Morgunblaðið - 31.10.2004, Qupperneq 6

6 SUNNUDAGUR 31. OKTÓBER 2004 MORGUNBLAÐIÐ
FRÉTTIR
Læknastofur til leigu í Lágmúla 5. Um er að ræða aðstöðu fyrir sérfræðilækna
þar sem boðið er upp á alhliða þjónustu með símsvörun og bókunarþjónustu.
Húsnæðið er á fjórum hæðum og sú þjónusta sem í boði verður hentar vel
fyrir alla sérfræðilækna s.s. geðlækna og einnig þá sem þurfa aðgang að
skurðstofum. Í húsinu er nú þegar veitt fjölbreytt þjónusta, m.a. er starfrækt
skurðstofa á staðnum.
Nánari upplýsingar veitir: Þórarinn Þórhallsson í síma 693 2223.
Lækning · Lágmúla 5 · 108 Reykjavík.
Læknastofur
til leigu
LÆKNING
Hefði átt að virkja sam-
hæfingarstöð almanna-
varna vegna rútuslyss
Segir
björgunar-
störf hafa
gengið vel
BJÖRGUNARSTÖRF eftir að
rúta með 45 starfsmönnum Norð-
uráls valt undir Akrafjalli fyrir
rúmlega viku gengu vel að mati
Jóns Bjartmarz, yfirlögregluþjóns
hjá ríkislögreglustjóra. Eftir á að
hyggja hefði þó verið rétt að virkja
samhæfingarmiðstöð almanna-
varna og þá fékk Sjúkrahúsið á
Akranesi ekki upplýsingar um að
von væri á jafn mörgum slösuðum
og raun bar vitni.
Jón Bjartmarz sat á þriðjudag
fund með framkvæmdastjóra
Neyðarlínunnar, fulltrúum lögregl-
unnar á Akranesi og í Borgarnesi
og framkvæmdastjóra sjúkrahúss-
ins. Jón segir að á fundinum hafi
verið farið yfir til hvaða aðgerða
var gripið og hvað betur mætti
fara. Slíkt sé ávallt til bóta, hvort
sem einhver vandamál hafi komið
upp eða ekki.
Jón segir að stuttur tími hafi lið-
ið frá því tilkynning barst um
rútuslysið og þar til búið var að
koma öllum af vettvangi en síðan
hafi myndast mikið álag á sjúkra-
húsinu. Í fyrstu hafi ekki verið tal-
ið að svo margir væru slasaðir og
því ekki talin ástæða til að ræsa
almannavarnakerfið. Eftir á að
hyggja hefði verið rétt af embætti
ríkislögreglustjóra að virkja sam-
hæfingarstöð almannavarna. Farið
hafi verið yfir málið hjá embætt-
inu.
Fjarskiptin
veiki hlekkurinn
Guðjón Brjánsson framkvæmda-
stjóri sjúkrahússins hefur sagt að
helsta ástæðan fyrir vandræðum í
samskiptum viðbragðsaðila hafi
verið sú að Tetra-kerfið norðan
Hvalfjarðarganga sé ónýtt. „Fjar-
skiptin voru veiki hlekkurinn eins
og oft vill verða. En þetta óhapp
færir okkur heim sanninn um þá
miklu rútuumferð sem er á þessu
svæði og í Borgarfirði sem við
þurfum að vera viðbúin að taka á,“
segir Guðjón. „Á fundinum voru
menn sammála um að þegar Tetra-
kerfið væri komið í gagnið á svæð-
inu yrði haldin sameiginleg hóp-
slysaæfing þar sem tekið yrði inn
Grundartangasvæðið og svæðin á
Akranesi.“
Jón Bjartmarz minnir á að
samningur um Tetra-samband á
þessum slóðum hafi ekki verið
gerður fyrr en í september sl. og
samkvæmt honum eigi það að vera
komið á um áramót.
