Fréttablaðið - 18.08.2004, Blaðsíða 49

17MIÐVIKUDAGUR 18. ágúst 2004
Hræðslan við ríkisrekstur
Það er kominn tími á að menn leggi af
hræðsluna við rekstur ríkisins á hinu og
þessu. Það er ekkert að því að ríkið sjái
þegnum sínum fyrir þjónustu sem kem-
ur í veg fyrir 30-70% hærra vöruverð á
Kópaskeri en í Reykjavík. Það er líka í
góðu lagi að leggja fé til byggðarlaga svo
fremi að það stuðli að sjálfbærri þróun.
Álver, vörubílar Eimskipafélagsins og her
á Miðnesheiðinni hafa hins vegar þveröf-
ug áhrif og breyta Íslandi í fábreytta stór-
iðjunýlendu.
Grímur Atlason á vg.is/postur
Besta örvhenta skyttan
Það er erfitt að vinna handboltaleik með
því að nýta einungis hálfan völlinn. Sú
var tíð að íslenska landsliðið í handbolta
var frægt fyrir að tefla fram hverri vinstri
skyttunni á fætur annarri. Alltaf átti Ísland
öfluga vinstri skyttu, sem kannski var ekki
svo teknísk, en gat bombað boltanum
inn frá tíu, ellefu metrum. Sú tíð er fyrir
bí. Í dag eigum við bestu örvhentu skyttu
í heimi en enga rétthenda. Spánverjar
lásu okkur vel og létu nær alla varnar-
menn sína hafa gætur á hægri væng ís-
lenska landsliðsins.
Þorvarður Tjörvi Ólafsson á sellan.is
Tækifæri opnast í ESB
Með inngöngu Íslands í ESB opnast
margs konar tækifæri fyrir íslenskan sjáv-
arútveg, s.s. aðgangur að veiðiréttindum
ESB ríkja hjá á þriðja tug ríkja um allan
heim, fullt tollfrelsi og aðkoma að
ákvarðanatöku um sjávarútvegsstefnuna.
Einnig felast gríðarlegir hagsmunir fyrir
íslensk sjávarútvegsfyrirtæki, sem og
önnur fyrirtæki, við upptöku á evrunni.
Umræðan um hugsanlega aðild Íslands
að Evrópusambandinu snýst þó ekki ein-
göngu um hagsmuni. Hún snýst ekki
hvað síst um það hvort við viljum vera
með í samfélagi Evrópu með fullum lýð-
ræðislegum réttindum og skyldum sem
því fylgir. Ég vil að Íslendingar taki virkan
þátt í evrópsku samfélagi á sömu for-
sendum og aðrir.
Ágúst Ólafur Ágústsson á politik.is
Hafnarfjörður hluti af heild
Hafnfirðingar eru að vonum stoltir af
bænum sínum og vilja veg hans sem
mestan. Eitt er þó nauðsynlegt að Hafn-
firðingar hafi ríkt í huga og það er að
Hafnarfjörður er hluti af stærri heild: höf-
uðborgarsvæðinu. Ljóst er að Hafnar-
fjörður má ekki – fremur en önnur sveit-
arfélög á því svæði ñ þróast algjörlega
sjálfstætt eins og þessi stærri heild sé
ekki til. Þannig væri það t.a.m. mjög
óskynsamlegt að ráðast nú í byggingu
risastórrar verslunarmiðstöðvar eins og
Smáralindarinnar, enda myndi það ör-
ugglega ekki borga sig þar eð afleiðingin
yrði mikið offramboð af verslunarrými á
höfuðborgarsvæðinu
Þórður Sveinsson á mir.is
Lítið leikfangaland
Ísland er eins og lítið leikfangaland, hef-
ur allt og gott betur. Þetta sagði erlendur
prófessor í viðskiptum sem sér gnægð
tækifæra hér á landi. Hann óskaði sér að-
eins þess að vera nokkrum árum yngri og
þá myndi hann strax hefjast handa. Hann
trúði varla eigin augum að í þessu litla
landi sem hann dvaldi í nokkrar vikur
væri ekki bara fjölskrúðugt mannlíf og
falleg náttúra, heldur byggi hér mikill
kraftur sem endurspeglaðist ekki síst í
gróskumiklu viðskipta- og menningarlífi.
Vala Pálsdóttir á tikin.is
BRÉF TIL BLAÐSINS
Hagvöxtur og veðurblíðan
Góða veðrið síðustu daga hefur að
sjálfsögðu glatt alla, er ekki svo? Jú,
allavega gleðjast sumir búðareigendur
mjög, þ.e. þeir sem selja stuttbuxur og
sólarvörn svo maður tali ekki um þá
sem selja ísinn. Eftirspurn eftir þess-
um vörum hefur örugglega aukist til
muna síðustu daga. Aðsókn að sund-
stöðum landsins hefur sjaldan verið
meiri.
Á hinn bóginn gleðjast þeir búðareig-
endur væntanlega minna sem selja
vörur eins og regnfatnað. Sömu sögu
má væntanlega segja af búðareigend-
um sem selja hluti eins og t.d. hús-
búnað ýmiss konar, því hver nennir að
kaupa slíkt í þessari veðurblíðu? Þess
má því vænta að eftirspurn eftir þess-
um vörum hafi dalað heldur í góða
veðrinu.
Frést hefur af fyrirtækjum sem hafa
lokað vegna veðurs. Starfsmenn halda
glaðir út í sólskinið og viðskiptavinir
sýna þolinmæði og koma bara aftur
síðar. Eða er einhver leið til að amast
við slíku? Jú, ef allt athafnalíf lognast
út af í einhvern tíma á meðan lands-
menn sleikja sólskinið fer þess fljótt
að gæta í landsframleiðslunni og
kemur því fram í lægri hagvexti en
ella.
En er eitthvað slæmt við minni hag-
vöxt vegna veðurs? Ef hagvöxtur
væri lítill, þá væri það væntanlega
ekki æskilegt. Það er hins vegar
spáð miklum hagvexti á þessu ári,
eða 4,25% samkvæmt spá Seðla-
bankans, og verðbólga er nálægt
efri þolmörkum verðbólgumark-
miðs, eða 3,7% við síðustu mæl-
ingu. Þetta hvort tveggja bendir til
þess að eftirspurnarspenna sé að
myndast í þjóðarbúskapnum, þ.e.
eftirspurnin er meiri en sem nemur
aukinni innlendri framleiðslu. Við
núverandi aðstæður í þjóðarbú-
skapnum er því varla slæmt ef
landsframleiðslan er undir fram-
leiðslugetu í nokkra daga. Hitinn
síðustu daga hefur því væntanlega
leitt til þess að örlítið hefur kólnað
undir þjóðarbúskapnum. ■
ÞJÓÐARBÚSKAPURINN
KATRÍN ÓLAFSDÓTTIR
HAGFRÆÐINGUR
1990 1,2
1991 0,1
1992 -3,3
1993 0,8
1994 4,0
1995 0,1
1996 5,2
1997 4,7
1998 5,5
1999 4,1
2000 5,7
2001 2,8
2002 -0,6
2003 4
2004 4,3
Ef allt athafnalíf
lognast út af í ein-
hvern tíma á meðan lands-
menn sleikja sólskinið fer
þess fljótt að gæta í lands-
framleiðslunni og kemur því
fram í lægri hagvexti en ella.
,,
Hagvöxtur