Morgunblaðið - 21.12.2004, Blaðsíða 10

10 ÞRIÐJUDAGUR 21. DESEMBER 2004 MORGUNBLAÐIÐ
FRÉTTIR
Sveinarnir
hennar
Tótu
á morgun

Þórunn Guðmundsdóttir
er mikið jólabarn og semur
jólavísur hver jól og
sendir vinum
og ættingjum.
KARLMAÐUR á þrítugsaldri
hefur í Héraðsdómi Vestfjarða
verið dæmdur í þriggja mánaða
skilorðsbundið fangelsi fyrir tvær
líkamsárásir gegn ungum konum.
Annarri hrinti hann út úr bifreið á
ferð og hina sló hann og hrinti.
Með árásunum rauf hann skilorð
eldri dóms sem hann hlaut fyrir
þjófnað.
Maðurinn neitaði því að hafa
ráðist á konurnar. Varðandi þá
sem féll út úr bifreiðinni sagði
hann að hún hefði stigið út úr bíln-
um sjálfviljug og hann hefði ýtt
með flötum lófa á andlit hinnar
konunnar þannig að hún féll.
Dómurinn taldi hins vegar sann-
að, m.a. með framburði vitna, að
hann hefði ráðist að konunum.
Hann var auk þess dæmdur til að
greiða 40.000 krónur í sekt fyrir
kaup á hassi og til að greiða ann-
arri konunni 90.000 krónur í
skaðabætur.
Í dómnum, sem kveðinn var
upp á fimmtudag, voru fjórir aðrir
ungir menn dæmdir fyrir mis-
mörg brot á fíkniefnalögum, eink-
um með kaup á kannabisefnum.
Hæsta sektin var 350.000 krónur
og einn var dæmdur í 45 daga skil-
orðsbundið fangelsi.
Erlingur Sigtryggsson dóm-
stjóri kvað upp dóminn. Hilmar
Ingimundarson hrl. var verjandi
þeirra þriggja sem komu fyrir
dóminn. Sigríður Björk Guðjóns-
dóttir sýslumaður flutti málið f.h.
ákæruvaldsins.
Dæmdur fyrir
árásir á tvær konur
ALLS útskrifuðust 103 nemendur
frá Fjölbrautaskólanum við Ármúla
sl. föstudag. Ellefu útskrifuðust úr
framhaldsnámi sjúkraliða, einn
sjúkraliði, fjórir lyfjatæknar, tveir
af nuddbraut, sjö hjúkrunar- og
móttökuritarar, einn læknaritari og
alls 77 stúdentar.
Í haust hófu 1.016 nemendur
nám í dagskóla og í fjarnám innrit-
uðust 1.098 nemendur, en 127
þeirra eru jafnframt nemendur
dagskólans. Hafa aldrei fyrr verið
fleiri nemendur skráðir til náms við
skólann.
Skv. upplýsingum skrifstofu skól-
ans eru 130 fjarnámsnemendur,
grunnskólanemendur að taka
áfanga á framhaldsskólastigi, og
hefur þessi þáttur í starfsemi skól-
ans vaxið gríðarlega. Kenndir voru
166 áfangar í dagskóla en 103 í
fjarnámi.
Alls gengu 1.016 nemendur í
dagskóla og 971 nemandi sem ein-
göngu voru í fjarnámi eða samtals
1.987 nemendur til prófs/námsmats
í lok haustannar.
Fjarnámspróf voru haldin á um
60 stöðum auk húsakynna skólans,
víða um land, úti á sjó, á mörgum
stöðum í Evrópu, og jafnvel í enn
fjarlægari löndum svo sem Eþíópíu.
Að sögn Sölva Sveinssonar, frá-
farandi skólameistara, er gert ráð
fyrir að á komandi ári verði hafist
handa við að byggja við skólann,
enda hafa umsvif hans aukist mjög
að undanförnu.
Að mati stjórnenda skólans er
mjög brýnt að stækka skóla-
húsnæðið. Öll aðstaða nemenda er
ófullkomin eða engin. Þannig vanti
m.a. mötuneyti og funda- og fé-
lagsaðstöðu við skólann í dag.
Starfsmenn Fjölbrautaskólans við
Ármúla eru 105, þar af eru 83 við
kennslu.
