að hringja í
síma 557 4581.
Giftingarhringur í óskilum
GIFTINGARHRINGUR fannst sl.
sunnudag á leiksvæði í Eilífsdal í
Kjósinni. Upplýsingar hjá Viktori
Gauta í síma 566 8496.
Tvö reiðhjól horfin
TVÖ drengjareiðhjól, blátt og silf-
urlitað TREK 220 og nýtt appels-
ínugult og silfurlitað GAMESTAR,
hurfu í Gnoðarvogi aðfaranótt 3.
júlí. Eigendurnir sakna þeirra mik-
ið, svo ef einhver hefur séð þau
væru þeir þakklátir ef látið væri
vita í síma 896 7637 eða 893 7637.
Trek-stúlknahjól týndist
NÝS Trek 20", 6 gíra stúlknahjóls
(barna fjallahjól) er sárt saknað.
Hjólið er hvítt með bláum lit og
hvarf frá Rauðási 19, Reykjavík.
Skilvís finnandi vinsamlega hringið
í síma 899 3051.
Míla er týnd
MÍLA er 5 mánaða grábröndótt
læða sem hvarf frá heimili sínu í
Töngunum í Mosfellsbæ á miðviku-
dag. Hún er með stóran brúnan
blett á bakinu. Upplýsingar óskast í
símum 661 0837 og 566 6788 (Re-
bekka).
Simbi er týndur
SIMBI er týndur, hann er merktur
R-3183 í eyranu og með bláa ól.
Hann var í pössun á Rauðarárstíg
og slapp út um glugga á sunnu-
dagskvöldið fyrir viku. Hans er
sárt saknað. Þeir sem hafa séð
hann vinsamlega láti vita í síma
562 7910, 891 9064, 896 4644 og
587 1174.
Velvakandi
Svarað í síma 5691100 frá 10–12
og 13–15 | velvakandi@mbl.is
FRIÐÞJÓFUR Helgason kvik-
myndagerðarmaður og ljósmynd-
ari sat fyrir spóa í Kelduhverfi
þegar blaðamaður sló á þráðinn
til hans til að forvitnast um nýút-
komna ljósmyndabók hans um
Grímsey og Grímseyinga. „Það er
ansi hvasst hérna en sólskin og
tuttugu stiga hiti. Ég bíð hérna
þolinmóður eftir spóa sem er
enginn venjulegur spói því hann
er albínói. Ég er búinn að sjá
hann einu sinni í dag og veit
hann kemur aftur því þeir helga
sér óðul og halda sig á þeim slóð-
um. Við erum að gera heim-
ildamynd um spóann, Páll Stein-
grímsson framleiðandi, Einar
Þorleifsson náttúrufræðingur og
ég.“
Friðþjófur hefur nú gefið út
þrjár ljósmyndabækur. Hinar
tvær fjölluðu báðar um Akranes.
„Þetta eru mjög keimlíkar bækur
og segja frá lífinu, náttúrunni og
mannfólkinu. Grímsey stendur
mér svolítið nær því ég á ættir
mínar að rekja þangað. Föð-
uramma mín, Guðlaug Helgadótt-
ir, bjó þar á fallegasta staðnum í
eyjunni sem heitir Borgir. Faðir
minn, Helgi Daníelsson, ritstýrði
Ættfræði og ábúendatali Gríms-
eyinga og ég hjálpaði til við
myndatöku. Eftir það átti ég
gríðarlegt magn af ljósmyndum
og við ákváðum að útbúa litla
ljósmyndabók um Grímsey. Ég
veit ekki til þess að nokkur stað-
ur hafi fengið jafnrækilega um-
fjöllun áður. Tilgangurinn var að
ná utan um lífið og náttúrufar
eyjarinnar og reyna að lýsa því
hvernig hún er og fólkinu sem í
henni býr. Valgarður Egilsson
læknir skrifar textann, bæði fyrir
Íslendinga og enskumælandi
ferðamenn og gerir það af-
skaplega vel.“
Bókin er í A-5 broti og sýnir
veður og náttúrufar, fugla og
mannlíf. Það er mjög ólíkt að
taka myndir af náttúrunni og svo
aftur fólki. Það er miklu þægi-
legra að taka myndir af nátt-
úrunni því maður þarf ekki að
hafa samskipti við hana beint.
Aftur á móti þegar maður tekur
myndir af fólki verður maður að
passa sig að þvælast ekki sjálfur
fyrir, heldur reyna að fanga fólk-
ið eins og það er. Það er meiri
kúnst.“
Eru fleiri ljósmyndabækur á
leiðinni? „Það væri gaman að
taka fleiri staði svona rækilega
fyrir en ég ætla að sjá til hvort
ég fer á hausinn af þessu,“ segir
hinn þolinmóði kvikmyndagerð-
armaður skellihlæjandi. Vonandi
fangar hann albínóann spóann.
Morgunblaðið/Þorkell
Friðþjófur Helgason gefur út ljósmyndabók um Grímsey og eyjarskeggja.
Grímsey í máli og myndum
HÖFUÐBÓLIÐ Reykhólar í Aust-
ur-Barðastrandarsýslu var um
langan aldur einhver mesta og rík-
asta hlunnindajörð landsins. Þar
sátu höfðingjar til forna og höfðu
um sig fjölmenna hirð. Væringar
með mönnum voru tíðar og því oft
heppilegt að stutt var að leita að-
fanga fyrir heimilisfólk og gesti.
Breiðafjörðurinn var og er mikil
matarkista. Eyjarnar á Breiðafirði
og sjórinn gáfu vel bæði af fugli og
fiski.
Þetta er meginstefið í Hlunn-
indasýningunni á Reykhólum. Sýn-
ingin er í gamla samkomuhúsinu á
Reykhólum þar sem einnig er upp-
lýsingamiðstöð ferðafólks. Á sýn-
ingunni er fjallað um nýtingu sels-
ins og æðarfuglsins og sex tegunda
sjófugla.
Á veggjum og gólfi eru myndir
og uppsettir hlutir. Texti er bæði á
íslensku og ensku. Selur flæktur í
net hangir á vegg. Þrjú myndbönd
eru í gangi með myndum af lífi
þessara dýra og ýmsu sem tengist
þeim.
Matarkista
Breiðafjarðar
Hlunnindasýning á
Reykhólum
Sýningin er opin alla daga vik-
unnar frá kl. 10.00 til 18.00. Reyk-
hólar eru í 230 km fjarlægð frá
Reykjavík. Tjaldstæði og gisti-
heimili á staðnum.