Fréttablaðið - 18.08.2004, Blaðsíða 12

12 18. ágúst 2004 MIÐVIKUDAGUR
AFGANSKUR VÍGAMAÐUR
Þetta er liðsmaður stríðsherrans
Amanullah í Herat-héraði Afganistans, sem
er um 600 kílómetra vestur af Kabúl.
Skærur milli stríðsherra halda áfram í
landinu þrátt fyrir nærveru NATO.
Sophia Hansen hefur ekki fengið að sjá barnabarn sitt:
Móðurástin slokknar aldrei
FORRÆÐISMÁL „Eins og Íslendingar
vita þá slokknar móðurástin
aldrei. Hún er sterkasta aflið sem
konan hefur,“ sagði Sigurður Pét-
ur Harðarson, talsmaður Sophiu
Hansen, spurður um hvort hún
hefði gert tilraunir til að sjá dótt-
urson sinn meðan hún dvaldi í
Istanbúl fyrr í sumar.
Sophia hafði dvalið mánuðum
saman í Istanbúl fyrr á árinu. Þar
frétti hún að önnur dóttir hennar,
Rúna, hefði eignast son. Áður
hafði hún fengið að vita í beinni
útsendingu í tyrkneska sjónvarp-
inu að Rúna væri gift. Sophia
hafði enga möguleika á að sjá svo
mikið sem mynd af þessu fyrsta
barnabarni sínu, meðan hún dval-
di í Istanbúl nú síðast, hvað þá að
sjá það augliti til auglitis.
Sigurður Pétur kvaðst ekki
vilja tjá sig frekar um þetta mál,
enda væri í sjálfu sér ekkert um
það að segja. Hann benti á að
samkvæmt lögum væri deilu um
forræði og umgengnisrétt við
þær Rúnu og Dagbjörtu lokið,
þar sem þær væru báðar orðnar
átján ára.
Samkvæmt upplýsingum
blaðsins hefur Sopia verið afar
heilsuveil eftir að hún kom frá
Istanbúl. Í fyrstu var hún hrjáð
af illskeyttri lungnabólgu. Til
viðbótar er hún með slæmt
brjósklos í baki og hefur hún far-
ið í fjórar brjósklosaðgerðir. ■
Hægir verulega
á útgjaldaaukningu
Rekstrarkostnaður embættis Ríkislögreglustjóra var rúmar 710 milljónir í fyrra og jókst um
19 milljónir frá árinu áður. Verulega dró úr útgjaldaaukningu embættisins eftir samfellda
útþenslu frá árinu 1998. Laun og húsnæði stærstu útgjaldaliðir embættisins.
ÁRSSKÝRSLA Kostnaður vegna emb-
ættis Ríkislögreglustjóra jókst um
19 milljónir á síðasta ári en frá ár-
inu 1998 hefur kostnaður vegna
embættisins rúmlega þrefaldast.
Þrátt fyrir aukin heildarútgjöld
gætti verulegs aðhalds í fyrra mið-
að við árið áður og flestir kostnað-
arliðir lækkuðu eftir samfellda út-
þenslu frá árinu 1998.
Guðmundur Guðjónsson, yfir-
lögregluþjónn hjá embætti Ríkis-
lögreglustjóra, segir að útgjalda-
aukningin frá 1998 eigi sér eðlileg-
ar skýringar. „Embættinu hafa
verið falin mjög stór verkefni á
síðustu árum og undir það hefur
verið felld margvísleg þjónusta við
lögregluna í landinu og fleiri. Það
er því ekki um beinan kostnaðar-
auka fyrir ríkissjóð að ræða hvað
þessi verkefni varðar. Hér er fyrst
og fremst um hagkvæmnis- og
samræmingarsjónarmið að ræða.
Einnig má nefna kostnað vegna
verkefna sem stafa af alþjóðlegum
skuldbindingum.“
Að sögn Guðmundar Stefáns-
sonar, skrifstofustjóra hjá embætti
Ríkislögreglustjóra, var embættið
innan fjárheimilda í fyrra. „Endan-
leg niðurstaða liggur þó ekki fyrir
og er því byggt á bráðabirgðatölum
í skýrslunni. Fjársýsla ríkisins er
þessa dagana að ganga frá reikn-
ingnum fyrir embættið,“ sagði
Guðmundur í samtali við Frétta-
blaðið.
