Morgunblaðið - 21.12.2004, Side 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 21. DESEMBER 2004 VERÐ Í LAUSASÖLU 220 KR. MEÐ VSK.
MUNUR á hæsta og lægsta verði á
jólabókum getur verið allt að 73% en
var oftast 30-40%, eða 19 sinnum.
Þetta kemur fram í verðkönnun
Morgunblaðsins á 39 bókatitlum,
sem gerð var í hádeginu í gær í 12
stórmörkuðum og bókaverslunum.
Samskonar könnun var gerð í síð-
ustu viku og sýndi hún yfirleitt 30-
50% mun á hæsta og lægsta verði.
Verðmunur var 40-50% alls níu
sinnum í könnuninni nú og fór einu
sinni yfir 50% og einu sinni yfir 70%.
Talsverð hreyfing er á bókaverði
milli daga og hefur verðmunur á ein-
staka titlum breyst milli vikna, þótt
hlutfallslegur verðmunur sé áþekk-
ur. Í sumum tilvikum minnkar verð-
munur og eykst í öðrum.
Ekki eru sömu verslanir með
hæsta verð nú og í síðustu viku og
hið sama gildir um lægsta verð. Bón-
us var 13 sinnum með lægsta verð í
könnuninni nú en 23 sinnum í verð-
könnun Morgunblaðsins í síðustu
viku. Í könnuninni nú voru Samkaup
tíu sinnum með lægsta verð, en fimm
sinnum í fyrri könnun. Griffill var
aldrei með lægsta verð í verðkönnun
Morgunblaðsins 15. desember síð-
astliðinn, en sjö sinnum nú.
Mikil hreyfing
á bókaverði
 73% verðmunur/12
„VIÐ vorum ekkert stressaðir, ekki
þannig. Okkur leið auðvitað ekki vel
en við vorum ekkert hræddir eða
neitt svoleiðis,“ sagði Sigvaldi Hólm
Grímsson, skipstjóri á dragnót-
arbátnum Sigurvin SH-119, sem
varð vélarvana skammt fyrir utan
Önglabrjótsnef nyrst á Reykjanestá
upp úr hádegi í gær. Mikil hætta
var talin á ferðum þar sem bátinn
rak í átt að brimgörðum við strönd-
ina.
Tilkynning um vélarbilunina
barst Vaktstöð siglinga, áður Til-
kynningarskyldan og Reykjavík-
urradíó, klukkan 13:55. Þyrla Land-
helgisgæslunnar og þyrlur
varnarliðsins voru kallaðar út sem
og björgunarskip Slysavarnafélags-
ins Landsbjargar í Grindavík og
Sandgerði ásamt hraðbjörg-
unarbátum. Varðskipið Týr var
nærstatt og hélt í átt að bátnum.
Sigvaldi Hólm sagði í samtali við
Morgunblaðið að utanborðskælir
hefði bilað með þeim afleiðingum að
það sauð á vélinni og hún drap á
sér. Leiðinda sjólag var þegar þetta
gerðist, um 3-4 metra ölduhæð,
vindur af suðvestri og haugabrim
við ströndina. Sigvaldi vogaði sér
ekki annað en að hringja strax eftir
aðstoð enda fjórir menn um borð.
Bátinn rak í átt til lands og þegar
vélstjóranum tókst að gera við vél-
ina voru um 0,6 sjómílur eða 1,1 km
eftir í grynningar úti fyrir strönd-
inni. Miðað við rekhraðann voru því
um 40 mínútur þar til bátsverjar
hefðu komist í verulegar ógöngur.
Sigvaldi Hólm sagði að þeir hefðu
þó haft ýmislegt uppi í erminni, þeir
hefðu t.d. getað sett út netadræsur
eða akkeri og auk þess átt þann
möguleika að ræsa vélina og keyra
hana þar til hún bræddi úr sér. En
málin hefðu líka getað þróast á
versta veg og því ekki annað að
gera en að kalla á aðstoð. Þegar
bátsvélin fór í gang um klukkan
14:30 afturkallaði Sigvaldi Hólm
hjálparbeiðnina og sigldi bátnum
síðan til hafnar í Grindavík. Þegar
beiðnin var afturkölluð hafði þyrla
Landhelgisgæslunnar verið á lofti í
um 11 mínútur og átti eftir fjórar
mínútur að bátnum. Samkvæmt
upplýsingum frá Landhelgisgæsl-
unni vildi svo vel til að það var að
falla út þegar vélin bilaði og því
urðu straumar til þess að bátinn rak
ekki hraðar upp að landi.
Mikill viðbúnaður þegar bátur varð vélarvana við Reykjanestá
„Okkur leið auðvitað ekki vel“
Morgunblaðið/Garðar Páll Vignisson
Sigvaldi Hólm Grímsson skipstjóri segir að ekki hafi annað verið hægt en
að kalla á aðstoð, enda fjórir menn um borð í bátnum.
NÚ ER svartasta skammdegið og varla að það birti svo nokkru nemi nema rétt yfir hábjartan daginn. En nú fer sólin að hækka á lofti á nýjan
leik því í dag eru vetrarsólstöður og stystur dagur og hér eftir lengist birtutíminn með hverjum deginum sem líður.
