Morgunblaðið - 21.12.2004, Blaðsíða 49

MORGUNBLAÐIÐ ÞRIÐJUDAGUR 21. DESEMBER 2004 49
DAGBÓK
Skotvopnabókin fjallar um meðferð ogeiginleika skotvopna með sérstakriáherslu á öryggisatriði. Fjölmargarskýringarmyndir eru í bókinni og enn-
fremur er bókin uppsláttar- og fróðleiksrit fyr-
ir alla skotvopnaeigendur enda fátt sem snertir
skotvopn sem ekki er fjallað um í bókinni. Bók-
in, sem er kilja, er 224 blaðsíður. 160 ljós-
myndir og skýringarmyndir eru í henni sem
gefa lesandanum góða innsýn í þau lögmál og
eiginleika sem skotvopn og skotfæri búa yfir,
að sögn höfundarins, Einars Guðmanns.
Í bókinni er ennfremur að finna víðtæka
samantekt á flestu því sem snertir skotvopn
sem margt hefur ekki verið birt áður á prenti
hérlendis. Fjallað er um lög og reglur sem
gilda um skotvopn, keppnisgreinar í skotfimi,
reglur í þeim, endurhleðslu skota, viðhald o.fl.
– Hversu brýna telur þú þörfina hafa verið
fyrir bók um skotvopn?
„Tilurð bókarinnar má rekja til þess að
skortur var á heildrænu námsefni fyrir skot-
vopnanámskeið sem haldin eru á vegum Um-
hverfisstofnunar fyrir verðandi skotvopnaleyf-
ishafa. Eftir að ég hóf að starfa hjá
Umhverfisstofnun við það að skipuleggja nám-
skeiðin víðsvegar um landið og útbúa námsefni
kom berlega í ljós að við sitjum ekki við sama
borð og nágrannaþjóðirnar varðandi hæfnis-
kröfur til skotveiðimanna. Það nám sem skot-
veiðimenn fara í gegnum hérlendis á töluvert í
land til þess að standast sömu kröfur og gerð-
ar eru til skotveiðimanna erlendis. Skotvopna-
bókin svarar þeirri þörf sem hefur verið knýj-
andi að taka saman á einn stað ítarlega bók um
allt sem varðar skotvopn, bæði fyrir þá sem
þegar hafa staðgóða þekkingu á skotvopnum
sem og byrjendur.“
– Eru Íslendingar meðvitaðri um meðferð
skotvopna nú en áður?
„Því miður er ekki hægt að svara þessu
játandi, sérstaklega í ljósi reynslu undanfar-
inna ára þar sem ítrekað hafa komið upp tilfelli
sem rekja má til óviðunandi meðferðar og ekki
síst geymslu skotvopna og skotfæra. Íslend-
ingar hafa alist upp við það viðhorf að skot-
vopn séu verkfæri og bera yfir höfuð litla virð-
ingu fyrir þeim. Þetta kristallast í því að alltof
algengt er að geymslu þeirra sé ábótavant. Í
bókinni er fjallað um ýmis ráð og reglur sem
hafa þarf í huga við meðferð skotvopna en
einnig er fjallað um ýmislegt sem grúskurum
þykir áhugavert. Skotvopnabókin er ekki síst
skrifuð fyrir þá sem þegar eiga og hafa leyfi
fyrir skotvopnum, enda er kominn tími til að
hertar verði hæfnis- og þekkingarkröfur til
þeirra sem meðhöndla þessi verkfæri hér-
lendis.“
Skotvopn | Bók um meðferð og eiginleika skotvopna komin út
Tímabært að herða hæfniskröfur

Einar Guðmann
fæddist á Akureyri
1966 og lauk stúdents-
prófi frá matvælabraut
við Verkmenntaskólann
á Akureyri 1989. Í dag
starfar Einar hjá veiði-
stjórnunarsviði Um-
hverfisstofnunar og
hefur þar m.a. umsjón
með gerð námsefnis og
námskeiðum fyrir verð-
andi skotvopnaleyfis-
hafa. Einar og Hólm-
fríður Sigurðardóttir, sem búa á Akureyri, eiga
þrjá syni sem eru 14, 10 og 6 ára.
LÚÐRASVEITIN Svanur
heldur jólatónleika í Tónlist-
arhúsinu Ými í dag, þriðjudag.
Leikin verða nokkur létt jóla-
lög í bland við hefðbundna
lúðrasveitartónlist, m.a. nýtt
verk Sinfonia no 3 eftir Philip
Spark. Stjórnandi Lúðra-
sveitarinnar Svans er Rúnar
Óskarsson.
Tónleikarnir hefjast kl. 20
og er aðgangseyrir 1.000 kr.
en 50% afsláttur er fyrir
námsmenn.
Jólalögin í
bland við
lúðrasveitartónlist
Brúðkaup | Gefin voru saman 11.
september sl. í Laugarneskirkju af sr.
Sigurði Grétari Sigurðssyni þau Agla
Marta Sigurjónsdóttir og Magnús Við-
ar Skúlason.
Árnaðheilla
dagbók@mbl.is
Brúðkaup | Hinn 3. júlí sl. voru gefin
saman í Kópavogskirkju af séra Sváfni
Sveinbjarnarsyni þau Anna Elín Kjart-
ansdóttir og Gísli Heiðar Bjarnason.
Ljósmynd/Teitur
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050