„ÞAÐ eru allir glaðir yfir að vera
komnir aftur til starfa,“ sagði Jó-
hann Þorsteinsson kennari og trún-
aðarmaður í Oddeyrarskóla á Akur-
eyri, en þar hittust kennarar að nýju
að loku verkfalli. Farið var yfir stöð-
una og Helga Hauksdóttir skóla-
stjóri ræddi á fundi um tilhögun
skólastarfs næstu daga og vikur og
þá voru menn að vona að miðlunartil-
laga sáttasemjara hefði skilað sér
norður yfir heiðar um eða eftir há-
degi. Kennarar ætluðu þá að hittast
aftur, leggjast yfir tillöguna og skoða
hvað í henni fælist.
„Við ætlum að fara rólega af staði,
gefa kennurum og nemendum færi á
að hittast og fara yfir stöðuna, bera
saman bækur sínar,“ sagði Helga
skólastjóri. Hún sagði að menn
myndu svo bara halda sínu striki,
vinna sem best úr málum og stefna
að því að vinna vel úr þeirri stöðu
sem uppi er.
Engin vetrarfrí voru áformuð í
grunnskólum Akureyrar fyrr en í
febrúar á næsta ári. Hver skóli sér
um sitt innra starf, en það sem er
sameiginlegt er skólasetning, skóla-
slit og vetrarfrí.
Í Oddeyrarskóla er 221 nemandi,
þeim fjölgaði um fjóra í verkfallinu
og kennarar eru 24 talsins. Þar er við
lýði svonefnt þriggja anna kerfi, ann-
askipti í nóvember og febrúar og því
er nú sá tími að fyrstu önn er að
ljúka og sú næsta að taka við. „Við
fellum niður annaskiptin, kennum á
fullu fram til jóla og þá verður hætt
við próf sem áttu að vera í næstu
viku. Það sem skiptir mestu núna er
að koma skólastarfinu í hefðbundinn
farveg, komast inn í rútínuna aftur,“
sagði Helga.
Svanhildur Daníelsdóttir aðstoð-
arskólastjóri nefndi að vissulega
hefði mikill tími tapast, en kennarar
myndu nú fara yfir námsefnið gagn-
rýnum augum og skoða hvort og þá
hverju helst er hægt að sleppa og
hvar hægt væri að hraða yfirferð.
„Annars leggjum við áherslu á að
kennarar haldi sínu striki, það gerir
bara illt verra ef menn ætla að fara
mjög hratt yfir, það skapar streitu
hjá nemendum og skilar ekki góðum
námsárangri,“ sagði Svanhildur.
Þær sögðu skólastarfið snúast um
fleira en að telja blaðsíður, mikla
áherslu þyrfti að leggja á innra starf-
ið. „Það skiptir ekki öllu máli hvort
við náum að komast á blaðsíðu 20 eða
30 úr því sem komið er. Við verðum
að huga líka að félags- og andlegu
þáttunum, hlúa að samstarfi kennara
og nemenda, horfa til mannlega þátt-
arins og hafa gleðina í fyrirrúmi.“
Svanhildur sagði að nemendur
væru misjafnlega staddir nú þegar
þeir koma að nýju í skólann eftir 6
vikna verkfall, en flestir hefðu mest-
ar áhyggjur af nemendum 10. bekkj-
ar, að verkfallið hefði komið verst við
elstu nemendurna. „Annars held ég
að krakkarnir komi nú full tilhlökk-
unar í skólann aftur, það var eigin-
lega sama hvort maður hitti stráka
úr 9. bekk eða stelpur í 2. bekk með-
an á verkfallinu stóð, allir eru á einu
máli um að þeir hlakki til að byrja
aftur. Ég held þau mæti hingað með
gleði í hjarta og tilbúin að fara að
vinna af kappi,“ sagði Helga.
Framundan er stórt
og mikið verkefni
Jóhann sagði að fólk myndi nú
reyna að vinna á þeim kvíða sem það
hefði fundið fyrir vegna ástandsins.