Morgunblaðið/Jim Smart
Rúmlega 100 útskrifuðust úr Fjölbrautaskólanum við Ármúla
Á annað þúsund skráð í fjarnám
„ÞETTA var býsna sérstakt,“ segir Sölvi Sveins-
son, skólameistari Fjölbrautaskólans við Ármúla,
um útskriftarathöfnina sl. föstudag. Sölvi var að
útskrifa nemendur frá skólanum í síðasta sinn, en
hann lætur nú af störfum við skólann þar sem
hann tekur við starfi skólastjóra Verslunarskólans
á næsta ári.
Sölvi hóf störf við Fjölbrautaskólann við Ármúla
árið 1979 sem íslenskukennari, tók við starfi að-
stoðarskólameistara 1987 og hefur frá 1997 gegnt
starfi skólameistara.
Alls hafa tíu umsóknir borist um embætti skóla-
meistara við Fjölbrautaskólann við Ármúla. Allt eru það hæfir ein-
staklingar að sögn Sölva. Skólanefnd er þessa dagana að fara yfir
umsóknirnar og gengur væntanlega frá sínu áliti til mennta-
málaráðherra í dag um hverjum hún mælir með í starfið.
Síðasta útskrift Sölva frá FÁ
Sölvi Sveinsson
BREYTINGAR á efnasamsetningu
vatns í aflögðu ostakari við borholu
frá Húsavík geta gefið vísindamönn-
um tækifæri til að spá fyrir um jarð-
skjálfta. Frá þessu hefur verið
greint í fjölmiðlum í Svíþjóð og af
Reuters-fréttastofunni. Er þar
byggt á rannsókn sænskra vísinda-
manna, sem birtist í tímaritinu Geo-
logy fyrr á þessu ári. Einn vísinda-
mannanna starfar við Norræna
eldfjallasetrið í Reykjavík, Lillemor
Claessen, doktorsnemi í jarðvísind-
um frá Stokkhólmsháskóla.
Vatnið í karinu, sem komið var
fyrir við borholuna fyrir nokkrum
árum, hefur einnig verið vinsælt hjá
heimamönnum og ferðamönnum til
böðunar, ekki síst meðal psoriasis-
sjúklinga. Sýnum úr vatninu hefur
verið safnað reglulega saman.
Í frétt Reuters er haft eftir Lille-
mor Claessen að þéttni sumra efna í
vatninu hafi snaraukist skömmu fyr-
ir jarðskjálfta sem varð á Tjörnes-
brotabeltinu, um 100 km norður af
landinu í september árið 2002.
Mældist skjálftinn 5,8 stig á Richter
og fannst á nokkrum stöðum á Norð-
urlandi. Claessen vill ekki fullyrða
um mikilvægi þessara mælinga en
þær geti þó gefið vísbendingar um að
hægt sé að spá fyrir um jarðskjálfta
með allt að viku til tíu daga fyrirvara.
Undir þetta tekur Ragnar Stef-
ánsson jarðskjálftafræðingur í sam-
tali við Morgunblaðið. Hann segir
mælingar sem þessar mikilvægar en
vísindamenn hafi verið að rannsaka
fjölmargar aðrar aðferðir til að spá
fyrir um jarðskjálfta. Þekking í þeim
efnum sé stöðugt að aukast, bæði hér
á landi og annars staðar í heimi jarð-
vísindanna. Eftir jarðskjálfta komi í
ljós ýmsar breytingar á náttúrunni
en fyrir jarðhræringar sé erfiðara að
túlka hvað slíkar breytingar geti
þýtt.
Mælingar á borholuvatni í ostakari við Húsavík
Breyting á vatninu getur
spáð fyrir um jarðskjálfta
BENEDIKT Jóhannsson, fram-
leiðslustjóri Eskju hf., heldur hér á
vænum þorski á bryggjunni á Eski-
firði. Verið var að slátra á milli 40–
50 tonnum af eldisþorski á Eski-
firði. „Við erum að slátra úr kvíum
sem við eigum hérna úti í firði,“
segir Benedikt. Hann segir þorsk-
inn sendan til Bretlands í dag. Hluti
af honum fer ferskur beint á borð
Englendinga nú um hátíðirnar.
Þannig geta þeir gætt sér á íslensk-
um jólaþorski. Morgunblaðið/Helgi Garðars
Vænn jóla-
þorskur