Morgunblaðið - 17.02.2005, Qupperneq 6

6 FIMMTUDAGUR 17. FEBRÚAR 2005 MORGUNBLAÐIÐ
FRÉTTIR
Hvaða áhrif hefur
sala grunnnets Símans
á fjarskiptamarkaði?
Allir velkomnir
Opinn fundur á vegum Varðar,
fulltrúaráðs sjálfstæðisfélaganna
í Reykjavík
fimmtudaginn 17. febrúar kl. 17.15 í Valhöll,
Háaleitisbraut 1
Frummælendur:
Orri Hauksson,
framkvæmdastjóri þróunarsviðs Símans,
Eiríkur Jóhannsson, forstjóri OgVodafone,
Hrafnkell V. Gíslason,
forstjóri Póst- og fjarskiptastofnunar.
Fundarstjóri:
Arnbjörg Sveinsdóttir, alþingismaður,
í samgöngunefnd Alþingis.
JÓN Böðvarsson, flugvallarstjóri á
Keflavíkurflugvelli, deilir ekki
áhyggjum með flugumferðarstjóra á
samdrætti í flugvallarþjónustudeild
slökkviliðsins á Keflavíkurflugvelli
og segir að það muni ekki hafa áhrif
á þjónustustig á flugvellinum þó að
stjórnunin á hreinsun flugbrauta
verði færð frá slökkviliðinu á Kefla-
víkurflugvelli til vélamiðstöðvar
hersins.
Í yfirfyrirsögn við frétt sem birt-
ist um málið í Morgunblaðinu í gær
kom fram, fyrir mistök, að til stæði
að Bandaríkjaher tæki við stjórn á
hreinsun flugbrauta á Keflavíkur-
flugvelli. Hið rétta er að stjórnin
verður tekin úr hendi slökkviliðsins
og færð yfir til vélamiðstöðvar varn-
arliðsins. Bæði vélamiðstöðin og
slökkviliðið eru deildir innan varn-
arliðisins en slökkviliðið er á hinn
bóginn eingöngu skipað íslenskum
starfsmönnum. Beðist er velvirðing-
ar á þessu.
Í fyrrnefndri frétt var greint frá
því að öryggisnefnd Flugumferðar-
stjóra hefði lýst áhyggjum sínum af
uppsögnum í flugvallarþjónustu-
deild. Þá sagði Kjartan Halldórsson
flugumferðarstjóri að þjónustan
myndi enn versna ef stjórnunin á
hreinsun flugbrauta yrði færð yfir
til vélamiðstöðvarinnnar. Þar væri
engin sérþekking til staðar.
Spurður um áhyggjur flugum-
ferðarstjóra sagðist Jón Böðvarsson
flugvallarstjóri ekki svara fyrir
þetta mál þar sem varnarliðið væri
ábyrgt fyrir því. Þá væri eingöngu
verið að færa stjórnun á hreinsun-
inni milli deilda. „Það er ekki okkar
að ráðskast með innri stjórnunar-
málefni í þessum deildum hjá hern-
um,“ sagði hann. Nánar spurður um
áhyggjur flugumferðarstjóra sagð-
ist hann þurfa að finna betur út úr
því hvað lægi að baki, það yrði að
vera annað en huglægt mat flug-
umferðarstjóra. „Það er ekki verið
að tala um neina breytingu af hálfu
varnarliðsins aðra en að færa þessa
stjórnun. Þetta er skipulagsbreyt-
ing sem er innanbúðar hjá þeim sem
samsvarar rekstri á samsvarandi
þjónustu á svipuðum flugvöllum
annars staðar í heiminum,“ sagði
Jón og kvaðst ekki deila áhyggjum
með flugumferðarstjóra.
Aðspurður hvort fundað yrði með
flugumferðarstjórum vegna málsins
sagði hann að innanhússrekstur og
hvernig einstök mál væru rekin á
flugvellinum yrði ekki tíundað í fjöl-
miðlum. „Ég geng frá því innan-
húss,“ sagði hann.
Aðspurður hvort flugvallaryfir-
völd hefðu verið með í ráðum þegar
varnarliðið ákvað skipulagsbreyt-
ingarnar sagði hann: „Þetta er ekki
spurning um að hafa verið með í
ráðum. Þetta er skipulagsaðgerð
sem þeir gera og það hefur ekki
áhrif á það þjónustustig sem þeir
eiga að halda uppi. Þá er það þar
með afgreitt,“ sagði hann.