Útgjöld vegna húsnæðis fara
langt með að tvöfaldast milli ár-
anna 2002 og 2003. Í skýrslunni er
sagt að stærstur hluti húsnæðis-
kostnaðar sé húsaleiga en auk þess
komi til kostnaður vegna fram-
kvæmda við húsnæði Fjarskipta-
miðstöðvar lögreglunnar, sem Rík-
islögreglustjóri hefur umsjón með.
Stofnkostnaður vegna breyt-
inga á Fjarskiptamiðstöðinni
vegur þyngst en til þess að mæta
honum fékk embættið sérstaka
aukafjárveitingu upp á 23 millj-
ónir. Þá hefur leiga á húsnæði
embættisins við Skúlagötu
hækkað töluvert.
Stærsti útgjaldarliður embætt-
isins er launakostnaður og hefur
hann vaxið hröðum skrefum síðan
embættið var stofnað árið 1997.
Starfsmönnum fjölgaði um fimm
milli áranna, úr 72 í 79, en launa-
kostnaður á sama tíma fór úr rúm-
um 418 milljónum króna í rúmar
465 milljónir. Í fyrra færðust Al-
mannavarnir ríkisins til embættis
Ríkislögreglustjóra og með þeim
fjórir starfsmenn. Því til viðbótar
var fjölgað um tvo lögreglumenn í
efnahagsbrotadeild og einn lög-
lærðan fulltrúa.
borgar@frettabladid.is
Ákærur vegna skatta-
og efnahagsbrota:
Nær alltaf
sakfellt
LÖGREGLUMÁL Nær allar ákærur
ríkislögreglustjóra vegna skatta-
og efnahagsbrota enda með sak-
fellingu.
Síðastliðin fimm ár hefur verið
ákært í 224 sakamálum og hafa 95
prósent þeirra sem dæmt hefur
verið í endað með sakfellingu að
því er kemur í ársskýrslu emb-
ættisins. Hlutfallið er svipað á
hinum Norðurlöndunum.
Sektir fyrir skatta- og efna-
hagsbrot nema hundruðum millj-
óna króna segir ennfremur í
skýrslunni. ■
SOPHIA HANSEN
Á lítinn dótturson í Tyrklandi sem óvíst er
að hún fái nokkru sinni að sjá.
HEIÐURSVÖRÐUR LÖGREGLUNNAR Á ÞJÓÐHÁTÍÐ
Árskýrsla Ríkislögreglustjóra kom út í gær. Þar kemur meðal annars fram að 693 lögreglu-
menn voru starfandi á landinu í fyrra og hafði heimiluðum stöðugildum fjölgað um tvö
frá árinu áður. Hlutfall kvenna var 4,2 prósent meðal óbreyttra ögreglumanna en mun
lægra í stjórnunarstöðum hjá lögreglunni.
REKSTRARKOSTNAÐUR VEGNA EMBÆTTIS
RÍKISLÖGREGLUSTJÓRA FRÁ 1998 TIL 2003
Heimild: Ársskýrsla Ríkislögreglustjóra 2003
1998 1999 2000 2001 2002 2003
Ár Þús. kr.
1998 216.469
1999 344.198
2000 529.898
Ár Þús. kr.
2001 533.789
2002 691.863
2003 710.580
FR
ÉT
TA
B
LA
Ð
IÐ
/S
TE
FÁ
N
Týndur smábátur:
Fannst eftir
útkall þyrlu
LEIT Eftirgrennslan hófst að hand-
færabátnum Smára á norðanverð-
um Faxaflóa á fjórða tímanum á
mánudag en báturinn hafði dottið
út úr sjálfvirka tilkynningaskyldu-
kerfinu. Reynt hafði verið að ná
sambandi við bátinn án árangurs.
Þyrla Landhelgisgæslunnar var
kölluð út og fór hún í loftið laust
fyrir klukkan hálffimm. Skömmu
síðar barst tilkynning um að bátur-
inn væri kominn í leitirnar og sneri
þyrlan því við. ■
■ INNLENT
VILLTUST Í ÞOKU Björgunarsveitir
voru kallaðar út frá Hellu og
Hvolsvelli í leit að tveimur erlend-
um ferðamönnum sem villtust í
þoku á Fimmvörðuhálsi í gær.
Mennirnir hringdu í Neyðarlínuna
en skiluðu sér í skála og létu vita af
sér rétt fyrir klukkan átta.