Fréttablaðið - 18.08.2004, Blaðsíða 35
7MIÐVIKUDAGUR 18. ágúst 2004
La
ug
av
eg
ur
Klappastígu
r
Litla-Ítalía
í Reykjavík
Ítalía hefur í hugum margra þá ímynd að vera staður fágunar, fagurra lista
og fallegs fólks. Ítalskur matur er rómaður um alla veröld og Ítalir eru
heimsfrægir fyrir að tolla í tísku hvað sem tautar og raular. Þó að þú komist
ekki til Ítalíu til að upplifa þessa heillandi menningu og dásamlega loftslag
er alltaf hægt að sækja Ítalíu heim á þínu eigin landi. Í hinni sívinsælu
göngugötu, Laugaveginum, er hægt að finna Ítalann í sjálfum sér, dressa
sig upp eins og Ítali og borða ekta ítalskan mat.
Sigurboginn Laugavegi 80
Ítalskt fólk ilmar nú alltaf vel og í snyrti- og
gjafavöruversluninni Sigurboganum er einmitt
hægt að fá þá angan í flöskum. Þar eru til
dæmis seld ilmvötn undir hinu heimsfræga
nafni Armani og því um að gera að skella á
sig gusu og komast í rétta ítalska fílinginn.
Íslenskir karlmenn Laugavegi 74
Eftir Sigurbogann er hægt að vinda sér í herra-
fataverslunina Íslenskir karlmenn sem selur há-
gæða ítalskan fatnað. Ítalir hafa alltaf verið þekkt-
ir fyrir að vera í tísku og yfirleitt roðnar maður og
blánar í samanburði við þá. Nú er það liðin tíð.
Ítalska barnafataverslunin Iana
Laugavegi 53b
Ítölsku börnin þurfa líka að vera
smart. Svo er um að gera að kaupa
líka ítölsk barnaföt á öll börnin í fjöl-
skyldunni sem ekki eru smart.
Bónus Laugavegi 59
Pasta, pastasósur, mozzarella-ostur og
hvaðeina. Næstum því allt matarkyns í
ítalska matarboðið fæst í Bónus. Svo
fæst líka fullt annað þar þannig að hægt
er að slá margar flugur í einu höggi.
Rossopomodoro Laugavegi 40
Veitingastaðurinn Rossopomodoro
er frekar nýr af nálinni en er samt
búinn að slá í gegn. Þarna er hægt
að fá ekta ítalskan mat á góðu
verði í ekta ítölsku andrúmslofti.
Pasta Basta Klapparstíg 38
Pasta Basta er frekar gamall í
hettunni og stendur alltaf fyrir
sínu. Þar er hægt að fá bæði
pasta og basta þótt enginn viti
hvað basta þýðir – en það er
um að gera að prófa það.
Lyfja Laugavegi 16
Í Lyfju er hægt að kóróna dressið og
kaupa sér ekta ítalskar sokkabuxur
frá Levante. Þar er líka frábært úrval
húðvara frá Ítalíu eins og Aqualina
og Icoloniali svo eitthvað sé nefnt.
Alveg eins og ekta ítalskt apótek.
Ítalía Laugavegi 11
Enn einn veitingastaðurinn og ber
nafn með rentu. Ítalía er með fyrstu
ítölsku veitingastöðunum á Íslandi
og býður upp á alls kyns gómsæti
frá Miðjarðarhafinu.
Ostabúðin Skólavörðustíg 8
Þegar ostarnir eru komnir í
veisluna getur ekkert klikkað.
Endaðu því bæjarferðina í Osta-
búðinni og gleddu vini og
kunningja með ekta ítölskum
ostum í litlu ítölsku Reykjavík.
Sk
ól
av
ör
ðu
st
íg
ur
Deli Bankastræti 14
Deli er eins konar ítalskur
skyndibitastaður. Þar er hægt
að fá ljúffengar ítalskar snittur
að hætti hússins og fíla sig
eins og alvöru Ítala í Reykjavík.
Kaffitár Bankastræti 8
Ítalska kaffið klikkar ekki og á Kaffitári er
hægt að fá ekta ítalskt cappuccino. Þar er
reyndar enginn Ítali að vinna en skítt með
það – þau kunna þetta samt krakkarnir.
Sævar Karl Bankastræti 7
Hann Sævar Karl hefur alltaf haft gott orð
á sér og ekki spilla gæðamerki eins og
Dolce & Gabbana því orði. Þar er hægt að
versla eins og Ítalarnir gera og láta stjana
við sig í fallegri og snyrtilegri verslun. Af-
greiðslufólkið talar reyndar íslensku en
nær samt að skapa ítalska stemningu.