Fréttablaðið - 18.08.2004, Blaðsíða 4

4 18. ágúst 2004 MIÐVIKUDAGUR
Indverjum fjölgar mest samkvæmt nýrri mannfjöldaspá:
Kínverjar verða ekki fjölmennastir
BANDARÍKIN, AP Kínverjar verða
ekki lengur fjölmennasta þjóð
veraldar þegar öldin er hálfnuð ef
ný spá um fólksfjöldaþróun geng-
ur eftir. Samkvæmt henni fjölgar
Kínverjum um hundrað milljónir
á tímabilinu og verða 1,4 milljarð-
ar árið 2050. Indverjum fjölgar
hins vegar mun meira eða um
hálfan milljarð og telja 1,6 millj-
arða um miðja öldina samkvæmt
spánni.
Íbúum Nígeríu mun fjölga
hvað mest hlutfallslega. Talið er
að þeim fjölgi úr hundrað milljón-
um í 300 milljónir á tímabilinu.
Samkvæmt því yrði Nígería
fjórða fjölmennasta vanþróaða
ríkið, með litlu færri íbúa en
Indónesía, sem verður áfram í
þriðja sæti.
Almennt mun íbúum ríkari
landa heims fækka á næstu ára-
tugum samkvæmt spánni. Það er
þó ekki algilt. Japönum mun
fækka um fimmtung fram til 2050
en Bandaríkjamönnum mun fjölga
um rúm fjörutíu prósent á sama
tíma og telja rúmar 400 milljónir
samkvæmt spánni.
Spáin var gerð af bandarísku
samtökunum Population Reference
Bureau. Tekið er fram að íbúum
þróunarríkja kunni að fjölga enn
frekar ef lækning finnst við alnæmi
og ungbarnadauði minnkar. ■
Flóðið ruddi öllu á
undan sér í Boscastle
Bílar, tré og jafnvel hús urðu að láta undan þegar mikið og óvænt flóð skall á enska bænum
Boscastle. Fimmtán manns er saknað og fjölda manns þurfti að flytja brott með þyrlum.
BRETLAND Gríðarleg rigning hleyp-
ti af stað flóðum sem settu allt á
annan endann þegar þau ruddust
um götur enska bæjarins
Boscastle í Cornwall. Fimmtán
manns var saknað í gær og hafði
ekkert heyrst til þess. Lögregla
hélt þó í vonina um að fólkið hefði
farið í ferðalag án þess að láta
nokkurn vita.
„Ég hef aldrei séð neitt þessu
líkt,“ sagði ferðalangurinn Wayne
Grundy við fréttastofu Sky.
„Regnið helltist niður og breytti
götunum í fljót. Bílarnir byrjuðu
að fljóta niður aðalgötuna og það-
an út á haf. Ég sá meira að segja
flutningabíl og tvo bíla skolast
yfir brú,“ bætti hann við.
Fjölda fólks þurfti að flytja á
brott með þyrlum. Fólk hafðist við
á ólíkustu stöðum. Sumum var
bjargað úr bílum, öðrum af þök-
um húsa sinna og enn öðrum úr
trjám. Nokkrir voru fluttir á
sjúkrahús, sumir þjáðust af of-
kælingu en einhverjir urðu fyrir
beinbrotum.
Talið er að flóðaldan sem skall
á bænum hafi náð a.m.k. eins
metra hæð og meira en 60 kíló-
metra hraða. Það dugði til þess að
flóðið hreif með sér bíla og tré og
skemmdi fjölda húsa, sum svo
mikið að í þeim verður vart búið
aftur. Margir íbúar voru fluttir á
brott og fá ekki að snúa aftur fyrr
en í fyrsta lagi í dag þegar athug-
að hefur verið hvort húsin í bæn-
um séu íbúðarhæf.
Óhætt er að segja að rignt hafi
eins og hellt væri úr fötu. Rign-
ingin mældist 60 millimetrar á að-
eins tveimur klukkutímum.
Samkvæmt fréttastofu sjón-
varpsstöðvarinnar Sky er talið að
flóðið hafi borið 50 bíla út í sjó.
Þess utan skemmdust og eyðilögð-
ust fjölmargir bílar þegar flóðið
hrifsaði þá með sér. Sums staðar
mátti sjá hvern bílinn ofan á öðr-
um þar sem flóðið hafði skilið við
þá.
Fjölmennt björgunarlið mætti
á vettvang til að hjálpa heima-
mönnum. Þar var meðal annars að
finna líkfundarsveit. „Við vonum
að við þurfum ekki að nota hana,“
sagði lögregluforinginn Baxter
Provan.