Flugmálastjórn á Keflavíkurflug-
velli heyrir undir utanríkisráðuneyt-
ið. Davíð Oddsson utanríkisráðherra
vildi ekki tjá sig um málið þegar eft-
ir því var leitað í gær.
Flugvallarstjórinn á Keflavíkurflugvelli deilir ekki
áhyggjum af flugöryggi með flugumferðarstjórum
Eingöngu verið að færa
stjórnun milli deilda
„Ekki okkar að
ráðskast með innri
stjórnunarmálefni
í þessum deildum
hjá hernum“
HARÐUR árekstur varð á gatna-
mótum Hafnarfjarðarvegar og
Álftanesvegar í gærmorgun. Þar
voru umferðarljósin biluð og blikk-
uðu gulu ljósin.
Að sögn lögreglunnar í Hafn-
arfirði var bíl ekið yfir gatnamótin
frá Fjarðarhrauni í átt að Álftanesi
og í veg fyrir bíl sem ók suður
Hafnarfjarðarveginn. Við árekst-
urinn kastaðist annar bíllinn á öku-
vita og síðan kyrrstæðan bíl.
Árekstur á
biluðum ljósum
KONA sem ók bíl sem lenti út af
Flugvallarvegi í Keflavík í gær þyk-
ir hafa sloppið vel. Hún missti
stjórn á bíl sínum í hálku. Henni
tókst með naumindum að sveigja
frá ljósastaur en þegar hún rykkti
bílnum frá staurnum missti hún
hann út af veginum hinum megin
og þar steyptist hann ofan í gjótu.
Steyptist ofan
í gjótu
UMHVERFISRÁÐUNEYTIÐ stóð
fyrir hádegisverðarfundi í gær í til-
efni þess að Kyoto-bókunin tók form-
lega gildi. Sigríður Anna Þórðardóttir
umhverfisráðherra sagði þetta mik-
inn merkisdag í alþjóðsamvinnu á
sviði umhverfismála. Hún sagði mik-
ilvægt að Íslendingar töluðu fyrir
aukinni notkun endurnýjanlegrar
orku og benti hún á að allt útlit væri
fyrir að Ísland gæti staðið við skuld-
bindingar sínar án þess að nýta við-
bótarákvæðið. Hún sagði þó að setja
þyrfti markið hærra og leita allra
leiða til að draga úr losun gróðurhúsa-
lofttegunda.
Að mati Ragnars Árnasonar, pró-
fessors við Háskóla Íslands, er Kyoto-
samkomulagið fyrst og fremst mik-
ilvægt sökum þess að það sýni fram á
að þjóðir heims geti tekið höndum
saman um að leysa sameiginlega að-
kallandi stórverkefni. Hann benti
hins vegar á að nokkur óvissa væri
um þróun samningsins, enda væri lík-
legt að ýmsar þjóðir gætu einfaldlega
ekki staðið við skuldbindingar sínar,
auk þess sem allt útlit væri fyrir að
þróunarlönd mundu auka losun sína á
næstu árum. Hann benti á að útrým-
ing fátæktar í heiminum yrði ekki án
aukningar gróðurhúsalofttegunda
nema til kæmi ný tækni, en að slík
tækni væri einfaldlega ekki fyrir
hendi í dag. Í framsögu Ragnars kom
fram að hann teldi skynsamlegt að Ís-
lendingar tækju upp samskonar
kvótakerfi með losunarkvóta líkt og
ESB hefur þegar tekið upp. Sagði
hann slíka kvóta myndu styrkja fyr-
irtækin og leiða til hagnaðar á Íslandi
upp á 2–3 milljónir evra árlega. Væri
ekki tekið upp slíkt kvótakerfi þyrfti
að taka upp græna skatta.
Tryggvi Felixson, framkvæmda-
stjóri Landverndar, sagðist líta á
Kyoto-bókunina sem fyrsta áfangann
á langri vegferð, en ljóst væri að
draga þyrfti úr losun gróðurhúsaloft-
tegunda um 50% á næstu hálfri öld til
þess að það skilaði einhverjum raun-
verulegum árangri. Hann sagði
Landvernd því eðlilega ekki aðeins
horfa til samningstíma Kyoto-bókun-
arinnar heldur miklu lengra til fram-
tíðar. Hann kallaði eftir því að stjórn-
völd horfðu einnig til framtíðar og
nefndi lækkun vörugjalda á palljepp-
um sem mistök í stjórnsýslunni.
Í framsögu Óttars Freys Gísla-
sonar, sérfræðings í umhverfisráðu-
neytinu, kom m.a. fram að á Íslandi
hefði meðaltalslosun á hvern íbúa árið
2000 verið 13 tonn meðan meðaltal
þeirra landa sem skuldbundið hefðu
sig Kyoto-bókuninni, var 14 tonn.