Morgunblaðið/RAX
Vetrarsólstöður
HEIMSMARKAÐSVERÐ á áli
hefur að meðaltali ekki verið
hærra í níu ár, eða frá árinu
1995. Meðaltalsverð er um
1.700 dollarar fyrir tonnið og
hefur hátt verð haldist nokkurn
veginn allt árið. Eftirspurn eft-
ir áli hefur aukist hraðar en á
síðustu 20 árum og í fyrsta
skipti í fjögur ár hefur eftir-
spurnin verið meiri en fram-
boðið. Frá þessu er greint í
Ísal-tíðindum, sem Alcan í
Straumsvík gefur út.
Samkvæmt þessu hafa birgð-
ir af áli minnkað verulega á
árinu, eða um 800 þúsund tonn,
sem er mesta minnkun í níu ár.
Að sögn Hrannars Péturssonar,
upplýsingafulltrúa Alcan, hefur
eftirspurnin verið mest í Kína
og stefnir allt í að Kínverjar
fari fram úr Bandaríkjamönn-
um á næsta ári og verði þannig
mestu álnotendur í heimi.
Spáð 4% aukningu
eftirspurnar á næsta ári
,,Sérfræðingar á markaði
telja að spurn eftir áli muni
aukast um að minnsta kosti
fjögur prósent á næsta ári, sem
er meira en áætluð framleiðslu-
aukning, þannig að búast má
við að álbirgðir muni áfram
minnka á næsta ári og álverð
haldast hátt,“ segir Hrannar.
Hann bendir á að þótt aukin
eftirspurn hafi drifið verðþróun
undanfarinna mánaða hafi veik-
ari dollari einnig haft áhrif.
Dollarinn hafi veikst verulega
gagnvart flestum gjaldmiðlum,
þ.m.t. íslensku krónunni, og því
sé afkoma álfyrirtækja víða um
heim ekki eins góð og vænta
mætti.
,,Einnig er vert að hafa í
huga, að stærstu kostnaðarlið-
irnir í rekstrinum tengjast ál-
verðinu og því eykst kostnaður-
inn þegar tekjurnar hækka. Að
öllu samanlögðu er þó hátt verð
betra en lágt og ef dollarinn
réttir úr kútnum geta álfram-
leiðendur horft bjartsýnir til
næsta árs,“ segir Hrannar.
Álverðið hefur ekki
verið hærra í níu ár
UM ÁRAMÓTIN er von á tveimur bandarísk-
um leikstjórum hingað til lands og íhuga báð-
ir að taka myndir sínar upp hér. Ísleifur Þór-
hallsson hjá fyrirtækinu Event segir að annar
þeirra sé Eli Roth, sem gerði kvikmyndina
Cabin Fever en hugmyndina að henni fékk
hann þegar hann dvaldist á Íslandi fyrir 15
árum. Roth er búinn að skrifa handrit að
hryllingsmynd með íslenskri sögupersónu og
íslenskri tengingu og er að leita hér að leik-
ara sem hugsanlega gæti farið með hlut-
verkið. Hinn heitir Dean Paras og er upp-
rennandi leikstjóri í Bandaríkjunum. Hann er
einn nánasti vinur leikstjórans Quentins Tar-
antinos og undir hans verndarvæng. Paras
hefur gert eina kvikmynd og mörg tónlistar-
myndbönd með frægum stjörnum og segir Ís-
leifur Paras hafa mikinn áhuga á að taka
myndina í Reykjavík. Paras og Tarantino séu
menn sem séu komnir í þá stöðu að þeir þurfi
ekki að bíða lengi þegar þeir séu búnir að
ákveða sig. „Þetta gæti því gerst mjög hratt
ef honum [Paras] líkar allt hér,“ segir Ísleifur
en hann kynntist Paras fyrir tilstilli Eli Roth.
„Nú er allur þessi hópur að koma hingað um
áramótin til þess að skoða aðstæður, hitta
fólk og ræða málin.“
Skoða töku-
staði og ís-
lenska leikara
SAMKVÆMT mati greiningardeilda bank-
anna er hætta á að Íbúðalánasjóður geti lent í
vanda en eins og fram kom í Morgunblaðinu
síðastliðinn sunnudag getur stefnt í þrot sjóðs-
ins ef uppgreiðslur lána halda áfram í jafn-
miklum mæli og hingað til. Í Morgunblaðinu í
gær var það haft eftir sviðsstjóra hjá Íbúða-
lánasjóði að sjóðurinn þoli uppgreiðslur allt að
300 milljörðum króna og að mati Guðbjargar
Guðmundsdóttur, sérfræðings hjá Greiningu
Íslandsbanka, stafar sjóðnum enn ekki hætta
af uppgreiðslum en hún telur að sú staða geti
komið upp á síðari hluta næsta árs.
Árni Magnússon félagsmálaráðherra sagði í
samtali við Morgunblaðið í gær að sjóðurinn
starfaði undir eftirliti Fjármálaeftirlits. „Ég
tel að það sé ekkert það ástand uppi nú sem
ógnað getur stöðu sjóðsins. Sjóðurinn þolir
margfaldar þær uppgreiðslur sem nú hafa orð-
ið án þess að hafa þurfi áhyggjur af stöðu
hans,“ sagði Árni Magnússon.
Íbúðalánasjóður
gæti lent í vanda
 Mikilvægt/16
♦♦♦