Morgunblaðið - 24.03.2005, Síða 60

60 FIMMTUDAGUR 24. MARS 2005 MORGUNBLAÐIÐ
Þessa dagana standa yfir í Prag í Tékk-landi tökur á Hollywood-hrollvekj-unni Hostel. Um er að ræða aðrakvikmynd í fullri lengd eftir einhvern
umtalaðasta unga leikstjóra í Hollywood um
þessar mundir, Eli Roth, sem sló í gegn með
fyrstu mynd sinni Cabin Fever og er nú orðinn
ektavinur Quentins Tarantinos. Þessarar
næstu myndar Roths er því beðið með mikilli
eftirvæntingu enda búist við miklu af honum í
framtíðinni. Cabin Fever vakti sérstaka at-
hygli hér á landi fyrir þær sakir að Roth fékk
hugmyndina að myndinni á Íslandi, er hann
dvaldist hér í skamma hríð 19 ára gamall
ásamt foreldrum sínum en faðir hans er geð-
læknir og var gestakennari við Háskóla Ís-
lands. Ísland er Roth ennþá hugleikið því í
nýju myndinni er ein burðarpersónan galsa-
fullur og skemmtilegur íslenskur bakpoka-
ferðalangur, leikinn af Íslendingi. Sá heitir
Eyþór Guðjónsson, er með öllu ólærður og
óreyndur á leiklistarsviðinu, en er athafna-
maður í eðli sínu og stendur m.a. á vakvið und-
irbúning að teiknimyndaframleiðslu sem nú er
í vinnslu og byggist á Grettissögu.
Hlutverkið skrifað með Eyþór í huga
Fregnir fóru að berast af því fyrir nokkrum
mánuðum að Roth væri að leita sér að íslensk-
um leikara til að fara með stórt hlutverk í
næstu mynd sinni. Komu upp nöfn nokkurra
þekktra leikara og fjölmiðlastjarna en á end-
anum valdi Roth Eyþór. En hvernig kom það
eiginlega til? „Fyrir um það bil einu og hálfu
ári kom Eli Roth til Íslands til að vera við-
staddur frumsýningu myndar sinnar Cabin
Fever. Ísleifur [Þórhallsson – einn eigandi
Event og kvikmyndadreifingarfyrirtækisins
Græna ljóssins] félagi minn keypti svo mynd-
ina til Íslands í samvinnu við Friðrik Þór
[Friðriksson] og fékk Eli til þess að koma og
vera viðstaddur frumsýningu myndarinnar. Í
þeirri heimsókn myndaðist góður kunn-
ingsskapur á milli okkar Eli. Eitthvað líkaði
honum við í fari mínu því hann sagðist ein-
hvern tímann ætla að nota mig í einhverja af
bíómyndunum sínum. Sem gerðist svo miklu
fyrr en ég átti von á. Hann kom svo hingað til
lands aftur núna um síðustu áramót og sagðist
vera búinn að skrifa hlutverk fyrir mig. – Ég
sagði honum að ég hefði aldrei ætlað að verða
leikari og hefði eiginlega ekki tíma í þetta. Eli
er ótrúlegur sölumaður og hélt langa söluræðu
um það af hverju ég ætti að taka að mér hlut-
verkið – og ég gat ekkert sagt heldur hló bara
því hann gerði mig í raun kjaftstopp. Þegar
hann kom til landsins spurðist svo út að hann
væri að leita sér að íslenskum leikara í næstu
mynd sína og margir leikarar vildu fara og
fóru í prufu hjá honum. Við náðum svo að tala
nokkuð rækilega um þetta síðasta daginn sem
hann var hér á landi – og hann sagði að hann
vildi hafa hina leikarana í bakhöndinni ef ég
gæti þetta engan veginn. Ég tók þessu samt
hæfilega alvarlega.“
En svo varð úr á endanum að Eyþór þáði
hlutverkið og er þessa dagana úti í Prag þar
sem myndin er tekin, en sökum anna á öðrum
vígstöðvum fékk hann leyfi til að fljúga heim á
milli tökudaga ef með þyrfti en gert er ráð fyr-
ir að tökur standi yfir í sjö vikur.
Miklar væntingar í Hollywood
Eyþór segir Hostel vera í anda nýrrar teg-
undar kvikmynda sem hann segir vera að
ryðja sér til rúms: „Hún býður upp á gleði,
húmor, spennu, nekt og hrylling allt í sömu
myndinni. Þessar tegundir mynda hafa verið
vinsælar undanfarið ár í Hollywood og gangur
Eli upp metorðastigann í Hollywood síðastliðið
ár er lyginni líkastur miðað við það hversu
stutt er síðan hann gerði sína fyrstu alvöru
mynd. Hún [Cabin Fever] þénaði yfir 100
milljónir dollara í tekjur, ef heildartekjur
myndarinnar eru teknar saman, og hefur Eli
verið lofaður í hástert fyrir hæfileika sína af
ekki minni mönnum en David Lynch, Peter
Jackson og Quentin Tarantino.“
Hostel byggist lauslega á sannsögulegum
atburðum og fjallar um tvo Bandaríkjamenn
og Íslending á bakpokaferðalagi um Evrópu
og ferðin tekur aðrar stefnur en áætlað var.
Kvikmyndir | Eyþór Guðjónsson fer með eitt af aðalhlutverkunum í næstu kvikmynd að talið er eins
efnilegasta leikstjóra í Hollywood, Elis Roths, sem síðast gerði myndina Cabin Fever
Íslenskt Hollywood-ævintýri verður til
Eli Roth leikstjóri ásamt aðalleikurunum sínum, bandarísku leikurunum Jay Hernandez, Derick Richardson og íslenska athafnamanninum Ey-
þóri. Takið eftir íslenska fánanum í íslensku 66° norður-úlpunni hans sem hann klæðist í myndinni.