Væri aðeins horft til losunar koltví-
sýrings væru tölurnar 10 tonn hjá síð-
astnefnda hópnum, 11 tonn hjá
OECD-ríkjum og 9 tonn á Íslendinga,
en til samanburðar má nefna að talan
er 4 tonn á hvern íbúa í heiminum.
Skortir langtímaáætlun
Þórunn Sveinbjarnardóttir alþing-
ismaður kallaði í pallborðsumræðun-
um eftir framkvæmdaáætlun frá rík-
isstjórninni en hún benti á að ekki
lægi fyrir hvernig Íslendingar ætluðu
að minnka útstreymi gróðurhúsaloft-
tegunda af mannavöldum. Sagði hún
nauðsynlegt að gera sér strax grein
fyrir að það væri líf eftir 2012, sem
markaði lok skuldbindingartíma
Kyoto-bókunarinnar, og sagði hún
mikilvægt að huga nú þegar að öðru
bókunartímabili samningsins. „Við
erum að gleyma okkur á lúxus-
snekkjunni og virðumst ekkert huga
að því að við fáum kannski ekki far
með sama báti árið 2012.“
Árni Finnsson, framkvæmdastjóri
Náttúruverndarsamtaka Íslands, tel-
ur að umhverfisráðuneytið þurfi að
setja af stað loftslagsverkefni á borð
við verkefni Landverndar. Hann lagði
áherslu á að Kyoto-bókunin væri
grunnur að áframhaldandi viðræðum
og framkvæmd og sagði miklu skipta
að Ísland setti sér langtímaáætlun og
setti m.a. fram nákvæmar prósentu-
tölur ásamt upplýsingum um hvernig
ætti að ná fram markmiðum og innan
hvaða tímaramma.
Merkileg alþjóðasamvinna
Morgunblaðið/Brynjar Gauti
Góð mæting var á hádegisfundi í tilefni af gildistöku Kyoto-bókunarinnar.
Sigríður Anna Þórðardóttir umhverfisráðherra sagði m.a. mikilvægt að Ís-
lendingar töluðu fyrir aukinni notkun endurnýjanlegrar orku.
SIGSTEINN Pálsson, bóndi á Blika-
stöðum í Mosfellsbæ, hélt í gær upp
á 100 ára afmæli sitt. Veislan fór
fram í Hlégarði og voru margir sem
sóttu afmælisbarnið heim og fögn-
uðu með honum þessum tímamót-
um. Sigsteinn var áður hreppstjóri í
tvo áratugi og er nú elsti starfandi
félagi í Lionsfélagi í veröldinni. Sig-
steinn stofnaði Blikastaðasjóðinn til
minningar um konu sína, Helgu
Jónínu Magnúsdóttur, sem styður
nemendur sem útskrifast frá Land-
búnaðarháskólanum á Hvanneyri.
Á myndinni er Sigsteinn með
börnum sínum Magnúsi og Krist-
ínu. Morgunblaðið/Jim Smart
Aldarafmæli
Sigsteins
DÖNSK lögregluyfirvöld hafa ekki
leitað eftir aðstoð eða samvinnu ís-
lenskra lögregluyfirvalda vegna
rannsóknar á gríðarstóru hassmáli
sem 37 ára Íslendingur er viðrið-
inn. Hann var tekinn á landamær-
um Þýskalands og Danmerkur í lok
síðustu viku með 35 kg af hassi sem
grunur leikur á að hafi átt að
smygla með skipi til Íslands.
Að sögn Ásgeirs Karlssonar, að-
stoðaryfirlögregluþjóns í Reykja-
vík, mun íslenska lögreglan ekki
koma að rannsókn málsins nema
ósk um það komi að utan.
Dæmi eru um að íslenska lög-
reglan hafi unnið með erlendum
lögregluliðum við rannsókn fíkni-
efnamála og má nefna hið stóra mál
sem gekk undir heitinu Operation
Germania árið 2003. Rannsókn þess
leiddi til þungra fangelsisdóma yfir
íslenskum og þýskum sakborn-
ingum. Ásgeir minnir á að í því máli
hafi samstarf íslensku og þýsku
lögreglunnar staðið lengi áður en
fyrstu handtökurnar fóru fram en í
því máli sem hér um ræði hafi
smyglari lent í flasinu á dönsku lög-
reglunni.
Íslensk lögregla
ekki aðili
rannsóknar