„Þetta var hræðilegt nótt,“
sagði hóteleigandinn Ruth Watson
við fréttamenn BBC. Hún býr í
efri hluta bæjarins og hafði mikl-
ar áhyggjur af þeim hluta hans
sem neðar liggur. „Þetta hlýtur að
hafa verið hræðilegt þar. Hnull-
ungar ultu niður götuna, tré og
bókstaflega hvað sem var. Helm-
ingurinn af görðum fólks var fast-
ur í skorningum,“ sagði hún. ■
Smábátaútgerðir:
Fjórtán
áfram með
sóknardaga
SJÁVARÚTVEGUR Fjórtán smábátar
verða áfram í sóknardagakerfinu
á næsta fiskveiðiári, samkvæmt
tölum frá Fiskistofu. Gafst út-
gerðum smábáta tækifæri til að
skipta úr því kerfi fyrr í vor og
raunin er sú að langflestir kusu
þann kostinn að fara yfir í afla-
markskerfi í stað sóknardaga.
Hafa þessir fjórtán aðilar því sem
fyrr 18 daga á næsta fiskveiðiári
til veiða en hlutdeild sóknardaga-
báta í heildaraflamarki verður
tæp fimm prósent. ■
Eiga stjórnvöld að fara með Sval-
barðadeiluna fyrir alþjóðlega
dómstóla?
Spurning dagsins í dag:
Á að lækka skatta á áfengi?
Niðurstöður gærdagsins
á visir.is
29,7%
70,3%
Nei
Já
KJÖRKASSINN
Farðu inn á visir.is og segðu þína skoðun
visir.is
Neyslan vex:
Stóraukin
áfengissala
VIÐSKIPTI Sala á áfengi jókst um
sautján prósent, á föstu verðlagi,
á milli júlí 2003 og júlí 2004. Al-
mennt var sala á dagvörum tæp-
lega sjö prósentum hærri en í
fyrra.
Í fréttatilkynningu frá Samtök-
um verslunar og þjónustu segir
Brynjar Steinarsson, aðstoðar-
framkvæmdastjóri Samkaupa, að
hugsanlega hafi smásala aukist
vegna veðurblíðunnar. Hann segir
að svo virðist sem fólk leyfi sér
meiri munað og kaupi dýrari mat
þegar veðrið sé gott. ■
Átta leiddir fyrir rétt í London:
Ákærðir fyrir hryðjuverk
LONDON, AP Átta grunaðir hryðju-
verkamenn hafa verið ákærðir
fyrir samsæri um morð og önnur
hryðjuverk. Tveir þeirra voru
ákærðir fyrir að hafa undir hönd-
um njósnagögn um fjármálastofn-
anir í New York, Washington og
New Jersey í Bandaríkjunum. Ní-
undi maðurinn var handtekinn
fyrir ólöglega vopnaeign.
Breska lögreglan handtók
mennina átta fyrir tveimur vikum.
Handtökurnar fylgdu í kjölfar að-
gerða pakistönsku lögreglunnar.
John Aschroft, dómsmálaráð-
herra Bandaríkjanna, sagði að þar-
lend yfirvöld kynnu að ákæra
mennina.
Einn hinna handteknu er sagð-
ur vera meiriháttar aðgerðastjóri
al-Kaída hryðjuverkahreyfingar-
innar. Sá gengur undir nöfnunum
Abu Eisa al-Hindi og Abu Musa al-
Hindi. Hann er grunaður um að
tengjast eftirliti með bandarísk-
um fjármálastofnunum vegna
hugsanlegra árása.
Mennirnir eru ákærðir fyrir að
hafa ætlað að nota efnavopn og
sprengjur til árása á fólk. ■
SCHRÖDER-HJÓNIN
Ættleiddu þriggja ára rússneska stúlku.
Kanslarahjón:
Schröder
ættleiðir
ÞÝSKALAND, AP Gerhard Schröder
Þýskalandskanslari og eiginkona
hans Doris hafa ættleitt þriggja
ára gamla rússneska stúlku, að
sögn þýskra dagblaða.
Bild og Süddeutsche Zeitung
greindu frá því í gær að ættleið-
ingin hefði átt sér stað fyrir
nokkrum vikum. Stúlkan heitir
Viktoría og býr á heimili þeirra
hjóna í Hannover. Fyrir eiga þau
hjón þrettán ára dóttur.
Starfsmenn kanslarans neituðu
að staðfesta fregnina og vísuðu til
réttar hans til einkalífs. ■
LÖGREGLUMENN Á VERÐI
Frestur til að kæra meintu hryðjuverkamennina rann út í gær.
Í INDVERSKUM SKÓLA
Indverjum fjölgar um hálfan milljarð á
tæpri hálfri öld ef ný spá um fólksfjölda-
þróun gengur eftir.
BJARGAÐ Í ÞYRLU
Mörgum þurfti að bjarga loftleiðina. Þyrlur
sóttu fólk á þök, í bíla og tré.
ALLT Á KAFI Í AUR
Flóðið bar með sér bíla og aur. Tugir bíla eru grafnir í aurinn.