„Við vitum ekki hvar við stöndum,
fólk hefur verið án launa í 6 vikur og
nú vita menn ekki hvort uppskeran
verður eins og vonir þeirra hafa stað-
ið til,“ sagði Jóhann sem boðaði
kennara skólans til sín á fund eftir
hádegi í gær til að fara yfir miðl-
unartillöguna.
„Það tekur sinn tíma að koma
skólastarfi í eðlilegt horf á ný, en við
leggjum áherslu á að gefa bæði nem-
endum og kennurum tíma til að ná
áttum. „Framundan er svo stórt og
mikið verkefni við að halda áfram
þar sem frá var horfið. Ég tel ekki
raunhæft að við getum bætt upp all-
an þann tíma sem fór í þetta verkfall,
en við munum af fremsta megni
reyna það. Okkur er umhugað um
námsárangur og námsframvindu
nemendanna og þykir síður en svo
léttvægt að hafa tapað þessum tíma.
Með góðri samvinnu kennara, nem-
enda og heimilanna vona ég að okkur
takist að vinna upp tíma sem fór for-
görðum,“ sagði Jóhann og nefndi að
ekki spillti fyrir ef gleðin yrði í fyr-
irrúmi.
Hann sagðist ekki vilja hugsa þá
hugsun til enda ef miðlunartillagan
yrði felld og verkfall skylli á aftur 9.
nóvember. „Við verðum að vera
bjartsýn og taka bara til starfa af
fullum krafti í þeirri von að ekki
komi aftur til verkfalls,“ sagði Jó-
hann sem eins og samkennarar hans
var ánægður að hitta félaga sína á ný
í Oddeyrarskóla. Matráðskonan tók
vel á móti kennurunum og bauð upp
á dýrindis krásir í kaffitímanum sem
menn gerðu góð skil á meðan beðið
var tíðinda af miðlunartillögunni.
Skólastjórar og kennarar í óðaönn að undirbúa skólastarfið framundan
Allir glaðir að vera komnir
aftur til starfa í skólunum
Morgunblaðið/Kristján
Kennarar við Oddeyrarskóla á Akureyri komu saman til fundar þegar fyr-
ir lá að verkfalli hefði verið frestað. Kennsla hefst á morgun.
FRIÐRIK J. Arngrímsson, framkvæmdastjóri
LÍU, segir að samningurinn við sjómenn, sem und-
irritaður var hjá ríkissáttasemjara í gær, skapi
möguleika til aukinnar hagræðingar fyrir útgerðina
jafnframt því að kjarabætur náist fram fyrir sjó-
menn. Það sé beggja hagur að hagræðing eigi sér
stað.
Í samningnum eru sett inn ákvæði um að lækka
megi skiptaprósentu sjómanna ef fækkað sé í áhöfn
og hækka hana ef fjölgað er um borð. Er hlutfallið
mismunandi eftir útgerðarflokkum en lækkun á
hlut er heimiluð frá 0,8% til 2,7%, mest á rækjuveið-
um.
Samningurinn gildir til maíloka árið 2008 og á
þeim tíma hækka kauptrygging sjómanna og launa-
liðir um samanlagt 17,6%. Er samningstíminn einu
ári lengri en samningar Starfsgreinasambandsins
við atvinnurekendur en að öðru leyti sambærilegur.
Til viðbótar kemur launahækkun 1. janúar árið
2008 upp á 3,5%.
Er samningurinn milli Sjómannasambands Ís-
lands, Alþýðusambands Austurlands, Alþýðusam-
bands Vestfjarða og Farmanna- og fiskimannasam-
bands Íslands annars vegar og Landssambands
íslenskra útvegsmanna (LÍU) og Samtaka atvinnu-
lífsins hins vegar.
