Fréttablaðið - 18.08.2004, Side 15

15MIÐVIKUDAGUR 18. ágúst 2004
Drykkjukeppni:
Beit skott
af mús
ÁSTRALÍA, AP Ungur Ástrali hefur
verið sektaður um andvirði nær
40.000 króna fyrir að bíta skottið
af lifandi mús. Sjálfur man hann
ekkert eftir þessu enda tiltækið
hluti af drykkjukeppni sem efnt
var til á bar í Brisbane.
Eigendur barsins héldu kepp-
endum uppi á drykkjum í nokkra
klukkutíma áður en keppnin
hófst. Meðal keppnisatriða var að
borða bollafylli af möðkum, drek-
ka hálfan lítra af munnskoli og
annan af ansjósum auk þess að
virkja músagildru með tungunni.
Ekki fylgdi sögunni hvað var í
verðlaun. ■
FYRIRTÆKI Full ástæða er til að telja
að hérlend fyrirtæki og stofnanir
hýsi mikið magn ólöglegra kvik-
mynda- og tónlistarskráa, að sögn
Hallgríms Kristinssonar, fram-
kvæmdastjóra Samtaka mynd-
rétthafa á Íslandi.
Hallgrímur segir að reynsla
nágrannalandanna sýni að allt að
helmingur fyrirtækja hýsi ólög-
legt efni. „Okkar reynsla er sú að
yfirmenn í fyrirtækjum eru oft á
tíðum ekki meðvitaðir um þetta
vandamál,“ segir Hallgrímur.
Að sögn Hallgríms geta ólög-
legar skrár valdið töluverðum
vandkvæðum í tölvukerfum fyrir-
tækja. „Þetta er ólöglegt og því
geta fyrirtæki verið skaðabóta-
skyld komist upp um slíkt,“ segir
Hallgrímur. „Töluverðar líkur eru
á að vírusar slæðist með efni sem
tekið er af netinu auk þess sem
þessar skrár eru oft á tíðum mjög
stórar og geta því hægt verulega á
öllu tölvukerfinu.“
Hallgrímur segir þó ýmislegt
til ráða til þess að berjast gegn
þróuninni og fyrirtæki geti með
auðveldum hætti fylgst með því
hvort slíkt efni finnist á tölvu-
kerfi þeirra. Skýrar reglur hafi
mikil áhrif auk þess sem í boði sé
ýmiss konar hugbúnaður sem leiti
uppi slík forrit í tölvukerfum
fyrirtækja. ■
ÓLÖGLEG NIÐURHALNING
Full ástæða er til að ætla að íslensk fyrirtæki og stofnanir hýsi mikið magn ólöglegra kvik-
mynda og tónlistar í tölvukerfum sínum.
Fyrirtæki og stofnanir hýsa mikið magn ólöglegra skráa:
Valda tölvukerfum
miklum erfiðleikum
FR
ÉT
TA
B
LA
Ð
IÐ
/P
JE
TU
R
Þriggja ára barn:
Kafnaði á
poppkorni
NEW YORK, AP Þriggja ára drengur
lést eftir að hafa borðað poppkorn
í kvikmyndahúsi í New York í
Bandaríkjunum.
Fjölskyldan hafði öll verið að
borða poppkorn þegar móðir
drengsins tók eftir því að hann
náði ekki andanum. Foreldrarnir
þustu með drenginn út úr salnum
og reyndu að bjarga honum. „Ég
reyndi að setja puttann niður í
háls hans en fann ekkert,“ sagði
Eddie Riley, faðir drengsins.
Lögregla kom á vettvang og
reyndi að bjarga drengnum en án
árangurs. Hann var úrskurðaður
látinn á sjúkrahúsi skömmu síðar.
Fjarðabyggð:
Refum og
minkum
fjölgar
DÝRALÍF Í ár virðist mikið um ref
og mink í Fjarðabyggð, að því er
fram kemur á vef sveitarfélags-
ins. „Þrátt fyrir að vel hafi verið
staðið að veiðum undanfarin ár
virðist þessum dýrum ætíð fjölga.
Mildir vetur síðustu ára eiga ör-
ugglega mikinn þátt í því að dýrin
komist frekar á legg og að sögn
veiðimanna er mikið um að þeir
finni greni á nýjum stöðum,“ seg-
ir þar, en fram kemur að það sem
af er ári hafiÝveiðst 63 minkar, 32
refir og 48 yrðlingar. Kostnaður
við veiðarnar nemur um 1,5 millj-
ónum króna.
Lýst eftir
vitnum
Óskað er eftir vitnum að slysi sem
varð á Lyngdalsheiði sunnudaginn
8. ágúst, þegar rúta og jeppabif-
reið rákust saman. Vitni eru beðin
um að hafa samband við Olgu
Ákadóttur í síma 587 2433 eða 861
4910.
REFIR
Í Húsdýragarðinum eru refirnir ekki til
vandræða en refum og minkum hefur að
sögn fjölgað mjög á Austfjörðum.
FR
ÉT
TA
B
LA
Ð
IÐ
/G
VA