Meðal nýrra ákvæða í samningum er að upp-
sagnarfrestur er lengdur. Hafi undirmaður starfað
hjá sömu útgerð samfellt í þrjá mánuði skal upp-
sagnarfrestur vera einn mánuður, eftir tveggja ára
starf er uppsagnarfrestur tveir mánuðir og þrír
mánuðir eftir fjögurra ára samfellt starf. Fyrir
skipstjórnendur er uppsagnarfrestur einnig lengd-
ur, verður t.d. sex mánuðir eftir tíu ára starf.
Sett eru inn ákvæði um að veita skipverjum laun-
að frí vegna veikinda barna sinna og hafnarfrí eru
lengd. Þá er sú breyting að tímakaup 2. stýrimanns
verður hið sama og hjá skipstjóra og 1. stýrimanni
og töluverðar leiðréttingar náðust á kaupi aðstoð-
armanna matsveina á frystitogurum, sem skildir
voru eftir í síðustu samningum.
Ríkissáttasemjari kom í veg fyrir strand
Samningsaðilar lýstu ánægju sinni með samning-
inn í samtölum við Morgunblaðið í gær. Þökkuðu
þeir framlagi Ásmundar Stefánssonar ríkissátta-
semjara, sem hefði tekið við stjórninni í brúnni og
siglt frá skerjum þegar skipið hafi stefnt í strand,
eins og þeir orðuðu það.
Sævar Gunnarsson, formaður Sjómannasam-
bandsins, segir ákvæði um lengdan uppsagnarfrest
vera mikilvæg. Einnig hafi tekist að fá inn að út-
vegsmenn greiði í sjúkrasjóði sjómanna sem svarar
til 1% af launum þeirra. Áður hafi þetta verið 1% af
kauptryggingu. Sævar segir þetta styrkja sjúkra-
sjóði sjómanna, innkoman meira en tvöfaldist.
Sævar segist gera sér grein fyrir að ákvæði um
skiptaprósentur í afla og mönnunarmál séu við-
kvæm og erfitt hafi verið að ná saman um það atriði.
Hnökrar kunni að vera einhvers staðar en verði
samningurinn samþykktur þá hafi skapast friður
um þessi mál í framtíðinni.
Friðrik Arngrímsson segir að tekist hafi að inn-
leiða sambærileg hlutaskipti og náðist í samningn-
um við vélstjóra árið 2001. Í samningnum við sjó-
menn sé t.d. hækkað viðmið við olíuverð. Að sögn
Friðriks hefur hlutur sjómanna af tekjum útgerð-
arinnar verið um 40%, með samningnum hækki sá
hlutur í einhverjum tilvikum en standi í stað í öðr-
um greinum.
Spurður um kostnaðarauka fyrir útgerðina seg-
ist Friðrik ekki vilja fara nákvæmlega það út í að
svo stöddu, en á samningstíma geti launagreiðslur
útgerðarinnar numið 25-30 milljörðum króna.
Árni Bjarnason, forseti Farmanna- og fiski-
mannasambandsins, segist vera glaður yfir því að
samningar hafi tekist eftir stranga lotu á alls um 50
fundum. Er hann einnig ánægður með samstarfið
við Sjómannasambandið. Árni segir að í framtíðinni
eigi að vera auðveldara að ná samningum við út-
vegsmenn. Sjómenn séu nú komnir með sambæri-
leg réttindi og kjör og aðrir launþegar. Lítur Árni
svo á að hvorki sjómenn né skipstjórnendur hafi
farið halloka í breytingum á mönnunarmálum. Hag-
ræðing eigi að skila báðum ávinningi.
Nýr samningur sjómanna og útvegsmanna undirritaður í Karphúsinu í gær
Möguleikar til aukinnar
hagræðingar fyrir útgerðina
Morgunblaðið/Kristinn
Samningalota sjómanna og útvegsmanna hefur
staðið yfir í tíu mánuði. Hér eru Sævar Gunn-
arsson, Friðrik J. Arngrímsson og Árni Bjarna-
son í Karphúsinu, þungir á brún, þegar samn-
ingaviðræðum miðaði lítt áfram.